خفوا علينا يالاعصاب

[JN000N]

السلام عليكم ورحمة الله وبركاته

،


،



في أمور تصير في الشارع تخلي الواحد وده يحرق اللي قدامه بتيزاب (مب أي واحد.. هولك هوقن وواريور والاندرتيكر)
كلش صايرين مالهم بارظ وكلن نفسيته في خشمه وكل واحد متنرفز وكل واحد يبي يوصل بسرعه وعدال ياللي تواقيتكم انجليزيه يالملتزمين ياللي تحسبون طلعتكم ف الشارع بالثانيه

ندري البلد زحمه ندري الشوارع ضيقه ندري ونجوف وواقع نعيشه كل يوم وندري ان وفود دخلت قطر من اشكال وانواع الثقافات

بس عاد مب على أي شي الواحد يستوي فيها ابو البطوله ويقفل ويعصب ويزاعق وهو ماعنده الا الضعوي

من كم يوم في محطة بترول عند الصراف الالي كان في سيارتين قدامنا واحنا الثالثة
خلص الاول وكان واقف جنبه واحد نازل من سيارته ياي يسحب فلوس (طبعا رايح يشيك بترول وعلى حسن الظن انه ماكان عنده كاش يدفع فنزل يسحب من الصراف فطم يعبي سيارته بترول)
يوم يا الواقف يسحب المفروض عقبه السياره الي قبلنا ايي دوره
واحنا نسولف مب منتبهين الا نسمع صراخ وسب وهواش على وشو!
(هوغن) ف سيارته يوم شاف الريال واقف على ريله ياي يسحب من الصراف ما خلى فيه ولا بقى بس عشان ياي يسحب واقف
وان هو (هوغن) صاف سيارته وينطر الدور ليش هذي ياي قدامه
زين ترى كان واقف ينطر هو بعد السياره الي قبلك تخلص
وبعدين؟
لا صج وبعدين!
بتخلص فلوس المكينه مثلا والا شنو؟
بسرعه ماخذ له الموضوع دقيقه طول ما هذي يسحب هوغن قاعد يزاعق خاطره شوي ويزوع جبده من الزعيق والي يسحب يتعذر منه ويقول له بس ثواني وبخلص ماعندي كاش حق البترول
خلص المسكين وعلى فكره كان عربي
راح سيارته الي كانت عند البترول ودفع ومشى وهو رايح من الخرعه بطل الدريشه وبعد قام يتعذر من هوغن وهوغن كانت لحين اعصابه فالته الادرينالين طايش
يا دورنا واحنا نسحب انا قاعده اطالع هوغن وين بيروح على هالسالفه اللي سواها
الاخ عقب ما سحب بدل ما يلف قانونيا ويرد يصف ورا السيارات اللي بتشيك بترول
يا من قدامهم وريوس ووقف ويلا تعالو عبولي بترول
لا ياشيخ!
احلف عاد

توك مستويلي فيها كاتب قانون الأدب في الشارع والحين انت مخالف مخالفه صريحه ياي واقف قدام الطابور اللي وراك ضاربهم بعرض الحيط

شنو ذي؟ لا وهالاشكال نفسها هي اللي تستقوي ويسوون نفسهم فيهم اعصاب ويتنافض ويتراعد جنه غساله ثياب تنشف ومن ينزل له اللي فالسياره الثانيه ويجوف شضخمه قدامه يقلب قطو كاسرين ريله ويتعذر وهو يطالع الارض ويشل عليه


ندري انكم اقوياء وابطال وقانونيين وتمشون بالقلم والمسطره ما تخطئون حشى عليكم سيييده ماعندكم كيري ميري
بس معليه خفو عالمخالفين الفقارى صيرو طيبين شوي سامحوا
مب على كل شي الواحد يطامر فالشارع
بالله طمرت ونط لك عرج ف راسك وانبط شبينفعك صراخك فيه؟


مادري شصايد العرب يبيلكم هلكبتر حزه الزحمه يرش عليكم مهدئ اعصاب والا مكونات تخليكم سعيدين ف الشارع ومبتسمين :taunt:

[بوحارب]

يبيلهم ضرب مب رشه السعاده :)


والله جنون من حقه يتنرفز راعي الموتر بس مب بالطريقة هذي ويعني الصراف خلاص حق الناس اللي في سياراتهم كيف يجي ويدخل بين السيد !!

بس قهرني يوم خالف في المحطلة صج انسان فاشل هههههه

[Riku3]

وايد نشوف من هالاشكال للاسف .. المشكلة لو تسافر برع وتشوف الناس شلون رايقة وما تعصب تتعجب وتتمنى اخلاق العرب تكون كذا مب الاجانب !! ..

المشكلة هالاشكال تربوا على ان كل شي حق مشروع لهم من طفولتهم اعوذ بالله .. "يزيدون صوب شيكاغو" .

