+ بنات صغار شوف عيني +

[شبح الصمت]

السلام عليكم ورحمة الله وبركاته ..

رسالتي موجه للاباء والامهات ونعيد ونكرر لا تهملون بناتكم انتبهو عليهم ..

بنات صغار في الاعدادية او بداية الثانوية فل ميكب يتمشون في ملاهي احد المجمعات وضحك وتفرفر

يجونهم اثنين يحذفون عليهم بورقة فيها رقم وتاخذ الورقة وتجيها رفيجتها وتاخذ الورقة وتزاعق ما نبي الرقم ...


يا جماعة الخير البنت شوفه
لهدرجة صار عادي تطلع مع رفيجتها ونشوفهم بهالطريقة

وقسم بالله شيء يعور القلب شيء محزن


اطلعها مع دريول والا الخدامه محرم هذولي هم محارم في ظنهم !!


لا فات الفوت ما ينفع الصوت
وان طاح الفاس براس ماينفع الندم

[Charisma]

مشغولين طال عمرك ، الأب مشغول في المجالس ، والأخوان بزي مع الربع في كتارا واللؤلؤه ، يعني اذا في مجال ألتمس العذر لهم ولاتقلب المواجع عليهم ، وبعدين الأب واثق من تربيته ، خلهم يستانسون ويطلعون ويردون ويسرحون ويمرحون شفيها .

تبي الزبده ؟ رسالتك ماراح توصل لهم إلا بعد اخر سطرين في موضوعك .


تذكرت هالموضوع : http://www.qatarshares.com/vb/showthread.php?612181

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

ياخي ليش زعلان الناس ما تبي حد يأذيها

كتبت قبل ايام عن الدياثة

بس ما عجبهم

مع انهم يشوفونها بأم عيونهم

وهذا هو يتكرر


استمروا في تدليل البنات ^_^

[راجي الْعفو]

مشغولين طال عمرك ، الأب مشغول في المجالس ، والأخوان بزي مع الربع في كتارا واللؤلؤه ، يعني اذا في مجال ألتمس العذر لهم ولاتقلب المواجع عليهم ، وبعدين الأب واثق من تربيته ، خلهم يستانسون ويطلعون ويردون ويسرحون ويمرحون شفيها .

تبي الزبده ؟ رسالتك ماراح توصل لهم إلا بعد اخر سطرين في موضوعك .

متاكد بتوصلهم بعد اخر سطرين؟

الواحد قام يشك .

[شبح الصمت]

مشغولين طال عمرك ، الأب مشغول في المجالس ، والأخوان بزي مع الربع في كتارا واللؤلؤه ، يعني اذا في مجال ألتمس العذر لهم ولاتقلب المواجع عليهم ، وبعدين الأب واثق من تربيته ، خلهم يستانسون ويطلعون ويردون ويسرحون ويمرحون شفيها .

تبي الزبده ؟ رسالتك ماراح توصل لهم إلا بعد اخر سطرين في موضوعك .


لا حول ولا قوة الا بالله

[Charisma]

وَعَلَيْكُم السّلام وَرَحْمَة اللهِ وَبَرَكَاتُه

ياخي ليش زعلان الناس ما تبي حد يأذيها

كتبت قبل ايام عن الدياثة

بس ما عجبهم

مع انهم يشوفونها بأم عيونهم


استمروا في تدليل البنات ^_^

راجي اللي يشوف مشاركاتنا يقول هالجماعه مسلطين ، هل لنا ياعزيزي ويا صديقي الألكتروني بسطرين او ثلاث تشرح فيهم الدافع وراء هذه الردود بحيث تظهر بين ثنايا هذه السطور ( حسن النيه ) والدافع الحقيقي .


المايك عندك.http://www.schreibwerkstatt.de/images/smilies/smiley_emoticons_seb_singing.gif

[راجي الْعفو]

راجي اللي يشوف مشاركاتنا يقول هالجماعه مسلطين ، هل لنا ياعزيزي ويا صديقي الألكتروني بسطرين او ثلاث تشرح فيهم الدافع وراء هذه الردود بحيث تظهر بين ثنايا هذه السطور ( حسن النيه ) والدافع الحقيقي .


