هل انتم راضون ان يكلف الزواج مليون ريال فاكثر ؟

[قطري2022]

مليون او اكثر لبضع ليال فقط ؟ كيف تطاوعكم قلوبكم ايها الفتيات انتن واهلكن ؟ اتعلمون ماذا يفعل ذلك المبلغ بمستقبل من كلفتموه به ؟ من الممكن ان ينقله لاحسن حال اذا بقي ذلك المبلغ لديه ، او يرجعه لاسوء حال في حال انصايعه لطلباتكم ، الزواج الدي هدفه الستر اصبح يكلف فوق المليون ريال ؟ الزواج الذي قال عنه رسولنا الكريم صلى الله عليه وسلم في حديثه الشريف : ( إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ) ، وكذلك الحديث الاخر : ( اقلهن مهرا اكثرهن بركة ) .
ولكن نسيت الفتنة التي نعيشها ونسيت البركة وتم تذكر المظاهر فقط ، الزواج الذي من المفترض ان يكون يسيرا قد صعبتموه بسبب المظاهر والفشخرة ؟ لم تركزو على كيفية عيش ابنتكم مع زوجها وكيف سيتم التعامل بينهما وهل سيسعدها ويحترمها ام لا ، وركزتم على طقوس الحفل وتذكرتو كيف تبيضوا وجوهكم امام المعازيم الذين سينسون حفلكم بعد فترة ، جعلتم الزوج يجمع اموالا لسنوات او ياخذ قرضا كي يبعثره في حفلاتكم والمظاهر الكاذبة ، ومن ثم سيقصر على نفسه وعلى ابنتكم وعلى اولادهم ، لقد حولتم هدف الزواج من راحة واستقرار وتكوين اسرة سعيدة الى فشخرة وتحدي ، اصبح الشاب يفكر كيف يرضي فشخرة من سيخطبها اكثر من تفكيره بكيفية حياته معها ، نقول عن انفسنا مسلمون ونصرف مليون او اكثر على اربع او خمس ليال فقط ، اهذا مااوصانا عليه الله سبحانه ورسوله صلى الله عليه وسلم ؟ ومن ثم يطلب من هذا الشاب ان يعيش زوجته عيشة مرفهة او يسكنها في منزل فخم ذو اثاث يخطف الاعين ، بالاضافة الى انه يجب عليه ان يلبسها هي واولادها افضل الملابس والماركات ، يالها من دنيوية انست الناس معنى الزواج السامي وانستهم رضا الله وطلب الاخرة ، اتمنى من الشباب ان يضربوا ضربة رجل واحد وان يحاربو هذه الظاهرة الغير منطقية ، فتغيير فكرة مجتمعية يحتاج لمجموعة كبيرة من الناس لممحاربتها وليس شخص او شخصان ، واذا لزم الامر ليس بالضرورة ان يتزوج الانسان من بلده ، بامكانه ان يتزوج من خارجه كي يعتبر درسا لذوي الطلبات الباهظة حيث ذلك قد يؤدي الى ترك هذه العادة وان يكتفوا بحفلة بسيطة ، يجب علينا تغيير العادات الغير منطقية كي نحظى بمجتمع صالح ، فالاسلام ليس صلاة وصوم فقط بل اخلاق وتعاليم وفكر [/size]

[شبح الصمت]

لو مليون تفدى راسها لو بيستمر الزواج في الاخير اهي ام عياله

اما عفسه ومخاسير وديووون واخرتها يتطلقون صراحة شيء يعور القلب ..


مفروض نفس مافي قاعات للرجال يوفرون قاعات للحريم اكثر بعد ..
وبعض الاهالي يتركون عنهم سوالف المغنية الفلانية ويجبونها

يعني خلهم يتباركون اقل ما فيها بدون طقطه وعفيسه وخساير عالفاضي ..

يعني لازم افلانه تسوي فلانه تسوي نفسها

في ناس عندها الاستطاعة انها تسوي هالامور والا يهمها هالمبالغ الي تنصرف


الله يرزق الاثنين
الزوج الصالح
والزوجه الصالحه
والله يهني سعيد بسعيده

[غريب الدّار]

مرحبا اخوي قطري 2022

موضوع حساس فعلا وواقعي للأسف


صارت المظاهر هي اللي تحكم علينا
ومليون يمكن يكون مبلغ شوي مبالغ فيه (شوي مب وايد)

لان المتوسط هالايام تقريبا من 400 الى 600 او 700 الف

وادري يمكن في ناس يقولون كل شي غالي ، واحترم رايهم


لكن لازلت اشوف ان المظاهر هي اللي لعبت بنا

وماراح أقول ان الحريم او البنات هم السبب


لان هالكلام يطرح تساؤل اقوى بعد :
وين دور الرجال يضبطون الوضع ؟


الله يكتب اللي فيه الخير

[مختلف جداََ]

الرقم مبالغ فيه جداً

يمكن يكون صحيح بس عند عدد قليل من العوائل الغنية

بس عامة أهل قطر ( مع ارتفاع التكاليف ) بس ما اعتقد توصل لهالرقم الكبير


في حفظ الرحمن

[Charisma]

اختلف معاك ..

اهي ليلة بالعمر لازم البنت تفرح والأم تشرف على حفل أسطوري لم ولن يشهد التاريخ مثيل له ولا حتى في قصص ألف ليلة وليلة ، ومن هذا المنطلق .. لسان حالهم يقول : تبا للدراهم وأهلا بالفشخرة ، لازم العالم يشوفون بنت فلان وعرسها الأسطوري ، هالمبالغ اللي تندفع كلها من أجل هدف واحد فقط .. لايتعلق بفرحة العروس ! ولا يتعلق بفرحة الأم ولابلاليط ولا بطيخ .. الهدف هو : سماع كلمة " وااااو " ونظرات التعجب والأعجاب على وجوه المعازيم .


والغشيم هذا حاله ..


https://pbs.twimg.com/media/A7qb-MuCUAAEhF4.jpg

[شبح الصمت]

اختلف معاك ..

اهي ليلة بالعمر لازم البنت تفرح والأم تشرف على حفل أسطوري لم ولن يشهد التاريخ مثيل له ولا حتى في قصص ألف ليلة وليلة ، ومن هذا المنطلق .. لسان حالهم يقول : تبا للدراهم وأهلا بالفشخرة ، لازم العالم يشوفون بنت فلان وعرسها الأسطوري ، هالمبالغ اللي تندفع كلها من أجل هدف واحد فقط .. لايتعلق بفرحة العروس ! ولا يتعلق بفرحة الأم ولابلاليط ولا بطيخ .. الهدف هو : سماع كلمة " وااااو " ونظرات التعجب والأعجاب على وجوه المعازيم .


والغشيم هذا حاله ..


https://pbs.twimg.com/media/A7qb-MuCUAAEhF4.jpg



هههههههههههههههههههاي

واقع انشهد انك جبتها صح عند البعض

[م/ عبدالله]

ما شاء الله عليك منزل الموضوع مع ذكرى يوم زواجي :unsure:
شوف ياخوي ، الموضوع بيد الريال في النهايه هو اللي راح يدفع، فهو يقدر يتحكم ولو بشكل من الاشكال في المصاريف ويعطيهم خيارات بديله باسعار ارخص. مثلا اذا اختاروا القاعه الفلانيه بهالمبلغ، يروح الريال يجتهد ويدور قاعه مشابهه وبسعر اقل وعقب ياخذ الحريم ويوديهم يشوفون القاعه وممكن تعجبهم، وقيس على ذلك ترتيبات القاعه من اولها لآخرها.
وللعلم انا عرسي كان السنه اللي فاتت نفس اليوم، خذت قرض من البنك 355,000 ريال. صرفت من هالمبلغ من يوم النظره الشرعيه لين رجعت من شهر العسل، وزاد منه عقب ما رجعت حول 40,000 ريال، قولوا ما شاء الله :nop:
ولا تتوقع اني خذت من كل شي ارخص شي، ولا تتوقع اني رحت الطايف شهر عسل :swoon:

[شبح الصمت]

ما شاء الله عليك منزل الموضوع مع ذكرى يوم زواجي :unsure:
شوف ياخوي ، الموضوع بيد الريال في النهايه هو اللي راح يدفع، فهو يقدر يتحكم ولو بشكل من الاشكال في المصاريف ويعطيهم خيارات بديله باسعار ارخص. مثلا اذا اختاروا القاعه الفلانيه بهالمبلغ، يروح الريال يجتهد ويدور قاعه مشابهه وبسعر اقل وعقب ياخذ الحريم ويوديهم يشوفون القاعه وممكن تعجبهم، وقيس على ذلك ترتيبات القاعه من اولها لآخرها.
وللعلم انا عرسي كان السنه اللي فاتت نفس اليوم، خذت قرض من البنك 355,000 ريال. صرفت من هالمبلغ من يوم النظره الشرعيه لين رجعت من شهر العسل، وزاد منه عقب ما رجعت حول 40,000 ريال، قولوا ما شاء الله :nop:
ولا تتوقع اني خذت من كل شي ارخص شي، ولا تتوقع اني رحت الطايف شهر عسل :swoon:



ماشاء الله



ربي يبارك لك ياخوي ويثبت زواجك
ويرزقك الذريه الصالحة يارب ..