مره حصلت زحمة غريبة على لفة فريج ونطرت 5 دقايق وزادت الزحمة لين الشارع الرئيسي .. عقب ركبت الرصيف ودخلت الا احصل نيسان واقف عند بقالة طالب شي ومعاند الي وراه ومايبي يتحرك !! .. وانا فوق الرصيف شفت الي في السيارة حصلته شاب حتى خط الشنب ما طلع عدل ههههههه .. طالعته واشرت عليه وضحكت وهزيت راسي الحمد لله والشكر .. الا احصله مسك الهرن معصب علي ههههههه .. زين ان كان صاف غلط وما قدر يلحقني والا ما ادري شكنت بسوي فيه عقب :taunt: .

ومن 6 شهور شاب دعمني من ورى والاشارة حمره .. نزلت اسلم عليه ما رد .. قلتله الحمد لله على السلامة ما رد .. قتله ما تشوفني واقف والاشارة حمرة هني رد يقول من بريكاتك !! :vampire: .. هني سويتله محاضرة وخليته غصب يقولي الله يسلمك لاني قلتله الحمد لله على السلامة @_@ .. بس مع ان تم ساكت تقدر تشوف في عيونه ان خاطره يذبحني من كثر ما هو معصب مع ان هو الغلطان انا رابع سيارة على اشارة حمرة شيبيني اسوي مثلا :rolleyes2: .

ريلاكس يا ناس @_@ .

[JN000N]

يبيلهم ضرب مب رشه السعاده :)


والله جنون من حقه يتنرفز راعي الموتر بس مب بالطريقة هذي ويعني الصراف خلاص حق الناس اللي في سياراتهم كيف يجي ويدخل بين السيد !!

بس قهرني يوم خالف في المحطلة صج انسان فاشل هههههه

اي بس الريال مثلا ماكفته الفلوس الي ف خباه وهو رايح يجيك بترول وصاده ظرف يعني سيارته اصلا عند البترول
خلاص يموت؟
اكو الصراف حذاه وواقف ينطر حاله حال اللي ينطرون والا بس عشان ما كان صاف بسيارته صار غلطانه
الصراف موجود ف الشارع للي واقف وللي بسيارته الا اذا مكتوب عليه (لسائقي السيارات فقط؟)
هو ما يا فجاه ووقف سيارته حذانا ونزل يسحب ولا جنه موجودين هو كان يشيك بترول

[شيخ الديرة]

صارت معي نفس القصة، ترخصت من الاخ اللي بالدور، وقال أبشر يالطيب.

اعتقد ولو الناس عندهم احترام وطول بال، لكن تنقصها مهارات التواصل وتسهيل الدخول بدون مشاكل

لو قال من رخصتك يا أخ، لا شك عندي ان الأخ مستعد يعطي من مخباه لانه احترمه وترخص منه

[بانغ بانغ]

التحويلات والزحمة لها دور

احيانا الاسيويين اينزفزون الواحد

صحيح التحلي بالاخلاق العامة بالشارع شي ضروري لكن احيانا الواحد وده ايكون مايك تايسون

نتمنى بس ان في شرطة متخفين لرصد هالتصرفات مثلا في الاسواق والمحطات واماكن التجمعات العامة

اختي جنووون بعض الناس صدقيني اصراخهم اكبر منهم .... مثل البالون اشكبره وداخل كله هواء

[الحياة الخالدة]

عليكم السلام ورحمة الله وبركاته
والله يا أختي جنون .. بصي حضرتك
مثل ما احنا نلقى العذر حق نفسنا .. المفروض نلقاه حق الآخرين
أنا ما أبرر تصرف هالشخص أو غيره
لكن احنا ما نعرف ظروف الناس
ممكن أي حد فينا يكون مكان هالشخص في يوم من الأيام
طولة البال .. والصبر و التحمل أمور مطلوبة من الجميع
لكن كلن له عذره
الحالة المزاجية ( متهاوش مع مرته مثلاً ) .. المادية ( نص الشهر وطالع ) .. حالة الطقس ( الحر الشديد ) وغيرهم وغيرهم
والله المستعان

[السكين]

ايه والله بكل مكان ورمضان على الأبواب والأخلاق تكون في الخشم من هالنوعيات !

الأخلاق والأدب والذوق تعتمد على الشخص وتربيته !

أنا قبل فترة كنت بستار لنك وواقف على الكاونتر أنتظر الفلبيني يطلع من الورشة ، جا واحد ووقف قدامي .. ولما طلع الفلبيني قعد يكلمه وأنا واقف ، فجأة انتبه الرجال انه سوى شي غلط وقعد يعتذر مني ورفض قطعياً إلا أنا أخلص أول ولما قلت له عادي بكل رضا رفض وحلف ما يخلص قبلي ، هذا انسان خلوق بس يمكن ما كان منتبه أو شي ..

المواقف كثيرة ومضحكة ومبكية لكن نتمنى الجميع يتحلوا بالصبر ولو على حق !

[Rider]

الموضوع حلو وفيه تشويق لكن الواحد في زمنا هذا ماعاد يتحمل لانه فعلا فيه ناس ينرفزون وهذا كل بسبب الزحمة في كل مكان والله المستعان

[khalid Qtr]

هذي ممكن نسميها محاكمات الشوارع!
كل واحد يبي ياخذ حقه بيده ولسانه، الهدوء الهدوء، ولا تنسى دعاء الخروج من المنزل.
وتسامح، ولكن لا تسمح لأحد بالتجاوز عليك، ورده في حدود الاحترام.

