في الاجتماعات العائلية .. شلون نشغلهم ؟؟

[الحياة الخالدة]

السلام عليكم ورحمة الله وبركاته
صبحكم الرحمن بطاعته ورضاه

أكيد كلنا عندنا تجمعات عائلية .. سواء أسبوعية أو في المناسبات السعيدة والطلعات الجماعية
حبايبنا العيال وباختلاف مراحلهم العمرية ( لحد سن المرحلة الاعدادية مثلاً ) .. تختلف أنشطتهم و طريقة قضاءهم للوقت مع بعضهم البعض
في قروبات أولاد .. وقروبات بنات .. وفي قروبات مختلطة ( اللي هي الاعمار الصغيرة طبعاً )
لو الجو حلو يطلعون في المكان المفتوح ويراكضون ويلعبون ويطلعون الطاقة اللي فيهم
ولو ما كان الجو مناسب يقعدون داخل البيت .. وغالباً يجابلون السوني أو البلاي ستيشن أو الآيبادات والجوالات

السؤال المطروح للنقاش :
عشان ندمج العيال مع بعض .. وبنفس الوقت يقضون وقتهم في شي مفيد
شنهي الأشياء اللي ممكن نسويها لهم والأمور اللي نشغلهم فيها .. بدال ما نقعد نهاوشهم : اقعد يا عبود واعقل يا حمود وسكتي يا فطوم

تحياتي وشكري لكم مقدماً

[ضوى]

تصدقين على الازعاج اللي يسوونه ماشاء الله عليهم الله يحفظهم الا انه ممنوع اي واحد فيهم يمسك ايباد والا جوال طبعا اتكلم عن 13 وماتحت ، الاولاد عادة كورة بالحوش والا قاعدين عند المسيد برع البيت والبنات لعبهم حلو فديتهم وفديت لعبهم ، هاديات مرضيات الله يرضى عليهم دنيا واخرة بس ماشاء الله اذا اجتمعوا تصير الصكة هذا سوى هذا فعل ، ولازم يكون في احد يخافون منه ويعملون له حساب ، احيانا العبهم العاب يفكرون فيها وينشغلون احيانا مالي بارض ، نلعبهم جماد حيوان ، ويلعبون اونو مونوبولي رسم الوان يشغلون نفسهم او نشغلهم ، اذا الجو يساعد طلعناهم الحديقة القريبة يركضون ويتنططون او مع سياكلهم يفرغون طاقتهم ، الله يحفظهم ويهديهم ويصلحهم .

[الحياة الخالدة]

تصدقين على الازعاج اللي يسوونه ماشاء الله عليهم الله يحفظهم الا انه ممنوع اي واحد فيهم يمسك ايباد والا جوال طبعا اتكلم عن 13 وماتحت ، الاولاد عادة كورة بالحوش والا قاعدين عند المسيد برع البيت والبنات لعبهم حلو فديتهم وفديت لعبهم ، هاديات مرضيات الله يرضى عليهم دنيا واخرة بس ماشاء الله اذا اجتمعوا تصير الصكة هذا سوى هذا فعل ، ولازم يكون في احد يخافون منه ويعملون له حساب ، احيانا العبهم العاب يفكرون فيها وينشغلون احيانا مالي بارض ، نلعبهم جماد حيوان ، ويلعبون اونو مونوبولي رسم الوان يشغلون نفسهم او نشغلهم ، اذا الجو يساعد طلعناهم الحديقة القريبة يركضون ويتنططون او مع سياكلهم يفرغون طاقتهم ، الله يحفظهم ويهديهم ويصلحهم .
الله يحفظهم ويهديهم
بس ما شاء الله عليج انتي حازمة في هالأمور من ناحية الآيباد والجوال .. غيرج لا
صحيح الاولاد لعبهم أغلبه برا بس إما إنج تخافين عليهم من طلعة الشارع مع هالسيارات اللي طايرة طيران حتى داخل المناطق السكنية
أو إن مع لعبهم الخشن يا يعورون بعض أو يخربون الاشياء اللي برا ( مثل السيارات اللي صافة في الحوش )
البنات لعبهم هادي نفس ما قلتي .. إلا لما يختلطون بالأولاد ويتعلمون منهم الدفاشة هههههههههه .. وفي الغالب تيي لج البنت الصغيرة مطقوقة ومكفخة ( والعذر كنا نلعب معاها هههههههههه )
ألعاب الطيبين : جماد حيوان .. أونو .. مونوبولي ههههههههه
يبيلهم حد له بارظ نفس ما قلتي .. حتى هم يستانسون لما نشاركهم اللعب

