قُدُرات خارقة لا تُصَدَق

[معماري قطري]

بعض اللي تشوفه تحس كأنه سحر .. لكن هذا في برنامج المسابقات الأمريكية .. تابعوه ونتناقش شلون يعرف

وبنشوف غيره بإذن الله ومشاركاتكم وتفاعلكم محل ترحيب


https://www.youtube.com/watch?v=fT0bz6ZSBF4

[thelord007]

الموضوع لا قدرات خارقة ولا يحزنون كل ما في الموضوع ان هذين الشخصين / يمكن وصفهم بالمحتالين / بسبب وجود لغة خاصة بينهم من خلال الاسئلة والكلام الذي ينقله الرجل بعد ان يعرف الخيارات من الشخص الي يرسم او يكتب على الدفتر فكل كلمة يقولها ترمز لحروف او ارقام بطريقة متفقين عليها
بس هم مبدعون بسرعة وطريقة نقل المعلومات لبعض بسرعة ودقة
اشكرك مهندسنا الغالي على الموضوع

[Charisma]

الموضوع لا قدرات خارقة ولا يحزنون كل ما في الموضوع ان هذين الشخصين / يمكن وصفهم بالمحتالين / بسبب وجود لغة خاصة بينهم من خلال الاسئلة والكلام الذي ينقله الرجل بعد ان يعرف الخيارات من الشخص الي يرسم او يكتب على الدفتر فكل كلمة يقولها ترمز لحروف او ارقام بطريقة متفقين عليها
بس هم مبدعون بسرعة وطريقة نقل المعلومات لبعض بسرعة ودقة
اشكرك مهندسنا الغالي على الموضوع
صحيح .. وممكن تتم الطريقه بشفرات معينه .. ممكن باختيار بعض الكلمات ضمن تعليق و ترمز لـ ( ارقام - بعدد الاحرف ) او ترمز لصفه او شكل او حرف ، تبديل الملابس خفة يد وحركه سريعه ( مب شرط يبدل التي شيرت ) لاحظ في بداية الدقيقه الثانيه .

[معماري قطري]

الموضوع لا قدرات خارقة ولا يحزنون كل ما في الموضوع ان هذين الشخصين / يمكن وصفهم بالمحتالين / بسبب وجود لغة خاصة بينهم من خلال الاسئلة والكلام الذي ينقله الرجل بعد ان يعرف الخيارات من الشخص الي يرسم او يكتب على الدفتر فكل كلمة يقولها ترمز لحروف او ارقام بطريقة متفقين عليها
بس هم مبدعون بسرعة وطريقة نقل المعلومات لبعض بسرعة ودقة
اشكرك مهندسنا الغالي على الموضوع

العفو إخوي

بس الكلمات ما فيها شيء واضح أو يدل على أي تفاهم بينهم

من رأيي كان المفروض من اللجنة تخلي شخص محايد يسوي العملية وينقل التعليمات للي يكتب .. انا اشك في وجود جهاز يصور الدفتر وينقل الصورة للشخص البعيد بس اتوقع في برنامج كهذا بيكشفونه

[thelord007]

صحيح .. وممكن تتم الطريقه بشفرات معينه .. ممكن باختيار بعض الكلمات ضمن تعليق و ترمز لـ ( ارقام - بعدد الاحرف ) او ترمز لصفه او شكل او حرف ، تبديل الملابس خفة يد وحركه سريعه ( مب شرط يبدل التي شيرت ) لاحظ في بداية الدقيقه الثانيه .

تماااااااام
:victory::victory::victory:

[معماري قطري]

توقعي بالتصوير بطريقة مخفية حتى الفانيلات اللي يلبسونها مموهه وهو قال والظاهر هذا السر

[Charisma]

العفو إخوي

بس الكلمات ما فيها شيء واضح أو يدل على أي تفاهم بينهم

من رأيي كان المفروض من اللجنة تخلي شخص محايد يسوي العملية وينقل التعليمات للي يكتب .. انا اشك في وجود جهاز يصور الدفتر وينقل الصورة للشخص البعيد بس اتوقع في برنامج كهذا بيكشفونه
مايحتاج هاللفه الطويله ، دام بينهم نوع من التواصل عن بعد .. خله يوقف جنب اللي يكتب ولايعلق بأي كلمه او اشاره .