[naklan]

اشوا ستيف اوستن مهب وياهم
والله يا جنوون صدقتي كل هذا موجود وبوجوه مختلفة
الاخلاق صارت عملة نادرة*والصبر ما عاد له وجود
وبعد كم يوم في رمضان شوفي الاعصاب
والتلفف على بعض الواحد صار وده
يسكن كوكب المريخ ابرك له

[عايش فرحان]

اذكر أني قريت مقال من زمان في الوطن ل احمد علي ..
يقول ان سوء التخطيط و الزحمة في الشوارع و مشاريع اشغال الفاشلة و المتخبطة هي السبب في سوء اخلاق الناس و نرفزتهم الدائمة..
بل و في ازدياد حالات الطلاق أيضاً !!

أنا شخصياً ااويد ما ذهب اليه الكاتب بنسبة كبيرة ..

[@north_star@]

كل يوم نشوف مواقف وحركات تنرفز وترفع الادريالين مليون وكل يوم نطلع من البيت قبل الزحمة ونقول لا اله الا الله اليوم ما نبي نتهاوش وكلها كم دقيقة وتصير جولات من العصبية والهواش والمشكلة مرات تصبر لين تنبط بسبب الشخص اللي قدامك عنده برود واستهتار مب طبيعي
يعني عفوا اللي جاي يصب بترول ما يدري كم بمخباه وما شيك قبل لا يعطل الناس وعلى قولتج اللي يروح قدام الناس ويدخل بالرويس ويعطل كل الناس اللي تنطر .... للأسف صارت مظاهر يومية ترفع الضغط والله يصبرنا ويكون بالعون

[style]

صارت معي نفس القصة، ترخصت من الاخ اللي بالدور، وقال أبشر يالطيب.

اعتقد ولو الناس عندهم احترام وطول بال، لكن تنقصها مهارات التواصل وتسهيل الدخول بدون مشاكل

لو قال من رخصتك يا أخ، لا شك عندي ان الأخ مستعد يعطي من مخباه لانه احترمه وترخص منه
بالضبط اللي كنت باقوله،،مايحق له يروح الصراف بدون مايستاذن ،،صحيح انه سيارته تصب بترول،،بس مايحق له.
جنون اذا تبين الحق اللي واقف هو اللي عليه الحق في سيارات ننتظر
المفروض يستاذن من اللي له الدور

شكرا

[aloosh]

فيه حل توصل للمكان اللي تبيه بدون ما تحرق دمك وهذا انا اتبعه الحمدلله

اما تحط قران وتقراء وراه لحد ما توصل
او تصلي على النبي صل الله عليه وسلام وتسبحن وتحمد وتستغفر
صدقني نفسيه تزين وامورك طيبه

[MAZEN37]

فيه حل توصل للمكان اللي تبيه بدون ما تحرق دمك وهذا انا اتبعه الحمدلله

اما تحط قران وتقراء وراه لحد ما توصل
او تصلي على النبي صل الله عليه وسلام وتسبحن وتحمد وتستغفر
صدقني نفسيه تزين وامورك طيبه

مرات يطلعلك بزر ركبينه الشياطين وما يطلعون الا يا الاهل معاك او الشيبه معاك

[MAZEN37]

بالضبط اللي كنت باقوله،،مايحق له يروح الصراف بدون مايستاذن ،،صحيح انه سيارته تصب بترول،،بس مايحق له.
جنون اذا تبين الحق اللي واقف هو اللي عليه الحق في سيارات ننتظر
المفروض يستاذن من اللي له الدور

شكرا

ياخوي مافي ذوق الي قاعد بالسيارة مرتز بالمكيف وشايف الرجال على رجوله والموضوع ما ياخذ دقيقه
لازم الانسان يكون عنده ذوق ويلتمس العذر ويمشي
ياما قابلنا ناس وقحه بالدور ونمشيها لانه هو يمثل تربيته واخلاقه ما جات على مسكين

[شيخ الديرة]

ياخوي مافي ذوق الي قاعد بالسيارة مرتز بالمكيف وشايف الرجال على رجوله والموضوع ما ياخذ دقيقه
لازم الانسان يكون عنده ذوق ويلتمس العذر ويمشي
ياما قابلنا ناس وقحه بالدور ونمشيها لانه هو يمثل تربيته واخلاقه ما جات على مسكين

لا يا أخ مازن, لا اتفق معك. هذا يسمى تجاهل واستخفاف بالشخص اللي بالدور, ولو قبلنا به سوف يتحول الى قلة أدب وتطاول غير مقبول. ماراح ينزل ذرة من قيمة الرجل المستعجل لو ترخص من اللي في الدور, اعتراف منه بوجوده بالدور, ويعطيه الفرصة بأن يقوم بعمل حسن يفتخر به وقدوة لمن معه بالسيارة من صغار, بدل ان ينرفزه ويطلع منه سوء

[MAZEN37]