[سالم الزهران]

اذا كنت قريب منهم ما اتطمن حتى اطلع معهم في الحوش لان ابو عشر سنين و احدعش سنة ما ينتبهون حق الصغار, و يشوتون كورة بقوة و يدخلون ويخرجون مع باب البيت و الباب يرتد في وجه واحد ابو ثلاث سنين .. افضل اذا زاد العدد نوزعهم حسب العمر و نبعد الصغار عن اليافعين لان حماس اللعبة ينسيهم ان معهم صغار ما يتحملون. يكفي الصغير عندي طاح و صار له شعر في الجمجمة ومن يومها ما عاد اتكل على احد ابداً حتى النادي ما يروحون بلحالهم وعسى الله يحفظ عيال المسلمين و يجنبهم كل سوء.

[الحياة الخالدة]

اذا كنت قريب منهم ما اتطمن حتى اطلع معهم في الحوش لان ابو عشر سنين و احدعش سنة ما ينتبهون حق الصغار, و يشوتون كورة بقوة و يدخلون ويخرجون مع باب البيت و الباب يرتد في وجه واحد ابو ثلاث سنين .. افضل اذا زاد العدد نوزعهم حسب العمر و نبعد الصغار عن اليافعين لان حماس اللعبة ينسيهم ان معهم صغار ما يتحملون. يكفي الصغير عندي طاح و صار له شعر في الجمجمة ومن يومها ما عاد اتكل على احد ابداً حتى النادي ما يروحون بلحالهم وعسى الله يحفظ عيال المسلمين و يجنبهم كل سوء.
بالفعل .. يحتاجون مراقبة الله يحفظهم
بعضهم لعبهم خشن .. وبعضهم يلهون باللعب وينسون ينتبهون للعيال الصغار اللي يبيلهم انتباه وملاحظة
والحوادث الله يبعدها عن الجميع تصير في لحظة وغمضة عين
العيال الصغار يحبون التقليد وممكن يسوون أشياء ما تناسب عمرهم ويتعورون
سلامة ولدك الصغير أخوي سالم
اللهم آميـــــــن

[حمد 2002]

قديما
يوم كنا بالاعداديه وحتى الثانويه احياننا كنا نجتمع اذا في ايام الاجازات بغرفه واحده ونلعب مباريات بالسوني وبطولات مع قليلا من المأكولات الخفيفه .

وايضا كنا نجتمع على الكمبيوتر قليلا بعد ظهوره وتعلمنا عليه يوم كنا بالاعداديه مممم اتذكر عطونا كمبيوتر بأول اعدادي تقريبا مممم واول درس درسونا عليه الورد قليلا وشلون نرسم مثلث وانلونه الباور بونت ، مممم بس كنا ندخل النت ايامها ونلعب بالالعاب وببعض برامج الشات والماسنجر .

اما الانشطه الخارجيه الي كنا انمارسها مممم لعب الكوره بالحوش وكان باب الحوش هو الهدف مممم ، نتأمل قفص الحمام بالحوش ، انراكش وراء الدجاج والغنم ، ممممممم وبالابتدائيه نفس الشيء تقريبا وكنا ايضا نجتمع لمتابعه الرسوم التحركه وايضا بعض الافلام الانجليزيه بقناه ام بي سي وبعض الافلام المكسيسيه والكويتيه يوم كنا بالابتدائيه وايضا كنا نلعب بالحيوانات الالعاب والطيارات والسيارات والمكعبات يوم كنا بالابتدائيه . وايضا طرى علي شيء بضيفه .

تحياتي .

[الحياة الخالدة]

قديما
يوم كنا بالاعداديه وحتى الثانويه احياننا كنا نجتمع اذا في ايام الاجازات بغرفه واحده ونلعب مباريات بالسوني وبطولات مع قليلا من المأكولات الخفيفه .

وايضا كنا نجتمع على الكمبيوتر قليلا بعد ظهوره وتعلمنا عليه يوم كنا بالاعداديه مممم اتذكر عطونا كمبيوتر بأول اعدادي تقريبا مممم واول درس درسونا عليه الورد قليلا وشلون نرسم مثلث وانلونه الباور بونت ، مممم بس كنا ندخل النت ايامها ونلعب بالالعاب وببعض برامج الشات والماسنجر .