[الحياة الخالدة]

السلام عليكم ورحمة الله
لا .. لسنا راضين
وشكراً على الموضوع والتذكير

[بوحارب]

ما شاء الله عليك منزل الموضوع مع ذكرى يوم زواجي :unsure:
شوف ياخوي ، الموضوع بيد الريال في النهايه هو اللي راح يدفع، فهو يقدر يتحكم ولو بشكل من الاشكال في المصاريف ويعطيهم خيارات بديله باسعار ارخص. مثلا اذا اختاروا القاعه الفلانيه بهالمبلغ، يروح الريال يجتهد ويدور قاعه مشابهه وبسعر اقل وعقب ياخذ الحريم ويوديهم يشوفون القاعه وممكن تعجبهم، وقيس على ذلك ترتيبات القاعه من اولها لآخرها.
وللعلم انا عرسي كان السنه اللي فاتت نفس اليوم، خذت قرض من البنك 355,000 ريال. صرفت من هالمبلغ من يوم النظره الشرعيه لين رجعت من شهر العسل، وزاد منه عقب ما رجعت حول 40,000 ريال، قولوا ما شاء الله :nop:
ولا تتوقع اني خذت من كل شي ارخص شي، ولا تتوقع اني رحت الطايف شهر عسل :swoon:

ما شاء الله صارفه اكثر من ربع مليون في كم شهر ومستانسه !!

وين الحلو في الموضوع الحين ؟

على العموم مبروك

[بوحارب]

اخوي موضوعك يبيله ترتيب بس

او بأختصار اللي مب عاجبه الوضع لايروح يطق بيت الناس اللي عندهم شروط وبرستيج معين في الأعراس
او المهمور عندهم 100 - 200 الف

يروح ياخذ بنت على قد حاله وصدقني يمكن كل شي
العرس مع المهر ما يكلفه 100 الف

خلاص اصحاب الملايين اعراسهم كذا وهالشي عاجبهم ولا نقدر نمنعهم هم ناس مسرفين ومستانسين على الاسراف الله يهديهم

واحد من ربعي توه مالك حق ولده يقول ميزانية العرس تقريبا 800-900 الف :(

المهر لحاله 200 بس

وواحد ثاني عرسه ما كلفه 150 الف والعرسي مسويهم في فنادق والرجال في الرفاع


والسلام عليكم

[قطري2022]

اعرف واحد ماخذ بنت ناس خالتهم المادية فوق الممتاز ، يقولك حفلة عائلية في البيت وشهر عسل على طول ،
ليش مانقتدي فيهم ؟ ليش مانخلي الزواج مايزيد عن ميتين او ثلاثمية الف بالكثير ؟ اربعمية الف وفوق ترى مب شوي على كم يوم .

[يمامـة]

طبعا لا.. وضد وبقوة..

[قطري2022]

اخوي موضوعك يبيله ترتيب بس

او بأختصار اللي مب عاجبه الوضع لايروح يطق بيت الناس اللي عندهم شروط وبرستيج معين في الأعراس
او المهمور عندهم 100 - 200 الف

يروح ياخذ بنت على قد حاله وصدقني يمكن كل شي
العرس مع المهر ما يكلفه 100 الف

خلاص اصحاب الملايين اعراسهم كذا وهالشي عاجبهم ولا نقدر نمنعهم هم ناس مسرفين ومستانسين على الاسراف الله يهديهم

واحد من ربعي توه مالك حق ولده يقول ميزانية العرس تقريبا 800-900 الف :(

المهر لحاله 200 بس

وواحد ثاني عرسه ما كلفه 150 الف والعرسي مسويهم في فنادق والرجال في الرفاع


والسلام عليكم
يعطيك العافيك يابوحارب ، يمكن احد من الي العوايل الي اعراسهم مكلفة ، يقرى الكلام وتتغير فكرته ، مانقدر نستبعد شي في الدنيا ، وذكر فان الذكرى تنفع المؤمنين

[قطري2022]

طبعا لا.. وضد وبقوة..

شفتي مدى التخسير يا يمامة ؟ هذا هو التخسير بام عينه

[Charisma]

هههههههههههههههههههاي

واقع انشهد انك جبتها صح عند البعض

المشكلة انا داري واداري وانته داري عن جروحي وظرفي واعتذاري ..:unsure:

العالم كلها تدري بقرارة نفسها ان هالمظاهر مجرد مجاراة للعالم ، تفنن بشكل عجيب غريب بحجة " إلا ليلة " مع طبطبه على ظهر المعرس وبمعنى اخر ( هونها تهون ونقنق يابن الأجواد ) ، أي منطق وأي عقل وأي تفكير وأي استنتاج يخليك تدفع مبلغ وقدرة عشان الناس تمدح في عرس ؟

لا والبعض يابلفيت صايدينك بزاوية ، يعني انتوا يالشباب تدفعون هالمبالغ على سيارات جات عالفقيرة المسكينه اللي تبي تفرح بليلة عرسها http://www.vb.eqla3.com/images/smilies/4/eqb19.gif؟ الله واكبر .. يعني صارت الفرحة مرتبطة بفشخرة ؟ مافي حل ثاني ؟ المشكلة ان بعد الزواج يصير في داون قريد اوتماتك للـ لايف ستايل ، تلقاه مسكين ( لا مب مسكين يستاهل ) ، مطفر وقاعد بصروال وفنيلة علاق ويدة على خده مهمووووووم ( ضاعت فلوسك ياصابر ) ، وبنت الناس صاير لها ( أزمه نفسيه ) وتغثه تبي وتبي ( أي اهي نفسها اللي زفوها بمنطاد أقتحم وسط القاعه وفي مشهد درامي لن تراه إلا في استديوهات هولويود ) ، وجك بوم ( باللقطة البطيئة مع موسيقى حزينه ) انتي طاااالئ ءءء بالتلااااااات .http://vb.jro7i.net/storeimg/girls-top.net_1352827776_970.gif

كان هذا ياسادة ملخص الشباب والأعراس في زمن أرضاء الناس .http://i270.photobucket.com/albums/jj118/bigjoe123/smiley_eatpaper.gif

[mr. abdulla]

شي عادي و طبيعي لاصحاب المليارات و الملايين ... فعليهم بالعافية.. و الله يبارك لهم و يزيدهم... لكن اللي ما عنده و لازم هو و ابوه يأخذون قرض عشان بس يلحقون العالم.. ما حب أقول اللي عمره ما تبخر .... لان مابي حد يزعل... و لكن كثير كثير كثير من الشباب سنين بعد الزواج و هم للحين يدفعون القرض اللي عليهم... و يا حرام اللي دفع نص مليون او اكثر و اخرته يرد من شهر العسل و يطلق.... ظاهرة سلبية في ازدياد...

جان زين بس العرس... العرس و اللي قبل العرس من حفلات و بعد العرس و شهر العسل و استقبال و حفلة البيبي الاول و الثاني و زيارات و اربع إجازات في السنة و سيارات و بيت جديد. و مطبخ جديد كل رمضان و و و ... زادوا الناس اللي يركضون ورى المهايط و زادت قروضهم .... و آخرتها ... يعيش طول عمره مديون و مهموم... لا تخطيط مالي صح ... و لا استثمار صحيح عايشين على البركة رغم راتبة العالي... بينه و بين السجن شعره...

[mr. abdulla]

المشكلة انا داري واداري وانته داري عن جروحي وظرفي واعتذاري ..:unsure:

العالم كلها تدري بقرارة نفسها ان هالمظاهر مجرد مجاراة للعالم ، تفنن بشكل عجيب غريب بحجة " إلا ليلة " مع طبطبه على ظهر المعرس وبمعنى اخر ( هونها تهون ونقنق يابن الأجواد ) ، أي منطق وأي عقل وأي تفكير وأي استنتاج يخليك تدفع مبلغ وقدرة عشان الناس تمدح في عرس ؟

لا والبعض يابلفيت صايدينك بزاوية ، يعني انتوا يالشباب تدفعون هالمبالغ على سيارات جات عالفقيرة المسكينه اللي تبي تفرح بليلة عرسها http://www.vb.eqla3.com/images/smilies/4/eqb19.gif؟ الله واكبر .. يعني صارت الفرحة مرتبطة بفشخرة ؟ مافي حل ثاني ؟ المشكلة ان بعد الزواج يصير في داون قريد اوتماتك للـ لايف ستايل ، تلقاه مسكين ( لا مب مسكين يستاهل ) ، مطفر وقاعد بصروال وفنيلة علاق ويدة على خده مهمووووووم ( ضاعت فلوسك ياصابر ) ، وبنت الناس صاير لها ( أزمه نفسيه ) وتغثه تبي وتبي ( أي اهي نفسها اللي زفوها بمنطاد أقتحم وسط القاعه وفي مشهد درامي لن تراه إلا في استديوهات هولويود ) ، وجك بوم ( باللقطة البطيئة مع موسيقى حزينه ) انتي طاااالئ ءءء بالتلااااااات .http://vb.jro7i.net/storeimg/girls-top.net_1352827776_970.gif

كان هذا ياسادة ملخص الشباب والأعراس في زمن أرضاء الناس .http://i270.photobucket.com/albums/jj118/bigjoe123/smiley_eatpaper.gif

السيارة تباع و تقدر تشتري بفلوسها سيارة جديدة ...

[يمامـة]

شفتي مدى التخسير يا يمامة ؟ هذا هو التخسير بام عينه

ارقام فلكية تصرف في حفلات الزواج..

وتعال يا حساب شسمك حط مقطع عن العرس .. و الترتيبات.. والمطرب او المطربة
واسم المصمم.. و صور او مقاطع فيديو لليلة الحنة , وحنة فلانة بنت فلان.. وعرس فلانة بنت علان..

الناس صارت تبحث عن الشهرة في أي شي حتى في مناسباتهم الخاصة.. يعلنون وينشرون ويسوون زيطة
و زمبليطة..

فمثل هالامور صارت تستدعي تكاليف اكثر ترتيب اكبر تشريف اعظم ..

