صرف سلفة الزواج للموظفين قريباً ..

[moonبنتnight]

وفقاً للضوابط الجديدة لقانون الموارد البشرية.. مصدر لـ الراية:

صرف سلفة الزواج للموظفين قريباً


الدوحة - الراية: 2017/4/26

علمت الراية أنه سيتم صرف سلفة الزواج للموظفين بالمؤسسات والجهات الحكومية قريباً، وفقاً للضوابط الجديدة لقانون الموارد البشرية المدنية ولائحته التنفيذية.

وقال مصدر لـ الراية: إن وزارة التنمية الإدارية والعمل والشؤون الاجتماعية ستوجه قريباً تعميمات إلى المؤسسات والجهات الحكومية المختلفة بشأن إجراءات الصرف.

كانت وزارة التنمية الإدارية أدخلت تحديثات على نظام موارد الإلكتروني المعني ببرامج الموارد البشرية والرواتب، شملت زيادة قيمة سلفة الزواج لتصبح مائة ألف ريال بدلاً من خمسين ألفاً، فضلاً عن زيادة مدة السداد لتصل إلى خمس سنوات. مشيرة إلى أنه يمكن طلب سلفة الزواج لأكثر من مرة، لكن يجب ألا يزيد عدد سلف الزواج في الوقت الواحد على سلفة واحدة فقط.

جريدة الراية
http://www.raya.com/news/pages/62f85b3e-f0cb-4690-bc9b-e7106e083528

[..عاشق قطر..]

قريبا !!

انا قدمت وجاني مسج امس من الدوام تم الموافقه :)

[moonبنتnight]

الله يبشرك بالخير ..
الفال للجميع ولي ناوي يقدم ..

[وليف الشوق]

قريبا !!

انا قدمت وجاني مسج امس من الدوام تم الموافقه :)
يعني نقول مبروك الزواج ولا تزوجت ؟

[بوخالد911]

الله يسهلها ع الكل.

[اناهيد]

السلام عليكم ورحمة الله وبركاته

[الماريّة]

والموظفات بعد يصير ناخذها ؟؟؟

[اناهيد]

استفسار اذا ممكن
هل القانون
1- ينطبق علي تم زواجهم ؟ والا فقط للي ناوين يتزوجون؟ ( اقصد تم عقد قرانهم ولكن لم يتم حفل الزوج)
2- للرجال فقط؟ والا للنساء أيضاً؟ ( لان الوضع اختلف وصارت المرأء تساعد في التجهيز والصرف.)

وشكرا

[حمد 2002]

المفروض فقط للرجال ، والمرأه لها فقط سلفه اعباء الحياه والسياره .

وبالنسبه لي انا علي سلفيات وايد وايد وايد لاني توني طالع من مشروع تجاري فاشل . لذلك انا مب ماخذ سلفه ثانيه نهائيا الا اذا صدت لي مشروع زين ، والمره الجايه مب مستعجل بل سأعرف من اين تأكل الكتف ، وسانطلق بمشروعي بقوه وعنجهيه وبدون توقف .

تحياتي .

[حمد بن سعد]

قدمناها ووقفوها سالنا ليش قالو يبون موافقه من ارطغرل :fight:

[وليف الشوق]

المفروض فقط للرجال ، والمرأه لها فقط سلفه اعباء الحياه والسياره .

وبالنسبه لي انا علي سلفيات وايد وايد وايد لاني توني طالع من مشروع تجاري فاشل . لذلك انا مب ماخذ سلفه ثانيه نهائيا الا اذا صدت لي مشروع زين ، والمره الجايه مب مستعجل بل سأعرف من اين تأكل الكتف ، وسانطلق بمشروعي بقوه وعنجهيه وبدون توقف .

تحياتي .

