شنو احسن واحد بقطر يسوي حجامه

[ابوالعبد]

السلام عليكم حبيت اسوي حجامه اعاني من ثقل براس ونصحوني بالحجامه. وكنت خايف من الحجامه لكن قويت قلبي وقلت بسوي فيليت الي يعرف شخص شاطر بالحجامه ومتمرس اكون. شاكر له يحط رقمه لي بالخاص شرط يكون متمرس وخبره وادواته جديده ونظيفه معقمه فكرت اسويها بالسعوديه لانه صار في مستشفيات للحجامه بس متعيجز بعد المسافه اتمنى المساعده وشكرا

[م/ عبدالله]

محل الحجامه في سوق العلي معتمد من وزارة الصحه ويستعمل كل شي جديد

[عبدالعزيز 9]

عليكم السلام
الربع يمدحونه اسمه حسن
70419727

[توشيبا]

وعليكم السلام

اخوي الحجامه مافيها اي خوف كلش ولا الم

مب نفس الابره تحس فيها

واما الادوات لا تخاف يجي بكس كامل من الشركه ويبطله قدامك من يسوي حجامه يقطه الله يعزك في الزباله


اما افضل واحد للحين ماشفت احد

اللي في سوق العلي قديم وكان في سوق واقف وطلع بس سعره عالي

وعندك في سوق واقف الحين يمني سعره تمام


والله يشافيك من هالصداع

[خوي الدرب]

أبو طيبة للحجامة
مقابل الثمار اللبنانية التي تقع غربي الجوازات
معتمد من الصحة

[R 7 A L]

هذا يمدحونه الي عند سوق العلي
وفيه واحد مع زوجته في معيذر عندهم شهاددات ومكانهم نظيف تابعين لمجمع الاراك الطبي خلف التسويق العائلي

[ابوالعبد]

يعطيكم العافيه الغالبيه يقولون سوق العلي شسم المحل وهل خجز وموعد او شنو وكم رقمه

[ابوالعبد]

تنصحوني الي مقابل ثمار الي عند الجوازات او سوق العلي

[R 7 A L]

والله يابوالعبد
انا ايام الدوام سمعت انه بالحجز وزحمة عنده

[نايم سهران]

أغلبهم صاروا نصابين وحراميه ،

عيل كوب الحجامه قاموا يسوونه ب 450 ريال ؟؟؟

كلهم نصابين ،

في واحد أعرفه سعودي كل سنه يجي من السعوديه يزور جماعته عندنا في قطر ، وكل مره يسوي حق الناس مجانا لوجه الله حتى لو الجسم كامل ، بس الأدوات عليك .

[@ بوفيصل@]

تنصحوني الي مقابل ثمار الي عند الجوازات او سوق العلي

اثنينهم يقصدون نفس المكان الي مقابل ثمار هو نفسه مال سوق العلي

[ساراام]

اغلبهم رافعين السعر فوق

احسن شي اليمني اللي بسوق واقف يسوي هو وزوجته بعد

يسويها يدوي ويعقم المكان وياخذ على الكاس 25

انصحك بالاخدعين والكاهل حق ثقل الراس

[فريج النجادة]

أغلبهم صاروا نصابين وحراميه ،

عيل كوب الحجامه قاموا يسوونه ب 450 ريال ؟؟؟

كلهم نصابين ،

في واحد أعرفه سعودي كل سنه يجي من السعوديه يزور جماعته عندنا في قطر ، وكل مره يسوي حق الناس مجانا لوجه الله حتى لو الجسم كامل ، بس الأدوات عليك .



اذا سعرة ما ناسبك لا تقول عنة حرامي

ولا انت ملزوم تاخذ منة شوف غيرة على طول

وان شاء الله تحصل افضل منة

اذا كل من زاد سعرة قلنا حرامي

ما بقى احد في قطر:taunt:

[فريج النجادة]

بصراحة انا افضل التبرع بالدم بسبب نفعها الى الناس

وصحيح الحجامة تختلف عن التبرع

ولكن التبرع فيها اجر اكبر من الحجامة

وممكن الواحد يسوي الاثنين معآ