والله يستر علينا جميعا و يرحمنا ويهدينا للي يحبه ويرضاه.. لأن الوضع في انزلاق للاسفل..

[م/ عبدالله]

ما شاء الله صارفه اكثر من ربع مليون في كم شهر ومستانسه !!

وين الحلو في الموضوع الحين ؟

على العموم مبروك

من اللي (صارفه) و (مستانسه) :cry:

صرفت تقريبا 300 الف، من يوم فكرت اتزوج لين رجعت من شهر العسل وتقول ربع مليون في كم شهر؟ ترى المبلغ شامل المهر والعرس والاثاث ولفه في اوروبا على باخره وغيره من مصاريف ثانيه

[معماري قطري]

ما شاء الله عليك منزل الموضوع مع ذكرى يوم زواجي :unsure:
شوف ياخوي ، الموضوع بيد الريال في النهايه هو اللي راح يدفع، فهو يقدر يتحكم ولو بشكل من الاشكال في المصاريف ويعطيهم خيارات بديله باسعار ارخص. مثلا اذا اختاروا القاعه الفلانيه بهالمبلغ، يروح الريال يجتهد ويدور قاعه مشابهه وبسعر اقل وعقب ياخذ الحريم ويوديهم يشوفون القاعه وممكن تعجبهم، وقيس على ذلك ترتيبات القاعه من اولها لآخرها.
وللعلم انا عرسي كان السنه اللي فاتت نفس اليوم، خذت قرض من البنك 355,000 ريال. صرفت من هالمبلغ من يوم النظره الشرعيه لين رجعت من شهر العسل، وزاد منه عقب ما رجعت حول 40,000 ريال، قولوا ما شاء الله :nop:
ولا تتوقع اني خذت من كل شي ارخص شي، ولا تتوقع اني رحت الطايف شهر عسل :swoon:

الله يبارك لك ويوفقك

حاط في بالي 500 ألف حق عرس ولدي ويمكن اخذ الثانية معاه لو عطوني خصم

[قطري2022]

المشكلة انا داري واداري وانته داري عن جروحي وظرفي واعتذاري ..:unsure:

العالم كلها تدري بقرارة نفسها ان هالمظاهر مجرد مجاراة للعالم ، تفنن بشكل عجيب غريب بحجة " إلا ليلة " مع طبطبه على ظهر المعرس وبمعنى اخر ( هونها تهون ونقنق يابن الأجواد ) ، أي منطق وأي عقل وأي تفكير وأي استنتاج يخليك تدفع مبلغ وقدرة عشان الناس تمدح في عرس ؟

لا والبعض يابلفيت صايدينك بزاوية ، يعني انتوا يالشباب تدفعون هالمبالغ على سيارات جات عالفقيرة المسكينه اللي تبي تفرح بليلة عرسها http://www.vb.eqla3.com/images/smilies/4/eqb19.gif؟ الله واكبر .. يعني صارت الفرحة مرتبطة بفشخرة ؟ مافي حل ثاني ؟ المشكلة ان بعد الزواج يصير في داون قريد اوتماتك للـ لايف ستايل ، تلقاه مسكين ( لا مب مسكين يستاهل ) ، مطفر وقاعد بصروال وفنيلة علاق ويدة على خده مهمووووووم ( ضاعت فلوسك ياصابر ) ، وبنت الناس صاير لها ( أزمه نفسيه ) وتغثه تبي وتبي ( أي اهي نفسها اللي زفوها بمنطاد أقتحم وسط القاعه وفي مشهد درامي لن تراه إلا في استديوهات هولويود ) ، وجك بوم ( باللقطة البطيئة مع موسيقى حزينه ) انتي طاااالئ ءءء بالتلااااااات .http://vb.jro7i.net/storeimg/girls-top.net_1352827776_970.gif

كان هذا ياسادة ملخص الشباب والأعراس في زمن أرضاء الناس .http://i270.photobucket.com/albums/jj118/bigjoe123/smiley_eatpaper.gif

صح ان قلبك متروسة ، بس والله انك صادق ، اهرتها الي بياكلها الرجال ، وعقب تقول زوجته انا الي اصرف وهو مايصرف شي ، ماهو نشفتيه انتي مع هلح اشتبونه يسوي بعد ، والغريب ان ساعات العروس تقول انها هي الي تصرف ع نفسها مب ريلها ؟ من وين بيحيب عقب ما نشف ؟ طبعا ما اتكلم عن البخيل

[Charisma]

الله يبارك لك ويوفقك

حاط في بالي 500 ألف حق عرس ولدي ويمكن اخذ الثانية معاه لو عطوني خصم

ههههههههههه كاسرهم يابوعبدالله وخل الفرحه فرحتين .

الله يبارك لولدك مقدما .

[Charisma]

صح ان قلبك متروسة ، بس والله انك صادق ، اهرتها الي بياكلها الرجال ، وعقب تقول زوجته انا الي اصرف وهو مايصرف شي ، ماهو نشفتيه انتي مع هلح اشتبونه يسوي بعد ، والغريب ان ساعات العروس تقول انها هي الي تصرف ع نفسها مب ريلها ؟ من وين بيحيب عقب ما نشف ؟ طبعا ما اتكلم عن البخيل

http://49.media.tumblr.com/d769d4b9bb80b6b1d6e1d968cac827e3/tumblr_mwaz1vmDNV1rikbxjo2_400.gif

ههههههه ، من كثر ماتناقشنا في هالمواضيع شفنا ردود غريبه عجيبه ، قلنا نتغدى قبل يتعشون .

[قطري2022]

http://49.media.tumblr.com/d769d4b9bb80b6b1d6e1d968cac827e3/tumblr_mwaz1vmDNV1rikbxjo2_400.gif

ههههههه ، من كثر ماتناقشنا في هالمواضيع شفنا ردود غريبه عجيبه ، قلنا نتغدى قبل يتعشون .

هههههههههه

[راجي الْعفو]

ع قولة شبح

ليتها اتم معاه

كل هالمخساير وبالكثير ثلاث سنوات

وتسمع : تطلقت

وراها اب و ام مدلعينها و واقفين معها في كل صغيره و كبيره و ملاقيف
و وظيفة بتتوظف
وسفرات بتسافر

عيل شمقعدني مع هالريال الكجرة ^_^


المجتمع كل يوم قاعد يدفع ضريبة هالمشاكل

واذا استمر الوضع

بتشوف قضايا كثيرة عالآباء في المحاكم
رافعينها بناتهم عليهم

يبون إستقلالية تامة

لا تستغربون

واستمروا في تدليل البنات لانهم قوارير ^_^

[قطري2022]

الله يبارك لك ويوفقك

حاط في بالي 500 ألف حق عرس ولدي ويمكن اخذ الثانية معاه لو عطوني خصم

في عروض هالايام ههههه

[Dana’1]

تبغى الصدق هالسؤال لازم ينطرح على الطبقه المخمليه،،إلي عنده أصول تدر عليه أموال طائله شهريا ! لأن فعلا فيه ناس من هالطبقه يشوفون المليون...100ريال أو أقل
فهل تتوقع يهمه إذا تنصرف مليون أو أكثر بعرس؟!

أترك الإجابه لهم :)

ا

بالنهايه الله يوفق الجميع لما يحب ويرضى ويرزقنا من فضله

[يمامـة]

تبغى الصدق هالسؤال لازم ينطرح على الطبقه المخمليه،،إلي عنده أصول تدر عليه أموال طائله شهريا ! لأن فعلا فيه ناس من هالطبقه يشوفون المليون...100ريال أو أقل
فهل تتوقع يهمه إذا تنصرف مليون أو أكثر بعرس؟!

أترك الإجابه لهم :)

ا

بالنهايه الله يوفق الجميع لما يحب ويرضى ويرزقنا من فضله

في ناس مب من الطبقة المخملية.. تعصر عمرها عصار.. علشان يطلعون بحفل زواج يرتقي الى مستوى الطبقة المخملية..
وفي الأخير تكلفة العرس فوق المليون .. مع الديون او صرف كل مدخراتهم..

اما أصحاب الطبقة المخملية يا ديور.. اعراسهم ما تقل عن الخمس ملايين .. كأقل تقدير..

[النهار]

اخوي موضوعك يبيله ترتيب بس

او بأختصار اللي مب عاجبه الوضع لايروح يطق بيت الناس اللي عندهم شروط وبرستيج معين في الأعراس
او المهمور عندهم 100 - 200 الف

يروح ياخذ بنت على قد حاله وصدقني يمكن كل شي
العرس مع المهر ما يكلفه 100 الف

خلاص اصحاب الملايين اعراسهم كذا وهالشي عاجبهم ولا نقدر نمنعهم هم ناس مسرفين ومستانسين على الاسراف الله يهديهم

واحد من ربعي توه مالك حق ولده يقول ميزانية العرس تقريبا 800-900 الف :(

المهر لحاله 200 بس

وواحد ثاني عرسه ما كلفه 150 الف والعرسي مسويهم في فنادق والرجال في الرفاع


والسلام عليكم

:waiting::waiting::waiting:

احلف قول قسم بالله :funny:

ولا عليك امر عطني اسم الفندق وكم كان عدد المعازيم بوفيه ولا عيش ولحم
انزين ماسوى لها ليلة حنا والشبكه ياب لها ولا لا سافر معاها شهر العسل :nop:

[قطري2022]

الله يبارك لك ويوفقك

حاط في بالي 500 ألف حق عرس ولدي ويمكن اخذ الثانية معاه لو عطوني خصم

في عروض هالايام ههههه

[سالم الزهران]

مشكلة اذا الكل يبي يصير شيخ و يبي بنته مثل بنت الشيخ وكل شيء ممكن يقنع نفسه فيه ما عدا العريس فمهما نفخته فجيبه جيب موظف و رصيده رصيد موظف و استحقاقاته استحقاقات موظف و ان اطاعك في مشروع التحول الى شيخ فلست متفائل لكم بصراحة.