دام انها بأقساط شهرية لمدة 5 سنوات وميسره وبدون فوايد ليش الموظفه ماتاخذها او يشملها القرار دام عندها عقد زواج جديد ومقبله على الزواج ؟
اهي فرصه اذا تزوجنا تخف علينا امور الزواج من مهر وكماليات واي موضوع يخص الزواج عشان البنت ماتكلف على الزوج مبالغ باهظه او فوق طاقته لانها مستفيدة من قرض الزواج بهالطريقة تخف علينا ضغوطات الزواج وتكاليفه المره

[احساس غريب]

القرض للعزاب فقط ولا المتزوجين مشكولين بعد. يعني يعطون السلفه للي يبي يثني ؟

[فريج النجادة]

وهل يعني من يقدم على سلفة سيارة

راح يشتري سيارة ؟!!!

يا جماعة حرام عليكم

الموظف ادرا بضروفة

ويكفي ان الموظف بيسدد السلفة

[الماريّة]

وليش مالنا رب
كفايه اكثر من ملتزم بالدوام احنا الحريم

والا الشباب كله برع يبصمون الصبح ويطلعون ويردون ويبصمون الظهر بس
والله:waiting:

[مختلف جداََ]

وليش مالنا رب
كفايه اكثر من ملتزم بالدوام احنا الحريم

والا الشباب كله برع يبصمون الصبح ويطلعون ويردون ويبصمون الظهر بس
والله:waiting:

بتاخذونه بتفسفسونه على كم شنطة و جوتي ( تكرمون) crazy

من قال لج الشباب كله برع :threaten:

[عوآآآآشـي]

سواء متزوجه او على وشك الزواج

اتوقع عادي ناخذها دام بنسددها من الراتب :p

[راجي الْعفو]

اتوقع لو تم صرفه للحريم

بتوصل الزواجات و المهور إلى 5 مليون و اكثر يمكن

وعقب بيتكرر موضوع العوانس و الطلاق

وتستمر الحياة

[الماريّة]

اتوقع لو تم صرفه للحريم

بتوصل الزواجات و المهور إلى 5 مليون و اكثر يمكن

وعقب بيتكرر موضوع العوانس و الطلاق

وتستمر الحياة

ثرى الحريم عندهم مسوؤليات مثلكم

الي عندها اخوها بعرس والا ولدها وتبي تعينه بالسلفه

يعني نعين ونعاون

[الماريّة]

بتاخذونه بتفسفسونه على كم شنطة و جوتي ( تكرمون) crazy

من قال لج الشباب كله برع :threaten:

لا ان شاء الله الله لايقوله نتسلف عشان الفشخره
محد بضارب على ظهره بدين وسلفيات الا للعازه

[ضوى]

ياريت يصرفونها لنا ورانا عيال نبي نزوجهم

[وليف الشوق]

ياريت يصرفونها لنا ورانا عيال نبي نزوجهم

افا ؟!!!! لايكون عجزتي ههههههههههههه

[وليف الشوق]

اتوقع لو تم صرفه للحريم

بتوصل الزواجات و المهور إلى 5 مليون و اكثر يمكن

وعقب بيتكرر موضوع العوانس و الطلاق

وتستمر الحياة

شدعوه هالمبلغ ؟ وعلى وشو ؟
سمعتي من فترة اللي تزوج هندية بـ 100 دينار فقط اي مايعادل 1600 ريال ؟
طال عمرج كلها طيارة 3 ساعات واحط بمخباي 30 الف ريال واتزوج من هناك ونسكن فندق فخم ونروح شهر العسل وفوق هذا يتبقى معي فلوس وانتم خلكم على الـ 5 مليون
احذروا يابنات:fight:

[al saad]

استفسار اذا ممكن
هل القانون
1- ينطبق علي تم زواجهم ؟ والا فقط للي ناوين يتزوجون؟ ( اقصد تم عقد قرانهم ولكن لم يتم حفل الزوج)
2- للرجال فقط؟ والا للنساء أيضاً؟ ( لان الوضع اختلف وصارت المرأء تساعد في التجهيز والصرف.)

