ابي شركه تصمم لي ديكور مطعم

[ممنوع اللمس]

السلام عليكم ورحمة الله وبركاته
ابي افتح مطعم ومحتاج شركه تصمم لي ديكور المطعم
ابي شركه شغلها مرتب وتصمم وتنفذ ويكون تصميم راقي
والله يجزاكم خير

[معماري قطري]

فيه عندك شركة الديكور الأندلسي وأتيليه رقم ما اذكر كم فوق وكالة الجاكوار صوب السنتر ومكتب تصميم داخلي قرب تقاطع خالد بن محمد الغانم شفته وانا مار بس ما جربت شغله .. الإثنين الأولين اجتمعت معاهم واحد حق تصميم بيت كامل بس المالك غير التصميم بسبب التكلفة وواحد في شغلة بسيطة ولازم انت بتحكمهم بعقد وتصميم مبدئي

المناجر على خبري منجرة السلام مختصة وقوية ولا ادري اذا للحين شغالة أو لا .. رافكو بعد مختصين وعندهم غالبية الشغل

يمكن تحتاج شغل استشارات وتصميم داخلي ويمكن تبسط كل شيء تتفق اتفاق مباشر والله يوفقك في شركة مختصة وتسوي شغل زين

أذكر أحد ملاك المكاتب الاستشارية قال لي عندهم شراكة مع مكتب ارابيسك وهو مكتب أمريكي مختص بالتصاميم الاسلامية المطورة .. تقدر تمر عليهم تشوفهم لو حبيت مكتبهم كان في السد فوق وكالة النيسان مدخله من ورا واسمه عمار

[معماري قطري]

شركات المقاولات المختصة بعضهم قويين وعندهم ناس يسوون تصميم مقترح وينفذونه وميزتهم واقعيين ويخلصون سرعة

إستشاري زين بعد عنده فرع للتصميم الداخلي هو اتحاد قطر للتخطيط بس غالي وشغل الاستشارات بياخذ وقت لتتوقع يخلص بسرعة

[ram]

في شركة اسبانية اسمها Eatside متخصصين بالتصميم الداخلي والديكور ويمكن يفيدونك مكاتبهم بالبيرل

[Q0T0R]

وعليكم السلام

ماحددت النوع : مطعم / وجبات سريعة , والتخصص شرقي , غربي , أسيوي ,

المكان : فيلا تجارية , محل في مول , محل في شارع عام , في اللؤلؤة ... الخ

يفضل اختيار شركة او مكتب متخصص مطاعم بشكل عام لمعرفتهم بكل التفاصيل الخاصة بالمطاعم منها متطلبات البلدية والتراخيص ... الخ

لا تكتفي بشركة واحده فقط , خذ كوتيشن من كم شركة لمقارنة الاسعار

الكوتيشن او العقد يوضح كل التفاصيل بالتحديد مع السعر , لا تدفع المبلغ بالكامل كاش 50/50 مع استلام ما يثبت مبلغ الدفع


راجع الخاص

[معماري قطري]

وعليكم السلام

ماحددت النوع : مطعم / وجبات سريعة , والتخصص شرقي , غربي , أسيوي ,

المكان : فيلا تجارية , محل في مول , محل في شارع عام , في اللؤلؤة ... الخ

يفضل اختيار شركة او مكتب متخصص مطاعم بشكل عام لمعرفتهم بكل التفاصيل الخاصة بالمطاعم منها متطلبات البلدية والتراخيص ... الخ

لا تكتفي بشركة واحده فقط , خذ كوتيشن من كم شركة لمقارنة الاسعار

الكوتيشن او العقد يوضح كل التفاصيل بالتحديد مع السعر , لا تدفع المبلغ بالكامل كاش 50/50 مع استلام ما يثبت مبلغ الدفع


راجع الخاص

كثير 50 / 50 هذا بيكون فيه مراحل الا لو حب يشتري مباشر أو يتفق اتفاق سريع بدون تصميم داخلي

[A7med]

شركة b5 هم مسوين التصميم الداخلي لطوار مول وصراحه شغل راقي

[Q0T0R]

كثير 50 / 50 هذا بيكون فيه مراحل الا لو حب يشتري مباشر أو يتفق اتفاق سريع بدون تصميم داخلي

اغلب شركات ( تصميم المطاعم ) تنفيذها سريع تطلب 50 % كاش وال 50 الباقيه على مراحل او بعد التنفيذ , وبعضهم يطلب 25 % مقدم

لان شغل المطاعم المفروض ما يطول ويتم تنفيذه سريعا بعد الاتفاق لان الشخص بيكون مأجر محل وكل شهر يمر بخساره

عموما انا افضل لو تعامل مع مكتب او شركة الديكور تكون للتصميم ووضع الخطه فقط والتنفيذ يكون على يده مع شركات متخصصه

خصوصا معدات المطاعم يفضل ياخذ الاسعار بنفسه من شركات بيع معدات المطاعم وفرق السعر بيكون واضح . . .

