أحسن خياط رجالي ؟؟؟

[بومحمد55]

السلام عليكم ورحمة الله وبركاته

حبيت أسأل عن خياط رجالي زين وسعره معقول واتمنى من الشباب اللي بيشاركوني الموضوع

يرشحون لي كذا خياط وكم التفصل عنده اذا خذت الطاقه من برع .

شاركوني بتجاربكم!!!

[kuwari]

كثير الخيايط اهم شي ترتاح لتفصيله منهم من يمدح لكزس وقباء ومن يمدح سوق العلي جرب اتخيط ثوب واحد واءا اعجبك فصل اكثر

[ذكي جدااا]

صحيح الافضل اللي ترتاح له. لكزس وسام والزبارة اسعار معقوله. قباء وسيليني غاليين شوي

[توشيبا]

قباء اشوفه الافضل

[النهار]

صدت خوش خياط
اسمه الباخره
هاي دلني عليه بومحمد المطاوعه الله يجزيه كل خير
رخيص وسريع وخياطته لايعلى عليها ههههههههه بس المحل مايوحي بذلك شغلهم احترافي احسن من القصابين

[ابوعلي]

صدت خوش خياط
اسمه الباخره
هاي دلني عليه بومحمد المطاوعه الله يجزيه كل خير
رخيص وسريع وخياطته لايعلى عليها ههههههههه بس المحل مايوحي بذلك شغلهم احترافي احسن من القصابين

بكم يخيط اخوي سواء بالقماش او بدون

ووين مكانه

مع اني اخيط بسوق العلي عند اللورد ولكن حزات يرفع لي الضغط

[النهار]

هاي سلمك الله في مدينة خليفه الجنوبيه
اذا ادل كباب لمزاني في نفس الصفه
اذا انت جاي من صوب دوار غزه متجه شرق يصادفك دوار يمين يوديك لمحل الكباب
تاخذ الدوار يسار كأنك رايح جمعية الميره من تعدي الدوار بكم متر تحصل الخياط على يسارك
عموما المحل قريب من الدوار

[aloosh]

انا افصل عند قباء وشغلهم ممتاز صاري 3 سنوات معهم

[بوخالد911]

وايت بلس
العزيزية
معاه من 8 سنوات
ومرتاااح
يخيط لك ب 160 ريال لو انت جايب الطاقة
لو من عنده ما بين 250 - 260 ريال

[بوحارب]

انا توني مفصل 4 ثياب في سوق العلي والبتحديد عند خياط محمد الشرفي الواحد على 110 ريال

بس نصيحة نصيحة روح له ومهاك ومعاك ثوب سمبل لاتخليه ياخذ لك القياسات

لأن اغلب الخياييط قياساتهم اي كلام





وايت بلس
العزيزية
معاه من 8 سنوات
ومرتاااح
يخيط لك ب 160 ريال لو انت جايب الطاقة
لو من عنده ما بين 250 - 260 ريال

عسا مااااااشر ب 160 ولاطاقة من عندي ؟؟؟

[R 7 A L]

انا اخيط عند سيليني
وللاسف اخر مره كانت التفصيل فاشل
وغالي جداً
لذا انا بعد الي اغير خياطي

[لـبـيـه]

خياط النخبه

شارع معيذر التجاري

[بومحمد55]

أنا كنت أفصل عند قصر لكزس اللي في النصر تفصيله زين ورخيص

الخياطه 100 ريال اذا الطاقة من برع . بس قلت بشوف خياط ثاني أحسن شوي

يوم الخميس اللي فات رحت خياط سلتر اللي في شارع ال شافي وفصلت عنده الثوب الواحد 300 ريال مع القماش

اليوم ان شاء الله راح أجرب الثوب عنده اذا تمام بكمل معاه .

[حمد 2002]

انا اتبع السياسة التاليه ..

أشتري طاقه ثياب زينه ولنقول شيكيبو مثلا

وهالطاقة تكفي ل 6 ثياب مثلا بحكم انه طولي 180 تقريبا ووزني تقريبا صار 77 ..

ف كل خياط أفصل عنده ثوب واحد فقط .. يعني اروح لأقرب 6 محلات خياطة. .

والهدف من ذلك هو أنه إذا واحد خرب الثاني مايخرب ..


لأنه ماحب ارمي أو باللهجه المحليه احذف الطاقه بمحل واحد بل اوزعها بكذا محل ..


أما الأسعار رخيصه لاني اروح لمحبات رخيصه بالخياطه وافهمهم بالي أبيه. .

تحياتي ..

[وليف الشوق]

وايت بلس
العزيزية
معاه من 8 سنوات
ومرتاااح
يخيط لك ب 160 ريال لو انت جايب الطاقة
لو من عنده ما بين 250 - 260 ريال

لو جايب الطاقة من عندي يخيط لي بـ 160 ريال ؟
لا والله غالي وغالي
انا دايم اجيب طاقة للخياط وثيابي كلها (( تفصيل خاص )) بـ 90 ريال للثوب

[مخطط قطري]

انا كنت بكتب لك الخياط الي اتعامل معاه دايما بس الردود ماشاءالله كفت ووفت والاسعار الي حاطينها جيده انا يفصلي الثوب الواحد ب600 ريال والزين فيه يجيك لين المجلس وتفصليه دقيق ومرتب ويتساهل واجود انواع الخلق عنده وعادي ياخذ القياس اليوم بكره ثيابك جاهزه

[فريج النجادة]

الخياط في سوق العلي الكبير على 50 والصغير على 30

غير سعر الطاقة على حسب اختيارك

فية ناس ما تفرح ولا تستانس الا قال لهم الخياط

التفصيل 200 ريال

يضن المسكين اذا غالي تفصيلة زين

واذا رخيص تفصيلة مب زين !!!!

[نفسي عزيزه]

بكم يخيط اخوي سواء بالقماش او بدون

ووين مكانه

مع اني اخيط بسوق العلي عند اللورد ولكن حزات يرفع لي الضغط

اللورد كنت اخيط عنده وعقب من 2005 رحت خياط الخياط بالمرخيه وعقب 2007 استقريت على خياط سليني الى يومك خياطه جوده ثوب مرتب على جسمك

[نفسي عزيزه]

بغض النظر عن الاسعار كجوده وشكل وترتيب الاول بقطر سليني

مثل المرسيدس

وشكرا