ومره ثانيه وثالثه ورابعه طوارئ حمد

[partyQtr]

صبحكم الله بالخير اخواني وخواتي

عندي ملاحظه بسيطه مب شكوى لانه المسؤولين مب مقصرين كلامي يشمل الموظفين

اول امس اختي تعبت صادها الم غريب في راسها وهي مريضة ضغط وسكر وكلى رحنا طوارئ المركز الصحي (الغرافه )

لما خذت النيرس قياس الضغط وجافته عالي ماخلتها تنطر دورها على طول نادت لها الدكتور في غرفة القياسات ودوم اقولها الدكاترة اللي في الطوارئ

مع احترامي لهم فيهم ميزتين يا انهم يشتغلون بدون نفس او انهم مايفهمون الدكتور على طول قال للنيرس عطيها مسكن فولترين وعقب بجوف حالتها

قلته له ترى فيها ضغط ووظائف الكلى عندها مرتفعه مايصير تأخذ فولترين قالي لا عادي لو خذته مره مايأثر قلت له ولى ربع مره دكتورها محذرها وخصوصا

الحين ضغطها عالي مايصير تاخذها احتمال عندها الكيرياتنين مرتفع او غيره قال لي صح كلامج زين نبهتيني تخيلو عقب قال بعطيها مسكن خفيف

عقب المسكن الألم ماراح منها تم يقول ماعندي فكره هالالم من شنو بس بكتب لها على مسكن تستعمله قلت له مسكن مره ثانيه انا اقولك مريضة الكلى والمسكنات

تضر بالكلى (لاحظ اني صرت دور الدكتور) قالي صح خل تنطر شوي وعقب رجع قلت له عطها تحويل حمد لانها تعبت زياد قالي صح المفروض احولها دام الألم مستمر ولازم تروح

بااسعاف عشان الضغط مرتفع المهم راحت طوارى حمد بااسعاف هالكلام الساعه 12 ونص الإسعاف بدال لايدخلونها علط طول غرفة الكشف للحالات الطارئة حطوها عالويل جير في الانتظار تخيلو

شالفايدة جان رحنا بسيارتنا والطوارئ زحمه زحمة تمينا من 12 ون2 لين 3 ونص الفجر تخيلو كل اشوي اكلم النيرسات وجني اكلم طوفة كل وحده تلف ظهرها واختي كل ماله الألم زايد قامت تصرخ منه

3 ونص الفجر دخلنا للدكتوره متخيلين لا وتمينا ننطر الدكتوره نص ساعه بعد والدكتورة (هندية) من دخلنا عندها تسأل سؤال ولينا نرد وراه على طول اوف اشدعوه نطر منها تأفف بهالطريقة ومكشره

تمينا من 12 ونص في الليل لين 11 الظهر اغلبها في الانتظار والتحاليل وغيره ، عموما أتمنى من إدارة الطوارئ بما انها طوارئ المفروض تكون للحالات الطارئه مب الي مزكمه ولى صبعها يعورها واللي

جايه زيارة وماعندها بطاقه و و و في ناس عندهم امراض مزمنه واي تأخير يضر بصحتهم ياليت تنتبهون لهالنقطه وشئ ثاني ياليت في الطوارئ يكون في استشاريين مب بس الدكاتره العمومين لانه

مايصير كل مره نقعد نشرح ونقول هاي ممنوع وهاي ضار وياليت الدكاتره يكلفون أعمارهم اشوي لين جاهم مريض يدخلون على بياناته ويجوفون حالته قبل لايوصفون أي علاج ، وياليت الدكاتره يكونون عرب

لانه مب الكل يعرف انجليزي صادفت امس اكثر من وحده تعاني من هالنقطه وفي المقابل النيرس والدكتورة يايضحكون ولى يتذمرون واهم شيء دكاترة الطوارئ بيكونو اكفاء مب أي دكاترة

واسمحولي عالاطاله

[ساراام]

الله يشفيها

هاي حال الطوارئ مادري متى بيستعدلون

الواحد صار يفكر فيهم كحل نهائي لانه المريض بيمرض زياده من الانتظار

الله يعين

[وليف الشوق]

مادري وين الجهه المسؤوله عن هالامور (( مستشفى حمد ولا الصحه الاوليه )) وتمنيت تقدم / ن شكوى رسمية لان غيرك راح يجيه نفس هالموقف

[شبح الصمت]

ما عليها شر

الله يشفيها ويعافيها ويشفي مرضى المسلمين آجمعين ..

[بومحمد المطاوعه]

افشششششششششششششششششششششل
مستشفى في قطر

مستشفى حمد

[Rider]

يبغي لهم وزير يدخل عليهم في زيارات غير مرتب لها وأي وقت في نص الليل الظهر العصر علشان يحسون انه فيه أحد متابع لكن للاسف مافيه وهذا حالنا مع الصحة والتعليم والمشاريع الفاشله لي بدون تخطيط مجرد جتهاد شخصي

[الحاقول]

طوارئ حمد نقطة الضعف في الصحه

وللأسف مشكله قديمه ولم تجد الحل لها

من قبل وزراء الصحه السابقين وحتى الان

[الحياة الخالدة]

افشششششششششششششششششششششل
مستشفى في قطر

مستشفى حمد

وشنهو أنجح مستشفى في قطر من وجهة نظرك ؟؟

[مختلف جداََ]

يا جماعة الخير

لا تلومون الطاقم الطبي و التمريضي

المشكلة إدارية و تنظيمية بحته

يكفي الموج البشري الهائل اللي يجيهم

[.قطر.]