اما الانشطه الخارجيه الي كنا انمارسها مممم لعب الكوره بالحوش وكان باب الحوش هو الهدف مممم ، نتأمل قفص الحمام بالحوش ، انراكش وراء الدجاج والغنم ، ممممممم وبالابتدائيه نفس الشيء تقريبا وكنا ايضا نجتمع لمتابعه الرسوم التحركه وايضا بعض الافلام الانجليزيه بقناه ام بي سي وبعض الافلام المكسيسيه والكويتيه يوم كنا بالابتدائيه وايضا كنا نلعب بالحيوانات الالعاب والطيارات والسيارات والمكعبات يوم كنا بالابتدائيه . وايضا طرى علي شيء بضيفه .

تحياتي .

ما شاء الله .. طفولتك حافلة
طيب الحين .. شلون تشغلون العيال ؟؟
والا تخلونهم على كيفهم يسوون اللي يبونه .. ما تتدخلون كلش ؟؟

[مختلف جداََ]

هيييييييييييه يالحياة


قول للزمان ارجع يا زمان

[حمد 2002]

ما شاء الله .. طفولتك حافلة
طيب الحين .. شلون تشغلون العيال ؟؟
والا تخلونهم على كيفهم يسوون اللي يبونه .. ما تتدخلون كلش ؟؟

الحين اجوف عادات سيئه صارت وهو اذا طفل تحت ال 3 سنوات يعطونه ايباد ويلعب فيه بينه وبين نفسه لين يتعب ويرقد وهالشيء غلط لانه مع الوقت بينسرق نظر الطفل وبيصير طفل منعزل على نفسه اجتماعيه ، والحل هو بخلق العاب جماعيه للاطفال مثلا تخصيص غرفه بالبيت لهم اذا كنا خايفين من انهم يخربون الاثاث وبها يمارسون هوايات التلوين والرسم واللعاب اليدويه الى آخره ، اما بالنسبه للي في الابتدائيه والاعداديه اجوف بعضهم في ايام الاجازات يروحون البحر مع اهلهم بالطراريد وبعضهم يروحون البر على حسب هوايات ابوه ، وهذاذ شيء جميل وزين اما اذا كانوا بالبيت فينشغلون اكثر الوقت بسوالف الكبار وهالشيء زين وشين بنفس الوقت وينشغلون بالحديث مع اقرانهم بالعمر من عيال عمهم وخالهم وهكذا ، وكذذلك ممكن يجووفن التلفزيون قليلا وتناول السويت بعد الغداء المشترك بالاجازات خصوصا ، وتلك الجمعه واللمه مابين الاهل تزيد التقارب بينهم ونرى الاطفال يشتاقون الى الاجازات تحديدا والى تلك اللمه والترابط لالتقائهم مع اهلهم وتحديدا بالي نفس عمرهم .

تحياتي .

[م/ عبدالله]

قديما
يوم كنا بالاعداديه وحتى الثانويه احياننا كنا نجتمع اذا في ايام الاجازات بغرفه واحده ونلعب مباريات بالسوني وبطولات مع قليلا من المأكولات الخفيفه .

وايضا كنا نجتمع على الكمبيوتر قليلا بعد ظهوره وتعلمنا عليه يوم كنا بالاعداديه مممم اتذكر عطونا كمبيوتر بأول اعدادي تقريبا مممم واول درس درسونا عليه الورد قليلا وشلون نرسم مثلث وانلونه الباور بونت ، مممم بس كنا ندخل النت ايامها ونلعب بالالعاب وببعض برامج الشات والماسنجر .

اما الانشطه الخارجيه الي كنا انمارسها مممم لعب الكوره بالحوش وكان باب الحوش هو الهدف مممم ، نتأمل قفص الحمام بالحوش ، انراكش وراء الدجاج والغنم ، ممممممم وبالابتدائيه نفس الشيء تقريبا وكنا ايضا نجتمع لمتابعه الرسوم التحركه وايضا بعض الافلام الانجليزيه بقناه ام بي سي وبعض الافلام المكسيسيه والكويتيه يوم كنا بالابتدائيه وايضا كنا نلعب بالحيوانات الالعاب والطيارات والسيارات والمكعبات يوم كنا بالابتدائيه . وايضا طرى علي شيء بضيفه .

تحياتي .

