استفسار الشمال التركي ( طرابزون - ازنغول )

[كايد الوكره]

السلام عليكم

خُبراء تركيا الكرام :

20 يوليو بإذن الله لمده اسبوع في الشمال التركي ..
من تجاربكم .. أقسم للمدينتين :

3 ايام طرابزون وماجاورها ..
3 ايام اوزنغول وماجاورها ..

هل في المطار شركات لتأجير السيارات ؟
اهم الاماكن الترفيهيه للأطفال أعمار ( 5 - 3- 2 ) ..

[ضوى]

خير ماخترت الشمال التركي حلو

شركات تأجير السيارات مكودة في المطار ، وبالنسبه للاماكن الترفيهيه للاطفال مافي وايد بدائيه الشمال بهالناحيه بس تقدر توديهم مولات حلوة الالعاب لسنهم

في عندي لك اقتراح خل محطه الانطلاق لك طرابزون ومنها تنقل لكل مكان تبيه ، اوزنجول ايدر ريز حيدر نبي سلطان مراد بحيرة السمك ورد عقلها طرابزون لانه هالاماكن بالليل تصير موحشه لانها طبيعه خضرا وبالليل ماتشوف شي ان حبيت اوزنجول اقعد فيها مع اني ماشفت فيها زود مليانة ناس كانك ببلد خليجي تماما

احنا كان خيارنا مدينه اسمها اوردو ساحليه ومتمدنه اكثر من طرابزون ومن اوردو طلعنا اماكن وايد اجمل من اوزنجول وماكان عليها دوس مثل بيرشامبا وشمباشي
وتبعد عن طرابزون ساعتين تقريبا

الله يسهل اموركم وترا الحر في الشمال يبتدي من نص سته لين اول ثمانيه عقبها يزين الجو بس الشمس حارة بالنهار وتملل

[أسد الجزيرة]

اجر سيارة من الدوحة وقت الموسم ما تحصل سيارة

[العـوا]

خير ماخترت الشمال التركي حلو

شركات تأجير السيارات مكودة في المطار ، وبالنسبه للاماكن الترفيهيه للاطفال مافي وايد بدائيه الشمال بهالناحيه بس تقدر توديهم مولات حلوة الالعاب لسنهم

في عندي لك اقتراح خل محطه الانطلاق لك طرابزون ومنها تنقل لكل مكان تبيه ، اوزنجول ايدر ريز حيدر نبي سلطان مراد بحيرة السمك ورد عقلها طرابزون لانه هالاماكن بالليل تصير موحشه لانها طبيعه خضرا وبالليل ماتشوف شي ان حبيت اوزنجول اقعد فيها مع اني ماشفت فيها زود مليانة ناس كانك ببلد خليجي تماما

احنا كان خيارنا مدينه اسمها اوردو ساحليه ومتمدنه اكثر من طرابزون ومن اوردو طلعنا اماكن وايد اجمل من اوزنجول وماكان عليها دوس مثل بيرشامبا وشمباشي
وتبعد عن طرابزون ساعتين تقريبا

الله يسهل اموركم وترا الحر في الشمال يبتدي من نص سته لين اول ثمانيه عقبها يزين الجو بس الشمس حارة بالنهار وتملل

كلام سليم احب اضيف في رجل اعمال قطري عنده فنادق في اوزنغول عند المسجد ع البحيره اذ حبيت اوزنغول انا عن نفسي سكنت في طربزون كنت اطلع الصبح ورد في الليل

[بوخالد911]

هلا بك
زرتها بشهر 1/2015

نصيحتي خلك في طرابزون
ومنها روح اوزنغول والمسافة حول ساعة ونص
ولا بتحس فيها لجمال المنظر من جبال وأشجار وغيوم

الخلاصة : انزل في طرابزون وتنقل الى :

اوزنغول : خلك فيها 6-8 ساعات وارجع
حيدر نبي : 6-7 ساعات وارجع
مرتفعات السلطان مراد : 6-8 ساعات وعووود
آيدر : ساعة ونص بالسيارة - 7-8 ساعات وارجع

الألعاب تلاقها بالمجمعات - نسيت الاسامي

بطرش ع الخاص ارقام الشركة
راسلهم واتس اب وتفاهم وياهم.

كل التوفيق.

[كايد الوكره]

جزاكم الله خير ..
وتم اخذ اقتراحاتكم ..

السكن في طرابزون ..
ومنها التنقل للاماكن السياحه ..

شكراً لكم

[CH Engineer]

السلام عليكم
شباب تنفع البي ام والمرسيدس الصالون في الشمال التركي والمرتفعات

[بوخالد911]

السلام عليكم
شباب تنفع البي ام والمرسيدس الصالون في الشمال التركي والمرتفعات

شفت أنواع صوالين صوب المرتفعات
والله يسهل عليكم.

[..عاشق قطر..]

حد عنده رقم مرشد للمناطق الشمال طرابزون وغيره