خاطري اعرف متى بتنتهي مشاكل مستشفى حمد كل يوم والثاني الناس تتشكى على مشاكل المفروض ماتصير

[توشيبا]

يا جماعة الخير

لا تلومون الطاقم الطبي و التمريضي

المشكلة إدارية و تنظيمية بحته

يكفي الموج البشري الهائل اللي يجيهم

ماعليش اخوي انا كنت اقول المشكله في التنظيم وسببه المرضاء لي اني لاحظت صراخهم وعدم الانتظار كان الواحد يبغي دكتور خاص فيه من يدخل لين يطلع


لاكن نوصل ان الدكتور ميراجع ملف المريض مع ان بس يدخل الرقم الشخصي في جاهز الكمبيوتر ويشوف حالته والامراض اللي عنده

ونفس حاله الاخت الله يشافيها ينبهونه ويعاند يوم وصل الصدق وخاف تردد وين قراره من البدايه في مصلحه ومعالجه المريضه واتخاذ الدواء المناسب لها

انا ماخص كل الدكاتره في المستشفى والله يعطيهم العافيه بس نبغي حل للبعض

انا سويت اشاعه في ايدي عند مستشفى الوكره قالي كسر سوالي جبس وبعد اسبوعين وايدي تغير لونها رجعت لهم وحصلت دكتور ثاني وشاف نفس الاشعه وقال لي مافيك كسر ولا شي شال الجبس وعطاني مرهم على شان تورمت اصابع ايدي من الجبس ورجعت البيت مافيني الا العافيه

[طلعة الروح]

هذي مشكلة الضغط على مستشفى حكومي واحد بحجة انه ماره عليه كل الحالات وأفهم من غيره ودايما يقولون الستاف عنده خبره في حمد ( قول يحتمل يكون غير دقيق بالطبع) وما اقدر أأكد على صحته لكن الناس بطبيعة الحال لن تغامر بصحتها في مستشفى خاص وستاف ليسوا بالمستوى المطلوب الخ فضروري نرى الكثير من التخبطات في المستشفى الحكومي الوحيد والوزارة يجب ان تركز على مستوى الانضباط داخل مؤسساتها ومراكزها والتركيز التام على معرفة الاولويات في جميع مراحل دخول المريض المركز او المستشفى وحتى اتمام علاجه وخروجه منه ومبدأ التدقيق والحساب والعقاب يجب ان يكون موجود وسائد في هذا الصرح الطبي بدون مجاملات لان صحة الناس لا مجال للتلاعب والتحايل فيها

[طلعة الروح]

ماعليش اخوي انا كنت اقول المشكله في التنظيم وسببه المرضاء لي اني لاحظت صراخهم وعدم الانتظار كان الواحد يبغي دكتور خاص فيه من يدخل لين يطلع


لاكن نوصل ان الدكتور ميراجع ملف المريض مع ان بس يدخل الرقم الشخصي في جاهز الكمبيوتر ويشوف حالته والامراض اللي عنده

ونفس حاله الاخت الله يشافيها ينبهونه ويعاند يوم وصل الصدق وخاف تردد وين قراره من البدايه في مصلحه ومعالجه المريضه واتخاذ الدواء المناسب لها

انا ماخص كل الدكاتره في المستشفى والله يعطيهم العافيه بس نبغي حل للبعض

انا سويت اشاعه في ايدي عند مستشفى الوكره قالي كسر سوالي جبس وبعد اسبوعين وايدي تغير لونها رجعت لهم وحصلت دكتور ثاني وشاف نفس الاشعه وقال لي مافيك كسر ولا شي شال الجبس وعطاني مرهم على شان تورمت اصابع ايدي من الجبس ورجعت البيت مافيني الا العافيه

هذي مشكلة بعد دكتور يبيله دكتور يشرح ويزيد ويعالج فوق علاج اللي قبله.. نقدر نقول تخبط في مستوى الكفاءات والفهم على مستوى الستاف في المؤسسة الوحده وفي القسم الواحد

[بوخالد911]

الله يشفي مرضاكم.

[معماري قطري]

صج الوضع تعبان والمريض يتعب أكثر

عورني قلبي وانا اقرا المشكلة وحسيت بكل التفاصيل لأنها مرت علينا مرات ومرات

[بوخميس]

ذكرتوني مرة رايح الطواري وعقب 4 ساعات طلعت ماعطيني مضاد حيوي وبندول

بعد شهر تقريباً رحت العيادات الخارجية موعد عادي، قالي ليش ما حولوك من الطواري حق الباطنية، يبين عندك التهاب في الدم. اقوله شدراني، اذا ما يعرفون يحللون الدم ليش يسحبون دمي؟؟

[حليتان*]

الله يشفيها ويعافيها


وكل مقصر بيلقاها يوم الحساب

[الدوحه1]

الحل لهالتخبط هو الغاء وزارة الصحه واخواتها وتسليم ملف الصحه العامه لشركه عالميه.