ما شاء الله طفولتكم جميله، بس تعجبت من تعليقك نصه بالفصحه ونصه بالعاميه

[حمد 2002]

ما شاء الله طفولتكم جميله، بس تعجبت من تعليقك نصه بالفصحه ونصه بالعاميه

انا بالعاده بالمنتدى استرسل بالكتابه ومالتفت بالي اكتب به وبأي طريقه وسواءا فيه اخطاء املائيه بالكتابه او لا .

تحياتي .

[Dana’1]

يلعبون نفسهم بنفسهم يتهاوشون ويتصالحون
مخصصه غرفه كلها العاب بس مررات العيال الصغار ياخذون الالعاب لبرا*!
يلعبون كوره سيكل*..حركه ستوب وجماد بلاد اكثر شي البنات يحبونها وغيرها
والسوني طبعا
مرات اجيب المايك ونجلس معهم نطلع مواهبهم الي يقرأ علينا بعض الايات الله يحفظه والي يغني اغاني وطنيه
والي يلقي قصيد ويألف بس عشان مايهد المايك والي ماغير يعاير ههههه
كلن وجوه
عقب اسألهم كمن سؤال معلومات عامه على قد اعمارهم
عقب ابلش في بعضهم مايبغى يهد المايك هههههههههه

الله يحفظهم ويصلحهم يا رب آمين

[الحياة الخالدة]

هيييييييييييه يالحياة


قول للزمان ارجع يا زمان

إيييييييييييه دنيا .. هناخد زمننا وزمن غيرنا

بس تعال الموضوع مب جذي
الموضوع يتكلم عن الحاضر .. لين تجمعوا العيال عندكم
شلون تتعاملون معاهم : تخلونهم يلعبون بروحهم بالطريقة اللي يحبونها ؟؟ والا أحياناً تشاركونهم وتلعبونهم بشي مفيد أو حتى لو مب مفيد المهم تشاركونهم

[الحياة الخالدة]

الحين اجوف عادات سيئه صارت وهو اذا طفل تحت ال 3 سنوات يعطونه ايباد ويلعب فيه بينه وبين نفسه لين يتعب ويرقد وهالشيء غلط لانه مع الوقت بينسرق نظر الطفل وبيصير طفل منعزل على نفسه اجتماعيه ، والحل هو بخلق العاب جماعيه للاطفال مثلا تخصيص غرفه بالبيت لهم اذا كنا خايفين من انهم يخربون الاثاث وبها يمارسون هوايات التلوين والرسم واللعاب اليدويه الى آخره ، اما بالنسبه للي في الابتدائيه والاعداديه اجوف بعضهم في ايام الاجازات يروحون البحر مع اهلهم بالطراريد وبعضهم يروحون البر على حسب هوايات ابوه ، وهذاذ شيء جميل وزين اما اذا كانوا بالبيت فينشغلون اكثر الوقت بسوالف الكبار وهالشيء زين وشين بنفس الوقت وينشغلون بالحديث مع اقرانهم بالعمر من عيال عمهم وخالهم وهكذا ، وكذذلك ممكن يجووفن التلفزيون قليلا وتناول السويت بعد الغداء المشترك بالاجازات خصوصا ، وتلك الجمعه واللمه مابين الاهل تزيد التقارب بينهم ونرى الاطفال يشتاقون الى الاجازات تحديدا والى تلك اللمه والترابط لالتقائهم مع اهلهم وتحديدا بالي نفس عمرهم .

تحياتي .

نقاط جميلة تثري الموضوع
وأحلى شي يجوفون التلفزيون ويتناولون السويت بعد الغداء:nice:

شكراً لك أخوي حمد

[الحياة الخالدة]

يلعبون نفسهم بنفسهم يتهاوشون ويتصالحون
مخصصه غرفه كلها العاب بس مررات العيال الصغار ياخذون الالعاب لبرا*!
يلعبون كوره سيكل*..حركه ستوب وجماد بلاد اكثر شي البنات يحبونها وغيرها
والسوني طبعا
مرات اجيب المايك ونجلس معهم نطلع مواهبهم الي يقرأ علينا بعض الايات الله يحفظه والي يغني اغاني وطنيه
والي يلقي قصيد ويألف بس عشان مايهد المايك والي ماغير يعاير ههههه
كلن وجوه
عقب اسألهم كمن سؤال معلومات عامه على قد اعمارهم
عقب ابلش في بعضهم مايبغى يهد المايك هههههههههه

