تقاطع محطة بترول طيبة

[بوحارب]

السلام عليكم

تقاطع محطة بترول طيبة منذ ان تم افتتاحه قبل سنة تقريبا الى اليوم مازال محلك سر !!!

خصوصا للطريق المؤدي الى ازغوى للحين فيه تحويله وضيقة جدا وكله صبيات الطريق

متى يكتمل المشروع؟؟

مع العلم تقطاع الخريطيات وأم صلال اشتغلوا فيه متأخر وتم انجاز المشروع بالكامل !

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

يا هيئة الأشغال خلصوا لبوحارب موضوعه يستاهل

وعطوه زمزميتين كرك مجانا ^_^

[بانغ بانغ]

وَعَلَيْكُم السّلام وَرَحْمَة اللهِ وَبَرَكَاتُه

يا هيئة الأشغال خلصوا لبوحارب موضوعه يستاهل

وعطوه زمزميتين كرك مجانا ^_^

cc Mr. Hamad 2002

[حمد 2002]

يعني انت تبي توصل رساله للجهات المختصه !!

ليش انجزتواا ذاك الشارع بسرعه وهذا مانجزتوه ؟

فيه شيء اسمه بنيه تحتيه ، كهرباء ، تمديديات الى آخره ..

يمكن في ذيك المنطقه الامور جاهزه وماتحتاج جهد وفي هذي المنطقه الامور صعبه وتحتاج جهد لانه مافيها بنيه تحتيه (( سابقه )) .

سؤالك اخوي بوحارب ذكرني لما اليهال ايغارون من بعض ويقولون لاهلهم (( يبه او يمه ابي سيكل بوثلاث تواير نفس عبود او سلوم او خلود ولد فريجنا!! ))


يعني انت يمكن تبي انه الجهات المختصه تسرع الانجاز بالمشروع لانه منطقتكم قريبه من هالمكان ، وماتبي المناطق الثانيه تنجز بها المشاريع !! ..



تحياتي ..

[naklan]

زين منهم اخوي بوحارب خلّصو الجسور
ولا تنسى انه يجري العمل والشارع والجسور شغالة
والباقي شي بسيط وبيخلصونه ان شاء الله . احسن
تقاطع جسور طيبة وجسر فستفال مول
سلاسة وتقدر تروح لأي جهة
بلا توقف

[معماري قطري]

صراع بين الأعضاء الله يجعله دائم

انا توقعي يمكن ضب مغرس ويبون يطلعونه أو حصلوا هيكل ديناصور

يا اخوي المفروض من الأساس أي طريق رئيسي له حرم وحوله فاضي للتوسعة ولعمل تقاطعات سهلة وجسور ولسهولة اغلاقه وتحويله لكن عندنا يحبون الضيق .. وفوق هذا يحبون الشغل يتمغط براحته ولو تمر تشوف عامل فقير يحك راسه شفيها الدكاكة ما تشتغل .. تعودوا بعض المقاولين عندنا على الدلع ويطبطبون عليهم

[بوخالد911]

اتصل
188

واستفسر