لا يا أخ مازن, لا اتفق معك. هذا يسمى تجاهل واستخفاف بالشخص اللي بالدور, ولو قبلنا به سوف يتحول الى قلة أدب وتطاول غير مقبول. ماراح ينزل ذرة من قيمة الرجل المستعجل لو ترخص من اللي في الدور, اعتراف منه بوجوده بالدور, ويعطيه الفرصة بأن يقوم بعمل حسن يفتخر به وقدوة لمن معه بالسيارة من صغار, بدل ان ينرفزه ويطلع منه سوء

انا طبعا مع انه يستأذن طبعا
وعلى فرضا ما يستأذن هل من حقه يصارخ ويتهاوش معاه انا اتكلم عن اسلوب حل المشكله بهذه الطريقه

[شيخ الديرة]

انا طبعا مع انه يستأذن طبعا
وعلى فرضا ما يستأذن هل من حقه يصارخ ويتهاوش معاه انا اتكلم عن اسلوب حل المشكله بهذه الطريقه

لا الصراخ والهوشة اسلوب غير حضاري ولا ينفع في ايصال رسالة النصح. لو ينزل له ويذكره بهدوء انك تجاهلتني وخجلتني امام عيالي لانك أخذت دوري, أتمنى عالجايات انك تستأذن

[R 7 A L]

الواحد يتعوذ من الشيطان
ويلتمس للاخرين الاعذار
ويخلي في باله الواحد ان مافيه اي عداء شخصي من الاخرين
وماحد يعرف احد على شان يحكر له

[حمد 2002]

السلبيه بالموضوع :- انج معصبه بنقلج للموضوع وانتي حاطه عنوان خفوا علينا يالاعصاب .

الايجابيه بالموضوع :- سرده للموضوع بطريقه جميله للقراء وبأسلوب سلس ومفهوم رقم الاطاله به .

رايي الشخصي بالموضوع :- يجب على الناس العيش بتفاؤل وامل لانه هذا هو الطريق المؤدي الى النجاح والسعاده والابتعاد عن التشاؤم لان التشاؤم يجعل الانسان بلا هدف ودائما يعيش بعصبيه وهدف كما حصل لراعي السياره ذو الاعصاب الفارطه .


تحياتي .

[القلب المؤمن]

الكل ضغطه مرتفع مع الزحمة والحر والحرمان من الحقوق والواسطة والظلم الوظيفي وارتفاع الاسعار وارتفاع اسعار العقارات والايجارات باختصار محتاجين وزير للسعادة :)

[JN000N]

وايد نشوف من هالاشكال للاسف .. المشكلة لو تسافر برع وتشوف الناس شلون رايقة وما تعصب تتعجب وتتمنى اخلاق العرب تكون كذا مب الاجانب !! ..

المشكلة هالاشكال تربوا على ان كل شي حق مشروع لهم من طفولتهم اعوذ بالله .. "يزيدون صوب شيكاغو" .

مره حصلت زحمة غريبة على لفة فريج ونطرت 5 دقايق وزادت الزحمة لين الشارع الرئيسي .. عقب ركبت الرصيف ودخلت الا احصل نيسان واقف عند بقالة طالب شي ومعاند الي وراه ومايبي يتحرك !! .. وانا فوق الرصيف شفت الي في السيارة حصلته شاب حتى خط الشنب ما طلع عدل ههههههه .. طالعته واشرت عليه وضحكت وهزيت راسي الحمد لله والشكر .. الا احصله مسك الهرن معصب علي ههههههه .. زين ان كان صاف غلط وما قدر يلحقني والا ما ادري شكنت بسوي فيه عقب :taunt: .

ومن 6 شهور شاب دعمني من ورى والاشارة حمره .. نزلت اسلم عليه ما رد .. قلتله الحمد لله على السلامة ما رد .. قتله ما تشوفني واقف والاشارة حمرة هني رد يقول من بريكاتك !! :vampire: .. هني سويتله محاضرة وخليته غصب يقولي الله يسلمك لاني قلتله الحمد لله على السلامة @_@ .. بس مع ان تم ساكت تقدر تشوف في عيونه ان خاطره يذبحني من كثر ما هو معصب مع ان هو الغلطان انا رابع سيارة على اشارة حمرة شيبيني اسوي مثلا :rolleyes2: .

ريلاكس يا ناس @_@ .

لا ف السفر مادري شيصير فيهم
جنهم قمل مقصع
وهني ينافخون علينا جنهم ثيران هايجه
بسبب وبدون سبب اي حد بس يبي يتهاوش
بعد تحمل تطق هرن حق حد عادي عادي ينزل يفاتن ف نص الشارع

[أم محمد 90]

انا صرت سودانية وكل شي عادي عندي فالسواقة الا اني اكون واقفة في اشارة وحد يدخل قدامي

او اكون ابي اطلع من لفة فرعية ويجي حد قدامي ياخر ظهوري .. ياويله مني بيسمع الهرن اللي يرن اذنه ويذكره لين يموت :):nea:

[R 7 A L]

وايد نشوف من هالاشكال للاسف .. المشكلة لو تسافر برع وتشوف الناس شلون رايقة وما تعصب تتعجب وتتمنى اخلاق العرب تكون كذا مب الاجانب !! ..