المووضوع بالضبط اثنين يلعبون برازيلية وفاهمين بعض هههههههه

[thelord007]

العفو إخوي

بس الكلمات ما فيها شيء واضح أو يدل على أي تفاهم بينهم

من رأيي كان المفروض من اللجنة تخلي شخص محايد يسوي العملية وينقل التعليمات للي يكتب .. انا اشك في وجود جهاز يصور الدفتر وينقل الصورة للشخص البعيد بس اتوقع في برنامج كهذا بيكشفونه

هو غالبا الموضوع له علاقة في الكلام ولو تلاحظ ان شريكه المتكلم يرغي ويتكلم زيادة عن اللزوم ومن خلال هذا الكلام تنقل شفرة المعلومات كما تفضل اخونا Charisma
ومع تطور التكنولوجيا ممكن ان ينقل المعلومات مثلا بواسطة جهاز صغير يركب في الفم مثلا ينقل المعلومة ويحولها لكلام ممكن ان يسمعه شريكه
وانا شفت برنامج امريكي عن كشف خدع مماثلة لهذا الفدييو وكان الطريقة تكمن في شفرات الكلام بينهما
تحياااتي لك

[معماري قطري]

سامحوني إخواني كاريزما و ذا لورد مخي ما يستوعب وعدت كم مرة .. الرقم 717 شلون استنتجه من سياق الكلام واللون التركوازي واسم المشهور .. يبين لي إنه من يطل في الورقة المعلومات وصلت للثاني بس الثاني يسوي نفسه إنه مستغرق يحاول يكشف المعلومات وهي عنده لأنه يشوف اللي يشوفه رفيجه وأكيد عن طريق تصوير

[M S A]

السلام عليكم و رحمة الله و بركاته


صدقوني حركات قديمه جدا كانوا المصريين يسونها فينا في فلفلة. كانوا يطلبون منا عشر جنيهات و يقول شوفي الرقم و إذا رفيجة عرف الرقم و هو بعيد يعني الفلوس تروح لهم، و بعدين ما توعى إلا الثاني اللي بعيد يقول نفس الرقم. صج إن إحنا ما نعرف إشلون بس واضح إن بينهم شفرة سرية و أيضا وجود الميكرفون له علاقة لأن حتى المصريين كانوا يلبسون ميكرفون. حركاااااات خفة. أما التيشرتات أكيد من الثياب إللي يتغير لونها بحرارة الجسم.

[thelord007]

من الممكن ان تكون المعلومات تنقل لبعض بواسطة جهاز ارسال
انا شفت الفديو بالسرعة البطيئة 1/4
وفي الدقيقة 3 و10 ثواني الى الدقيقة 3 و12 ثانية كان الحبيب يحرك شفتيه وكانه يهمس بسرعة عند رؤيته للمعلومه مباشرة
شوفها وعطني رايك

[Charisma]

سامحوني إخواني كاريزما و ذا لورد مخي ما يستوعب وعدت كم مرة .. الرقم 717 شلون استنتجه من سياق الكلام واللون التركوازي واسم المشهور .. يبين لي إنه من يطل في الورقة المعلومات وصلت للثاني بس الثاني يسوي نفسه إنه مستغرق يحاول يكشف المعلومات وهي عنده لأنه يشوف اللي يشوفه رفيجه وأكيد عن طريق تصوير

استبعد موضوع الكامرا لان مثل ماذكرت صعبه في هالبرامج ، وحتى لو كانت في كامرا الشخص الثاني شلون بيشوف ؟ ( لاتقولي عدسات ) .

استبعدنا موضوع الكامرا ، وبقت طريقتين :



كلمات مشفره ترمز لارقام او حروف او اشكال ، وهذي تتطلب تفاهم كبير وسرعهة بديهه لاختيار الكلمات المناسبه ( الطرف الاول ) وفك تشفيرها ( الطرف الثاني ) ، وهالطريقه موجوده وغير مستحدثه ( استخباراتيه ) ، لنقل معلومات مشفره ظاهرها كلمات عاديه .