وشكرا

أول مرة أدري انه المرأة اتساعد في مصاريف الزواج:eek5:

[راجي الْعفو]

ثرى الحريم عندهم مسوؤليات مثلكم

الي عندها اخوها بعرس والا ولدها وتبي تعينه بالسلفه

يعني نعين ونعاون

محد منع المعونة وتكون بشي معقول، ما يحتاي المره تكلف ع عمرها

الرجل هو اللي يتكفل بالزواج عندنا واخوانه وعيال عمه و ربعه هم في العادة من يسندونه




لما تصير المره شريكة الرجل في الزواج و لوازمه

وقتها بنقول ممكن


بس بعد بنطيح في مشاكل ثانيه منها اللي ذكرتها

[راجي الْعفو]

شدعوه هالمبلغ ؟ وعلى وشو ؟
سمعتي من فترة اللي تزوج هندية بـ 100 دينار فقط اي مايعادل 1600 ريال ؟
طال عمرج كلها طيارة 3 ساعات واحط بمخباي 30 الف ريال واتزوج من هناك ونسكن فندق فخم ونروح شهر العسل وفوق هذا يتبقى معي فلوس وانتم خلكم على الـ 5 مليون
احذروا يابنات:fight:

هذا تفكيرك الصح يا وليف
بس الواقع ما يئولش كده ^_^

[..عاشق قطر..]

يعني نقول مبروك الزواج ولا تزوجت ؟

تزوجت من زمان هههههههه
وقدمت مره ثانيه ووافقو !!

الحمدالله

[JN000N]

أول مرة أدري انه المرأة اتساعد في مصاريف الزواج:eek5:

لا عاد هذي قوية اذا اول مره تدري

[ذكي جدااا]

لا عاد هذي قوية اذا اول مره تدري
ليش قوية اخت جنون. في ناس ماترضى ان الزوجة تدفع وفي ناس زوجاتهم مش موظفات عشان يدفعون

[JN000N]

ليش قوية اخت جنون. في ناس ماترضى ان الزوجة تدفع وفي ناس زوجاتهم مش موظفات عشان يدفعون

انت قلتها
في ناس كذا وفي ناس كذا
مب خبر يديد ان في بعد ناس يساعدون ف مصاريف العرس

[بوخالد911]

ناس قدمت من شهر 3
وللحين الموضوع متجمد
!!!!

[ورد الدوحه]

احنا لين الحين في شغلنا يدرسون الموضوع يبيلهم سنه جدام:anger1:

[اناهيد]

أول مرة أدري انه المرأة اتساعد في مصاريف الزواج:eek5:

السلام عليكم ورحمة الله وبركاته

وازيدك من الشعر بيت ، تساعد حتى في مصاريف البيت والعيال

[ضوى]

السلام عليكم ورحمة الله وبركاته

وازيدك من الشعر بيت ، تساعد حتى في مصاريف البيت والعيال

افاااا عيب ومنقود ، مافي مرة تساعد ريال ، هاي يقلل من انوثتها ورجولة الريال اللي معاها

طبعا هذي كلام الناس اللي عايشة بالمدينة الفاضلة الافلاطونية

[اناهيد]

:secret:

افاااا عيب ومنقود ، مافي مرة تساعد ريال ، هاي يقلل من انوثتها ورجولة الريال اللي معاها

طبعا هذي كلام الناس اللي عايشة بالمدينة الفاضلة الافلاطونية

[R 7 A L]

بعدها بيطالبون بالعلاوة الاجتماعية

[راجي الْعفو]

شرعا الرجل هو المطالب بالنفقة على اهله مب المره

ان المره تتقاسم مع الرجل في الصرف هذا من متى في مجتمعنا ؟!

من يوم ما وعينا و الرجل هو من يتكفل بشئون بيته

والمره هي المسئولة عن بيتها

ولكن الظاهر لما دخلنا التغريب كل الأمور انعكست !
شي دخيل وهو في الحقيقة يُنقِص من مروءة الرجل ان يكون المنفق عليه هو من يشارك في النفقة من غير حاجة وضرورة

مسالة المعونة شي، ومسالة التقاسم في الإنفاق شي ثاني

ولو كان هالأمر حاصل فما يعني انه صحيح ومقبول

[راجي الْعفو]

بعدها بيطالبون بالعلاوة الاجتماعية

ويقولون ما ندعو للمساواة

ما باقي شي ^_^

[الماريّة]

بعدها بيطالبون بالعلاوة الاجتماعية

اذا كانت تعول عيالها بدون الاب تستحقها وتاخذها ابشرك

[الماريّة]

شرعا الرجل هو المطالب بالنفقة على اهله مب المره

ان المره تتقاسم مع الرجل في الصرف هذا من متى في مجتمعنا ؟!