والا هالتخبط راح يستمر لانعدام الرقابه والمحاسبه الجاده للمسئولين المقصرين!!!

[JN000N]

انا قمت اشك ب أهلية الدكاترة الي فالطواري كلهم
طواري حمد والا الوكره كلهم واحد
عيل ياهل خمس ايام صخونه ماتروح عنه مب عارفين من شنو!!

[partyQtr]

تسلمون عالردود وعلى دعواتكم

وفعلا اغلب دكاترة الطوارئ مب كفو واغلبهم من جنسيتين اسيوية وجنسيه عربيه والله العظيم هالموقف مب اول مره

وبما انه اختي مريضة ضغط وسكر اكثر من مره ترددنا عالطوارئ وكل مره ننصدم بهالمواقف خاري مره في الطوارئ نحصل دكتور او دكتوره فاهمين او علاقل ابسط شيء

يدخل لرقم الصحي في السسيتم ويجوف حالة المريض واخر تحاليل سواها وعلى هالاساس يقرر ، مره صادنا موقف اختي صادها الم في الاعصاب من السكر والدكاتره كلهم

شخصوها على انه حزام ناري مع انه الحزام الناري يكون واضح وفي دكتور قال لها بطنج بعورج وعطاها بروفين مع انه فيها ضغط ودكتور ثاني يوم جاف البروفين قال اشلون

تاخذه تمينا على هالموال لين مارحنا الأهلي وشخصوها صح وطعت مشكله في الاعصاب تخيلو مشكله بسيطه ودكاترة الطوارئ والمركز الصحي خبر خير

واغلبهم الغرفه متروسة مرضى اللي يتألم واللي يصارخ وهم ماسكين تلفوناتهم والنيرسات خبر خير كل وحده ابرد من الثانيه

[اناهيد]

السلام عليكم

في استبيان عن خدمات الوزارات
ادعو الجميع للمشاركة فيه
لان نتايجه راح تحسن الخدمات في كافة القطاعات

هذا رابط الاستبيان
http://surveys.mdps.gov.qa/govsat/ar/Default.aspx

او ممكن تدخلون موقع وزارة التخطيط التنموي والإحصاء وبتلقون الاستبيان في راس الصفحة

هذا موقع الوزارة

www.mdps.gov.qa

بالتوفيق

[R 7 A L]

المشكلة اولاً ندرة الدكاترة في الطواري
والي يقيمون المريض هم طاقم التمريض ويشوفون حالته تستدعي السرعه او لا
والمشكلة الثانية ان مستشفى حمد العام ماسلم للمستشفيات الاخرى الوكرة والكوبي والخور كل المهام

[فيصل99]

الضغط على الطواري مب حجة وعذر انه الدكتور يعامل المرضى مثل مانشوف ع الواقع
التكشير والتطنيش وسرعة التشخصيص ومن هالامور لا وكلهم اسيوين واجانب
على شنو ماخذين رواتب عاليه ستين الف بدلات وهاي تعاملهم مع المرضى
المفروض جهة رقابية تشوف ادائهم
هل لهذه الدرجة المشكلة مستعصية مانحلت حتى الان

[معماري قطري]

السلام عليكم

في استبيان عن خدمات الوزارات
ادعو الجميع للمشاركة فيه
لان نتايجه راح تحسن الخدمات في كافة القطاعات

هذا رابط الاستبيان
http://surveys.mdps.gov.qa/govsat/ar/Default.aspx

او ممكن تدخلون موقع وزارة التخطيط التنموي والإحصاء وبتلقون الاستبيان في راس الصفحة

هذا موقع الوزارة

www.mdps.gov.qa

بالتوفيق

شهالاستبيان السخيف حاولت اكتب عن خدمات وزارة الصحة ومعاناتنا معاها الخيارات محدودة

[معماري قطري]

الضغط على الطواري مب حجة وعذر انه الدكتور يعامل المرضى مثل مانشوف ع الواقع
التكشير والتطنيش وسرعة التشخصيص ومن هالامور لا وكلهم اسيوين واجانب
على شنو ماخذين رواتب عاليه ستين الف بدلات وهاي تعاملهم مع المرضى
المفروض جهة رقابية تشوف ادائهم
هل لهذه الدرجة المشكلة مستعصية مانحلت حتى الان

لو يحطون كاميرات بيستغربون من اللي يشوفونه .. لا ولاحظت بعض الجنسيات يدخلون بين المواعيد ويسوون عرقلة لمواعيد القطريين خصوصاً لو الطبيب من نفس الجنسية وبدون موعد .. وصادفت هالشيء مع طبيبة أسنان سورية خربت حشوة ضرسي من عجلتها علشان تشوف القريب لها ومن جنسيتها وتعطيه كل وقتها وطاقتها