الدوام خلال رمضان 5 ساعات ..

[moonبنتnight]

للوزارات والأجهزة الحكومية والهيئات والمؤسسات العامة

الدوام خلال رمضان 5 ساعات

الدوحة - قنا : الإثنين 15-05-2017 الساعة 10:38 ص

أصدر سعادة السيد أحمد بن عبدالله بن زيد آل محمود نائب رئيس مجلس الوزراء ووزير الدولة لشؤون مجلس الوزراء تعميماً بتحديد ساعات العمل خلال شهر رمضان المبارك للوزارات والأجهزة الحكومية والهيئات والمؤسسات العامة.


وجاء في التعميم أنه بمناسبة حلول شهر رمضان المبارك للعام 1438هـ، فقد تقرر أن تكون ساعات العمل الرسمي خلال الشهر الفضيل للموظفين المدنيين خمس ساعات يومياً، تبدأ من الساعة التاسعة صباحاً وحتى الساعة الثانية بعد الظهر.

جريدة الشرق
http://www.al-sharq.com/news/details/488312

[ورد الدوحه]

اللهم بلغنا رمضان ونحن في أحسن حال
ومافيه شي جديد كل سنة خمس ساعات من 9 لين ثنتين
ونوصل الساعه 3 من الدوام
متى نطبخ ومتى نتعبد الله المستعان:yes:

[الماريّة]

ياليتهم يخلونه من س7 ونص الى 12 ونص

او من 7 الى 11

والله صعععععب نقعد لين س 2 ومع الزحمه نوصل س 3

متى الواحد يخلص اموره

[ممنوع اللمس]

قولو الحمد لله
احنا من 6 لين 1
وبعض الايام نداوم 9 ساعات
ومافي تعويض على ساعات العمل
اتمنى اداوم من 9 لين 2

[حمد 2002]

يعني نرجع البيت بعز القايله والحر !!

المفروض يراعون بأن احنا بجتمع حار جاف صحراوي مب عايشين بأوربا وانقطف واحنا راجعين من الدوام من اشجار العنب والكمثره والتفاح !!!

[مرتبش]

متى تبون ؟
اذا صار الدوام وهل بيكون صعب تنام عقب الفجر والدوام صعب..اذا عطوكم فرصة تنامون مايعجبكم ..شنو المطلوب.؟

[حمد 2002]

متى تبون ؟
اذا صار الدوام وهل بيكون صعب تنام عقب الفجر والدوام صعب..اذا عطوكم فرصة تنامون مايعجبكم ..شنو المطلوب.؟

اقترح ان الدوام يكون بالليل ابرد وأونس ..

[R 7 A L]

قليل من الموظفين الي طبيعة عملهم تخليهم يشتغلون بعد صلاة الظهر

الموظفين الي يتعامل معهم المراجعين صعب يجيهم مراجع الساعة وحده اذا ماكان مستحيل


ياليت لو يكون الدوام في رمضان بدري عن الايام العادية
6 اوكيه

[بانغ بانغ]

احلى شي من 10 - 3

الله يديمها

[ورد الدوحه]

يعني نرجع البيت بعز القايله والحر !!

المفروض يراعون بأن احنا بجتمع حار جاف صحراوي مب عايشين بأوربا وانقطف واحنا راجعين من الدوام من اشجار العنب والكمثره والتفاح !!!

لا الحمدلله على بيئتنا الجافة الصحراوية الغبارية المائلة للرطوبة
لأنه بنكون صايمين مانبي انشوف اشجار فواكه وخضروات في الطريج :looking:
الله يبلغنا رمضان لافاقدين ولا مفقودين

[وليف الشوق]

بالنسبة للجو الحار والتي تصل فيه درجة الحرارة اكثر من 45 ولا ننا مسلمين ونصوم شهر كامل يفترض ان امور العمل والدوام يتشنى من كل شي
الاستثناء من عدد ساعات العمل المناسبة والتي لا ترهق الصائم
الاستثناء من وقت العمل والتي لا ترهق الصائم
الدول الاوربيه والدول العربية اللي حرارتها طبيعيه يفترض ان دوامهم عادي بعض الشي خلال فترة رمضان
لكن الخليج بشكل عام يتأثر بجو حار ورطب وغير معتدل وعشان جذي لازم يكون الاستثناء قوي ويخدم الصائم ليتفرغ للعبادة بشكل افضل والابتعاد عن التعب أيأط كانت الوسيله
وقت الدوام مش انا اللي احدده لكن من 9 إلى 2 اعتقد فيه نوع من الارهاق

