سوق الشارقه المركزي للخضروات والاسماك واللحوم

[بوسلطان_]

من كم يوم زرت سوق الشارقه المركزي بالصدفه كنت ماشي وشفت مبنى كبير بتصميم مول قلت باروح اشوف هذا المول ويوم دخلت عرفت انه سوق الشارقه المركزي للخضروات والاسماك واللحوم. صراحه انبهرت من اللي شفته مجمع واسع وكبير ومنظم بشكل ممتاز ممرات واسعه ونظيفه والمكان مكيف ومافيه ريحة زفزه مثل اللي عندنا من قوتها تلصق الريحه في ثيابك وعقبها رحت قسم اللحوم وكان بعد نظيف وممرات واسعه وشكل اللحم المعروض ونوعه واسعاره صراحه شي يفتح النفس ويخليك تشعر بالمتعه وانته تمشي. بعدها تجولت في سوق الخضره وكان بعد بنفس النظافه والترتيب واللي شدني اكثر ان احد الممرات مخصص للتمور بجميع انواعها واشكالها. كذلك ساحة مواقف السيارات ساحة كبيره ومنظمه ومجانيه ومواقف السيارات موجوده بوفره.

بإختصار اللي ابي اقوله ان السوق عجبني وانبهرت منه وتمنيت ان اسواقنا تكون مثله.

[بانغ بانغ]

يبا ربعنا ايغارون من دبي والشارجة

بدل ما يتعلمون قاعدين ينتقدون

اتذكر كنت مع مسئولين اماراتيين وانبهروا بقطر فاونديشن وكلموا الحكومة على شي مشابه لهم

يعني الدنيا اخذ وعطاء

[MAZEN37]

تحيه للكاتب
صراحه لو جبت مهندس مبتدء يرسم خريطه معماري لسوق السمك كان طلع افضل
زرت السوق وانطباعي سيء جدا
السوق مدخل خطر جدا والباركنج فل وضيق ومخنوق والمبنى صغير ومكيف ونظام تهويه سىء حاطين مكيفات والمكان شبه مغلق والريحه خياس والارضيه كلها ماي وتحاتي تمشي خطوه وتروح لقسم التنظيف كأنك بمقصف المدرسه حتى ما تقدر توقف تفهمهم طلبك غير الزحمه ووو
كثير زعلت على السوق هذا ينفع حق الاسيويين وطلبات مطاعمهم
صرنا ب 2017 وهذا منظر ؟الناس تتقدم واحنا تفكيرنا بالسبعينات كم كلف الدوله هذا السوق والله حرام

[الدوحه1]

https://www.youtube.com/watch?v=NSi8DDNc928

[راجي الْعفو]

اتوقع سوق ام صلال اول بداية
لانه مقسم و مرتب

[بوسلطان_]

اتوقع سوق ام صلال اول بداية
لانه مقسم و مرتب

انطباعي كان سيء جدا بعد زيارتي لسوق الاسماك واللحوم والخضروات الجديد الواقع في ام صلال وذلك للاسباب الاتية:
اولا: سوق الاسماك:
سوق ضيق جدا وممراته ضيقه. الارض كلها ماي لازم تمشي وانت رافع ثوبك وروائح السمك والزفر قويه وتلصق فيك حتى بعد خروجك من السوق ولا يطيرها الا شاور ساخن مع تغيير ملابسك بالكامل.
ثانيا: سوق الخضروات عباره عن داعوس (ممر واحد ضيق) ضيق وعدد محدود من محلات الخضره مقابله بعض.
ثالثا: السوق بشكل عام صغير وعدد مواقف السيارات محدود وزحمه وموقعه مش مثالي.

