JN000N
10-05-2017, 10:24 AM
السلام عليكم ورحمة الله وبركاته
،
،
مقتطفات من المحادثه اللي دخلت فيها على غفله ماتكلمت طبعا بس شفت وقريت وطلعت مستضيقه
،
،
(الجزء الأول)
- فلان1 (فأمريكا) : (مشغل مكالمه صوتيه ومحد رد عليه) صارلي ساعه فوق ترى ومحد ايي شهالقروب! وترى ماعندي بوب كورن
-فلانه2: ههه راقدين، حياتي اللي ماعنده بوب كورن احنا عندنا 5 الفجر
-فلان1: سويلي قروب
فلانه2: بوب كورن تبي؟
فلان1: اي
فلانه2: دقيقة أنا فالحمام أسوي سكراب، جسمي بقع ويت متخرعه!!
شلون عرفت ان ف امريكا
لان وحده من البنات وصفته بانه هو (الداعشي) قالها هيه شفيج انتي انا ف امريكا لاتقولين هالمصطلحات
(الجزء الثاني)
فلانه3: انتي شعندج مع تبج؟
فلانه2: حبيبي :( .. مهمومه مهمومه
فلانه3: شفيج حبيبج ما يسولف؟
فلانه2: لان مايعرف حد بس سلم على فلان طلع يعرفه والله انصدمت
فلانه3: يوم تكلم طلع يعرف الريال
فلانه2: تبين أضبطج مع حد يعرفه أو يصير له؟ تبين واحد في كليه يكلمج ويكند بس ههه والله يصلح لج عشان مب كل يوم اتهاوشين معاه، تبينه ولا؟
فلانه3: انتي تبين تتكفخين، تدرين في حد في بالي واذا بتجيبين ابي واحد عدل، حلو طويل ومحترم
فلانه2: اي هو وايد محترم وطويل
فلانه3: فلان؟
فلانه2: شدخل فلان؟ اصلا هو انصدم .. ولد خالته
فلانه3: جوفي نبي خطه مابي اقط نفسي، دخليه بوب وخل نتعرف واذا صار شي اوك واذا لا بالطقاق وبعد مابي اقط نفسي امدحوني عنده
فلانه2: ماعنده بوب، بس بجوف عقب اذا نسوي قروب بس احنه، احين بنام مصدعه توني متهاوشه مع أمي.. تحر
فلانه3: وي! ليش بعد على نفس السالفه؟
الخ الخ الخ
(الجزء الثالث)
فلانه3: لان وايد مشاكل صج ! ماحصلت واحد كفو بينهم (تتكلم عن برنامج فيه شباب وبنات)
فلانه2: انا مب داخله ادور داخله اضحك
فلانه3: مش ان تدورين، شخص كفو تعتمدين عليه، مب شرط حب! هم همهم قلة ادب وفضايح بس
(الجزء الرابع)
فلانه2: فلانه3 الولد يبي يضيفج سناب لاتقولين له عندج بوب كورن او كلمتي حد قبله، ترى الولد اوفر سيده
فلانه3: اومايقاد.. شقلتيله عني؟
فلانه2: ما قلت له ما كلمته.. حبيبي كلمه قاله حصلت لك وحده سيده نفسك
فلانه3: اوكي عطيه سنابي.. ويت ! هو حلو؟
فلانه2: اي مزيون بس عشان ف الكليه محترق وجي
فلانه3: عادي انا احب الكرسبي، فلانه2 مابي ولا شخص من بوب يدري لا فلانه ولا فلان ولا اي شخص احب الموضوع يتم برا بوب
دخل فلان1 وسط المحادثه كتب: مطلوب وحده مافيها ........
فلانه2: طرشت حق حبيبي وبيعطيه خلج مؤدبه جدامه عشان يتزوجج ونفتك منج
فلانه3: من قال اني مب مؤدبه؟ ومن قال اني ابي اتزوج؟ كلبه!
فلانه2: ترى اخوانه الاثنين ماخذين بيبياتهم وخلاص سمعي كلامي مب على طول تكلمينه فون وتطرشين له صورتج! سوي نفسج خايفه
فلانه3: والله خوش مشروع! زين زين
فلانه2: جاتج اضافه؟
فلانه3: اي اقبله؟ والا اثقل شوي
فلانه2: اقبلي ف السوالف معاه اثقلي
فلانه3 عقب ما جاتها الاضافه: مصور من العارض وتحت ماحسيته حلو :)
.......................