يقول لي احد الزملاء,, أتيت بالوالدة لاجراء بعض الفحوصات الطبية و صادف وجود حفل زفاف اضطررنا لحضوره وفي السيارة كانت الوالدة ساخطة على ما رأت من بذخ وتبذير و عادت الوالدة الى الجنوب و بعد سنة حضروا اهلي بمن فيهم الوالدة لحفل زفاف ابنتي و وجدت الوالدة تطالبني بنفس المظاهر التي كانت تنتقدها قبل سنة لأني رفضتها سابقاً عندما طلبتها ام العيال لكنهم حولوا القضية للوالدة و نا حاولت أشرح للوالدة ان ما تطلبينه وتتوسطين فيه هو نفس البذخ اللي انت اشتكيتي منه يوم كنتي تراجعين المستشفى قبل سنة ( انواع فاخرة من الشوكليت و نوافير تنفث شوكليت و جاتوهات بطبقات متعددة ..الخ)

يقول الأخ: انصدمت من الوالدة يوم قالت "الناس يقدمونها لكم وانتم ما تقدمونها لهم " !

وشيقولون عنكم


طبعاً قليل من الرجال اللي يقدر يقاوم الكلمة اللي بالأحمر

[Dana’1]

في ناس مب من الطبقة المخملية.. تعصر عمرها عصار.. علشان يطلعون بحفل زواج يرتقي الى مستوى الطبقة المخملية..
وفي الأخير تكلفة العرس فوق المليون .. مع الديون او صرف كل مدخراتهم..

اما أصحاب الطبقة المخملية يا ديور.. اعراسهم ما تقل عن الخمس ملايين .. كأقل تقدير..


هو ذكر مليون فأكثر ،، مش مليون وأقل ! من كذا ذكرت الطبقه


أما إلي بيتحمل ديوون بس عشان يوصلها لمليون ويقول إن عرسه وصل لمليون ،،،تعب نفسه عالفاضي لأن الناس إلي حولهم وإلي ينتظر منهم الواو تعرف الحاله الماديه الحقيقه !


وكلن عقله براسه وحر بماله ومسؤل عنه أمام الله سبحانه وتعالى فقط

و نقول الله يوفق الجميع

[نمر بن عدوان]

ملكات جمال وسبحان الخالق المصور مايكلفون مع العرس والمهر وغيره اكثر من 50الف ريال بس مشكلة القانون مايسمح بالزواج من اجنبيات

[يمامـة]

هو ذكر مليون فأكثر ،، مش مليون وأقل ! من كذا ذكرت الطبقه


أما إلي بيتحمل ديوون بس عشان يوصلها لمليون ويقول إن عرسه وصل لمليون ،،،تعب نفسه عالفاضي لأن الناس إلي حولهم وإلي ينتظر منهم الواو تعرف الحاله الماديه الحقيقه !


وكلن عقله براسه وحر بماله ومسؤل عنه أمام الله سبحانه وتعالى فقط

و نقول الله يوفق الجميع

صدقتي كل فلوسه وهو حر فيها وربنا بيسئله عنها..

واللهم امين

[راجي الْعفو]

ملكات جمال وسبحان الخالق المصور مايكلفون مع العرس والمهر وغيره اكثر من 50الف ريال بس مشكلة القانون مايسمح بالزواج من اجنبيات

خذ بو حارب وياك تراه متأذي نفسك وقاعد يدور السنعه الميسورة ^_^

[بوخالد911]

الله يعين
أرقام ضخمة
:(

[معماري قطري]

في عروض هالايام ههههه

إسكت قلتها وخايف تقرأ أُم العيال بعدين ادور أقرب ملجأ

[معماري قطري]

ههههههههههه كاسرهم يابوعبدالله وخل الفرحه فرحتين .

الله يبارك لولدك مقدما .

والله يبارك في حلالك وعيالك

يا اخوي بديت افكر ازيد الميزانية إستووا يحبون اللعبة بالفلوس

يوم تزوجت كنت ادرس وقررت بسرعة حيث كانت نيتي الزواج الصيف بعد ما اخلص لكن تزوجت في عطلة الكرسمس وكلف عرسي أقل من 300 ألف وزادت عندي فلوس أقل شيء ضعفها .. الحمد لله صرفتها على نفسي وزوجتي ورجعت قطر رتبت البيت أكثر وخذت سيارة .. واللي يضحك تحاكمت ليش متزوج أثناء بعثتك وكنت مطرش للسفارة اطالبهم بتذاكر وراتب زوجة وزين ما طردوني من شغلي بعد المحاكمة .. حلفت اني ما ادري بهالقانون وزين صدقوني

[معماري قطري]

إذا البيت قرضه 1.2 مليون والمساعدات من الديوان محدودة ليش نبالغ لهالدرجة

[م/ عبدالله]

الله يبارك لك ويوفقك

حاط في بالي 500 ألف حق عرس ولدي ويمكن اخذ الثانية معاه لو عطوني خصم

لحد يسمعك escape

مبروك مقدما لولدك ولك يا بوعبدالله بس اذا تبي الثانيه وتبي خصم زين خذها من برع ، جمال وحسن ودلال وبدون خساااير

[معماري قطري]

لحد يسمعك escape

مبروك مقدما لولدك ولك يا بوعبدالله بس اذا تبي الثانيه وتبي خصم زين خذها من برع ، جمال وحسن ودلال وبدون خساااير

الله يبارك فيك يا زميل المهنة

انا زين قدرت اقنع ولدي بالبعد عن الخارجيات اروح واطيح في خارجية لا خلاص خلني راضي بواحدة لأني متأكد إني مب عادل

[مضارب مستثمر]

حسبنا الله ونعم الوكيل

[قطري2022]

طرى ع بالي موضوع الرضوة الي يغطيها الرجال لزوجته اذا زعلها وطلعت من البيت ، مادري ليش يجيب لها هدية علشان ترحع البيت ، هل كلمة اسف وحقح علي ماتكفي؟ لازم السالفة فيها فلوس علشان تتصالخ مع ابو عيالها وشريك حياتها ؟ ماعندي مانع في ان يهديها بللي يقدر عليه لكن مب يهديها علشان ترجع بيتها

[طلعة الروح]

سؤال يطرح نفسه: الرجال مجبور يدفع هالمبلغ عشان يتزوج؟ ، بمعنى اخر: كل بنات قطر يطلبون هالمخاسير ف اعراسهم او ان هناك البعض قد يرضين بأقل اذا ما ألغوا فكرة ليلة العرس من الأساس؟

[طلعة الروح]

طرى ع بالي موضوع الرضوة الي يغطيها الرجال لزوجته اذا زعلها وطلعت من البيت ، مادري ليش يجيب لها هدية علشان ترحع البيت ، هل كلمة اسف وحقح علي ماتكفي؟ لازم السالفة فيها فلوس علشان تتصالخ مع ابو عيالها وشريك حياتها ؟ ماعندي مانع في ان يهديها بللي يقدر عليه لكن مب يهديها علشان ترجع بيتها

أحس اللي تطرحه مشهد درامي في مسلسل قطري من 30 حلقه يتضاربون فيه ابطال المسلسل على المال والميراث ويلعبون كل ادوار الجشع والطمع وموقع التصوير في قصر في حي فخم، وليس مشهد يتكرر كل يوم في البيوت العاديه. هذي وجهة نظري

[قطري2022]

أحس اللي تطرحه مشهد درامي في مسلسل قطري من 30 حلقه يتضاربون فيه ابطال المسلسل على المال والميراث ويلعبون كل ادوار الجشع والطمع وموقع التصوير في قصر في حي فخم، وليس مشهد يتكرر كل يوم في البيوت العاديه. هذي وجهة نظري

ياهلا بطلعة نورتي ، انزين اكيد انا ما اقصد الي يرضون بالقليل ، انا اقصد اهل الفشخرة الي يفلسون الرجال ، وخصوصا لما ناس عاديين يبون يحطون حالهم بحال الغني ، وبعدين الواحد يفضل انه يتزوج بنت بلاده وساعات الواحد يكون في باله وحدة معينة سواءا حبها او عاجبته في شغل او من هله ، ويجون البنت واهلها يكسرون ظهره ، وغالبا الانسان يفضل يتزوج بنت بلاده ، فليش نخليه يتجه لبرع البلاد بسبة كسر الظهر والفشخرة ؟ ليش يدفع اربعية او خمسمية الف وفوق يوم انه يفكر في الستر والاستقرار ؟ وبعدين ترى وايد ناس يطلبون هالتكاليف مب اقلية

[ابوعلي]

طبعا مب راضي

ولكن للأسف الواحد ينجبر حتى يأخذ بنت بلاده:eek3:

الزوج مب فارط وعليه ان يدفع

سواء من الزوجة وأهلها

او من والدته وخواته

في النهاية هو الضحية والله يعينهcrazy

[طلعة الروح]

( ان الله لا يغير ما بقوم حتى يغيروا ما بأنفسهم)