المشكلة هالاشكال تربوا على ان كل شي حق مشروع لهم من طفولتهم اعوذ بالله .. "يزيدون صوب شيكاغو" .

مره حصلت زحمة غريبة على لفة فريج ونطرت 5 دقايق وزادت الزحمة لين الشارع الرئيسي .. عقب ركبت الرصيف ودخلت الا احصل نيسان واقف عند بقالة طالب شي ومعاند الي وراه ومايبي يتحرك !! .. وانا فوق الرصيف شفت الي في السيارة حصلته شاب حتى خط الشنب ما طلع عدل ههههههه .. طالعته واشرت عليه وضحكت وهزيت راسي الحمد لله والشكر .. الا احصله مسك الهرن معصب علي ههههههه .. زين ان كان صاف غلط وما قدر يلحقني والا ما ادري شكنت بسوي فيه عقب :taunt: .

ومن 6 شهور شاب دعمني من ورى والاشارة حمره .. نزلت اسلم عليه ما رد .. قلتله الحمد لله على السلامة ما رد .. قتله ما تشوفني واقف والاشارة حمرة هني رد يقول من بريكاتك !! :vampire: .. هني سويتله محاضرة وخليته غصب يقولي الله يسلمك لاني قلتله الحمد لله على السلامة @_@ .. بس مع ان تم ساكت تقدر تشوف في عيونه ان خاطره يذبحني من كثر ما هو معصب مع ان هو الغلطان انا رابع سيارة على اشارة حمرة شيبيني اسوي مثلا :rolleyes2: .

ريلاكس يا ناس @_@ .


شيكاغو وغيرها
حتى اهل اوروبا الشمالية والغربية عندنا وعندهم خير

[JN000N]

صارت معي نفس القصة، ترخصت من الاخ اللي بالدور، وقال أبشر يالطيب.

اعتقد ولو الناس عندهم احترام وطول بال، لكن تنقصها مهارات التواصل وتسهيل الدخول بدون مشاكل

لو قال من رخصتك يا أخ، لا شك عندي ان الأخ مستعد يعطي من مخباه لانه احترمه وترخص منه

على توقعاتي ان كلم الريال الاول الي كان يسحب
لان هو كان واقف ينطر يخلص عشان يسحب

[JN000N]

التحويلات والزحمة لها دور

احيانا الاسيويين اينزفزون الواحد

صحيح التحلي بالاخلاق العامة بالشارع شي ضروري لكن احيانا الواحد وده ايكون مايك تايسون

نتمنى بس ان في شرطة متخفين لرصد هالتصرفات مثلا في الاسواق والمحطات واماكن التجمعات العامة

اختي جنووون بعض الناس صدقيني اصراخهم اكبر منهم .... مثل البالون اشكبره وداخل كله هواء

ايوااااه
هاي هو
بعضهم يطبقون اخذوهم بالصوت لا يغلبوكم
وهم ماعندهم ماعند يدتي

[JN000N]

عليكم السلام ورحمة الله وبركاته
والله يا أختي جنون .. بصي حضرتك
مثل ما احنا نلقى العذر حق نفسنا .. المفروض نلقاه حق الآخرين
أنا ما أبرر تصرف هالشخص أو غيره
لكن احنا ما نعرف ظروف الناس
ممكن أي حد فينا يكون مكان هالشخص في يوم من الأيام
طولة البال .. والصبر و التحمل أمور مطلوبة من الجميع
لكن كلن له عذره
الحالة المزاجية ( متهاوش مع مرته مثلاً ) .. المادية ( نص الشهر وطالع ) .. حالة الطقس ( الحر الشديد ) وغيرهم وغيرهم
والله المستعان

تذكرت قصة الشاب الي طعن واحد عشان سندويج
وكلها بسبة العصبيه ف الشارع
كلنا نقفل واولهم انا
بووه تعالي جوفيني اتحنده ف السياره
لكن تحلطمي وعصبيتي ف نفسي ف مكاني المهم اتحجى
اما العلع عالعالم واقلب عافور ف المكان لا كلش مب حلوه
زين شتسوى عالواحد لو صوروه ونشرو فيديوه وهو يسوي جذي

[JN000N]

ايه والله بكل مكان ورمضان على الأبواب والأخلاق تكون في الخشم من هالنوعيات !

الأخلاق والأدب والذوق تعتمد على الشخص وتربيته !

أنا قبل فترة كنت بستار لنك وواقف على الكاونتر أنتظر الفلبيني يطلع من الورشة ، جا واحد ووقف قدامي .. ولما طلع الفلبيني قعد يكلمه وأنا واقف ، فجأة انتبه الرجال انه سوى شي غلط وقعد يعتذر مني ورفض قطعياً إلا أنا أخلص أول ولما قلت له عادي بكل رضا رفض وحلف ما يخلص قبلي ، هذا انسان خلوق بس يمكن ما كان منتبه أو شي ..

المواقف كثيرة ومضحكة ومبكية لكن نتمنى الجميع يتحلوا بالصبر ولو على حق !

هذي يسمونها الذرابه والرقي ف التعامل
ف النهايه الدنيا مب طايره

[النهار]

السلبيه بالموضوع :- انج معصبه بنقلج للموضوع وانتي حاطه عنوان خفوا علينا يالاعصاب .