من يوم ما وعينا و الرجل هو من يتكفل بشئون بيته

والمره هي المسئولة عن بيتها

ولكن الظاهر لما دخلنا التغريب كل الأمور انعكست !
شي دخيل وهو في الحقيقة يُنقِص من مروءة الرجل ان يكون المنفق عليه هو من يشارك في النفقة من غير حاجة وضرورة

مسالة المعونة شي، ومسالة التقاسم في الإنفاق شي ثاني

ولو كان هالأمر حاصل فما يعني انه صحيح ومقبول

واذا كان الرجل الي شرعا هو المفروض ينفق

وماقدر ينفق اما بضعف راتبه او باهماله

في هالحاله شتسوي الزوجه تهمل بيتها وعيالها

[R 7 A L]

اذا كانت تعول عيالها بدون الاب تستحقها وتاخذها ابشرك
انا اقصد الي ماتعول الا نفسها

[سالم الزهران]

ولو أعرست و في حساب زوجتي 2 مليون , هل تقعد تنطرني انا و راتبي و ويهي ( فيه ناس زوجونا و زوجناهم تقدير للقرابة ولا الفروقات المادية كبيرة )

فهل نجازيهم ان نقول للبنت , ترين كلش علي انا ( واعيشها في مستوى راتبي ومقدرتي ! مب حرام ولا عيب انها تصرف على نفسها ومكثور خيرها وهذا ما يعني اني اوكلها على روحها هذا هو العيب)

خل نقول جاها طقم ذهب هدية من اختها قيمته 10 الاف ,, تقدر يا دخيل الله تعطيها فلوس عشان تقوم بالواجب مع اهلها !

لهذا السبب نندم احياناً, يوم نزوج ولد العم و ينقلب علينا و يقول مالي خلق المولات والأسواق؟

يعني البنت يوم تطلع من بيتنا وش بيزيدها زواجها منك في دينها و في خلقها ؟ وش بتعلمها من أمور نحن يا أهلها ما علمناها!

حقيقة ما اقول الا الله يصلح الشأن وبس

[ضوى]

ولو أعرست و في حساب زوجتي 2 مليون , هل تقعد تنطرني انا و راتبي و ويهي ( فيه ناس زوجونا و زوجناهم تقدير للقرابة ولا الفروقات المادية كبيرة )

فهل نجازيهم ان نقول للبنت , ترين كلش علي انا ( واعيشها في مستوى راتبي ومقدرتي ! مب حرام ولا عيب انها تصرف على نفسها ومكثور خيرها وهذا ما يعني اني اوكلها على روحها هذا هو العيب)

خل نقول جاها طقم ذهب هدية من اختها قيمته 10 الاف ,, تقدر يا دخيل الله تعطيها فلوس عشان تقوم بالواجب مع اهلها !

لهذا السبب نندم احياناً, يوم نزوج ولد العم و ينقلب علينا و يقول مالي خلق المولات والأسواق؟

يعني البنت يوم تطلع من بيتنا وش بيزيدها زواجها منك في دينها و في خلقها ؟ وش بتعلمها من أمور نحن يا أهلها ما علمناها!

حقيقة ما اقول الا الله يصلح الشأن وبس

تحمد ربها تزوجت

كلام سكان المدينة الافلاطونية

[الحياة الخالدة]

السلام عليكم ورحمة الله
كون المرأة ما تساهم مع الزوج في الصرف على البيت .. قد يكون هالكلام صحيح في بعض المجتمعات
لكن الواقع يقول أن هناك بيوت كثيرة مفتوحة بصرف الزوجة عليها
الاسباب :
1- ضعف راتب الزوج .. وراتب واحد لا يكفي لسير عجلة الحياة
2- الزوج راتبه زين لكنه بخيل .. قديكون بخيل حتى على نفسه .. وقد يكون شايل إيده تماماً من الصرف على البيت والأسرة كاملة اعتماداً على أن هناك من يقوم بذلك بدلاً عنه
وقد تكون هناك أسباب أخرى