المايك عندك.http://www.schreibwerkstatt.de/images/smilies/smiley_emoticons_seb_singing.gif

ابد يا عزيزي الالكتروني

فقط القصه وما فيها ان الرجل صاحب دين و غيرة
وعرض الناس مثل عرضنا ما نرضى الغلط منهم او عليهم

وبث والله ^_^

[Charisma]

ابد يا عزيزي الالكتروني

فقط القصه وما فيها ان الرجل صاحب دين و غيرة
وعرض الناس مثل عرضنا ما نرضى الغلط منهم او عليهم

وبث والله ^_^

جزاك الله خير ، أوجزت فأبلغت .

[يمامـة]

الجيل الحالي يطالب بالثقة المتبوعة بالحرية..

البنت تروح بيت أي صديقة من غير اعتراض من الام..

البنت تطلع مع صديقاتها من غير ممانعة من الام..

البنت تراجع المستشفيات والمواعيد متى ما حبت من غير اذن الام
او طلب مشورتها.. لأن الزمن تغير عن قبل والبنت صارت تسافر وتدرس واتدبر
امورها فهي في بلادها اكثر قدرة على تدبر امورها..

هالفكر منتشر ما بين الجيل الجديد.. وبعض الإباء والامهات.. اللي يعتبرون
خروج البنت من غير أمها او احد محارمها ثقة..

العالم فاهمين موضوع الثقة فهم خاطئ..
كلنا نثق في بناتنا.. وكلنا نتمنى الخير في بناتنا وفي اللي يتمشون معاهم بناتنا....

لكن اذا احنا وثقنا في بناتنا ما نقدر نثق في اللي بيصادفونهم بناتنا..
فالخوف مب من بناتنا كثر ما هو خوف على بناتنا ..

فمن جذيه البعض عادي عنده التمكيج عادي عندهم العبي المفتوحة وعادي عندهم البنت تطلع
مع صديقاتها.. وعادي عندهم البنت تروح بروحها مع الدريول علشان تطلب لها قهوة من ستار بكس
وترد البيت بحجة انها متمللة وتبي تغير جو..

الكلام ما راح يغير شي.. دام ان في ناس فكرهم متوجه الى انهم الأفضل في التربية
لأنهم محترمين شخصيات بناتهم و معطينهم الثقة!!

ومالنا غير ندعي لهم بالهداية ونعي لنفوسنا وبناتنا وعيالنا قبلهم..
يارب اهدينا و اهديهم.. اللهم امين..

[شبح الصمت]

الله يجزاكم خير اخوي راجي وطيارنا الغالي ..

[راجي الْعفو]

الجيل الحالي يطالب بالثقة المتبوعة بالحرية..

البنت تروح بيت أي صديقة من غير اعتراض من الام..

البنت تطلع مع صديقاتها من غير ممانعة من الام..

البنت تراجع المستشفيات والمواعيد متى ما حبت من غير اذن الام
او طلب مشورتها.. لأن الزمن تغير عن قبل والبنت صارت تسافر وتدرس واتدبر
امورها فهي في بلادها اكثر قدرة على تدبر امورها..

هالفكر منتشر ما بين الجيل الجديد.. وبعض الإباء والامهات.. اللي يعتبرون
خروج البنت من غير أمها او احد محارمها ثقة..

العالم فاهمين موضوع الثقة فهم خاطئ..
كلنا نثق في بناتنا.. وكلنا نتمنى الخير في بناتنا وفي اللي يتمشون معاهم بناتنا....

لكن اذا احنا وثقنا في بناتنا ما نقدر نثق في اللي بيصادفونهم بناتنا..
فالخوف مب من بناتنا كثر ما هو خوف على بناتنا ..

فمن جذيه البعض عادي عنده التمكيج عادي عندهم العبي المفتوحة وعادي عندهم البنت تطلع
مع صديقاتها.. وعادي عندهم البنت تروح بروحها مع الدريول علشان تطلب لها قهوة من ستار بكس
وترد البيت بحجة انها متمللة وتبي تغير جو..

الكلام ما راح يغير شي.. دام ان في ناس فكرهم متوجه الى انهم الأفضل في التربية
لأنهم محترمين شخصيات بناتهم و معطينهم الثقة!!

ومالنا غير ندعي لهم بالهداية ونعي لنفوسنا وبناتنا وعيالنا قبلهم..
يارب اهدينا و اهديهم.. اللهم امين..

