أقرب مدرسة ابتدائية للبنين لمنطقة الغرافة/الخريطيات

[الحياة الخالدة]

السلام عليكم ورحمة الله وبركاته

ماهي أقرب مدرسة ابتدائية للبنين ( الخامس والسادس ) لمنطقة الغرافة ( غرافة الريان ) والخريطيات
غير اللي في أم صلال

ملاحظة : الاستفسار بخليه في الحوار لفترة عشان احصل الجواب الشافي عقب بنقله لمكانه الصحيح

جزاكم الله خير

[qatari 111]

اعتقد في مدرسه فالدحيل بس ناسي اسمها

اما مدرسه اللي تتبع الخريطيات ممكن اعرف اسم المدرسه ومكانها وين بالضبط لو تكرمتي ؟
لان ولدي راح يحولونه لهالمدرسه

[الحياة الخالدة]

اعتقد في مدرسه فالدحيل بس ناسي اسمها

اما مدرسه اللي تتبع الخريطيات ممكن اعرف اسم المدرسه ومكانها وين بالضبط لو تكرمتي ؟
لان ولدي راح يحولونه لهالمدرسه
هلا فيك أخوي
يزاك الله خير .. بنحاول نشوف المدرسة اللي في دحيل ونعرف اسمها
انا مثلك أسأل عن مدرسة قريبة للخريطيات ( يعني ماعرف )
ننتظر يمكن حد يفيدنا

[راعي الاصفر]

مدرسة الوسيل النموذجية في زغوة

[الحياة الخالدة]

مدرسة الوسيل النموذجية في زغوة

هلا فيك أخوي
يزاك الله خير
بس الحين فصلوا خامس وسادس عن النموذجية

[النهار]

عندج مدرسة مدينة خليفه النموذجيه في مدينة خليفه للبنين عندهم الخامس والسادس
المدرسه قريبه من شارع 22 فبراير

[راعي الاصفر]

سالت عن مدرسة الوسيل قالو فيها خامس وسادس

[بوخالد911]

من موقع التعليم والتعليم العالي

http://www.edu.gov.qa/Ar/Pages/Home.aspx

ادخلوا على خدمات
أين مدرستي

وبيطلع لكم نتائج البحث

[الحياة الخالدة]

إخواني :
النهار .. راعي الاصفر .. بوخالد
يزاكم الله خير

[بوحارب]

عندج الوسيل وهي تابعه لمنطقة خريطيات والغافة

بس ادارة المدرسة تعباااااااااااااااااااااااانه مانصحج فيها كلش كلش

واذا تبين نصيحتي دخلي الولد مدرسة الفرقان الخاصة في اللقطة

والله مدرسة ممتازة والمدرسين رجال ويهتمون في الولد

اما الوسيل لا لا لا ولدي تبهدل مع المدرسات النفسيات ومع مديرتهم اللي مالها كلمة :)

[JN000N]

عندج الوسيل وهي تابعه لمنطقة خريطيات والغافة

بس ادارة المدرسة تعباااااااااااااااااااااااانه مانصحج فيها كلش كلش

واذا تبين نصيحتي دخلي الولد مدرسة الفرقان الخاصة في اللقطة

والله مدرسة ممتازة والمدرسين رجال ويهتمون في الولد

اما الوسيل لا لا لا ولدي تبهدل مع المدرسات النفسيات ومع مديرتهم اللي مالها كلمة :)

بالضبط
مب بس تعبانه بعد
الا دامرين ويعلون القلب

[الماريّة]

مدرسه ام صلال علي في منطقه ام اصلال محمد
وبردون اسمها الاصلي بسمونها ام صلال محمد

بس من (1 - 4 )

[الماريّة]

حبيبتي سالت لج اختي هي مدرسه
تقول بيفتحون مدرسه ابتدائي في الخريطيات
اسمها ام القرى الابتدائيه للصفوف خامس وسادس

وبرسل لج المسميات عالخاص

[الماريّة]

شوفي الخاص فديتج وصلج شي ؟؟؟؟

[النهار]

الحياة دشي على هذالاستبيان بتحصلين اسماء جميع المدارس
وحسب التوزيع الجغرافي
http://www.motc.gov.qa/ar/sts

ماعليج الا ان تعبي الاستماره في الصفحه الاولى مع الانتقال للصفحه الثانيه تحصلين خانة المدارس

[الحياة الخالدة]

جزاكم الله خير جميعاً .. ورحم الله والديكم
المارية عزيزتي وصلت الرسالة .. تسلمين

[qatari 111]

حبيبتي سالت لج اختي هي مدرسه
تقول بيفتحون مدرسه ابتدائي في الخريطيات
اسمها ام القرى الابتدائيه للصفوف خامس وسادس

وبرسل لج المسميات عالخاص

افا وانا بعد محتاج اعرف اسم المدرسه اللي بينقلون فيها ولدي ؟
يالحياة الخالده توسطي لنا :sorry:

[الماريّة]

افا وانا بعد محتاج اعرف اسم المدرسه اللي بينقلون فيها ولدي ؟
يالحياة الخالده توسطي لنا :
sorry:


^_^

السموحه اخوي انا ماحطيت المرفق هني خفت يكون ممنوع
بس تقدر تاخذه من الحياه بعد اذنها طبعا

وحياك الله

[فريج النجادة]

نصيحة مدرسة جوعان في الدفنة

او مدرسة الرشاد في دحيل

[الحياة الخالدة]

افا وانا بعد محتاج اعرف اسم المدرسه اللي بينقلون فيها ولدي ؟
يالحياة الخالده توسطي لنا :sorry:

ولا يهمك أخوي
الحين أحول لك الرسالة
موفقين ان شاء الله

[الحياة الخالدة]

نصيحة مدرسة جوعان في الدفنة

او مدرسة الرشاد في دحيل

الدفنة شوي بعيدة
دحيل أقرب .. بنشوفها ان شاء الله وربنا يسهل
يزاك الله خير

[بوسلطان_]

مدرسة الرازي الابتدائية للبنين في العبيب (جنوب IKea) رقم التلفون 44593161

[qatari 111]

مشكورين ماقصرتوا وبيض الله وجيهكم

[BO KHLIFA]

السلام عليكم ورحمة الله وبركاته

هل عرفتم مكان مدرسة أم القرى الابتدائية للبنين؟

ارجو الإفادة مع الشكر

[النهار]

السلام عليكم ورحمة الله وبركاته

هل عرفتم مكان مدرسة أم القرى الابتدائية للبنين؟

ارجو الإفادة مع الشكر

اعتقد مكانها في عنيزه