نفوق الاسماك يغزو سواحل الخليج؟؟؟؟

[الدوحه1]

http://gulf-up.com/do.php?img=311342 (http://gulf-up.com/)

http://gulf-up.com/do.php?img=311343 (http://gulf-up.com/)

http://gulf-up.com/do.php?img=311344 (http://gulf-up.com/)

http://gulf-up.com/do.php?img=311345 (http://gulf-up.com/)

http://gulf-up.com/do.php?img=311346 (http://gulf-up.com/)

[Dana’1]

الله يستر اذكر اخر مره شفت هالمنظر ايام الغزو! وكان لونهم اسود وعليه:(

[الحاقول]

الله يستر ربما بفعل فاعل

[Rider]

توقع نفوق الاسماك بسبب ارتفاع درجة حرارة ماء البحر اكثر من اللزوم

[معماري قطري]

توقع نفوق الاسماك بسبب ارتفاع درجة حرارة ماء البحر اكثر من اللزوم

للحين الحرارة ما ارتفعت مثل شهر 7 و 8 وبداية 9 تونا في بدايات 5 وتونا مشغلين تكييف الماي للبيوت

من زمان حصل تلوث في الخليج من الزئبق وانعرف مصدره دجلة والفرات أيام عز العراق وألحين عادي يكون التلوث حتى نووي والخليج حمايته ضعيفة لا من الغواصات النووية اللي تدخله ولا من البواخر الحربية النووية ولا من احتمال أي تلوث من جهة بو شهر

المشكلة مياهنا اللي نشربها لو السمك يموت فيها لازم نفحصها فحوصات مخبرية متطورة ونعرف مدى صلاحيتها

[المجروح81]

الله يستر لايكون من السلاح النووي الي يسونه ايران

[الماريّة]

اااالله يستر يارب علينا

يعني ماتلوثت الاسماك الا يوم نقلوا سوق السمچ عندنا
^_^

المنظر يعور القلب الله يديمها من نعمه على الخليج والمسلمين
اشك انها فعل فاعل مقصوده لضرب اقتصاد الخليج

ربي يحفظ بلادنا وبلدان المسلمين


/
\
/

[R 7 A L]

الصيدالجائر سبب من اسباب النفوق

[حمد 2002]

عادي ..

من ألف سنه الأسماك يصيدها كذا ..

[بوخالد911]

الله المستعان

[nooora]

الله يحفظ الجميع ...

[ماجد]

نبي رد من وزارة البيئة حول الموضوع

الواحد صار يخاف ياخذ سمك بعد هالحوادث

[معماري قطري]

نبي رد من وزارة البيئة حول الموضوع

الواحد صار يخاف ياخذ سمك بعد هالحوادث

وزارة البيئة مستعدين يشغلون كم سيارة ويرسلون كم محقق من اللي مؤهلهم ثانوية ومعدلهم 49 حق قطري مخالف مخالفة بسيطة ولا لهم خص بأُمور كثيرة أكبر

[naklan]

بعد دخول حاملة الطائرات الامريكية وبعظ السفن التي
تعمل على الطاقة النووية على بحرنا السلام من يدري لو رمو
نفاياتهم النووية في بحرنا البيئة بيقولون الاحتباس
الحراري وهم ما يدرون شالطبخة

[aloosh]

هذي تكرر كل كم سنه الكويت ليست اول مره يحدث فيها نفوق الاسماك
اخر تحليل انه من الحراره

فا ما فيه خوف كم يوم ويرجع كل شي طبيعي

[ameeer3]

كنت في سنة 2010 مرافق مع اعز أصدقائي (الله يرحمه ويغفره له) في رحلة علاجه في الولايات المتحدة الامريكية (هيوستن) ، واثناء فترة علاجه بغرفة الاشعاع جلس يسوف معاي احد الدكاترة لديه جنسية أمريكية من أصول باكستانية وهو مسلم ، وقالي ان في دراسة بينت انه من بعد حرب الخليج زادت نسبة امراض السرطان (الله يجيرنا ويجيركم منه) بكثرة في دول الخليج ومن المتوقع انه من حاملات الطائرات لأنها تعمل بالطاقة النووية ، ناهيكم بانه مخلفاتها ترمي في البحر وتترسب على المرجان والصخور والنباتات البحرية ومن ثم يتغذى عليها الحيوانات البحرية بشكل عام.