توصيل المعلومه عن طريق شفرة بجهاز كلكر هزاز ( صغير مخفي ) ، على غرار شفرة مورس وهالشي ممكن جدا بسبب وضعية ايدينهم .





https://www.youtube.com/watch?v=Z5uyK5MrsTs

[معماري قطري]

من الممكن ان تكون المعلومات تنقل لبعض بواسطة جهاز ارسال
انا شفت الفديو بالسرعة البطيئة 1/4
وفي الدقيقة 3 و10 ثواني الى الدقيقة 3 و12 ثانية كان الحبيب يحرك شفتيه وكانه يهمس بسرعة عند رؤيته للمعلومه مباشرة
شوفها وعطني رايك

باشوف بس فيه سر أكيد والمكروفونات احتمال كبير من البرنامج للصوت

[thelord007]

باشوف بس فيه سر أكيد والمكروفونات احتمال كبير من البرنامج للصوت

بالظبط وكل الطرق تؤدي الى روما وتعددت الطرق والنتيجة واحدة نقل المعلومة فالطرق كثيرة واحداها كما ذكر اخونا Charisma جهاز هزاز واشارات كاشارات مورس بينهما

[النهار]

صارت معاي شخصيا قصه في سوق واقف
شخص مادري هو خفة يد او سحر او شي اخر
قال من عنده 100 ريال طلعت له 100 ريال قال لي اكتب عليها اي شي
كتبت اسمي وحطيت دائره قال خل الناس تشوف خذ مني 100 ريال وقام رواها اللناس
وجاب 3 اضرف حط ال 100 ريال في ضرف وحطهم في صحن خلطهم وجاب الولاعه وحرق الضروف الثلاثه
سوى انه يبي يطفى الضروف وانه ماقدر مسك راسه ههههههههه على انه حزين بعد شويه حك راسه وطلع 3 برتقالات
طلب منا نختار برتقالتين من الثلاثه وخلى الثالثه في الصحن
قص البرتقاله الاولى من الي اخترناها مطلع فيها شي والثانيه المختاره ماطلع بعد فيها شي قعد يمسك في راسه بلفيت انه حزين
جاء للبرتقاله الثاله قصها بعدما قصها طلع كبسوله بلاستيكيه مشها وفتحها الا ال 100 ريال نفسها داخل الكبسوله
على فكره البرتقالات الثلاثه صاحين مابهم اي قطع او تلاعب

اعتقد بوعبدالله الفيديو الي نزلته ان كان مافي تلاعب الاتصال بقرين الشخص الثاني

[معماري قطري]

صارت معاي شخصيا قصه في سوق واقف
شخص مادري هو خفة يد او سحر او شي اخر
قال من عنده 100 ريال طلعت له 100 ريال قال لي اكتب عليها اي شي
كتبت اسمي وحطيت دائره قال خل الناس تشوف خذ مني 100 ريال وقام رواها اللناس
وجاب 3 اضرف حط ال 100 ريال في ضرف وحطهم في صحن خلطهم وجاب الولاعه وحرق الضروف الثلاثه
سوى انه يبي يطفى الضروف وانه ماقدر مسك راسه ههههههههه على انه حزين بعد شويه حك راسه وطلع 3 برتقالات
طلب منا نختار برتقالتين من الثلاثه وخلى الثالثه في الصحن
قص البرتقاله الاولى من الي اخترناها مطلع فيها شي والثانيه المختاره ماطلع بعد فيها شي قعد يمسك في راسه بلفيت انه حزين
جاء للبرتقاله الثاله قصها بعدما قصها طلع كبسوله بلاستيكيه مشها وفتحها الا ال 100 ريال نفسها داخل الكبسوله
على فكره البرتقالات الثلاثه صاحين مابهم اي قطع او تلاعب

اعتقد بوعبدالله الفيديو الي نزلته ان كان مافي تلاعب الاتصال بقرين الشخص الثاني

وهذا المتوقع بس بعد قصتك إنت غريبة وانت تشوفه ولا حد يساعده

بعدين هذا بينقل معلومة بنقول ممكن وبنلاحظ كلامه ما يكون عام مثل اللي انقال .. مثلاً 717 بيقول كلمة متفق عليها مثل نعم لا نعم واللون بيقول رمز معين بنصيده واسم المشهور ممكن ذاك يفكر في مشهور ميت هذا شلون بينقله

[بانغ بانغ]

قدرات خارقة فعلا

وينهم عندك عناوينهم ابيهم حق الدراسة

[بانغ بانغ]

قصة النهار ذكرتني بولد خالتي في لندن

ايقول جانا ساحر لحفل عشاء ... قاله اختار اسم واحفظه

وبعد شوي الساحر حرق ورقة وحط الرماد فوق يد الاخ ومسح الرماد وطلع اسمه وكان فعلا اللي اختاره

لحد ينكر بس فعلا غريبة قصة البرتقالة

[معماري قطري]

