هل نسمي هذي طراره او شنو بالضبط

[toyota]

السلام عليكم

موضوعي عن السناب شات والدعايات اللي فيه ناس تروح وتعرض خدماتها للمحلات والمطاعم على اساس اسويلك دعايه وعطني مقابل يعني يمكن يفرش البيت كله ببلاش من سناباته وياكل ببلاش بعد
هل هذي طراره راقيه؟
وين كرامتك ؟ والا صار هالشي عادي اطر بطريقه كلاس، كل اللي عندي في السناب يسوون دعايات حذفتهم
انا اسف على الالفاظ هذي بس ابي رايكم هل هذي طراره او اكل عيش مثل مايقولون
بتسوي دعايه سو على شي يستاهل ويفيد الناس
في سناب انا مسوي عليه اكس عوووود ومعروف في قطر بعد حياته كلها تصوير وسنابات ودعايات
واكل يعني لاشغله ولامشغله الله يهديه بس .
المهم موضوعي يمكن مب يديد بس ذكر فإن الذكرى تنفع المؤمنين ،،

[ساراام]

تقدر تسميها شطاره

لولا الناس اللي اتابعهم ولا جان محد درا عنهم

يعني لوم المتابع نفسه اللي يصدق كل شي ومستعد يجرب اي شي

[الكبير]

الا اسميها طرارة اونلاين

وقفني واحد من مشاهير السناب من ربعي ... في الوكرة

قالي عطني اربع الاف واسوي دعاية لشركتك

قلت له حاليا ما افكر

والله انصدمت من الاسلوب

حسيت ان قاعد يشحت عشان يعطيني عملاء

[aloosh]

المصيبه انه يسوي دعايه بدون دراسه الدعايه لزم لها دراسه مو مثل العرب تعال وسو دعايه نفرض ها الشركه عليها مشاكل وانت تعمل لها دعايه للعامه او مطعم ما يسوى تسوي له دعايه او شخص غير سوي تسوي له دعايه

انا ما اقول طراره هذا بزنس بس مفروض يكون بشكل احترافي وفيه مصداقيه مو من هب ودب تعمله دعايه
وتقبلوا تحياتي

[MAZEN37]

على قولة المثل
رزق الهبل على المجانيين
هههه ارزاق

[حليتان*]

انا عن نفسي استفيد من دعايات بعض المشاهير خاصه عبدالله الغافري ودكتور حمود

وابدا ما اشوفها طراره

شغل والشغل مب عيب دام انه بالحلال الله يوفقهم

[R 7 A L]

ليش ماتسمونها شطارة
والتجارة شطارة
انا كتاجر لازم ابحث عن اي احد يعلن لي حتى لو يسولف في المجالس

[وليف الشوق]

السلام عليكم

موضوعي عن السناب شات والدعايات اللي فيه ناس تروح وتعرض خدماتها للمحلات والمطاعم على اساس اسويلك دعايه وعطني مقابل يعني يمكن يفرش البيت كله ببلاش من سناباته وياكل ببلاش بعد
هل هذي طراره راقيه؟
وين كرامتك ؟ والا صار هالشي عادي اطر بطريقه كلاس، كل اللي عندي في السناب يسوون دعايات حذفتهم
انا اسف على الالفاظ هذي بس ابي رايكم هل هذي طراره او اكل عيش مثل مايقولون
بتسوي دعايه سو على شي يستاهل ويفيد الناس
في سناب انا مسوي عليه اكس عوووود ومعروف في قطر بعد حياته كلها تصوير وسنابات ودعايات
واكل يعني لاشغله ولامشغله الله يهديه بس .
المهم موضوعي يمكن مب يديد بس ذكر فإن الذكرى تنفع المؤمنين ،،

