لاتصبون لي بترول ولا لاحد لاننا غير ملتزمين

[حمد 2002]

السلام عليكم ورحمه الله وبركاته

لاتصبون لي بترول ولا لاحد لاننا غير ملتزمين

انا ماطفي السياره اذا صبيت بترول معنى من اجراءات السلامه انك تطفي السياره .

وذاك يدخن سجاره وهالشيء ممنوع .

وغيرنا من المخالفين !! .

اطالب بسن قوانين صارمه انه اذا مالتزمنا بالتعليمات انه يمنعونا ويخالفونا وانه مايصبون لنا بترول ؟! خصوصا بعد السالفه الي سمعتها وتناقلها الواتس آب والقروبات انه امريكي دعم كذا سياره بمحطه البترول بعد مافقد التحكم بها نتيجه انه الدواسه ماله البترول اختربت !! ؟ زين مادعم تانكي البترول وصار حريق !! .


تحياتي ..

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

والله يا حمدمد اذا ما ودك يصبون لك بترول فهذا شي راجع لك

احنا عندنا مشاوير ودوامات و اشغال^_^

مع ان نسبة الأضرار اتوقع لا تذكر من التدخين و كون السيارات شغالة

حط مثال ثاني لان هالمثال ما يركب مع رسالتك

تحياتي الوردية

[حمد 2002]

وَعَلَيْكُم السّلام وَرَحْمَة اللهِ وَبَرَكَاتُه

والله يا حمدمد اذا ما ودك يصبون لك بترول فهذا شي راجع لك

احنا عندنا مشاوير ودوامات و اشغال^_^

مع ان نسبة الأضرار اتوقع لا تذكر من التدخين و كون السيارات شغالة

خط مثال ثاني لان هالمثال ما يركب مع رسالتك

تحياتي الوردية

هذا بترول ياشيخ رج رج مب ماي !! ، وصح نادر ماتجوف كوارث بس ليش ننتظرها ؟! ، وبالعكس اذا التزمنا بتطبيق القوانين مب خايفين المنع في حاله تطبيق القوانين الصارمه .

تحياتي .

[راجي الْعفو]

هذا بترول ياشيخ رج رج مب ماي !! ، وصح نادر ماتجوف كوارث بس ليش ننتظرها ؟! ، وبالعكس اذا التزمنا بتطبيق القوانين مب خايفين المنع في حاله تطبيق القوانين الصارمه .

تحياتي .
إن شاءالله عمي حمدمد ^_^

[بوحارب]

خلاص من اليوم سكر موترك داخل المحطه وصب بترول

[حمد 2002]

خلاص من اليوم سكر موترك داخل المحطه وصب بترول

ان شاء الله طال عمرك .

[R 7 A L]

لو كل واحد نزل وعبى سيارته بنفسه يكون افضل

[mr. abdulla]

اذكر مره في البحرين دخلت المحطة و طلبت الهندي يَصْب بترول.. رد علي و بشدة طفي سيارة اول.. ردت عليه صب صب بسرعة... قام مشى عني و لا كأني موجود و راح حق سيارة ثانية.. بعد دقيقة رجع قالي طفي مكينة او أكلم شرطة!! الصراحة انحرجت و خاصة ان كل السيارات في المحطة مطفي مكانهم.. اضطريت أسكر الموتر..

[ضوى]

الحمد لله ملتزمة بالقانون مية مية ومعلمة عيالي والدريوليه بعد بس ابونا ماقدرنا عليه

فعلا موضوعك صحيح الله يكفينا الشر

[QAQA]

أنا من أول الملتزمين، بس حزات الحر يذبح

[معماري قطري]

كم حادث حريق صار عندنا من سيارة تشتغل؟

أتوقع 0 وغالبية الاحتراق يصير من التماس أثناء تشغيل السيارة .. بعدين الأخطر من المكينة وهي احتراقها داخلي ما له خص في الخارج هو التلفون لأن شرارة بسيطة لو رن تسبب حريق .. ولو طبقوا نزول الشخص يصب الخطر بيكون أكبر من هذي الناحية لوجود الهواتف في الجيوب

كذلك الالتماس من بعض الملابس اللي تصدر كهرباء وتطلع شرارة هذا كارثي لو وقف وهو يصب وبخار البترول يطلع وصارت هذي الشرارة .. وثياب العاملين للصب مخصصة ولا تطلع شرارة أو كهرباء من الاحتكاك

في النهاية سيارتك تشتغل ومسكر الدرايش في التكييف وحتى لو رن تلفونك بعيد ومأمن

[naklan]

ما اعتقد انه خطر انك تعبي بترول والسيارة شغالة
الخطر في المحطات نفسها مالت وقود ضيقة وصعب الدخول
والخروج منها لو يصير حريق بتكون قنابل موقوتة
أطالب الدولة بالتدخل في تصاميم محطات
وقود لتبنى بطريقة امنة وصحيحة

[عيسى111]

كم حادث حريق صار عندنا من سيارة تشتغل؟

أتوقع 0 وغالبية الاحتراق يصير من التماس أثناء تشغيل السيارة .. بعدين الأخطر من المكينة وهي احتراقها داخلي ما له خص في الخارج هو التلفون لأن شرارة بسيطة لو رن تسبب حريق .. ولو طبقوا نزول الشخص يصب الخطر بيكون أكبر من هذي الناحية لوجود الهواتف في الجيوب

كذلك الالتماس من بعض الملابس اللي تصدر كهرباء وتطلع شرارة هذا كارثي لو وقف وهو يصب وبخار البترول يطلع وصارت هذي الشرارة .. وثياب العاملين للصب مخصصة ولا تطلع شرارة أو كهرباء من الاحتكاك

في النهاية سيارتك تشتغل ومسكر الدرايش في التكييف وحتى لو رن تلفونك بعيد ومأمن

صحيح كلامك اخوي معماري

[ذكي جدااا]

أنا معاك يجب الالتزام بالقوانين. مب بس السيارة حتى التحدث بالجوال خطر بمحطات البترول لانه في كهرباء سالبه وممكن تسبب حريق بأي لحظة. صارت معاي قصة ببريطانيا قبل كم شهر دخلت محطه بترول طبعا مشي من غير سيارة لاني ما أسوق هناك وكنت رايح للسوبرماركت اشتري بعض الاغراض واطلع من المحطه المهم ونا طالع طلعت جوالي واتصلت تلفون بمجرد اني رفعت الجوال راعي المحطه انتبه وقام يرفع صوته وينادي علي ويحاول ينبهني والحمدلله انتبهت وسكَّرت الجوال.

[معماري قطري]

أتوقع بعض التلفونات الحديثة شرارتها معزولة داخلها وخطرها خفيف بس الإحتياط واجب

كانت في أمريكا بعض المحطات خدمة كاملة وبعضها تنزل تصب ودوم يحطون تعليمات باطفاء المحرك والجوال .. الأجزاء اللي خدمة شاملة تدفع شوي أكثر