[راجي الْعفو]

واذا كان الرجل الي شرعا هو المفروض ينفق

وماقدر ينفق اما بضعف راتبه او باهماله

في هالحاله شتسوي الزوجه تهمل بيتها وعيالها

هذي امور مستثناة من الأصل،

إهماله تلجأ فيه الزوجه للمحاكم و بينصفونها

وموضوع الحاجه و الضرورة

في ناس يفهمون الحاجه فهم مغلوط، فيدخلون الكماليات في الحاجه و الضرورة

لو تعامل الناس بجدية ما كنا شفنا كثير من انواع الضيق في العيش اللي نسمعها

[حمد بن سعد]

نزل القانون يقولك يستحق سلفة الزواج لمن هو عقد قرانه بعد القانون

يعني من شهر 11 تاريخ صدور القانون وسواها المصري في اهل قطر :sneaky:

[عوآآآآشـي]

تدرون عاد انا بقدمها وباشوف وش بيصير :happy:

[hamoor4ever]

نزل القانون يقولك يستحق سلفة الزواج لمن هو عقد قرانه بعد القانون

يعني من شهر 11 تاريخ صدور القانون وسواها المصري في اهل قطر :sneaky:

ههه لعبها صح .. تقشف :)

[الحياة الخالدة]

نزل القانون يقولك يستحق سلفة الزواج لمن هو عقد قرانه بعد القانون

يعني من شهر 11 تاريخ صدور القانون وسواها المصري في اهل قطر :sneaky:

منهو ذي المصري اللي يطلع القوانين ؟؟

[الماريّة]

هذي امور مستثناة من الأصل،

إهماله تلجأ فيه الزوجه للمحاكم و بينصفونها

وموضوع الحاجه و الضرورة

في ناس يفهمون الحاجه فهم مغلوط، فيدخلون الكماليات في الحاجه و الضرورة

لو تعامل الناس بجدية ما كنا شفنا كثير من انواع الضيق في العيش اللي نسمعها

في هالحال افضل تصرف الوحده من حسابها دامها مقتدره ولا اتمرمط سمعتها في المحاكم
ولا غير تاثير هالشي في نفوس عيالها

[العفريت 2022]

اول مانشر القانون في الجريده الرسميه وتفعل القانون من تاريخ نشره
كل الموظفات اللي قدموا عليها نزلت لهم كان هذا الكلام خلال أسبوعين
وهنا انتبهوا للماده (44) لجميع فئات الموظفين القطريين وهذا هو الخطا
الذي تم تداركه فتم وقف السلفه لين صدور التعديل
يعني الموظفات اللي نزلت لهم عليهم بالعافيه
واللي وافقوا عليها بس مانزلت لها في البنك تم الالغاء
ى

[بومحمد المطاوعه]

انا اقول
الزوج عليه ان يصرف على اهل بيته وهذا لاشك ,,
واذا كانت الزوجه تحب تساهم مع زوجها وعلى عيالها وبيتها لابأس .,.

ولكن الفشل والعيب والي صج مايستحي على وجها
الزوج البخيل الي مايصرف على اهل بيته ولا على عياله ,,

ولاننسى ان هناك بعض الزوجات للأسف مايدفعون ريال في بيتهم
وعندهم مقوله شمهنه الرجل خل اهو يصرف
وهي راتبها كله على خرابيط وجها وعلى الزبو والفشخره بين ربعها ,,

[aloosh]

من يقول ان الرجل والمراءه ما يصرفون على البيت والاعيال
كلهم يصرفون ويهتمون في بيوتهم اذا كانت الزوجه والزوج عقلاء وحياتهم ما فيه مشاكل تاثر على الحياه الزوجيه
المراءه ممكن تصرف على زوجها بكل ما تملك والزوج كذلك

[أسد الجزيرة]

اعتبروه قرض حسن و اصرفوه للجميع ترى المبلغ بسيط

[بومحمد المطاوعه]