الخلل حتى لو كان مجتمعي بحت وضارب في الجذور اذا افراد المجتمع ما انتفضوا له وحاولوا يغيرون سلوكياتهم وادخال قناعاتهم في التعامل مع الظاهره ستبقى الامور على ماهي عليه، ومع ذلك شفنا امثلة استثنائية كثيرة في المجتمع غيرت هذه المفاهيم.. والرجل مثل ما يطلب شروط معينه في الشريكة يقدر يفرض رايه في مسألة التكاليف ويحدد امكانياته (بعد الاختيار والرضا التام من قبل الطرفين) انا هذي وجهة نظري ولو البنت لقت الشريك المناسب راح تضطر تاخذه بعبايتها نفس مايقولون بس وين، ، ، يمكن تكون سالفة التكاليف حجة لتشريد الخاطب لا اكثر لعدم اقتناع الفتاة او اهلها فيه وهاي اللي حاصل بدليل الهيصه اللي تصير في الاعراس وبعد ذلك نتفاجئ بسماع خبر الطلاق ولم يكن للمال ولا امكانيات الرجل الماديه دخل في ذلك!! نرجع نقول ما بني على باطل فهو باطل والشاب اللي يتشكك ويعاني من هالمسألة انصحه يراجع نفسه ويصحح الخطأ في تفكيره قبل طرق بيوت الناس يعرف هو شيبي بالضبط من الحياة ومن الزواج والطريقة اللي يشوفها صح لزواجه وبالاخص يحدد امكانياته ويصارح الناس وهاي الشي مش عيب ولا غلط احسن من انك تكذب وتنافق وبعدها يقع الطلاق على اقل الاسباب ويمكن تكون اسباب ماديه تافهه لكن بسبب الغش والخداع لا يتقبلها الطرف الاخر لانك بنيت حياتك وحياته على كذبه.

[راعي الكورفت]

مااعرف واحد ..ولا عمري سمعت خبر .. ان واحد.. اخذله وحده .. بمليون :con2:

[المحاميه]

ايه عادي وكانه العيد بعد

[قطري2022]

( ان الله لا يغير ما بقوم حتى يغيروا ما بأنفسهم)

الخلل حتى لو كان مجتمعي بحت وضارب في الجذور اذا افراد المجتمع ما انتفضوا له وحاولوا يغيرون سلوكياتهم وادخال قناعاتهم في التعامل مع الظاهره ستبقى الامور على ماهي عليه، ومع ذلك شفنا امثلة استثنائية كثيرة في المجتمع غيرت هذه المفاهيم.. والرجل مثل ما يطلب شروط معينه في الشريكة يقدر يفرض رايه في مسألة التكاليف ويحدد امكانياته (بعد الاختيار والرضا التام من قبل الطرفين) انا هذي وجهة نظري ولو البنت لقت الشريك المناسب راح تضطر تاخذه بعبايتها نفس مايقولون بس وين، ، ، يمكن تكون سالفة التكاليف حجة لتشريد الخاطب لا اكثر لعدم اقتناع الفتاة او اهلها فيه وهاي اللي حاصل بدليل الهيصه اللي تصير في الاعراس وبعد ذلك نتفاجئ بسماع خبر الطلاق ولم يكن للمال ولا امكانيات الرجل الماديه دخل في ذلك!! نرجع نقول ما بني على باطل فهو باطل والشاب اللي يتشكك ويعاني من هالمسألة انصحه يراجع نفسه ويصحح الخطأ في تفكيره قبل طرق بيوت الناس يعرف هو شيبي بالضبط من الحياة ومن الزواج والطريقة اللي يشوفها صح لزواجه وبالاخص يحدد امكانياته ويصارح الناس وهاي الشي مش عيب ولا غلط احسن من انك تكذب وتنافق وبعدها يقع الطلاق على اقل الاسباب ويمكن تكون اسباب ماديه تافهه لكن بسبب الغش والخداع لا يتقبلها الطرف الاخر لانك بنيت حياتك وحياته على كذبه.
صح لسانج ، بس سالفة ان البنت واهلها يطلبون تكاليف باهظة بسبة علشان يظفشون الرجال هذي مستبعدها ، لان الرد من اسهل مايكون الي هو كلمة مافي تصيب او البنت ماحست براحة قي الاستخارة ، وسالفة ان الشاب مايحدد امكانياته عند البنت واهلها ويكذب بانه غني فهذي طامة كبرى وجريمة في حقه وفي حق بنت الناس ، مافي احسن من الصراحة وخصوصا في الزواج وقدارته

[قطري2022]

ايه عادي وكانه العيد بعد
هلا بالمحامية
شنو الي عادي ��

[بوخالد911]

مااعرف واحد ..ولا عمري سمعت خبر .. ان واحد.. اخذله وحده .. بمليون :con2:

وحتى انا.

[قطري2022]

وحتى انا.

هلا بوخالد ، انا شفت هالحالات ��
انت كم التكاليف الي مرت عليك وهل تشوفها معقولة ولا وايد ؟

[بوخالد911]

هلا بوخالد ، انا شفت هالحالات ï؟½ï؟½
انت كم التكاليف الي مرت عليك وهل تشوفها معقولة ولا وايد ؟

هلا بك زووود.

ما بين 300-450 الف

والله توو متش

[Me&OnLy]

400 الف تسكني في بيت لين يخلص بيتي وفوق هذا تغطي مصاريفي سنه ونص كامله او سنتين بعد وين راحت عقول الناس ، يعني العرس المعقول ان طار طار يصك 200 الف معقول مع سفره شهر عسل لكن ادفع مبلغ وقدره عشان ليله وحده سلامات!!!!!

[Me&OnLy]

بعد بنت الناس تبي مصاريف بعد العرس مب حمل نفسي فوق طاقتها عقبه ادق اصبع ، الزواج مسؤولية ويتوجب علي انا يالرجل تحملها وفق امكانياتي اما بنت تطلب هياط وفشخره بقولها عنسي ابرك لج

[توشيبا]

اذا الواحد اخته تزوجت بالف يرضى بالف

اما تزوجت بمليون ومب راضي على بنات الناس يتزوجون بمليون ويبغي بالف اقول ياليتك ساكت بس

مع ان جاني عرض اخذها مع اثنين مليون ويعتبر ورثها بس الطمع فيني رفضت قلت حق عمي لو تموت ورثها اكثر من اثنين مليون طردني ولا زوجني crazycrazycrazycrazy

[معماري قطري]

400 الف تسكني في بيت لين يخلص بيتي وفوق هذا تغطي مصاريفي سنه ونص كامله او سنتين بعد وين راحت عقول الناس ، يعني العرس المعقول ان طار طار يصك 200 الف معقول مع سفره شهر عسل لكن ادفع مبلغ وقدره عشان ليله وحده سلامات!!!!!

قبل كم سنة لين حد قال باسافر شهر عسل ضحكوا عليه الناس وقالوا متأثر بالأفلام والمسلسلات .. ألحين استوى السفر قاعدة والكل لازم يسافر بعد الزواج

[معماري قطري]

بعد بنت الناس تبي مصاريف بعد العرس مب حمل نفسي فوق طاقتها عقبه ادق اصبع ، الزواج مسؤولية ويتوجب علي انا يالرجل تحملها وفق امكانياتي اما بنت تطلب هياط وفشخره بقولها عنسي ابرك لج

بنت الناس تبي مصاريف وزوجها كذلك .. ما اتمنى لبناتي وأبنائي إنهم يصرفون حلالهم على قشور زائلة وبهرجة ليلة .. أتمنى عرس معقول بسعر معقول ويتهنون بفلوسهم في باقي حياتهم

الحمد لله قادر ازوج عيالي كل واحد بمليونين وبناتي كذلك لكن مستحيل ما ارضاها على نفسي ولا على غيري المال نعمة ومسؤولين عنها

[معماري قطري]

اذا الواحد اخته تزوجت بالف يرضى بالف

اما تزوجت بمليون ومب راضي على بنات الناس يتزوجون بمليون ويبغي بالف اقول ياليتك ساكت بس

مع ان جاني عرض اخذها مع اثنين مليون ويعتبر ورثها بس الطمع فيني رفضت قلت حق عمي لو تموت ورثها اكثر من اثنين مليون طردني ولا زوجني crazycrazycrazycrazy

خلك شوي وسط فرق كبير بين 1000 ومليون

[معماري قطري]

ياهلا بطلعة نورتي ، انزين اكيد انا ما اقصد الي يرضون بالقليل ، انا اقصد اهل الفشخرة الي يفلسون الرجال ، وخصوصا لما ناس عاديين يبون يحطون حالهم بحال الغني ، وبعدين الواحد يفضل انه يتزوج بنت بلاده وساعات الواحد يكون في باله وحدة معينة سواءا حبها او عاجبته في شغل او من هله ، ويجون البنت واهلها يكسرون ظهره ، وغالبا الانسان يفضل يتزوج بنت بلاده ، فليش نخليه يتجه لبرع البلاد بسبة كسر الظهر والفشخرة ؟ ليش يدفع اربعية او خمسمية الف وفوق يوم انه يفكر في الستر والاستقرار ؟ وبعدين ترى وايد ناس يطلبون هالتكاليف مب اقلية

من فترة رحت عرس ولد واحد من أغنى أغنياء قطر وكان بسيط وهاديء وفي مجلس قديم بس مرتب وأهل المعرس كلهم حوله والسلام الطيب والكلام حتى طقطقة وازعاج ما فيه .. يعني اللي رحت له أقل شيء في حسابه مليار غير الأملاك الثانية وكان يقدر يسوي ويسوي لكن التواضع والظهور بمظهر طيب هو همه

[Me&OnLy]

احسنت معماري ، لكن كلامي لمن يشجع مثل هذه الامؤر في اوساط المجتمع القطري ، وللاسف الفئة هذي مو راضيه تفهم ان القصد من العرس هو قصد معنوي بحت وليس قصد مادي ابداً ، تزوجت وحضر من حولي واستانسوا واستانست معاهم وعشا وانتهى لماذا كل هذا الاسراف والتبذير لا يوجد مبرر