الايجابيه بالموضوع :- سرده للموضوع بطريقه جميله للقراء وبأسلوب سلس ومفهوم رقم الاطاله به .

رايي الشخصي بالموضوع :- يجب على الناس العيش بتفاؤل وامل لانه هذا هو الطريق المؤدي الى النجاح والسعاده والابتعاد عن التشاؤم لان التشاؤم يجعل الانسان بلا هدف ودائما يعيش بعصبيه وهدف كما حصل لراعي السياره ذو الاعصاب الفارطه .


تحياتي .

كلام كبير يأستاذ حمد

[النهار]

انا دم ضروسي حد يدق لي هرن هني ام العفاريت وام الديفان تشتغل عندي
نفس الموضوع من فتره قريبه واحد مرويس يعنى راد للخلف يبي يعدل الوقفه الا ذاك الكروزر جاء وقف افتكر ان الاخ محرك
ماشوفه الا جاي مستن ومعلق الهرن ويصارخ يقول له انا كنت ناوي اوقف وانت درعمت الريال راعي الكروز كبير في العمر والثاني باين عليه هيلق
اشوفه يقول حصل خير تعال وقف انا بشوف لي موقف اشوفه هني هداء شويه قال لا والله ماتحرك خلك واقف وانا اسف يوم راعي المطعم جاب الطلب
الهليق يحلف الحساب مدفوع وثاني يحلف والله ماتدفع حسابك علي لا حسابك علي هني انا حركت
صراحه لو البزر مديده او زودها كنت انا بتصدى له يكفى السنداره الي سواها بتعليق الهرن خلاني افقد اعصابي
هاي الموضوع جدام مطعم حمود

[الماريّة]

،
،
مرحبتين جنون
والله يا خويتي العالم كلن متصرقع وكلن اعصابه مشدوده
ولا فيه صبر

تلاقينها من الدريوليه والا الخدم والا الحريم والا حتى الرياجيل
الي المفروض هم اكثر حلم وصبر

العرب غدا فيهم بلا معاد حد يتحمل أحد

والجيد في هالوقت الي يمسك نفسه عن الغضب
والغلظه

والله يرحمنا برحمته ويرزقنا الصبر والتقاضي عن اخطاء الاخرين


:
:

[طلعة الروح]

احنا في زمن تقدر تعرف مستوى ثقافة وأدب كل إنسان ( بالشكل المعنوي والمادي) من أول مايركب سيارته وقبل ما ينزل منها وهاذي النقاط لصالحنا احنا كمتفرجين وأطراف محايدة كلنا شفنا وعايشنا تصرفات غريبه وغير حضاريه من قبل اشخاص من مختلف الجنسيات يمكن تتضايق في نفس اللحظه بس بعد دقيقه يمكن تضحك وتندهش وتتسائل عن الظروف اللي تخلي اي شخص يقدم على تصرفات سخيفه وقد كان بامكانه ان يوزن الموقف ويتصرف باسلوب أرقى ... ثقافة استخدام الشارع موضوع كبير ومتشعب ويستحق ان الواحد يتناقش فيه ويعطيه وقته لان الاشكاليات والتحديات فيه كثيرة وتحتاج حلول عمليه لان احنا اليوم شئنا ام رفضنا صار عندنا مجموعة ثقافات وتقاليد مختلفه في الشارع وحاليا اشوف التنوع شي لصالحنا on the credit side عشان الناس تقدر تتحمل غيرها وبصير عندها وعي بطبيعة الاختلافات الموجودة وكيفية التعامل معاها بطريقه تنمي فيها اخلاقياتك وشخصيتك على الطريق وشلون تتعامل مع ناس غرباء عنك بطريقة حضارية حيادية، هاي الكلام ليس دليل على المثالية ولكن اقرب ليكون دعوة الى ضبط النفس وزرع نوع من الادب في المعاملات وهو اكثر شي نحتاجه هالايام وانا لاني شخصيا اتعامل مع ناس كثار بحكم شغلي لاحظت ان الناس اجناس والافضل انك ماتحكم على حد لانك ماتعرف شنهي ظروفه مادامت تصرفاته في لم تتجاوز الحد المعقول ونحط خمس خطوط تحت مصطلح الحد المعقول.

[الماريّة]

جنون على طاري الغضب والعصبيه


شوفي هالقصه عن الحلم ل معن بن زائده شوفي شلون حليم ولم يغضب
وووين احنا من امثال هؤلاء الحلم عند الغضب


:
:
القصه

عرف عن معن بن زائدة القائد العربي الشهير انه من أوسع الناس حلما و صفحا و عفوا عن زلات الناس . فعندما ولاه أبو جعفر المنصور على اليمن .
تذاكر جماعة فيما بينهم أخبار معن وحلمه وسعة صدره وكرمه وبالغو في ذلك وكان من بينهم أعرابي أخد على نفسه أن يغضبه فأنكروا عليه ذلك ووعدوه 100 بعير إن أغضب معن وفعل ذلك .