ليش اللي يشتغل وشغله حلال نسميه طرارة ؟ اهو راح عند المساجد وماد يده لخلق الله ؟ ولا قاعد في الشارع وماد يده ؟ هل اهو راح لفلان وعلان يترجاهم يعطونه اكل وفلوس ؟
اهو قاعد يشتغل ونظير الشغل هذا ياخذ اجر وهالطريقة اعتقد شرعيه وقانونيه ومااعتقد فيها اي عيب نظير دعايه لمحل معين او سلعه معينه وانا ارفع عقالي للشخص اللي يجتهد ويشغل مخه

[الماريّة]

ماااادري على كثر ماهي ممله
بس تعتبر نوع من التجاره

وماعتقد حد بجي وبسوي دعايه من والطريق
اكيد التجار يطلبونهم

[بوخالد911]

اعتبرها : تسويق الكتروني وطرارة بشكل ( خفي ) !!

وهم يعتبرونه باب من أبواب الخير لهم

[ثابت]

قالوا عنهم طرارة وقالوا عنهم مطبلين وقالوا عنهم مرتشية في الاخير هم حققوا اهدافهم ونجحوا في الوصول الي اهدافهم

صرنا نشوفهم يقدمون في الصفوف الامامية مع الشيوخ والامراء و اصحاب العلم

شفنهم تقدم لهم الدعوات على مستوى الدول ومحمولين مكفولين حتى لدرجة يا دهينة لا تنكتين

انا بصراحة اشوفهم ناجحين و اذكياء وعرفوا كيف يستغلون الامر لصالحهم والحياة فرص والله اعلم

[Engineer]

السلام عليكم
حبيت اشارك بهالموضوع
هذا نوع من التسويق الالكتروني و ما تسمى طرارة
الحين الناس اذا بغيت تاخذ فكره او تسأل عن شي اول شي تتوجه له برامج التواصل الاجتماعي
و اذا الانسان عنده متابعين بالآلآف اعتقد ما وصل لهالعدد الى يشوفونه كخبير او مرجع او مرشد سياحي

[ضوى]

مدري ماحبيت مصطلح طرارة ، اعتبرها فهلوة وشطارة دامها حلال عليهم بالعافية وعموما أنا ما أصدقهم كله كذب اعلانات ودعايات وترويج لمنتجات وبضايع اغلبها فاشل

[بوحارب]

بالعكس بزنس ناجح جدا

اعرف واحد من المشاهير في قطر يدخل كل المطاعم
هو وربعه وياكلون ببلاش لييييييييييييين يطفحون

وفي الأخير يصور كم صورة داخل المطعم مع رقم التلفون والموقع ويطلع ببلاش :)÷

[ضوى]

ذكرتوني بواحد من هذول دخل مطعم لصاحبتي وطلب انواع واصناف من الاكل ويوم خلص وجاته الفاتورة قال انا ما ادفع انا اسوي دعاية لمحلكم وزين اني ماخذت فلوس ، ويوم جا صاحب المحل قاله انت ماتعرف انا منو محلك بينشهر الحين ، ومارضى يدفع وتتدبس صاحب المطعم بالفاتورة لانه ماقاعد يكد عليهم

[حمد 2002]

العلاقه مابين راعي المحل وصاحب الاعلان تعتبر علاقه (( مصلحه ))

افيد واستفيد .

راعي المحل بيكثرون زباينه وبتزيد مبيعاته والمشهور بيجيه مبلغ وقدره .

[حفيد الأنصار]

مدري ماحبيت مصطلح طرارة ، اعتبرها فهلوة وشطارة دامها حلال عليهم بالعافية وعموما أنا ما أصدقهم كله كذب اعلانات ودعايات وترويج لمنتجات وبضايع اغلبها فاشل



قلتي الكلام اللي كنت بقوله

بالنهاية هيا تجارة تعتبر .. وشخصيا أغلبهم ماصدقهم

[فريج النجادة]

قالوا عنهم طرارة وقالوا عنهم مطبلين وقالوا عنهم مرتشية في الاخير هم حققوا اهدافهم ونجحوا في الوصول الي اهدافهم

