مالفرق بين اللوحة السوداء والحمراء لسيارات النقل العام

[لما]

ابي اعرف اشوف فيه تريلات عليها لوحه حمراء وبعضها لوحه سوداء شالفرق ياجماعه

[لما]

ولا رد

[jajassim]

عندك صور

[@north_star@]

كلها على تريلات ؟

[النهار]

من زمان ماعد شفت اللوحات الحمراء مادري يصرفونها الحين ولا لا
سابقا كانت اللوحه الحمراء نقل عام عددها كان قليل جدا تعطى بشروط معينه
اما اللوحات السودا للنقل الخاص

[R 7 A L]

اللوحة السوداء نقل خاص
واللوحة الحمراء نقل عام

[R 7 A L]

طبعاً النقل العام للحكومة او مؤجرة على الحكومة

[لما]

ايش الشروط المعينه
هل هي مخصصه لكبار السن وذوي الاحتياجات الخاصه ولا تصرف لمن يطلبها
اعرف ناس قدموا عليها وجاتهم بدون شروط

[R 7 A L]

هذي كانت يسمونها تكسي الدوحه او قطر
مادري هل مازالت موجوده للحين ولا خلاص

نفس نظام الوره
تعطيهم السياره يشتغلون عليها ويعطونك مبلغ محدد اخر الشهر

[لما]

وين شموخ اهو اللي عنده الجواب الشافي

[حليتان*]

كبار السن او ذوي الاحتياجات الخاصه يعطونهم تصريح لمواقف الذوي الاحتياجات الخاصه

لسياره وحده ويكون ستيكر على الجامه الاماميه

او تصريح متنقل من سياره الى اخرى ويتعلق داخل السياره على المرايه الي فالمص

في كلام ان بيندرس موضوع تغير لوحات سيارات ذوي الاحتياجات الخاصه لكن الى الان ما في شي رسمي

اللوحة السوده حاليا للبياكم (نقل خاص)
اللوحة الحمره سيارات قوات الامن الداخلي (لخويا) وتشمل الدوريات او بعض السيارات المدنيه

[R 7 A L]

وين شموخ اهو اللي عنده الجواب الشافي

الحين كاتب لج ثلاث ردود ومافهمتي !!

عموماً
اللوايح الي لونها احمر على سيارات النقل للمواطنين فقط

[لما]

مب مافهمت الرد في الصوب واللي اعنيه في صوب
اللي يتاجر في التريلات والنشاشيل بيفهم قصدي
فيه تريلات عليها لوحه حمراء ولها الاولويه في الشغل في مكتب الوطنييه للنقليات هل هذي ممكن تعطى لأي قطري

[لما]

وأكرر سؤالي للعضو شموخ دائم

[لما]

??????????????

[R 7 A L]

ارسلي له رسالة خاصة

[لما]

??????

[لما]

الأخ شموخ موجود في المنتدى ولا طلع

[النهار]

سلمج الله اتصلي في المرور يفيدونج اكثر
سابقا كانت تعطى هذه اللوحات بشروط معينه مثل المطلقات والمتقاعدين والارامل فقط لوحه وحده
وكان يتم تأجيرها على سيارات النقل يسمح للسياره الي عليها نقل عام بالعمل عند اي شخص كانت باصات ب 8 راكب عليها
اللوحه الحمراء كانوا يتكسون ويسمح لهم
اعتقد مافي صرف لهذه اللوحه من مده طويله الي عنده عنده

[لما]

طيب المتزوجة واللي ماتعمل ومحتاجه لها
مايعطونها