خذت مقتطفات بس
وخذت ابسط شي
وماكثرت
عورني راسي من اللي شفته
وخفت ولعنت اليوم اللي دخلت علينا فيه هالبرامج وصار النت عام في كل مكان
الاهل غافلين
او واثقين بنتهم في الغرفه تدرس
وهي يا عالجوال او الايبود او الايباد او الاب توب
في كل الحالات النت مفتوح وكل شي سهل عقبها
القروب اللي دخلوني فيه عن طريق فيس بوك وانا مادري عنه وطلعت منه يوم انصدمت وفتحت اشوف شسالفة الايميلات الي توصلني ان في قروب من هالبرنامج الي هو ماسنجر الفيس بوك
فتح عيني على شي ادري بوجوده بس ماتوقعته بهالحقاره العلنيه
ماتوقعت ان بنات وشباب يترززون باساميهم واسامي اهلهم ويكتبون كل شي عنهم وفوق هذي صورهم تتنقل بينهم وبين بعض
والاهل ما يدرون!
يارج الله يالام ويارك الله يالابو
مهما حاولو يراقبون فالبيت بتروح المدرسه عند صديقاتها الي فاتحين لها مجال كل شي
البنت تتشكى عند صديقاتها ان امها ماتفهمها وانها محكوره وان وان وان ف تقوم الصديقه الحنونه تعطيها مجال وتجيب التلفون المدرسه بالخش او عالاب توب او على اي شي
وتعرفها على شباب
لا ومن ضمن الكلام الي قريته وحده تقول لواحد احمد ربك راضيت بينك وبينها ( يعني مراضيه بين الاخ وحبيبته الي هي رفيجتها وهم طيور الحب كانو متهاوشين)
شلون رجعو البنات للعقليه الغبيه ان البنت لما تكلم واحد راح يتزوجها
في حين ان وااااايد بنات ومن ضمنهم هم هذول نفسهم يدرون ان ما في واحد بيتزوج بنت يكلمها ويعرف سوالفها
فوق هذي هم في فتره مراهقه
مردهم بيكبرون وبيتذكرون هالايام ان كانها عقلت بتتحسف قد شعر راسها وان كانها اختارت الطريق الثاني ما راح يكون هالماضي الا اساس ارتكزت عليه ف مشوارها الرهيب!
ياربي مش مستوعبه لاي مرحله رايحين
هذول بنات ما زالو ف المدرسه مستسهلين السوالف مع الشباب ويفتحون معاهم امور قمة ف الوصاخه والجراءه
عيل لو دشو الجامعه وصارت القيود منفتحه اكثر واشتغلو وصار في مجال عملهم اختلاط او حتى لو مافي اختلاط ف هي موظفه تواجه الي تواجهه
شبيصير وقتها؟
الام تمنع ف البيت وتقول لا باعلى صوت
والبنت تشتكي عند صديقتها الحنونه وصديقتها تقولها لاتخافين انا بوقف معاج!
شلون انقلب التفكير وصار الام لما تقول لا لبنتها يعني يابنتي انا اعرف كل شي وابي احميج
تفهمه البنت ان امي ضدي وماتفهم ورجعيه ورفيجتها تفتح لها مجال
الام تتعرف على صديقات بنتها وتجوفهم خلوقات بنات ناس محافظين وفعلا تسال حتى عن اهل البنت يطلعون حليوين
لكن المصيبه البنت مب حليوه البنت وراها بلاوي خاشتها واهلها المساكين غافلين حالهم حل الام الي تبي تتاكد ان صديقة بنتها حليوه وستيره
الواحد مهما حاول يقنن الموضوع ويكون ماحفظ شلون يحمي بيته من الي برا يصير
شلون يعني ما ندخلهم مدارس؟ مانطلعهم مكان
نحكرهم عشان المجتمع حولهم صار ( مب محافظ)
كل شي صار عادي
هاي بس نقطه من بحر من عااااالم ثاني
غير الي يتاثرون بالمشاهير وغير الي يقلدونهم وغير وغير
الوضع لما تحاول تقننه وتضيق عليه ما ينتشر ف بيتك يذكرني بنفس المنظفات الصراحه
مهما حطيت كلوركس وديتول مستحيل تقضي على البكتيريا 100% الا ويتم شوي ويرد يتكاثر
مهما حاولت تبعد هالامور عن اهل بيتك الا ويدخل لك مدخل يخرب عليك
,
,
الواحد شيقول غير حسبي الله ونعم الوكيل
يارب استودعناك عيالنا وبناتنا وانت خير الحافظين
،
،
مقتطفات من المحادثه اللي دخلت فيها على غفله ماتكلمت طبعا بس شفت وقريت وطلعت مستضيقه
،
،
(الجزء الأول)
- فلان1 (فأمريكا) : (مشغل مكالمه صوتيه ومحد رد عليه) صارلي ساعه فوق ترى ومحد ايي شهالقروب! وترى ماعندي بوب كورن
-فلانه2: ههه راقدين، حياتي اللي ماعنده بوب كورن احنا عندنا 5 الفجر
-فلان1: سويلي قروب
فلانه2: بوب كورن تبي؟
فلان1: اي
فلانه2: دقيقة أنا فالحمام أسوي سكراب، جسمي بقع ويت متخرعه!!