بعد زيارتي لسوق ام صلال شعرت بحسره وخيبة امل كبيره والله المستعان

[راجي الْعفو]

انطباعي كان سيء جدا بعد زيارتي لسوق الاسماك واللحوم والخضروات الجديد الواقع في ام صلال وذلك للاسباب الاتية:
اولا: سوق الاسماك:
سوق ضيق جدا وممراته ضيقه. الارض كلها ماي لازم تمشي وانت رافع ثوبك وروائح السمك والزفر قويه وتلصق فيك حتى بعد خروجك من السوق ولا يطيرها الا شاور ساخن مع تغيير ملابسك بالكامل.
ثانيا: سوق الخضروات عباره عن داعوس (ممر واحد ضيق) ضيق وعدد محدود من محلات الخضره مقابله بعض.
ثالثا: السوق بشكل عام صغير وعدد مواقف السيارات محدود وزحمه وموقعه مش مثالي.

بعد زيارتي لسوق ام صلال شعرت بحسره وخيبة امل كبيره والله المستعان

نقول اول الغيث قطره
وعسى الوضع يتحسن مستقبلا

[معماري قطري]

انطباعي كان سيء جدا بعد زيارتي لسوق الاسماك واللحوم والخضروات الجديد الواقع في ام صلال وذلك للاسباب الاتية:
اولا: سوق الاسماك:
سوق ضيق جدا وممراته ضيقه. الارض كلها ماي لازم تمشي وانت رافع ثوبك وروائح السمك والزفر قويه وتلصق فيك حتى بعد خروجك من السوق ولا يطيرها الا شاور ساخن مع تغيير ملابسك بالكامل.
ثانيا: سوق الخضروات عباره عن داعوس (ممر واحد ضيق) ضيق وعدد محدود من محلات الخضره مقابله بعض.
ثالثا: السوق بشكل عام صغير وعدد مواقف السيارات محدود وزحمه وموقعه مش مثالي.

بعد زيارتي لسوق ام صلال شعرت بحسره وخيبة امل كبيره والله المستعان

هذي العادة يا بو سلطان .. نتوقع شيء وننصدم بشيء بسيط ما يلبي الحاجة

اللي يقهر السوق لازم قوانين واجراءات استخدام وادارة لازم يلتزم بها الكل .. عندنا عليمية من التصميم اللي المفروض يلتزم بمواد جيدة وجميلة وعملية بنفس الوقت ومساحات فيها سعة ومواقف كافية ومناسبة .. وطريق سهل وسلس ومرتب وسهل الوصول له .. كلها هذي مكونات أساسية تكون المشروع

أما نسوي نقل للسوق القديم لمنطقة غير مثل ما هو أو بتحسين طفيف بنكون ما سوينا شيء .. الغسيل والتنشيف الجيد لازم بمكاين خاصة وبعد تسكير السوق .. انا شفت سوقنا ممراته ضيقة .. وبلاطه رخيص والتركيب أي كلام

[معماري قطري]

اتوقع سوق ام صلال اول بداية
لانه مقسم و مرتب

أخاف هو البداية والنهاية أو يسوون له استنساخ في كل مكان

[معماري قطري]

يبا ربعنا ايغارون من دبي والشارجة

بدل ما يتعلمون قاعدين ينتقدون

اتذكر كنت مع مسئولين اماراتيين وانبهروا بقطر فاونديشن وكلموا الحكومة على شي مشابه لهم

يعني الدنيا اخذ وعطاء

انا تدري شاللي مبهرني بقطر فاونديشن؟

إنها كلها ورشة بناء من حول 12 سنة للحين .. يشتغلون حصية على حصية .. لا والشوارع حولها قصة ثانية ومن مشيريع لمشيريع

كان المفروض إدارة المشاريع فيها لو بتسويها على مراحل طويلة ينهون مرحلة بالكامل ويبدون في مرحلة ثانية تكون شبه مغلقة ولو ممكن بعيدة عن المرحلة السابقة والطرق تكون مشروع واحد متكامل ويخلص في سنتين بالكثير مع وجود التحويلات والطرق المؤقتة وبعد السنتين خلاص تكون الطرق جاهزة وقوية وتتحمل وزن الشاحنات وقت الشغل