اعتبروه قرض حسن و اصرفوه للجميع ترى المبلغ بسيط

هههههههه
الله يسعدك

[بومحمد المطاوعه]

من يقول ان الرجل والمراءه ما يصرفون على البيت والاعيال
كلهم يصرفون ويهتمون في بيوتهم اذا كانت الزوجه والزوج عقلاء وحياتهم ما فيه مشاكل تاثر على الحياه الزوجيه
المراءه ممكن تصرف على زوجها بكل ما تملك والزوج كذلك

صدقت
لذالك نقول البيوت اسرار

والحمدلله ان في نساء ونعم فيهم
وفي رجال ونعم فيهم
وفي العكس عافانا الله

[مرتبش]

القرض 100 الف تتقسط على 4. سنوات يعني 2083 ريال شهريا بتروح من المعاش واللي عليه سلفيات ثانية يعمل حسابه مو بس سمع بالبيزات اركض وتسلف بدون مايحسب كم بيدفع

[الماريّة]

القرض على خمس سنوات
والقسط يكون 1666.67
بس الموظفات مالهم

حاولت امس اقدمها وماستوى

وسالنا القانوني وقال هالقانون

ينطبق على الي تزوجوا من بعد تاريخ
24/11/2016

[glis]

الله يسهلها ع الكل

[مرتبش]

القرض على خمس سنوات
والقسط يكون 1666.67
بس الموظفات مالهم

حاولت امس اقدمها وماستوى

وسالنا القانوني وقال هالقانون

ينطبق على الي تزوجوا من بعد تاريخ
24/11/2016

صحيح خمس سنوات.. لكن بالرجوع الى القانون المنشور بالجريدة.. مايذكر ان الزواج يكون من تاريخ معين.. لان بتصير اشكالية جديدة وهي ان المتزوجين حديثا يقدرون يتسلفون المية الف ويسددها ويرجع مرة ثانية وثالةثة بينما المتزوج قبل التاريخ مايحق له .. ما اعرف على اي اساس كان جواب هذا القانوني.. ايضا القانون يجيز تكون السلفة للموظف او ممن يعيل..يعني ياخذها حق عياله او اخوانه الصغار اذا هو المعيل وهو مو متزوج مثلا

[الماريّة]

صحيح خمس سنوات.. لكن بالرجوع الى القانون المنشور بالجريدة.. مايذكر ان الزواج يكون من تاريخ معين.. لان بتصير اشكالية جديدة وهي ان المتزوجين حديثا يقدرون يتسلفون المية الف ويسددها ويرجع مرة ثانية وثالةثة بينما المتزوج قبل التاريخ مايحق له .. ما اعرف على اي اساس كان جواب هذا القانوني.. ايضا القانون يجيز تكون السلفة للموظف او ممن يعيل..يعني ياخذها حق عياله او اخوانه الصغار اذا هو المعيل وهو مو متزوج مثلا

في هالحاله

المفروض الموظفه الي تعيل بعد تاخذها

وبالنسبه للقانوني هذا جوابه وبنسال غيره يجوز اخطأ

[حمد بن سعد]

يعني الي يشوفهم يقول انها بلاش كلها على ظهرنا اقساط


يفرحه ماتمة

حسبي الله عليه الى حط القرار

[بومحمد المطاوعه]

بنشوووف شالطماط الحين

[yousuf=66]

اسمها سلفه وليس هبه يعني راح يتم تسديدها والمفروض تصرف للجميع بدون استثناء
عندنا في الوزاره اصرفوها للكل حتى الاعزب خذها والشيبه والشباب وبعدها وقفوها المفروض قبل اقرار اي قانون لا بد ان تكون هناك دراسه مستفيضه
لابد من اعاده النظر وصرفها للكل و في لاخير راح يتم تسديدها

[نيساني]

في هالحاله

المفروض الموظفه الي تعيل بعد تاخذها

وبالنسبه للقانوني هذا جوابه وبنسال غيره يجوز اخطأ


مراحب اختي،

للاسف كلام القانوني صحيح

وشكراً