شكرا ام خوسيه انج ركزتي ع موضوع: انا اثق في بنتي

وسامح لها بكل شي

خوش ثقة ^_^

[راجي الْعفو]

جزاك الله خير ، أوجزت فأبلغت .


الله يجزاكم خير اخوي راجي وطيارنا الغالي ..




ويجزاكم خير و يبارك فيكم و يثبتكم و يكثر من الغيورين امثالكم

[نمر بن عدوان]

هذا كله بسبب الاسطوانه الي شغالين عليها : خلك في حالك وبيتك ومن راقب الناس مات هما وماعليك من غيرك !!

[راجي الْعفو]

هذا كله بسبب الاسطوانه الي شغالين عليها : خلك في حالك وبيتك ومن راقب الناس مات هما وماعليك من غيرك !!


مع انها أسطوانة مشروخة
بس شغاله والله ^_^

[يمامـة]

شكرا ام خوسيه انج ركزتي ع موضوع: انا اثق في بنتي

وسامح لها بكل شي

خوش ثقة ^_^

عفوا يا شيخنا راجي..

ضعنا بسبب تغيير المسميات وتمييعها لان الحقيقة مرة.. والمجتمع قاعد يدفع الثمن لأن الأفعال لا تسبغ باسماءها الحقيقة..

[راجي الْعفو]

عفوا يا شيخنا راجي..

ضعنا بسبب تغيير المسميات وتمييعها لان الحقيقة مرة.. والمجتمع قاعد يدفع الثمن لأن الأفعال لا تسبغ باسماءها الحقيقة..
الله يصلح الحال يا ام خوسيه

[يمامـة]

الله يصلح الحال يا ام خوسيه

اللهم آمين..

[بوخالد911]

كلكم راع وكلكم مسؤول عن رعيته.

[نفسي عزيزه]

والله انك كفو يالغالي

كثر الله امثالك والله يبارك بحياتك وتنال مرادك علو حرصك وغيرتك

[طلعة الروح]

الخلل من جيل الاباء والامهات اللي طالعين لنا بصرعات جديده ومثل ماتربوا بيربون عيالهم غالبا على نفس المنهج وهاي مسألة تربوية بحتة وشنهي الأساسيات اللي المفروض يزرعونها الأهل في عيالهم بغض النظر عن القشور الخارجيه اللي ممكن نشوفها وماتعجبنا مبدئيا انا اشوفها عاديه في سن المراهقه ومجرد مشهد ما اعجبك ومش معناته انه يتتكرر كل يوم ... كذلك ليش احنا نلوم على جزئية اهل البنت والبنت وتنسى الطرف الاخر اللي يعتبر من افراد المجتمع وأهله ماعلموه الدين والعادات والادب، ، لذلك انا شايفه ان المسؤولية مشتركة والاخلاق لا تتجزأ مايصير اشوف نص المشهد واتغاضى عن الجزء الاخر .. الموضوع عميق وفيه تشعبات كبيرة والمفروض ان ناقشناه كثير والافضل نناقشه بصورة مختلفه واكثر واقعيه من السابق والبعد عن النمطيه التي لا تعطي دايما نتائج ايجابية في عصر وزمن اختلف كثير عن عصر الاجداد والاسلاف.

[Rider]

والله في خاطري كلام قوي لكن ماينقال لأسباب الحال التي وصل لها بنات هالجيل أرجوكم يالخرفان أصحوا قبل لا يأكل الذيب الغنم

[راجي الْعفو]

[ نشر الفضيلة ]

‏{ فجاءته إحداهما تمشي على استحياء }
‏
✒قال عمر رضي الله عنه:
‏«واضعة ثوبها على وجهها»
‏[رواه ابن أبي شيبة31842]

‏✒قال شيخ الإسلام :
‏«الوجه واليدان والقدمان ليس لها(أي المرأة)أن تبدي ذلك للأجانب على الصحيح...بل لا تبدي إلا الثياب(أي كالعباءة)».
‏[فتاوى22/115]

✒قال الجويني الشافعي:
«اتفق المسلمون على منع النساء من الخروج سافرات الوجوه».
‏[نهاية المطلب 12/ 31]

‏الساتراتُ أنفسهن جواهرٌ
‏واﻷُخرياتُ بضائعُ التجارِ
‏فمجوهراتُ نسائِكُم مستورةٌ
‏وبضـائعُ التجـارِ للـزُّوارِ..