صرنا نشوفهم يقدمون في الصفوف الامامية مع الشيوخ والامراء و اصحاب العلم

شفنهم تقدم لهم الدعوات على مستوى الدول ومحمولين مكفولين حتى لدرجة يا دهينة لا تنكتين

انا بصراحة اشوفهم ناجحين و اذكياء وعرفوا كيف يستغلون الامر لصالحهم والحياة فرص والله اعلم

احسنت بارك الله فيك

[فريج النجادة]

بالعكس بزنس ناجح جدا

اعرف واحد من المشاهير في قطر يدخل كل المطاعم
هو وربعه وياكلون ببلاش لييييييييييييين يطفحون

وفي الأخير يصور كم صورة داخل المطعم مع رقم التلفون والموقع ويطلع ببلاش :)÷

الحمدلله اني لا اعرف حتى لا يزيد وزني

هههههههههههههههه

[Miss]

لا مب طراره
شطاره
وانا استفدت منهم الصراحة

[بوحارب]

الحمدلله اني لا اعرف حتى لا يزيد وزني

هههههههههههههههه

احسن لك والله ههههههه


لا مب طراره
شطاره
وانا استفدت منهم الصراحة

شنو استفدتي منهم !

:no2:

[khalid Qtr]

هو عمل، وكل عمل له مقابل، وكثير منهم الشركات والمطاعم هي اللي تتواصل معاهم وتطلب خدماتهم.

ولكن .. الواجب عليهم الصدق في تقييمهم ونصايحهم للمتابعين حول المكان اللي يزورونه، ما يكتفون بذكر الإيجابيات فقط!

[معماري قطري]

المصيبه انه يسوي دعايه بدون دراسه الدعايه لزم لها دراسه مو مثل العرب تعال وسو دعايه نفرض ها الشركه عليها مشاكل وانت تعمل لها دعايه للعامه او مطعم ما يسوى تسوي له دعايه او شخص غير سوي تسوي له دعايه

انا ما اقول طراره هذا بزنس بس مفروض يكون بشكل احترافي وفيه مصداقيه مو من هب ودب تعمله دعايه
وتقبلوا تحياتي

كلامك صحيح ودوم الشيء الزين قيمته فيه سواء أكل وانت كلت وعجبك ونشرت مقطع عنه حباً منك في نشر المعرفة وليس باتفاق أو موقف انضريت منه وتنبه الناس عنه .. أهم شيء المصداقية

[يمامـة]

هو عمل، وكل عمل له مقابل، وكثير منهم الشركات والمطاعم هي اللي تتواصل معاهم وتطلب خدماتهم.

ولكن .. الواجب عليهم الصدق في تقييمهم ونصايحهم للمتابعين حول المكان اللي يزورونه، ما يكتفون بذكر الإيجابيات فقط!

اتفق معاك..

لا هي طرارة ولا هم يحزنون..

ولكن ربنا بيحاسبهم على خداعهم للناس لو ما كان زين ويزينونه للناس!!

[حـ ن ـيـ ن]

هذا تسويق معاصر للتكنولوجيا*

[Right]

بعض مشاهير السناب شات أصبحوا ، طبالة على حسب الطلب والدفع

[وحيد-الشوق]

تسويق مع طراره بشكل خفي وترويج مخادع وضحك على العقول يضحكني رفيجي لما يقول الناس صارت عبيد فلوس هههههههه

كم اكره الفاشينستات والي ينشهرون من ولاشيء لدرجة بعض المشاهير طلعوا لنا جيل بلشتي وهيلقي من الشباب

[مرتبش]

اذا مافيها خداع وتضليل بتكون شطارة

[طلعة الروح]

ما اتابع هالناس ولا ادري عنهم
أفضل الاسلوب العفوي والغير مباشر للترويج من الاشخاص العاديين لأنه الافضل والاصدق في نظري