الغاء فحص 6شهور للسيارات القديمه

[MAZEN37]

تحياتي للجميع
قبل فترة المرور طبقوا فحص السيارات فوق ال15 سنه يكون كل 6 شهور
طبعا للتأكد من صلاحية هذه السيارات وعملها بشكل لا يعيق الحركه المروريه ولاسباب اخرى
وتم وقف هذا القرار وما عرفنا الاسباب واتوقع علشان المدة قصيرة والناس بتتعنى
تمام
اقتراحي هو الابقاء على فحص السيارات كل سنه
وتخصيص الفحص كل سنتين للسيارات الي عمرها عشر سنوات واذا على التأمين ياخذون رسوم سنتين
لانه فعلا بالعقل ما نقارن الجديد بالقديم المستهلك
وبهالصورة الكل بيكون مرتاح وفي عدل

[ساراام]

صح المفروض سنتين للسيارات الشبه جديده

وسنه للسيارات قبل موديل 2000

[لـبـيـه]

ممتاز

وجي حتى الي عنده موتر قديم ممكن يغيره للجديد وباسباب مقنعه

اما ست شهور حشى مايسوى عليه وحتى سوق السيارات بيتاثر

لانه الي بيمر على موتره 11 سنه خلاص محد بياخذه منه الشاري بيقول اشتري موتر واتمرمط فيه كل ست شهور ليش

[شبح الصمت]

الحمد لله انه تم الغاءه

ناس وايد عندها مواترها قديمة وبتنضر من القرار

وما زيد على كلام الاخوان

[بومحمد المطاوعه]

كان قانون

فاشل
والحمدلله انلغى

[شبح الصمت]

كان قانون

فاشل
والحمدلله انلغى



الاصح انه كان جس نبض لشريحة المجتمع ..

هل سيتم السكوت عنه من قبل شريحة المجتمع
ام سيرفض


وشكراً انهم الغاووه

[معماري قطري]

وهذا احنا من فشل لفشل في القوانين

ليش ما يركزون على الشاحنات القديمة اللي يبي لها فحص يومياً

[معماري قطري]

سمعت عن شخص الله فاتح عليه استورد سيارات غالبيتها غش وهي آليات للبناء على أمل بياخذ فرصة كبيرة في سوق البناء وما حصلت له الفرصة وشاحناته موقفة لها فترة وغالبيتها من الهند والصين

[بومحمد المطاوعه]

الاصح انه كان جس نبض لشريحة المجتمع ..

هل سيتم السكوت عنه من قبل شريحة المجتمع
ام سيرفض

وشكراً انهم الغاووه


اي والله
الله المستعان
جاهم الرد :eek2:

[الحاقول]

الغاء فحص 6شهور للسيارات القديمه شيء جيد
لان هذا القانون كارثه ماديه على الكثير من الناس
ويضرب سوق السيارات المستعمله في الصميم

[حليتان*]

زين انهم الغوه

لان اكثر ناس بتضرر من هالوضوع هم هواة تجميع السيارات القديمه

اخبر جبرونا فترا نفحص سياره فالصناعيه*
والله وانا راجع دعمني واحد زين انها جات فالرفرف البلاستيك ما صاد البدي
والسياره محافظ عليها ولا اطلع فيها الا فالاسبوع مره اتمشى وكل كم شهر اقبضها خط سمسمه بس

[مشاكل]

السيارة اللي ترسب في الفحص اكثر من مرّة يطبقون عليها نظام الفحص كل ستة اشهر افضل

[fmmja]

الغو القانون لان واحد من مشاهير السناب تكلم عنه
يعني لو ماتكلم كان تطبق القانون !

[kuwari]

اتعبونا والله

[R 7 A L]

كلهم يكثرون اماكن الفحص الفني بعدين يحطون قوانين

[jajassim]

السيارة اللي ترسب في الفحص اكثر من مرّة يطبقون عليها نظام الفحص كل ستة اشهر افضل

فكرة جميلة ،

جزاك الله خير ،،