[mr. abdulla]

من فترة رحت عرس ولد واحد من أغنى أغنياء قطر وكان بسيط وهاديء وفي مجلس قديم بس مرتب وأهل المعرس كلهم حوله والسلام الطيب والكلام حتى طقطقة وازعاج ما فيه .. يعني اللي رحت له أقل شيء في حسابه مليار غير الأملاك الثانية وكان يقدر يسوي ويسوي لكن التواضع والظهور بمظهر طيب هو همه

اخوي لأنهم شايفين خير و عيال نعمة و مب محتاجين يثبتون أنفسهم عند الناس

[MirusS]

انا عندي اخوان صغار تزوجو من قريب
اكثر واحد فيهم عرسه كلف 360 الف
ماعتقد فيه حد بيسوي عرس بمليون الا الي عنده خمسين ملييون فالبنك :)
فاعتقد انك بالغت لان هذيلا حالات نادره
عموما هي السالفه مب عرس وبس
انت محتاج عقب العرس بيت وسيارات وبتكون عليك التزامات يديده و و ..
ف لاتشطح ليوم وتتعب نفسك سنين.. 300 الف اشوفها مناسبه كحد اعلى لتكاليف الزواج

[ضوى]

لا طبعا ضد وبقوة

ودايما ازرع بعيالي الاود والبنوته ، هذا اسراف وحرام ، وقلت لودلي اول شي تسويه لما تتقدم لواحدة تبي تتزوجها تحددها له الميزانية اللي انت تقدر عليها رضت اهلا وسهلا واللهم بارك مارضت بنات الحلال وايد ، وهالشي بنتبعه مع البنت بعد ، اشدعوة مليون والا حتى نص مليون على عرس مبالغات واسراف الله بيحاسبنا عليه

[قطري2022]

لا طبعا ضد وبقوة

ودايما ازرع بعيالي الاود والبنوته ، هذا اسراف وحرام ، وقلت لودلي اول شي تسويه لما تتقدم لواحدة تبي تتزوجها تحددها له الميزانية اللي انت تقدر عليها رضت اهلا وسهلا واللهم بارك مارضت بنات الحلال وايد ، وهالشي بنتبعه مع البنت بعد ، اشدعوة مليون والا حتى نص مليون على عرس مبالغات واسراف الله بيحاسبنا عليه

بارك الله فيج وفي عيالج هذي ميزة تنحط فوق الراس ، وذي دور الوالدين فعلا في انهم يوعون عيالهم ويرسخون فيهم هالافكار

[قطري2022]

انا عندي اخوان صغار تزوجو من قريب
اكثر واحد فيهم عرسه كلف 360 الف
ماعتقد فيه حد بيسوي عرس بمليون الا الي عنده خمسين ملييون فالبنك :)
فاعتقد انك بالغت لان هذيلا حالات نادره
عموما هي السالفه مب عرس وبس
انت محتاج عقب العرس بيت وسيارات وبتكون عليك التزامات يديده و و ..
ف لاتشطح ليوم وتتعب نفسك سنين.. 300 الف اشوفها مناسبه كحد اعلى لتكاليف الزواج
صح لسانك

[الماريّة]

الحين صارت البل في المزايين اغلى منا
خمس ملايين وعشرون مليون مستكثرين علينا مليون

:waiting:

اعتقد محد بصارف مبالغ كثيره الا الي مقتدر عليها
يعني ال ميه الف تسوى ميه ريال عنده

اما ذوي الدخل المحدود اكيد بدور البنت الي مهرها يناسبه

وفي الاخير لو تلاحظون في هالوقت
ثرى الي عرسها فخم واسطوري وسفرات وخدم وحشم
ثرى الي هي الي اتم مع زوجها في هالزمن لانها سعيده بالدلع

واغلب الي تطلقوا المساكين الي عروسهم بسيطه
وتنازلوا عن حقوقهم مثل غيرهن من البنات


وسلااااااااااام للجميع

[قطري2022]

اخوي لأنهم شايفين خير و عيال نعمة و مب محتاجين يثبتون أنفسهم عند الناس
صدقت بارك الله فيك والناس الي شايفين خير ومتواضعين ذيلة لهم قدر كبير

[قطري2022]

الحين صارت البل في المزايين اغلى منا
خمس ملايين وعشرون مليون مستكثرين علينا مليون

:waiting:

اعتقد محد بصارف مبالغ كثيره الا الي مقتدر عليها
يعني ال ميه الف تسوى ميه ريال عنده

اما ذوي الدخل المحدود اكيد بدور البنت الي مهرها يناسبه

وفي الاخير لو تلاحظون في هالوقت
ثرى الي عرسها فخم واسطوري وسفرات وخدم وحشم
ثرى الي هي الي اتم مع زوجها في هالزمن لانها سعيده بالدلع

واغلب الي تطلقوا المساكين الي عروسهم بسيطه
وتنازلوا عن حقوقهم مثل غيرهن من البنات


وسلااااااااااام للجميع
هلا فيج يالمارية ، اكيد مستوى العرس مب مقياس في استمرار الزواج او انقطاعه ، وممكن الزوج مايطلق بسبب المخاسير الي خسرها في العرس لكن زواج فيه مشاكل و يستمر بسبب خساير العرس فاكيد هالزواح بيكون فاشل ومب مستقر وبياثر عن نفسية الزوجين وعيالهم وتربيتهم ، الزواج والاستمرار فيه لازم يكون عن قناعة مب بسبب الاجبار ، وبعدين الزواج هدفه الاستقرار وتكوين اسرك فمايصير نقارنه بالصرف عاى شي ثاني لان ليلة العرس وماقبلها هذي بداية الزواج فقط وشي ثانوي مب رئيسي علشان نصرف عليه مبلغ كبير

[راجي الْعفو]

النبي صلى الله عليه و سلم اختصر الموضوع كله في كلام وجيز بليغ جامع

أن أقلهن مهرا أكثرهن بركة


روحوا شوفوا كل حالات الطلاق و كم كانت تكاليف زواجاتهم
والمخالفات الشرعية

شلون يرتجون البركة

هذا من أهم الأسباب

اللي يطلب مهر معقول يكون بذلك وافق الشرع و يسر على الرجل و سهل موضوع الزواج في المجتمع

[الماريّة]

هلا فيج يالمارية ، اكيد مستوى العرس مب مقياس في استمرار الزواج او انقطاعه ، وممكن الزوج مايطلق بسبب المخاسير الي خسرها في العرس لكن زواج فيه مشاكل و يستمر بسبب خساير العرس فاكيد هالزواح بيكون فاشل ومب مستقر وبياثر عن نفسية الزوجين وعيالهم وتربيتهم ، الزواج والاستمرار فيه لازم يكون عن قناعة مب بسبب الاجبار ، وبعدين الزواج هدفه الاستقرار وتكوين اسرك فمايصير نقارنه بالصرف عاى شي ثاني لان ليلة العرس وماقبلها هذي بداية الزواج فقط وشي ثانوي مب رئيسي علشان نصرف عليه مبلغ كبير
طيب والمشاكل من وين بتجي كون البنت تنظر لغيرها
هذي سافرت وهذي عندها بيت وهذي عندها دريول وسياره وهذي عندها خدامه

لان الحين صار منظور البنات في هالوقت كل وحده تتطلع للي حولها

اغلب التفكير ان الزواج تمشيه وناسه سفرات وعدم تكلفتها بالمطبخ
وبيت بروحها وهذي كلها وين تتوفر الا عند المقتدر فلذلك قلت اغلب الزيجات
الميسره هي الي اتبارك

[الماريّة]

النبي صلى الله عليه و سلم اختصر الموضوع كله في كلام وجيز بليغ جامع

أن أقلهن مهرا أكثرهن بركة


روحوا شوفوا كل حالات الطلاق و كم كانت تكاليف زواجاتهم
والمخالفات الشرعية

شلون يرتجون البركة

هذا من أهم الأسباب

اللي يطلب مهر معقول يكون بذلك وافق الشرع و يسر على الرجل و سهل موضوع الزواج في المجتمع

نعم وصدق رسول الله صلى الله عليه وسلم
لكن هالكلام يطبقه الزوج المتدين اذا خطب بنت متدينه
الي وقتها مابين محاضرات دينيه ومابين دور التحفيظ

لكن العاديه الي دينها عادي ماراح ترضى بهالشي

[راجي الْعفو]

نعم وصدق رسول الله صلى الله عليه وسلم
لكن هالكلام يطبقه الزوج المتدين اذا خطب بنت متدينه
الي وقتها مابين محاضرات دينيه ومابين دور التحفيظ

لكن العاديه الي دينها عادي ماراح ترضى بهالشي

والله يالمارية الدين يشمل الجميع
مب لازم يكون الشخص متدين تدين كامل
حتى الناس العاديين في منهم من هو افضل من المتدين في بعض الجوانب
المسألة مسألة التفات للشرع ، وهذا الشي يحصل من المتدين وغيره، وان كان المتدين يظهر فيه هالشي بشكل اوضح

[ضوى]

طيب والمشاكل من وين بتجي كون البنت تنظر لغيرها
هذي سافرت وهذي عندها بيت وهذي عندها دريول وسياره وهذي عندها خدامه

لان الحين صار منظور البنات في هالوقت كل وحده تتطلع للي حولها

اغلب التفكير ان الزواج تمشيه وناسه سفرات وعدم تكلفتها بالمطبخ
وبيت بروحها وهذي كلها وين تتوفر الا عند المقتدر فلذلك قلت اغلب الزيجات
الميسره هي الي اتبارك


هنا يجي دور الاهل يا مارية ، لازم ترسخين في عيالج مبادئ اولية لحياتهم ، اللي عند غيرهم مب شرط يكون عندهم ، تنزرع فيهم القناعة زرع ، ماتكلم كلام انشاء والله بس فعلا الاهل لهم دور كبير بهالشي ،

[راجي الْعفو]

نصيحــــــة:

اللي بيتزوج او بيزوج بنته لازم يرسخ في عقلها شي أساسي:


انسي شي اسمه فلانه سوت و فلانه راحت

لان كل بيت يختلف عن الثاني

وكل بيت فيه جانب قصور

فلا تقارنين ابدا

دامج معززه مكرمة

انتهى.