شلون عرفت ان ف امريكا
لان وحده من البنات وصفته بانه هو (الداعشي) قالها هيه شفيج انتي انا ف امريكا لاتقولين هالمصطلحات
(الجزء الثاني)
فلانه3: انتي شعندج مع تبج؟
فلانه2: حبيبي :( .. مهمومه مهمومه
فلانه3: شفيج حبيبج ما يسولف؟
فلانه2: لان مايعرف حد بس سلم على فلان طلع يعرفه والله انصدمت
فلانه3: يوم تكلم طلع يعرف الريال
فلانه2: تبين أضبطج مع حد يعرفه أو يصير له؟ تبين واحد في كليه يكلمج ويكند بس ههه والله يصلح لج عشان مب كل يوم اتهاوشين معاه، تبينه ولا؟
فلانه3: انتي تبين تتكفخين، تدرين في حد في بالي واذا بتجيبين ابي واحد عدل، حلو طويل ومحترم
فلانه2: اي هو وايد محترم وطويل
فلانه3: فلان؟
فلانه2: شدخل فلان؟ اصلا هو انصدم .. ولد خالته
فلانه3: جوفي نبي خطه مابي اقط نفسي، دخليه بوب وخل نتعرف واذا صار شي اوك واذا لا بالطقاق وبعد مابي اقط نفسي امدحوني عنده
فلانه2: ماعنده بوب، بس بجوف عقب اذا نسوي قروب بس احنه، احين بنام مصدعه توني متهاوشه مع أمي.. تحر
فلانه3: وي! ليش بعد على نفس السالفه؟
الخ الخ الخ
(الجزء الثالث)
فلانه3: لان وايد مشاكل صج ! ماحصلت واحد كفو بينهم (تتكلم عن برنامج فيه شباب وبنات)
فلانه2: انا مب داخله ادور داخله اضحك
فلانه3: مش ان تدورين، شخص كفو تعتمدين عليه، مب شرط حب! هم همهم قلة ادب وفضايح بس
(الجزء الرابع)
فلانه2: فلانه3 الولد يبي يضيفج سناب لاتقولين له عندج بوب كورن او كلمتي حد قبله، ترى الولد اوفر سيده
فلانه3: اومايقاد.. شقلتيله عني؟
فلانه2: ما قلت له ما كلمته.. حبيبي كلمه قاله حصلت لك وحده سيده نفسك
فلانه3: اوكي عطيه سنابي.. ويت ! هو حلو؟
فلانه2: اي مزيون بس عشان ف الكليه محترق وجي
فلانه3: عادي انا احب الكرسبي، فلانه2 مابي ولا شخص من بوب يدري لا فلانه ولا فلان ولا اي شخص احب الموضوع يتم برا بوب
دخل فلان1 وسط المحادثه كتب: مطلوب وحده مافيها ........
فلانه2: طرشت حق حبيبي وبيعطيه خلج مؤدبه جدامه عشان يتزوجج ونفتك منج
فلانه3: من قال اني مب مؤدبه؟ ومن قال اني ابي اتزوج؟ كلبه!
فلانه2: ترى اخوانه الاثنين ماخذين بيبياتهم وخلاص سمعي كلامي مب على طول تكلمينه فون وتطرشين له صورتج! سوي نفسج خايفه
فلانه3: والله خوش مشروع! زين زين
فلانه2: جاتج اضافه؟
فلانه3: اي اقبله؟ والا اثقل شوي
فلانه2: اقبلي ف السوالف معاه اثقلي
فلانه3 عقب ما جاتها الاضافه: مصور من العارض وتحت ماحسيته حلو :)
.......................