قدرات خارقة فعلا

وينهم عندك عناوينهم ابيهم حق الدراسة

شتدرس بعد انت؟

خذني مساعد وباغششك

[معماري قطري]

قصة النهار ذكرتني بولد خالتي في لندن

ايقول جانا ساحر لحفل عشاء ... قاله اختار اسم واحفظه

وبعد شوي الساحر حرق ورقة وحط الرماد فوق يد الاخ ومسح الرماد وطلع اسمه وكان فعلا اللي اختاره

لحد ينكر بس فعلا غريبة قصة البرتقالة

ما فيه تفسير الا عند اللي يسون هذي الأشياء

[بانغ بانغ]

شتدرس بعد انت؟

خذني مساعد وباغششك

ههههههههههههههههههههه حق اليهال

وينا ووين الدراسه

[النهار]

قصة النهار ذكرتني بولد خالتي في لندن

ايقول جانا ساحر لحفل عشاء ... قاله اختار اسم واحفظه

وبعد شوي الساحر حرق ورقة وحط الرماد فوق يد الاخ ومسح الرماد وطلع اسمه وكان فعلا اللي اختاره

لحد ينكر بس فعلا غريبة قصة البرتقالة

ههههههههههههههههههههه
بانغ تصدق واحد جنبي اعتقد سعودي قال ابي اشتري منك ال 100 ريال كم تبي فيها
قلت له مهب للبيع رد قول يالطيب كم تبغى فيها قلت له مهب للبيع
عموما انا ال 100 ريال مابغيت اخذها معاي البيت ههههههههههه خفت يكون فيها عفريت منحبس
رحت شريت لي باكيت سجاير من بقاله وتخلصت منها

[بانغ بانغ]

ههههههههههههههههههههه
بانغ تصدق واحد جنبي اعتقد سعودي قال ابي اشتري منك ال 100 ريال كم تبي فيها
قلت له مهب للبيع رد قول يالطيب كم تبغى فيها قلت له مهب للبيع
عموما انا ال 100 ريال مابغيت اخذها معاي البيت ههههههههههه خفت يكون فيها عفريت منحبس
رحت شريت لي باكيت سجاير من بقاله وتخلصت منها

دخنتها او لا ؟

قول الصج وما بعلم حد

[النهار]

دخنتها او لا ؟

قول الصج وما بعلم حد

السالفه من 4 سنوات في مهرجان الربيع في سوق واقف
كنت مدخن شرس في تلك الفتره الحمد لله من 3 سنوات قطعتها وسيحت دم
الله يتوب على كل مدخن حد يشتري المرض والعله والضيقه والخياس لنفسه لا بفلوسه crazycrazy

[معماري قطري]

ههههههههههههههههههههه حق اليهال

وينا ووين الدراسه

تدور حد يغشش عيالك وافضيحتاه

[معماري قطري]

السالفه من 4 سنوات في مهرجان الربيع في سوق واقف
كنت مدخن شرس في تلك الفتره الحمد لله من 3 سنوات قطعتها وسيحت دم
الله يتوب على كل مدخن حد يشتري المرض والعله والضيقه والخياس لنفسه لا بفلوسه crazycrazy

إصمد والله يوفقك ما ترد لها

[رجل الجزيرة]

استبعد موضوع الكامرا لان مثل ماذكرت صعبه في هالبرامج ، وحتى لو كانت في كامرا الشخص الثاني شلون بيشوف ؟ ( لاتقولي عدسات ) .

استبعدنا موضوع الكامرا ، وبقت طريقتين :



كلمات مشفره ترمز لارقام او حروف او اشكال ، وهذي تتطلب تفاهم كبير وسرعهة بديهه لاختيار الكلمات المناسبه ( الطرف الاول ) وفك تشفيرها ( الطرف الثاني ) ، وهالطريقه موجوده وغير مستحدثه ( استخباراتيه ) ، لنقل معلومات مشفره ظاهرها كلمات عاديه .

توصيل المعلومه عن طريق شفرة بجهاز كلكر هزاز ( صغير مخفي ) ، على غرار شفرة مورس وهالشي ممكن جدا بسبب وضعية ايدينهم .





https://www.youtube.com/watch?v=Z5uyK5MrsTs

كلامك صحيح والدليل على ذلك إلي يعطي الأسئلة ليش واقف ويقرأ الورقة الكلمات إلي كتبها؟ مثلا ليش ما يصد عنه أو ما يوقف بعيد عنه.