[MirusS]

يالربع كلامكم حلو
بس انا بالنسبه لي لو اخوي بيعرس مابقول له مثل هالكلام
العرس هي فرحه العمر واذا هو الله رازقه عليه بالعافيه بس بدون اسراف زايد
ولو تبون نتكلم بواقعيه وخاصه مع زياده الاسعار الي صايره فقطر صعب ان الوحده اليوم ترضى بمهر اقل من 100 الف مثلا
يعني حتى الي دخله محدود اقل شي راح يقط 200 الف اجمالي العرس .

يعني فكل الاحوال انت راح تقط مبلغ مب شوي .

[قطري2022]

طيب والمشاكل من وين بتجي كون البنت تنظر لغيرها
هذي سافرت وهذي عندها بيت وهذي عندها دريول وسياره وهذي عندها خدامه

لان الحين صار منظور البنات في هالوقت كل وحده تتطلع للي حولها

اغلب التفكير ان الزواج تمشيه وناسه سفرات وعدم تكلفتها بالمطبخ
وبيت بروحها وهذي كلها وين تتوفر الا عند المقتدر فلذلك قلت اغلب الزيجات
الميسره هي الي اتبارك
هذي المشكلة في اهل البنت الي ماعرفو يرسخون فيها القناعة والايمان بالقدر خيره وشره ولا رسخو فيها عدم التعلق بالمظاهر الكذابة ولا فهومها معنى الزواج اساسا ، وهالنوع يعيش تعبان وفي مشاكل طول عمره ومن اهم هالمشاكل كثرة الديون والتوتر الناتج عن الديون الي سببها المظاهر والمقارنة مع الغير ، مايصير نشكل المجتمع بناءا على ناس اسلوبهم خطا في الحياة

[قطري2022]

يالربع كلامكم حلو
بس انا بالنسبه لي لو اخوي بيعرس مابقول له مثل هالكلام
العرس هي فرحه العمر واذا هو الله رازقه عليه بالعافيه بس بدون اسراف زايد
ولو تبون نتكلم بواقعيه وخاصه مع زياده الاسعار الي صايره فقطر صعب ان الوحده اليوم ترضى بمهر اقل من 100 الف مثلا
يعني حتى الي دخله محدود اقل شي راح يقط 200 الف اجمالي العرس .

يعني فكل الاحوال انت راح تقط مبلغ مب شوي .

ميتين الف حلوين وايد وكلما نقص كان احلى ، وخل الغني يستانس بليلة عمره لكن لاتجي الي بتاخذ واحد متوسط الدخل وتطلب منه يسوي مثل مايسوي الغني

[مرتبش]

مبالغ وايد في التكلفة

[حمد 2002]

انا مب متكلم عن المليون ولا عن المليار .

فيه ناس اعراسهم تكلف 20 مليون وفيه ناس 50 الف .

انا بتكلم انه الواحد لازم يتزوج على حسب امكانياته .

وصدقوني بيحصل .

يعني مثلا اذا راح يتقدم لبنت النس لازم هله يقولون ترى فلان امكانياته كذا وكذا ، لازم الصراحه من البدايه .
واذا ماقبلوا فيه البيت الفلاني بيوافقون عليه البيت الفلاني وهكذا .


تحياتي .

[ضوى]

انا مب متكلم عن المليون ولا عن المليار .

فيه ناس اعراسهم تكلف 20 مليون وفيه ناس 50 الف .

انا بتكلم انه الواحد لازم يتزوج على حسب امكانياته .

وصدقوني بيحصل .

يعني مثلا اذا راح يتقدم لبنت النس لازم هله يقولون ترى فلان امكانياته كذا وكذا ، لازم الصراحه من البدايه .
واذا ماقبلوا فيه البيت الفلاني بيوافقون عليه البيت الفلاني وهكذا .


تحياتي .

اتفق معاك تماما ياحمد

[مختلف جداََ]

طيب سؤال اذا ممكن :

المهر مهما كان كبير أو صغير يستخدم في إيش بالضبط ؟؟

يعني العروس تجهز منه ولا لا تجهيزات العروس مالها علاقة بالمهر ؟؟

[ضوى]

طيب سؤال اذا ممكن :

المهر مهما كان كبير أو صغير يستخدم في إيش بالضبط ؟؟

يعني العروس تجهز منه ولا لا تجهيزات العروس مالها علاقة بالمهر ؟؟

عيل شتسوي فيه العروس ؟ تحطه وديعة ؟

[مختلف جداََ]

عيل شتسوي فيه العروس ؟ تحطه وديعة ؟

والله أعرف كم حالة المعرس طق صدره و شال الليلة كلها و المهر العروس ما صرفت منه ريال في تجهيز عرسها

ققلت اشوف هي هو مهايط ولا هذا صار العرف :deal:

[قطري2022]

انا مب متكلم عن المليون ولا عن المليار .

فيه ناس اعراسهم تكلف 20 مليون وفيه ناس 50 الف .

انا بتكلم انه الواحد لازم يتزوج على حسب امكانياته .

وصدقوني بيحصل .

يعني مثلا اذا راح يتقدم لبنت النس لازم هله يقولون ترى فلان امكانياته كذا وكذا ، لازم الصراحه من البدايه .
واذا ماقبلوا فيه البيت الفلاني بيوافقون عليه البيت الفلاني وهكذا .


تحياتي .
صح لسانك

[مرتبش]

انا مب متكلم عن المليون ولا عن المليار .

فيه ناس اعراسهم تكلف 20 مليون وفيه ناس 50 الف .

انا بتكلم انه الواحد لازم يتزوج على حسب امكانياته .

وصدقوني بيحصل .

يعني مثلا اذا راح يتقدم لبنت النس لازم هله يقولون ترى فلان امكانياته كذا وكذا ، لازم الصراحه من البدايه .
واذا ماقبلوا فيه البيت الفلاني بيوافقون عليه البيت الفلاني وهكذا .


تحياتي .

كلام جميل 100%

[قطري2022]

انا مب متكلم عن المليون ولا عن المليار .

فيه ناس اعراسهم تكلف 20 مليون وفيه ناس 50 الف .

انا بتكلم انه الواحد لازم يتزوج على حسب امكانياته .

وصدقوني بيحصل .

يعني مثلا اذا راح يتقدم لبنت النس لازم هله يقولون ترى فلان امكانياته كذا وكذا ، لازم الصراحه من البدايه .
واذا ماقبلوا فيه البيت الفلاني بيوافقون عليه البيت الفلاني وهكذا .


تحياتي .
اضيف على كلامك ان ممكن الكذب في هالحالة يؤدي الى مشاكل كبيرة بسبب عدم قدرة الزوج متوسط الدخل على تلبية طلبات زوجته الي متعودة على البذخ ، وعقبها احتمال كبير يصير طلاق بسبب عدم قدرة الزوج ع الصرف ع زوجته بشكل يكفيها ويرضيها ، فالصح ان يتوضح وضع الزوج من البداية

[كشمه]

مليون او اكثر لبضع ليال فقط ؟ كيف تطاوعكم قلوبكم ايها الفتيات انتن واهلكن ؟ اتعلمون ماذا يفعل ذلك المبلغ بمستقبل من كلفتموه به ؟ [/size]

اخر عرس حضرناه الرجل تكلف بالعرس اللي طار فوق حاجز المليون وكانت عبارة عن مفاجأه منه لها وهي ما اختارت حتى عود جبريت

[غير عنهم]

والله العظيم الي يدفع هالمخاسير يطلق عليه بالعاميه مسكين اوغلبان كان غني او فقير ياخي اعمل لك عشاء وعزم عليه المقربون اليك هذي المخاسير والله العظيم يسأل عنها يوم القيامه والحرمه بعد نفس الشي حفله مبسطه بدون تكاليف وبدون وترقص وواثق الخطوه يمشي ملك وماعليك من احد وعلى فكره الكثير من الناس اصحاب القرار والعقل الراجح هذي طريقتهم بزواج بدون تكلف

[بوحارب]

المشكلة الحين شباب واجد صاروا ياخذون من برع

من السعودية البحرين ولا عربيات مواليد قطر
المهمور عندهم ما تتعدى 40 الف والعرس اي شي خفيف والسلامو عليكو :)

كله بسبب التكاليف اللي نشوفها :)

[qatari 111]

اللي يصرف تكاليف الزواج بمبالغ كبيره اكيد هو راضي مب غصب عنه
لان العوايل او الناس متفاوته بمستواهم المادي وكلن يختار على قد مخباه
ولاحظت ناس اعرفهم عندهم خييييييييييير ماشاءالله لكن تكلفة زواجهم ماكلفت 500 الف

المفروض المهر مايتعدى 100 الف من الى والعرس يكون بسيط نفس ايام قبل فالبيت او قاعه الرفاع للحريم وللرجال من غير ديزاينات الف ليله وليله والكلام الفاضي والمعازيم المقربين واللي يعز عليهم .
والفلوس الباقيه يفرفرون فيها سفرات حول العالم او يستفيدون منها فامور ثانيه
والله مكثر البنات اللي يبون الستر .