[MirusS]

في ظل هالاوضاع الواحد احسن شي يبتعد نفسه .
ولايحتك مع هالفئه وايد لانه بيتاثر فيهم ..

والله مشكله ياخي
حتى بنات الاعداديه بالنسبه لي اشوفهم مب صغار لان المفروض في هالعمر يبدون يتعلمون الالتزام.

شهالناس !

[راجي الْعفو]

في ظل هالاوضاع الواحد احسن شي يبتعد نفسه .
ولايحتك مع هالفئه وايد لانه بيتاثر فيهم ..

والله مشكله ياخي
حتى بنات الاعداديه بالنسبه لي اشوفهم مب صغار لان المفروض في هالعمر يبدون يتعلمون الالتزام.

شهالناس !

والله ياخوي اذا الصالحين ابتعدوا بتصير الساحة فاضية لاهل الفساد
لا بد من دفع الفساد و مقاومته و الصبر عليه

ومب شرط يرافجهم و يصاحبهم، يقدر ينكر و يمشي عنهم و يقدر ينكر بالصوت و يقدر ينكر بالكتابة..الخ . الإنكار له عدة وسائل و طرق

صحيح الإعدادية تكون بلغت او قريبه جدا من البلوغ، و الناس لين الحين يقولون: توها ياهل و صغيرة

بل منهم من تبلغ ع نهاية الابتدائي حتى!


تتعجب منهم فعلا !

وخاصة مع هالاجهزة اللي يشيلونها في اياديهم منغير حسيب او رقيب !

[الماريّة]

فعلااااااا هالشي يعور قلبي
وهذا الي مادانيه ولا احبه

اهمااال البنت سواء كبيره او صغيره
لابد من وجود محرم باي وقت واي مكان

والله يسترهن يارب ويصلح بالهن

[QtrGate]

بنات الإعدادية والثانوية
يجب على الدولة مراقبتهم

كثرة البارتيات والحفلات في بعض الفنادق
وأصبح الوضع مخزي ويحتاج تادييب وتفعيل لقسم الأحداث

[مرتبش]

الام والاب هم الاساس في تعليم وتأديب اطفالهم .. متى ماسحبت هذه المسؤولية منهم وتركت للمدرسة او المركز الاجتماعي او حتى المحكمة ستكون النتائج نفس التي نراها الان

[ضوى]

الام والاب هم الاساس في تعليم وتأديب اطفالهم .. متى ماسحبت هذه المسؤولية منهم وتركت للمدرسة او المركز الاجتماعي او حتى المحكمة ستكون النتائج نفس التي نراها الان

اتفق تماما مع هذا الرد

يارب تستر بناتنا وتحفظهم وتصلح حالهم وتهديهم لسواء السبيل

[Charisma]

الله يجزاكم خير اخوي راجي وطيارنا الغالي ..




ويجزيك اخوي شبح ، شكرا على الطرح .

[mr. abdulla]

كل اب او ام يقولون لا عيالي غير ..

[بومحمد المطاوعه]

وَعَلَيْكُم السّلام وَرَحْمَة اللهِ وَبَرَكَاتُه

ياخي ليش زعلان الناس ما تبي حد يأذيها

كتبت قبل ايام عن الدياثة

بس ما عجبهم

مع انهم يشوفونها بأم عيونهم

وهذا هو يتكرر


استمروا في تدليل البنات ^_^

الله المستعان ياخوي
شنسوي بعد
غافلين هالناس والعياذ بالله

[بومحمد المطاوعه]

الام والاب هم الاساس في تعليم وتأديب اطفالهم .. متى ماسحبت هذه المسؤولية منهم وتركت للمدرسة او المركز الاجتماعي او حتى المحكمة ستكون النتائج نفس التي نراها الان

هؤلاء الناس قبل لايربون عيالهم

يبيلهم ناس تربيهم وتعلمهم السنع والصح والخطأ
والحلال والحرام
عقب خل يربون عيالهم عدل

[بومحمد المطاوعه]

الله يجزاك خيرر ياخوي شبح
بيض الله وجهك على الموضوع الطيب
والله يصلح حالهم
ويهديهم يارب

[R 7 A L]

الله يهديهم ولاه امورهم ويعينهم