[معماري قطري]

معاك حق والله يوفقه

صحيح غالبية اللي يفتحون مطاعم عامل الوقت مهم لهم وتصميم المطعم اللي معقد فيه المعدات ولازم تناسب اشتراطات البلدية .. لذلك أما يحتاج تصميم وتنفيذ بنفس الشركة وبأُمور متفق عليها مبدئياً وكتابياً .. أو تصميم وبعدين يتابع التنفيذ .. الأُولى أسرع وأسهل وقد تكون أرخص

كانت فيه شركة تسوي مطابخ ستانلس ستيل هيفي ديوتي بس ما ادري لو سكرت .. موجودة على طريق سلوى قرب مدخل الغانم الجديد .. لأن المطعم المفروض فيه مطبخ وتحضير وتخزين ومكان تناول الطعام .. يعني ممكن يحتاج اتجاهين للتنفيذ .. حتى الثلاجات يحتاج غرف تثليج .. إشتغلت في تصميم مطعم من حول 15 سنة وهذي الأُمور اللي واجهتنا وكان تصميم صعب مع إنه مع استشاري بس احنا نراجع خذ حول 3 سنوات ونسيت من الاستشاري بس كان قوي

[ممنوع اللمس]

الله يجزاكم خير جميع وماقصرتو وجاري البحث والاتفاق
والله يعطيكم العافيه وشكرا لتجاوبكم

[معماري قطري]

الله يوفقك ولو تبي مراجعة للتخطيط أو العقد لا تتردد وحتى بتستفيد الناس يعرفون مشروعك ولازم بنمر مطعمك

توني شايل ضرس ولا اقدر اكل بس طلبت من ولدي يجيب كيما من سامكو لأنه رايح الوكرة قال لي طفت سامكو بس باجيب لك من معصرة الريم .. العيال خبرة في المطاعم ما شاء الله .. وإحنا متعودين على المطاعم حتى الغداء أوقات ولازم بنمر مطعمك

[alhurmsi]

الله يوفقك اخوي في مشروعك القادم
وبالفعل في قطر المطاعم شغالة 100%
بس الأهم اختيار المكان المميز
وكذلك الديكور المميز
وكذلك الستاف المميز

[بوخالد911]

كل التوفيق.

[Azizuk]

عندك شركة لكشري هوم قطر

Luxury home Qatar

هذي شركة مختصة في مجال ديكورات المحلات والمطاعم والمحلات التجارية

ادخل على انستغرامهم وشوف شغلهم

[ممنوع اللمس]

الله يوفقك ولو تبي مراجعة للتخطيط أو العقد لا تتردد وحتى بتستفيد الناس يعرفون مشروعك ولازم بنمر مطعمك

توني شايل ضرس ولا اقدر اكل بس طلبت من ولدي يجيب كيما من سامكو لأنه رايح الوكرة قال لي طفت سامكو بس باجيب لك من معصرة الريم .. العيال خبرة في المطاعم ما شاء الله .. وإحنا متعودين على المطاعم حتى الغداء أوقات ولازم بنمر مطعمك
هههههههه اللله يخليه ويبارك فيه وماتشوف شر

[ممنوع اللمس]

والله يعطيكم العافيه جميع عالرد وجزاكم اللله خير

[ممنوع اللمس]

افكر اخذ تصميم من شركه وانفذ فشركه ثانيه

[معماري قطري]

افكر اخذ تصميم من شركه وانفذ فشركه ثانيه

إذا الوقت يسمح توكل على الله بس سو تصميم داخلي وخل المتابعة بالكامل على مكتب التصميم الداخلي

أما بتسوي وانت بتشتري الشركة الثانية بتبيعك اللي عندها

الأسرع لك شركة من اللي ذكرناهم تصمم وتنفذ في نفس الوقت

[ممنوع اللمس]

والله مريت كذا شركه من المذكورين
حسيت الاسعار مبالغ فيها

[معماري قطري]

والله مريت كذا شركه من المذكورين
حسيت الاسعار مبالغ فيها

لازم وبيزيد إحساسك وبتنصدم لو تسوي تصميم داخلي

[معماري قطري]

بعض المطاعم تركز على بساطة التأثيث وبعضها حتى يعتبر أثاثها أثاث كفتيريا ولا يبالغون في الديكورات .. الإضاءة تقدر تركب على الموجود وتسوي تعديلات بسبوتات موجهة أو اللي تجي معلقة

الكراسي والطاولات تقدر تاخذ نوع خفيف وسهل التبديل مثل أثاث البامبو وزجاج لسهولة التنظيف

[معماري قطري]

لو قدرت تحصل موقع حق العمال حتى لو تسوي كفتيريا تسوي سندويشات رخيصة ربحها مضمون 1000%