خذت مقتطفات بس
وخذت ابسط شي
وماكثرت
عورني راسي من اللي شفته
وخفت ولعنت اليوم اللي دخلت علينا فيه هالبرامج وصار النت عام في كل مكان
الاهل غافلين
او واثقين بنتهم في الغرفه تدرس
وهي يا عالجوال او الايبود او الايباد او الاب توب
في كل الحالات النت مفتوح وكل شي سهل عقبها
القروب اللي دخلوني فيه عن طريق فيس بوك وانا مادري عنه وطلعت منه يوم انصدمت وفتحت اشوف شسالفة الايميلات الي توصلني ان في قروب من هالبرنامج الي هو ماسنجر الفيس بوك
فتح عيني على شي ادري بوجوده بس ماتوقعته بهالحقاره العلنيه
ماتوقعت ان بنات وشباب يترززون باساميهم واسامي اهلهم ويكتبون كل شي عنهم وفوق هذي صورهم تتنقل بينهم وبين بعض
والاهل ما يدرون!
يارج الله يالام ويارك الله يالابو
مهما حاولو يراقبون فالبيت بتروح المدرسه عند صديقاتها الي فاتحين لها مجال كل شي
البنت تتشكى عند صديقاتها ان امها ماتفهمها وانها محكوره وان وان وان ف تقوم الصديقه الحنونه تعطيها مجال وتجيب التلفون المدرسه بالخش او عالاب توب او على اي شي
وتعرفها على شباب
لا ومن ضمن الكلام الي قريته وحده تقول لواحد احمد ربك راضيت بينك وبينها ( يعني مراضيه بين الاخ وحبيبته الي هي رفيجتها وهم طيور الحب كانو متهاوشين)
شلون رجعو البنات للعقليه الغبيه ان البنت لما تكلم واحد راح يتزوجها
في حين ان وااااايد بنات ومن ضمنهم هم هذول نفسهم يدرون ان ما في واحد بيتزوج بنت يكلمها ويعرف سوالفها
فوق هذي هم في فتره مراهقه
مردهم بيكبرون وبيتذكرون هالايام ان كانها عقلت بتتحسف قد شعر راسها وان كانها اختارت الطريق الثاني ما راح يكون هالماضي الا اساس ارتكزت عليه ف مشوارها الرهيب!
ياربي مش مستوعبه لاي مرحله رايحين
هذول بنات ما زالو ف المدرسه مستسهلين السوالف مع الشباب ويفتحون معاهم امور قمة ف الوصاخه والجراءه
عيل لو دشو الجامعه وصارت القيود منفتحه اكثر واشتغلو وصار في مجال عملهم اختلاط او حتى لو مافي اختلاط ف هي موظفه تواجه الي تواجهه
شبيصير وقتها؟
الام تمنع ف البيت وتقول لا باعلى صوت
والبنت تشتكي عند صديقتها الحنونه وصديقتها تقولها لاتخافين انا بوقف معاج!
شلون انقلب التفكير وصار الام لما تقول لا لبنتها يعني يابنتي انا اعرف كل شي وابي احميج
تفهمه البنت ان امي ضدي وماتفهم ورجعيه ورفيجتها تفتح لها مجال
الام تتعرف على صديقات بنتها وتجوفهم خلوقات بنات ناس محافظين وفعلا تسال حتى عن اهل البنت يطلعون حليوين
لكن المصيبه البنت مب حليوه البنت وراها بلاوي خاشتها واهلها المساكين غافلين حالهم حل الام الي تبي تتاكد ان صديقة بنتها حليوه وستيره
الواحد مهما حاول يقنن الموضوع ويكون ماحفظ شلون يحمي بيته من الي برا يصير
شلون يعني ما ندخلهم مدارس؟ مانطلعهم مكان
نحكرهم عشان المجتمع حولهم صار ( مب محافظ)
كل شي صار عادي
هاي بس نقطه من بحر من عااااالم ثاني
غير الي يتاثرون بالمشاهير وغير الي يقلدونهم وغير وغير
الوضع لما تحاول تقننه وتضيق عليه ما ينتشر ف بيتك يذكرني بنفس المنظفات الصراحه
مهما حطيت كلوركس وديتول مستحيل تقضي على البكتيريا 100% الا ويتم شوي ويرد يتكاثر
مهما حاولت تبعد هالامور عن اهل بيتك الا ويدخل لك مدخل يخرب عليك
,
,
الواحد شيقول غير حسبي الله ونعم الوكيل
يارب استودعناك عيالنا وبناتنا وانت خير الحافظين