فعمد الاعرابي إلى بعير فسلخه وارتدى جلده وجعل ظاهره باطن و باطنه ظاهر و دخل على معن ولم يسلم فلم يعره معن انتباهه فأنشأ الرجل يقول:

أتذكرإذ لحافك جلدشاة وإذ نعلاك من جلد البعير قال معن أذكره ولا أنساه و الحمد لله. فقال الأعرابي:

فسبحان الذي أعطاك ملكا وعلمك الجلوس على السرير

فقال معن إن الله يعز من يشاء ويذل من يشاء. فقال ا|لأعرابي:

فلست مسلما ماعشت دهرا على معن بتسليم الأمير

فقال معن السلام سنة يا أخا العرب. فقال الأعرابي:

سأرحل عن بلاد أنت فيها ولو جار الزمان على الفقير

فقال معن إن جاورتنا فمرحبا بالإقامة وإن جاوزتنا فمصحوبا بالسلامة فقال الأعرابي:

فجد لي يابن ناقصة (أم الأمير اسمها زائدة)بمال فإني قد عزمت على المسير

فقال معن أعطوه ألف دينار تخفف عنه مشاق الأسفار فأخدها وقال: قليل ما أتيت به و إني لأطمع منك في المال الكثير فثن قد آتاك الملك عفوا بلا رأي و لا عقل منير

فقال معن أعطوه ألفا ثانية ليكون عنا راضيا فتقدم الأعرابي إليه وقال: سألت الله أن يبقيك دهرا فما لك في البرية من نظيرِ فمنك الجود و الإفضال حقا وفيض يديك كالبحر الغزير

فقال معن أعطيناه لهجونا ألفين أعطوه لمديحنا أربعة فقال الأعرابي بأبي أيها الأمير ونفسي فأنت نسيج وحدك في الحلم ونادرة دهرك في الجود فقد كنت في صفاتك بين مصدق و مكذب فلما بلوتك صغر الخُبر الخَبر وأذهب ضعف الشك قوة اليقين وما بعثني على مافعلت إلا 100 بعير جعلت لي على إغضابك فقال له الأمير لا تثريب عليك فوصى له ب 200 بعير 100 للرهان و100 له فانصرف الأعرابي داعيا له ذاكرا بهباته معجبا بأناته

:
:
الله يرزقنا الحلم عند العصبيه والغضب

[معماري قطري]

صارت معي نفس القصة، ترخصت من الاخ اللي بالدور، وقال أبشر يالطيب.

اعتقد ولو الناس عندهم احترام وطول بال، لكن تنقصها مهارات التواصل وتسهيل الدخول بدون مشاكل

لو قال من رخصتك يا أخ، لا شك عندي ان الأخ مستعد يعطي من مخباه لانه احترمه وترخص منه

صادق ودام ذاك واقف في الطابور بسيارته حتى اللي يمشي لازم يحترم الطابور أو يعتذر من اللي واقف أدبياً .. واللي في سيارته في الغالب مرتاح وبيعذره لكن إخونا هذا تنرفز وراح سوى هو شيء خطأ والمفروض فيه كاميرات تصور واللي يخالف يدفع فلوس على شكل مخالفة .. مع إني شفت هالشيء يستوي في ألمانيا محطة البترول مع إنها صغيرة لها مدخل ومخرج من جهتين وكلهم مدخل ومخرج بنفس الوقت والناس عايشين سعيدين

[معماري قطري]

جنون على طاري الغضب والعصبيه


شوفي هالقصه عن الحلم ل معن بن زائده شوفي شلون حليم ولم يغضب
وووين احنا من امثال هؤلاء الحلم عند الغضب


:
:
القصه

عرف عن معن بن زائدة القائد العربي الشهير انه من أوسع الناس حلما و صفحا و عفوا عن زلات الناس . فعندما ولاه أبو جعفر المنصور على اليمن .
تذاكر جماعة فيما بينهم أخبار معن وحلمه وسعة صدره وكرمه وبالغو في ذلك وكان من بينهم أعرابي أخد على نفسه أن يغضبه فأنكروا عليه ذلك ووعدوه 100 بعير إن أغضب معن وفعل ذلك .

فعمد الاعرابي إلى بعير فسلخه وارتدى جلده وجعل ظاهره باطن و باطنه ظاهر و دخل على معن ولم يسلم فلم يعره معن انتباهه فأنشأ الرجل يقول:

أتذكرإذ لحافك جلدشاة وإذ نعلاك من جلد البعير قال معن أذكره ولا أنساه و الحمد لله. فقال الأعرابي:

فسبحان الذي أعطاك ملكا وعلمك الجلوس على السرير

فقال معن إن الله يعز من يشاء ويذل من يشاء. فقال ا|لأعرابي:

فلست مسلما ماعشت دهرا على معن بتسليم الأمير

فقال معن السلام سنة يا أخا العرب. فقال الأعرابي:

سأرحل عن بلاد أنت فيها ولو جار الزمان على الفقير

فقال معن إن جاورتنا فمرحبا بالإقامة وإن جاوزتنا فمصحوبا بالسلامة فقال الأعرابي:

فجد لي يابن ناقصة (أم الأمير اسمها زائدة)بمال فإني قد عزمت على المسير

فقال معن أعطوه ألف دينار تخفف عنه مشاق الأسفار فأخدها وقال: قليل ما أتيت به و إني لأطمع منك في المال الكثير فثن قد آتاك الملك عفوا بلا رأي و لا عقل منير

فقال معن أعطوه ألفا ثانية ليكون عنا راضيا فتقدم الأعرابي إليه وقال: سألت الله أن يبقيك دهرا فما لك في البرية من نظيرِ فمنك الجود و الإفضال حقا وفيض يديك كالبحر الغزير

فقال معن أعطيناه لهجونا ألفين أعطوه لمديحنا أربعة فقال الأعرابي بأبي أيها الأمير ونفسي فأنت نسيج وحدك في الحلم ونادرة دهرك في الجود فقد كنت في صفاتك بين مصدق و مكذب فلما بلوتك صغر الخُبر الخَبر وأذهب ضعف الشك قوة اليقين وما بعثني على مافعلت إلا 100 بعير جعلت لي على إغضابك فقال له الأمير لا تثريب عليك فوصى له ب 200 بعير 100 للرهان و100 له فانصرف الأعرابي داعيا له ذاكرا بهباته معجبا بأناته

:
:
الله يرزقنا الحلم عند العصبيه والغضب

أُمراء لأول يعطون .. بس شسوى بعدين شكله فلس وهذا من واحد

[معماري قطري]

انا دم ضروسي حد يدق لي هرن هني ام العفاريت وام الديفان تشتغل عندي
نفس الموضوع من فتره قريبه واحد مرويس يعنى راد للخلف يبي يعدل الوقفه الا ذاك الكروزر جاء وقف افتكر ان الاخ محرك
ماشوفه الا جاي مستن ومعلق الهرن ويصارخ يقول له انا كنت ناوي اوقف وانت درعمت الريال راعي الكروز كبير في العمر والثاني باين عليه هيلق
اشوفه يقول حصل خير تعال وقف انا بشوف لي موقف اشوفه هني هداء شويه قال لا والله ماتحرك خلك واقف وانا اسف يوم راعي المطعم جاب الطلب
الهليق يحلف الحساب مدفوع وثاني يحلف والله ماتدفع حسابك علي لا حسابك علي هني انا حركت
صراحه لو البزر مديده او زودها كنت انا بتصدى له يكفى السنداره الي سواها بتعليق الهرن خلاني افقد اعصابي
هاي الموضوع جدام مطعم حمود

لتذكرني بالضرس يالنهار شله الطبيب بعد 3 إبر تخدير ومحاولات حسيت فكي بينخلع وللحين متعبني

[معماري قطري]

يقهروني والله يتمشون شوي شوي ويضربون بريكات بدون سبة ويتركون جدامهم مسافة تبرع حق الناس تدخل

حرام لو هو مب مستعيل يوقف على جنب يسوي أي شيء ويترك الطريق للي يبون يمشون .. ما نقول طير والا تعدى السرعة القانونية نقول إمش شوي

[معماري قطري]

كلام كبير يأستاذ حمد

قصده رغم بس خانه القلم

[معماري قطري]

اذكر أني قريت مقال من زمان في الوطن ل احمد علي ..
يقول ان سوء التخطيط و الزحمة في الشوارع و مشاريع اشغال الفاشلة و المتخبطة هي السبب في سوء اخلاق الناس و نرفزتهم الدائمة..
بل و في ازدياد حالات الطلاق أيضاً !!

أنا شخصياً ااويد ما ذهب اليه الكاتب بنسبة كبيرة ..

تحية لك وله هو كاتب فاهم وعارف شيكتب وانا أأيده

كتبت مرة مقال طويل عن شغل أشغال والمساويء اللي اشوفها وكان في 2007 أو قبل ما اذكر بالضبط .. كتب مقدمة ونقل مقالي كامل بدون الغاء أي نقطة بس كبر بعض الكلمات ونشره على صفحتين ومدعم بصور من عندهم

ألحين إن شاء الله أشغال تغير استراتيجيتها وطريقة تصميم وتنفيذ المشاريع .. طريقة الحفر والدفان والدك ما تنفع لنا والكنكري سواء قابرو أو لايم ستونز ما ينفع لنا ويتفكك بسرعة بسبب رداءة القار وتحلله

[هيليوم]

صراحة عتبي على الشخص الواقف ، كان المفروض يكون تصرفه اقوى بما انه واقف ينطر دوره سواء كان بسيارة ولا على رجوله

[فيصل99]

ترا إلا مسوي نفسه رجال في المواقف السخيفة وينفخ نفسه مثل الضب ترا في جوفه هواء
لو تمردغه على الشارع بيعرف قدره انه ولا شي
يازينهم الكبارية والي واثقين من نفسهم مايتنرفزون بسرعه وهذا ينعكس على اخلاقهم الطيبه والكريمه

[لمعة الالماس]

الحمد لله والشكر


ترى ما فيها شي هو مسكين واقف في الحر وانت بسيارتك ومكيفه

ياليت الناس تهدى وتصبر وتسامح وتساعد بدال الصراخ والعصبيه