[R 7 A L]

عندنا وزارة البلدية و البيئة تطمئن الجمهور بأن الأسماك في المياه الإقليمية آمنة، ولا تلوث ولا نفوق للأسماك بالمياه الإقليمية لدولة âپ§â€«قطر‬âپ©
‏âپ§â€«

[معماري قطري]

كنت في سنة 2010 مرافق مع اعز أصدقائي (الله يرحمه ويغفره له) في رحلة علاجه في الولايات المتحدة الامريكية (هيوستن) ، واثناء فترة علاجه بغرفة الاشعاع جلس يسوف معاي احد الدكاترة لديه جنسية أمريكية من أصول باكستانية وهو مسلم ، وقالي ان في دراسة بينت انه من بعد حرب الخليج زادت نسبة امراض السرطان (الله يجيرنا ويجيركم منه) بكثرة في دول الخليج ومن المتوقع انه من حاملات الطائرات لأنها تعمل بالطاقة النووية ، ناهيكم بانه مخلفاتها ترمي في البحر وتترسب على المرجان والصخور والنباتات البحرية ومن ثم يتغذى عليها الحيوانات البحرية بشكل عام.

هذي الله يسلمك لها محطات خاصة بعيدة عن شواطيء أمريكا ولو في احتفال قرروا يقربونها بس الناس يشوفونها قامت عليهم جماعة السلام الأخضر وعندنا عادي توقف وينزلون أهلاً وسهلاً .. زين شيصير لو يا خداه بالغلط والا بقصد فجروها بقنبلة؟ أو مثل ما صار حق كول بقارب يمني وقاصدين أو لأي سبب تعطلت وتسربت اشعاعاتها .. بتكون كارثة نووية على الخليج كله لا ماي ولا سمك ولسنوات طويلة

[معماري قطري]

عندنا وزارة البلدية و البيئة تطمئن الجمهور بأن الأسماك في المياه الإقليمية آمنة، ولا تلوث ولا نفوق للأسماك بالمياه الإقليمية لدولة âپ§â€«قطر‬âپ©
‏âپ§â€«

زين في الكويت وعمان واحنا وسطهم شقالت فحوصاتهم هناك حد عنده خبر

[نفسي عزيزه]

الوضع مايطمن ترى حتى بقطر

[R 7 A L]

زين في الكويت وعمان واحنا وسطهم شقالت فحوصاتهم هناك حد عنده خبر

في الدول الثانية الكويت صرحو انه تلوث
شرايك يابوعبدالله نسمع كلام ربعنا ونتوكل على الله ولا ننتظر ونتشري السمك المستورد

[الماريّة]

اهم ليش قاعدين ع احتمالات
اما متلوث والا من الحر والا بالع مواد سامه

ياخذون كم سمكه ميته ويحللونها ويرتاحون

[shadad]

لحد ينزل البحر يسبح ولا يشتري سمك. الين تتضح الرؤية ويشوفون من وين جا التلوث.

[ضوى]

كل سنة فيه نفوق أسماك في الكويت بالذات وعمان وبكميات رهيبه وترد الامرو طبيعية عقب فترة ، ماظن فيه شي جايد ، الله خير الحافظين

[JN000N]

https://f.top4top.net/p_492bhplb0.jpeg

عيل هالخبر شنو؟

[@north_star@]

https://f.top4top.net/p_492bhplb0.jpeg

عيل هالخبر شنو؟

هذا هم متلفينه ممكن لانه قديم والتجار يبيعونه على انه جديد واتلفوه البلدية

[JN000N]

مادري والله بس هاي الخبر كان



اتلف قسم الرقابة الصحية ببلدية الوكرة صباح اليوم كمية من الأسماك غير صالحة للإستهلاك الآدمي، بعد قيام الطبيب البيطري بالتفتيش وفحص الأسماك الواردة إلى مزاد سوق السمك.


