فيزا السفر للعلاج لامريكا

[ALKASER]

السلام عليكم,

الوالد الله يشافيه بيروح امريكا للعلاج وعنده فيزا سياحة من فترة ولا مرة استخدمها. هل يقدر يستخدمها للعلاج؟ اذا بيقعد فترة, هل يحتاج يغير فيزته او شي من هالقبيل؟

والله يعطيكم العافية

[ضوى]

لا عادي يقدر يسافر فيها دام فيزته سارية يقدر الا للتعليم يطلبون فيزا بروحها

[ذكي جدااا]

اسأل السفارة او لجنة العلاج بالخارج. ماتدري يمكن توصل هناك وما يدخلونكم المستشفيات بحجة انه ماعندكم فيزا للعلاج

[aloosh]

انتبه اخوي قوانين امريكا مشدده
ترى عادي اللي على الكاونتر يقول لك ما تدخل امريكا عادي حصلت لواحد من شباب رايح مرافق علاج
تاكد من الجهات المختصه اخوي

[R 7 A L]

عادي اخوي
اهم شي الموافقه من المستشفى تكون موجودة

[ALKASER]

مشكورين وما قصرتوا علي ردودكم, بيض الله ويوهكم

[ALKASER]

انتبه اخوي قوانين امريكا مشدده
ترى عادي اللي على الكاونتر يقول لك ما تدخل امريكا عادي حصلت لواحد من شباب رايح مرافق علاج
تاكد من الجهات المختصه اخوي

ليش ما دخلوه؟ شنو السبب عشان اعرف قبل لا اروح.

[برشلوني قطر]

ليش ما دخلوه؟ شنو السبب عشان اعرف قبل لا اروح.

انا اعرف واحد كان بيروح مرافق مع اخوه وماعطوه. طبعاً مايقولك الاسباب واحتمال يكون بسبب بعض البلدان الي يتردد عليها كثير.

لاكن لا تحاتي ان شاء الله الامور طيبه وبتمشي والله يشفي مريضكم ويردكم سالمين