الله يحفظهم ويصلحهم يا رب آمين
أفكار حلوة عزيزتي ديور
وانا أحاول اسوي أشياء مشابهة .. بس الله يحفظهم العيال يبيلهم قلب وبارظ ومزاج رااااايق
وخصوصاً لما تكون الاعمار متفاوتة
في ألعاب المعلومات الصغار ينظلمون .. وكذلك في ألعاب التفكير السريع
عشان جذي أحياناً أعطيهم موضوع معين للرسم .. وأسويها كمسابقة .. وكلن يطلع إبداعه
أيضاً أغلب عيالنا عندهم مشكلة في التحدث والتعبير عن نفسهم .. فأحاول أدور ألعاب تساعدهم على التغلب على هالمشكلة
ما شاء الله في عيال منطلقين .. وعيال تسحبين منهم الكلام تسحب

اللهم آمين

[معماري قطري]

اللي يسوي نادي صحي أو حوض سباحة تدخله الشمس يستفيد بمكان خاص للترفيه واللعبة والتشمس

[الحياة الخالدة]

اللي يسوي نادي صحي أو حوض سباحة تدخله الشمس يستفيد بمكان خاص للترفيه واللعبة والتشمس

الفكرة بحد ذاتها رائعة .. لكن مب الكل يقدر عليها
ممكن تنعمل كبداية .. لكن متابعة وصيانة ومراقبة بتصير صعبة على الأغلبية
وياما سمعنا عن حوادث مؤسفة تصير نتيجة الغفلة والإهمال
الله يحفظ الجميـــــع

جزاك الله خير يا بوعبدالله

[الماريّة]

مرحبا يالحياه

موضوعج ممهم الله يرضى عليج
لان صار اغلب الاطفال كله مايتحركون بسبب الاجهزه الالكترونيه
وبالتالي سمنه باجسامهم

بالنسبه لي اموووووت على اللعب مع اليهال ما استانس الا تشوفيني
وياهم في الحوش بالسيكل او على الدورفه ههه نسترجع طفولتنا
وحزات الاعبهم العابنا لول خشيشه وانا الذيب باكلكم هههه نجدد لهم
ماضينا

طبعا اخصص وقت لهم
بنتي طبعا هاديه لعبها على الدورفه او بصورتها او تحب تلون وترسم
ومرات تلعب بمكياجي هههه وشاريه لها ميك اب اطفال تتعلم على بنات خالاتها

واما لصبيان بالكوره والسياكل ومرات ايباد:weeping:

والله يحفظهم كلهم يارب ويحفظ عيالكم

/
\
/

[الحياة الخالدة]

مرحبا يالحياه
موضوعج ممهم الله يرضى عليج
لان صار اغلب الاطفال كله مايتحركون بسبب الاجهزه الالكترونيه
وبالتالي سمنه باجسامهم
بالنسبه لي اموووووت على اللعب مع اليهال ما استانس الا تشوفيني
وياهم في الحوش بالسيكل او على الدورفه ههه نسترجع طفولتنا
وحزات الاعبهم العابنا لول خشيشه وانا الذيب باكلكم هههه نجدد لهم
ماضينا
طبعا اخصص وقت لهم
بنتي طبعا هاديه لعبها على الدورفه او بصورتها او تحب تلون وترسم
ومرات تلعب بمكياجي هههه وشاريه لها ميك اب اطفال تتعلم على بنات خالاتها
واما لصبيان بالكوره والسياكل ومرات ايباد:weeping:
والله يحفظهم كلهم يارب ويحفظ عيالكم
/
الله يحفظ بنيتج ويبلغج فيها أختي المارية
خشيشة وانا الذيب باكلكم يا سلاااااااام
وانا بعد أحب ألعب مع اليهال .. بس مب سياكل هههههههههههه
عاد ما ينعطون ويه .. ما عساج تلاعبينهم مرة إلا بلشوج كل مرة تعالي العبي معانا
وأهم شي نفس ما قلتي نبعدهم عن الأجهزة الالكترونية .. حتى لما أطلع معاهم بالسيارة أقول لهم محد يقعد على الجوال أو الآيباد
أخترع لهم أي لعبة واحنا في الشارع حتى لو نشوف أنواع السيارات و ألوانها .. أو معالم بلادنا اللي نمر عليها
أو قراءة اللوحات للي توهم يتعلمون القراءة

[nooora]

نشغلهم بالالعاب تعليميه ورياضه ..

[الحياة الخالدة]

نشغلهم بالالعاب تعليميه ورياضه ..

أحسن شي
مشكورة أختي