عموما مهما كانت الاسباب لازم يكون في توضيح ولازم اذا في شي ينبهون الناس عنه او يقولون ان مافي شي ويفكونا من الاشاعات

[captin]

مياة الخليج العربي من اكثر المياه تلوثا في العالم
بسبب ضعف الرقابة وبسبب عدم وجود قوانين حماية للبيئة

يقول واحد من موظفي حالول من زمان ناقلات النفط اللي تيي تحمل النفط من الخليج
تغسل خزاناتها في الخليج قبل ما تعبي لانه غير مسموح لهم في دولهم غسل الخزانات وتفريغ
المخلفات في البحر بسبب القوانين الصارمة اللي عندهم.

هذا سبب من عدة اسباب كثير من الدول في الخليج بنت مصانعها على السواحل ومن الطبيعي لكل مصنع
مخلفات وعادة هاذي المخلفات يتم التخلص منها في البحر وغيرها من تصرفات الافراد الغير مسئوله.

الله يعين بحر الخليج بروحه صغير ومسكر من كل صوب الا من صوب مضيق هرمز

[أسد الجزيرة]

سبب تلوث مياه الخليج انه الخليج مغلق و لا تتجدد مياهه و معدل التبخر فيه عالي فتتركز السموم في المياه

و في حرب الخليج زاد التلوث اكثر

اما من ناحية رمي المخلفات من المصانع وزارة البيئة مشددة و تراقب المياه و يتم تحليل المياه دورياً

و اي مصنع لو يرمي نقطة في البحر يتم كشفه و و تغريمه

اما المراكب في وسط البحر ليس لدول الخليج اي تحكم فيهم

[glis]

بحر الكويت المريض يتقيأ أسماكه على الشاطئ

•كأن البحر يعاقب الإنسان عما يفعله به من تلوث، فيلفظ سمكه النافق على الشاطئ ليكون دليلا على كميات القمامة ومياه الصرف الصحي التي ترمى به، ذلك ما وقع في شواطئ الكويت خلال الفترة الأخيرة إذ تقيأ البحر كميات هائلة من السمك النافق الذي قد يكون خطرا يحدق بالكويتيين إذا ما استهلكوه بالخطأ أو تركوه يتعفن على الشاطئ.

[نفسي عزيزه]

مادري والله بس هاي الخبر كان



اتلف قسم الرقابة الصحية ببلدية الوكرة صباح اليوم كمية من الأسماك غير صالحة للإستهلاك الآدمي، بعد قيام الطبيب البيطري بالتفتيش وفحص الأسماك الواردة إلى مزاد سوق السمك.


عموما مهما كانت الاسباب لازم يكون في توضيح ولازم اذا في شي ينبهون الناس عنه او يقولون ان مافي شي ويفكونا من الاشاعات

خلاص ياجنون مافي سمج بعد اليوم بس دجاج ولحم :(

[ضوى]

امس جارنا جايب لنا ينم اشحلوه ولا فيه شي

[JN000N]

خلاص ياجنون مافي سمج بعد اليوم بس دجاج ولحم :(

تلاحقنا عمرنا فتره بسيطه عاد بيكون
خذنا نيسر ميرنا منه
وعليه اخوي بيرد من السفر متشفق عالسمج :(

[حـ ن ـيـ ن]

في الدول الثانية الكويت صرحو انه تلوث
شرايك يابوعبدالله نسمع كلام ربعنا ونتوكل على الله ولا ننتظر ونتشري السمك المستورد

اشتر لحم ودجاج 🐓🐪🐏

[نفسي عزيزه]

اشتر لحم ودجاج ������

بالظبط الحل الانسب مؤقتا

[معماري قطري]

في الدول الثانية الكويت صرحو انه تلوث
شرايك يابوعبدالله نسمع كلام ربعنا ونتوكل على الله ولا ننتظر ونتشري السمك المستورد

واضح إنه تلوث ولو تلوث بمواد خطرة بعضها صعب الكشف عنها وبعض المعادن مثل الرصاص والزئبق لو دخلت جسم الانسان تصير له مخاطر صحية كثير قوية

الكورة في ملعب اللاعب الأجنبي خبير البيئة ولا اظن بيجيبها في الهدف دوم يرسم مسارها مديره اللي يمشي المصالح على حساب الصحة

[معماري قطري]