[قطري2022]

اللي يصرف تكاليف الزواج بمبالغ كبيره اكيد هو راضي مب غصب عنه
لان العوايل او الناس متفاوته بمستواهم المادي وكلن يختار على قد مخباه
ولاحظت ناس اعرفهم عندهم خييييييييييير ماشاءالله لكن تكلفة زواجهم ماكلفت 500 الف

المفروض المهر مايتعدى 100 الف من الى والعرس يكون بسيط نفس ايام قبل فالبيت او قاعه الرفاع للحريم وللرجال من غير ديزاينات الف ليله وليله والكلام الفاضي والمعازيم المقربين واللي يعز عليهم .
والفلوس الباقيه يفرفرون فيها سفرات حول العالم او يستفيدون منها فامور ثانيه
والله مكثر البنات اللي يبون الستر .

ابدعت ، انا ودي حتى العوايل الغنية جدا تكون اعراسها بسيطة علشان يكونون قدوة للي على قد حالهم ، يعني مثلا لو جاهم رجال خلوق لكن ماعنده امكانية البذخ في العرس ، يقبلون فيه ويمكن يكون احسن من الغني الي يمكن يعذب بنتهم او يطلقها ، طبعا ممكن حتى متوسط الدخل ممكن يعذب البنت ويطلقها ، لكن ع الاقل يبتدون في هالفعل العظيم السامي الي بيسهل الزواج ع الشباب والبنات

[طلعة الروح]

المشكلة الحين شباب واجد صاروا ياخذون من برع

من السعودية البحرين ولا عربيات مواليد قطر
المهمور عندهم ما تتعدى 40 الف والعرس اي شي خفيف والسلامو عليكو :)

كله بسبب التكاليف اللي نشوفها :)

هذا الامر قديم ومعروف من زمان مانقول غير كيفهم مادام الدوله اسمحت لهم بالزواج من الخارج لكن هم المسؤولين عن نتايج افعالهم اذا انعكس الامر بالسلب في المستقبل

[قطري2022]

هذا الامر قديم ومعروف من زمان مانقول غير كيفهم مادام الدوله اسمحت لهم بالزواج من الخارج لكن هم المسؤولين عن نتايج افعالهم اذا انعكس الامر بالسلب في المستقبل

يعطيج العافية ياطلعة ، اتتي كم تشوفين المبلغ المناسب للعرس ؟

[دينالي]

القضية مو قضية بذخ بقدر ان كل شي غالي بقطر يعني الصالة التي تشيل اكس انفار من المعازيم في الدول المجاورة يكون الحجز بسعر اقل غير الامور الثانية ...يعني اذا واحد سعودي مثلا بيسوي نفس مستوى العرس عندهم مو بعيد يكلفه النص ....مشكلتنا ان الهوامير يبنون والتجار ياجرون منهم بسعر عالي ويبيعون لنا بسعر عالي فصار كل شي بسعر عالي حتي قطع غيار السيارات اللي مفروض سعرها موحد عالميا علينا اغلى حتى شركه الطيران المحليه على القطري اغلى

[قطري2022]

القضية مو قضية بذخ بقدر ان كل شي غالي بقطر يعني الصالة التي تشيل اكس انفار من المعازيم في الدول المجاورة يكون الحجز بسعر اقل غير الامور الثانية ...يعني اذا واحد سعودي مثلا بيسوي نفس مستوى العرس عندهم مو بعيد يكلفه النص ....مشكلتنا ان الهوامير يبنون والتجار ياجرون منهم بسعر عالي ويبيعون لنا بسعر عالي فصار كل شي بسعر عالي حتي قطع غيار السيارات اللي مفروض سعرها موحد عالميا علينا اغلى حتى شركه الطيران المحليه على القطري اغلى
يعطيك العافية دينالي ، صح كل شي غالي ، لكن مايصير نرضخ للغلا علو حساب راحتنا وصفاء عقولنا ، لازم نكسر القاعدة الي كسرت ظهور الشباب ومانعطي الهوامير والتجار فرصة انهم يكسرونا ، يممكن لو اتحد المجتمع بيكسرون عادات التجار الجشعين ، هو مب فارقة معاهم لكن متوسط الدخل تفرق معاه

[ضليع التبريد]

،،،أقلهُنْ مهراً أكثرهُنْ بركه،،،

[طلعة الروح]

،،،أقلهُنْ مهراً أكثرهُنْ بركه،،،

المهر ماله علاقة بتكاليف العرس الباهضه لان المهر حق شرعي لكن العرس وما يحيطه من قلق ومتطلبات هذا شي يتطلب حسم الرجل وصراحته من البداية مع اهل الفتاة..ما ينفع التأفف والتشكي من قبل الشاب والسكوت وان يحمل اكثر من طاقته وزواجه يبتدي بكذبه من اول الطريق بسبب المجاملات الاجتماعية السخيفة.

[R 7 A L]

150 واجد

المفروض فلوسهم يخلونها للتمشي بعد العرس

[JN000N]

والله حتى لو ميتين الف او ثلاثميه الف حرام في ليله
بس شنسوي ما باليد حيله
كل شي عندنا غالي
مع ان معظم الاشيا الي تكلف ف الاعراس من تجهيزات ماتكون اشياء مستهلكه بالعكس ثلاث ارباعها ييستعملونها كذا مره
وحتى الورد الطبيعي الي يجيبونه من يخلص العرس تلاقي عمال دشو ياخذون ورد المهم نص الكميه ماتروح عالفاضي ويرد يستعملها
شي مايكلفهم ف المحل عشر الاف
يسوونه لك ب150 الف
وحتى القاعات والمطاعم وكل شي
وحتى الطقاقات من الدول المجاورة
مره كلمنا طقاقه معروفه من رقم بحريني عطتنا سعر رخيص تقريبا تطلع شي وعشرين او يدوب توصل ثلاثين
يوم درت ان احنا من قطر دبلت السعر 4 مرات
ممكيجه من دوله مجاوره ماتيي ب اقل من عشرين الف ومعاها مساعدتها وتتشرط حجزولي التذاكر والفندق
المهم اي شي في قطر او من برا وبيصير لقطر معروف سعره يطق السما

[captin]

التضخم الحاصل في مصروفات الزواج و في كل نواحي الحياة
ملاحظ عموما سواء في اسعار السيارات او العقارات او باقي الخدمات
ومنها مصروفات الزواج

من الممكن ان الزواج يكلف القليل لو وجد ناس عندهم عقل وعندهم فكر
وما يطالعون ويحاكون الآخرين
بكل سهول بمبلغ لايزيد عن 200 الف ريال ممكن يصير عرس حلو وبسيط
وتكون بداية حياة بسيطة وسعيدة بدون تكلف

المطلوب ناس عمليين تفكيرهم نفس تفكير الاجانب يفكرون في مستقبلهم وليس
في بهرجة ليلة او ليلتين !!!

[فريج النجادة]

الحريم هم وراء حب المظاهر !!!!!!!!!!!!!!!!!!!

[راجي الْعفو]

المهر ماله علاقة بتكاليف العرس الباهضه لان المهر حق شرعي لكن العرس وما يحيطه من قلق ومتطلبات هذا شي يتطلب حسم الرجل وصراحته من البداية مع اهل الفتاة..ما ينفع التأفف والتشكي من قبل الشاب والسكوت وان يحمل اكثر من طاقته وزواجه يبتدي بكذبه من اول الطريق بسبب المجاملات الاجتماعية السخيفة.

المهر جزء غير بسيط من تكلفة العرس

100 الف و طالع ، شلون ما له علاقة بالموضوع

[راجي الْعفو]

150 واجد

المفروض فلوسهم يخلونها للتمشي بعد العرس

لو فكروا بهالطريقة ارتاحوا

بس كلام الناس

[وسمي2016]

الحريم هم وراء حب المظاهر !!!!!!!!!!!!!!!!!!!

المفروض العكس,,,,,,,,,,لو ان الواحد يقول : الحريم هم سبب التواضع

كان بتشوفون الدنيا غير,,,,,,,,,,,,,

[وسمي2016]

التواضع لله فيه رفعه,,,

اقرأوا احاديث السنه النبويه في التواضع ,,,,,,,,,,

عن أنس بن مالك رضي الله عنه قال:
قال رسول الله صلى الله عليه وسلم:

" إن الله أوحى إلي أن تواضعوا، حتى لا يفخر أحد على أحد , ولا يبغي أحد على أحد "

والكثير ايضا في هذا اللنك:

http://hadith.islambeacon.com/index.php?title=%D8%A7%D9%84%D8%A3%D8%AD%D8%A7%D8% AF%D9%8A%D8%AB_%D8%A7%D9%84%D8%B5%D8%AD%D9%8A%D8%A D%D8%A9_%D9%81%D9%89_%D8%A7%D9%84%D8%AA%D9%88%D8%A 7%D8%B6%D8%B9

[طلعة الروح]

المهر جزء غير بسيط من تكلفة العرس

100 الف و طالع ، شلون ما له علاقة بالموضوع

لو خطبني واحد وطلبت مهر 200 ألف وماسويت عرس ولا طقطقه غير عن لو طلبت مهر 200 الف وفوقهم 200 الف ثانيين عشان مصاريف حفلة الزفاف (وهذا هو اللي حاصل اليوم) ، هذا المقصود باني طلبت المهر بدون تكاليف العرس الاضافيه