هم قناعتهم إن طرقنا بتخترب من دوس الشاحنات وهذا صحيح لأنها ضعيفة كثير .. والدفان تحتها مهما اندك يتفكك وتحتاج تكنولوجيا بناء ثانية .. وشغل قوي لا يتسرب الماء تحتها ولا من جنب .. كذلك الشاحنات بدل الوزن موزع على محورين يتوزع على 5 .. 5 بعشر تواير يكون الوزن على التاير لو فرضاً 10 طن لكل تاير طن .. و 10 على أربع تواير يعطينا 2.5 طن والفرق كبير .. حتى عرض التاير يلعب دور في توزيع الوزن على الطريق وبعض الشاحنات تجي توايرها مثل البالون توزع الوزن أفضل .. بنفس الوقت نسوي الطرق قوية وتتحمل وبدال الحفر والدك والشغل الطويل بدون فايدة نحط عوازل وحبال بلاستيكية غليظة ونصب عليها خلطة خرسانية خفيفة .. هذي تعطي قوة للأرض وصلابة وما تخلي الماي يؤثر فيها

[راجي الْعفو]

أخاف هو البداية والنهاية أو يسوون له استنساخ في كل مكان

بل شفيكم متحطمين ههه

[aloosh]

بجاوبك ببساطه
لان فيه محاسبه على اي مشروع في الامارات
عندنا لا يوجد محاسبه
يجيب لك مهندس اجني او عربي ليس له درايه ويمشكه المشروع واذا خلص المشروع مبروك لانه عارف ما فيه محاسبه هذي مشكلتنا في قطر

[معماري قطري]

بل شفيكم متحطمين ههه

تعودنا على الصدمات يا اخوي

أذكر قعدنا سنين طويلة يقولون لنا جايكم القص وعدلوا مكانكم ( مقر حكومي ) والقص من الحكومة للحكومة .. وانا مشتط واحن فترة طويلة نسوي كذا وكذا وأحلام كثيرة ومسؤوليني كله تطنيش .. لين خلاص الشركة اللي بتنفذ الطريق جاتنا وقالوا بنقص هالكثر .. لاحظوا الشركة موظفين أشغال كانوا في مكاتبهم وتستوي مراسلات وشلون فلان ما قصيتوا منه وليش هالكثر واجتماعات

عطونا فرصة حول 3 سنين واحنا للحين نفكر .. يوم خلاص بيبدون يهدمون قالوا وينك يا مهندس .. ويجيهم واحد مال حلول سريعة ويقول بنسوي كباين لكن بنبني الجوانب طابوق .. والسقف حديد وقرميد صناعي مثل الربر ويشتغلون فيه شغل سريع وبدون مواصفات جيدة واستوى مبنى لكن مب صحي وكل المشاكل استوت فيه .. حطوا صوف صخري تحت السقف وحطوا سيلوتكس مخرم .. ينزل منه غبار رفيع يسبب حساسية قوية وحتى أمراض خطيرة

[بوخالد911]

انطباعي كان سيء جدا بعد زيارتي لسوق الاسماك واللحوم والخضروات الجديد الواقع في ام صلال وذلك للاسباب الاتية:
اولا: سوق الاسماك:
سوق ضيق جدا وممراته ضيقه. الارض كلها ماي لازم تمشي وانت رافع ثوبك وروائح السمك والزفر قويه وتلصق فيك حتى بعد خروجك من السوق ولا يطيرها الا شاور ساخن مع تغيير ملابسك بالكامل.
ثانيا: سوق الخضروات عباره عن داعوس (ممر واحد ضيق) ضيق وعدد محدود من محلات الخضره مقابله بعض.
ثالثا: السوق بشكل عام صغير وعدد مواقف السيارات محدود وزحمه وموقعه مش مثالي.

بعد زيارتي لسوق ام صلال شعرت بحسره وخيبة امل كبيره والله المستعان


نفس كلام رفيجي اللي انصدم منه.