امس جارنا جايب لنا ينم اشحلوه ولا فيه شي

هو بيبين عادي لكن شداخله الله أعلم

[معماري قطري]

اهم ليش قاعدين ع احتمالات
اما متلوث والا من الحر والا بالع مواد سامه

ياخذون كم سمكه ميته ويحللونها ويرتاحون

يعني تمشي عليج كلمة الحر والحر توه في بداياته ولا بذاك القوي

المفروض السلطات اللي حللت وقالت تلوث تقول نوعية التلوث وشمخاطره وينتشر هالشيء بسرعة ويتراقب لين يخف الخطر ويقولون للناس الخطر زال

[معماري قطري]

مياة الخليج العربي من اكثر المياه تلوثا في العالم
بسبب ضعف الرقابة وبسبب عدم وجود قوانين حماية للبيئة

يقول واحد من موظفي حالول من زمان ناقلات النفط اللي تيي تحمل النفط من الخليج
تغسل خزاناتها في الخليج قبل ما تعبي لانه غير مسموح لهم في دولهم غسل الخزانات وتفريغ
المخلفات في البحر بسبب القوانين الصارمة اللي عندهم.

هذا سبب من عدة اسباب كثير من الدول في الخليج بنت مصانعها على السواحل ومن الطبيعي لكل مصنع
مخلفات وعادة هاذي المخلفات يتم التخلص منها في البحر وغيرها من تصرفات الافراد الغير مسئوله.

الله يعين بحر الخليج بروحه صغير ومسكر من كل صوب الا من صوب مضيق هرمز

اووه لتذكرني .. كنت في مؤتمر بيئي وهو أول مؤتمر وآخر مؤتمر احضره

كان عن جودة المنتجات الخليجية وعدم تأثيرها على البيئة .. البحرين يقولون صناعة الألمنيوم التزمت بالمقاييس العالمية والتلوث اللي يروح البحر محدد بأرقام معينة وبحدود المعايير البيئية .. وقطر فيها ناس وهذيلا اللي بكرفتة وواثق من نفسه يقول إحنا بعد في المنتج الفلاني قللنا النسبة وغيرهم من الدول يذكرون بعد بطولات بيئية من عندهم

كل مصنع تقريباً مبني بطريقة قديمة وملوثة للبيئة لكن أجرى تحسين وحماية للبيئة .. زين مصانع العراق وايران تعتبر جزء وجزء كبير وملوثاتهم قوية خصوصاً ايران والنووي .. والعراق وما يحمله شط العرب من ملوثات للخليج .. إذا المصنع 1 يقول في حدود المعايير البيئية والمصنع 2 نفس الشيء و 3 نفس الشيء 1+ 2 + 3 ما يساوي نفس الحدود ويكون زيادة كبيرة .. وغير عن البواخر مثل ما ذكرت وملوثاتها بسيطة مقارنة بالنووية أو الكيميائية الخطرة

هذا مقال عن بعض الملوثات في نهري العراق واللي يصبون في الخليج والجماعة اللي مسيطيرين على الجنوب لو يحصل لهم يصبون سم صبوه حتى نتضرر

http://engmsy.uobabylon.edu.iq/action_news.aspx?nwid=14563

وهذا آخر

http://www.estis.net/sites/enviroiraq/default.asp?site=enviroiraq&page_id=B71253EE-53F5-4776-830E-3F7A3DCDCFA7

[الدوحه1]

كلام خطيييييير ان سبب التلوث هو التخلص من "المجاري" في الخليج!!!!!





https://www.youtube.com/watch?v=g7kYncBl4kU

[وطن]

وش فيه السالمون
شحلاته و شزينه
:swoon:

[معماري قطري]

كلام خطيييييير ان سبب التلوث هو التخلص من "المجاري" في الخليج!!!!!





https://www.youtube.com/watch?v=g7kYncBl4kU

المجاري ملوثاتها الكيماوية كبيرة من الصابون والشامبو وغيره .. ولو ضفنا لها الملوثات الصناعية مؤكد تسوي حتى أكثر من اللي صار

[حـ ن ـيـ ن]

هل هذا التلوث مضر على مرتادي البحر للسباحة خصوصاً أننا في فصل الصيف ، والبحر

هو الوجهة الرئيسية .