[راجي الْعفو]

اللي يحس انه تعبان من الدوام في رمضان يقدم اجازه

بيرتاح و بيتفرغ للعبادة بعقل و قلب حاضر

[الحاقول]

لو كان الدوام بعد صلاة التراويح

شيء حلو وسهره رمضانيه

[ورد الدوحه]

وصلنا تعميم انه دوامنا من 10 لين 3 :omg:

:omg:

:omg:

[لقمان]

انا افضل الدوام من 6 الى 11 صباحا

[Rider]

ولا ننسى الطلاب في المدارس الله يعينهم لين نص رمضان والامتحان يبدأ 9 ونص بالنسبة للدوام ممكن يكون مرن يعني الي يجي 8 يطلع 1 والي يجي 9 يطلع 2

[الماريّة]

اللي يحس انه تعبان من الدوام في رمضان يقدم اجازه

بيرتاح و بيتفرغ للعبادة بعقل و قلب حاضر

والله يااخوي راجي هذا الي افكر فيه
بس مشكله الرصيد مايغطي حق بعد رمضان اذا نبيه ضروري

[الماريّة]

احلى شي من 10 - 3

الله يديمها

بالعكس مب شي

الليل حلاته وقت عباده وراحه

[الحياة الخالدة]

وصلنا تعميم انه دوامنا من 10 لين 3 :omg:

:omg:

:omg:

وين ذيه ؟؟

[bohilal191]

قولوا الحمدلله،،احنا بنداوم 8 ساعات ومافي تعويض

[R 7 A L]

قولوا الحمدلله،،احنا بنداوم 8 ساعات ومافي تعويض

الحمدلله

بس لاتنسى فيه فرق بالرواتب الله يزيدكم

[مهرة]

..

وين الجديد في الخبر؟

الجديد (التذمر) والتحندي والتحلطم يزيد ويزيد .!

نقطة انه نبي نتعبد بليز صارت قديمة وبختصرها بــ (الي بقلبه الصلاة ماتفوته)

وأغلبية الشباب غير الموظفات بالعكس نافعهم هالدوام لأنه يامواصلين ياراقدين كله واحد.!

رمضآن كله بركة وأجوائه الشعائرية جميلة وتحث ع الإيمان وبذل العطاء والإكثار من العبادات طوال الشهر..

تقبل الله منا ومنكم صالح الأعمال والحمدلله على كل الأحوال.

[نمر بن عدوان]

للتذكير العمل وخدمة المسلمين بأخلاص النيه لله تعالى من افضل العبادات

[امـ حمد]

الحمد لله ما فيه شي جديد كل سنة خمس ساعات من التاسعة لين ثنتين،

اللهم بلغنا رمضان ،شهر الصوم والغفران والعتق من النار،

وأعنا على الصيام والقيام،واحفظ جميع جوارحنا من الوقوع في الآثام،

واجعلنا ممن يصومه ويقيم لياليه إيماناً واحتساباً، وأن لا يكون حظنا من

الصيام الجوع والعطش،

[معماري قطري]

قليل من الموظفين الي طبيعة عملهم تخليهم يشتغلون بعد صلاة الظهر

الموظفين الي يتعامل معهم المراجعين صعب يجيهم مراجع الساعة وحده اذا ماكان مستحيل


ياليت لو يكون الدوام في رمضان بدري عن الايام العادية
6 اوكيه

لو 6 لين 11 بيكون شيء .. الجو ما احتر وايد والناس بيكون عندهم وقت وحتى من 7 لين 12 ممتاز والمفروض فرق ساعة تقديم وتأخير عادي بين الدوائر حتى ما تزيد الزحمة

[الحاقول]

الدوام في رمضان خمس ساعات

مادري اللي عندها ساعة رضاعه

هل الدوام بيكون 3 ساعات بس