جلسة التداول ليوم الثلاثاء 23/5/2017

[لـبـيـه]

السلام عليكم ورحمة الله وبركاته

[لـبـيـه]

أقفل المؤشر العام لبورصة قطر جلسة أمس الاثنين، على ارتفاع بنسبة 0.8 %، عند مستوى 10135 نقطة ( + 84 نقطة )، بقيم تداولات بلغت إجماليا نحو 275 مليون ريال

[Mmt]

السلام عليكم ورحمه الله وبركاته صباح الخير

[معماري قطري]

السلام عليكم

صباح الخير والخضار بإذن الله

[.:: القيصر ::.]

السلام عليكم


صباح الخير

[مضارب مستثمر]

السلام عليكم وصبحكم الله بالخير والسرور اجمعين

[.:: القيصر ::.]

حاولوا تصيدون ناقلات من 18.80 الى 19

العلم عند الله فيها شي

[مضارب دوسري]

السلام عليكم

صباح الخير

داومنا اسبوع ف معسكر الشمال

وعطونا اسبوع اجااااازه :)

[.:: القيصر ::.]

السلام عليكم

صباح الخير

داومنا اسبوع ف معسكر الشمال

وعطونا اسبوع اجااااازه :)

عليكم السلام

تستاهلون


روح ارقد هههههههههه

[مضارب دوسري]

لا وين انام
كفايه راقد امس ساعتين ونص ههههه
الشمس تخليك تصحصح

[مضارب دوسري]

صناعات ابي اشوف اليوم 107_107.5
لو سمحتي



واذا افتلت ممكن تورينا اليوم ال109_110
يمكن ليش لا

[معماري قطري]

الريان كل ما ارتفع شوي ضغطوا عليه بكميات كبيرة

[مضارب دوسري]

الريان كل ما ارتفع شوي ضغطوا عليه بكميات كبيرة

ما عليك خله على راحته

الهدف الاول 45.65 ان شاء الله
واذا اخترقه بقوه بيروح 47

[Mmt]

صناعات للاعلى باذن الله

[معماري قطري]

السلام عليكم

صباح الخير

داومنا اسبوع ف معسكر الشمال

وعطونا اسبوع اجااااازه :)

العسكرية حلوة بو محمد

[مضارب دوسري]

العسكرية حلوة بو محمد

جدا جميييله

[معماري قطري]

ما عليك خله على راحته

الهدف الاول 45.65 ان شاء الله
واذا اخترقه بقوه بيروح 47

انا متحسف بعت حول 15% وشربكتها في المستثمرين

[معماري قطري]

جدا جميييله

ذكرتني بمعسكر الشمال رحته مرة يمكن من حول 20 سنة وكان شبه فاضي .. نسيت شالشغلة اللي مخططين نسويها هناك

[مضارب دوسري]

الدولي ذكرت امس اختراق 61.20
والثبات فوقه يوديه 63.30_63.40

[مضارب دوسري]

ذكرتني بمعسكر الشمال رحته مرة يمكن من حول 20 سنة وكان شبه فاضي .. نسيت شالشغلة اللي مخططين نسويها هناك

الحين خلاص بينقلون الخدمه الوطنيه للمعسكر الجديد

[معماري قطري]

لحد يبيع فيه سيولة مترصدة وسوقنا بإذن الله الى ارتفاع بس يبي له صبر

[معماري قطري]

الحين خلاص بينقلون الخدمه الوطنيه للمعسكر الجديد

وين بيكون؟

[.:: القيصر ::.]

لحد يبيع فيه سيولة مترصدة وسوقنا بإذن الله الى ارتفاع بس يبي له صبر

توني بكتب كل واحد يمسك سهمه
:tooth:

[مضارب دوسري]

وين بيكون؟

المزروعه

[معماري قطري]

توني بكتب كل واحد يمسك سهمه
:tooth:

خلاص انا سيولتي صفر بالنسبة للسوق مخلي الكاش لرمضان والصيف

[معماري قطري]

المزروعه

حلو قريب والله يوفق الجميع

انا كلفوني بالتدريب سنة 1979 للدفعة الأُولى طلبة كنت وقتها 15 ولازم صوتك يكون قوي وصراحة اعتذرت واخترت المكتب وقتها

[مضارب دوسري]

حلو قريب والله يوفق الجميع

انا كلفوني بالتدريب سنة 1979 للدفعة الأُولى طلبة كنت وقتها 15 ولازم صوتك يكون قوي وصراحة اعتذرت واخترت المكتب وقتها

الله يعطيك طووولة العمر يا بوعبدالله

[لـبـيـه]

ما عليك خله على راحته

الهدف الاول 45.65 ان شاء الله
واذا اخترقه بقوه بيروح 47
ترى دخلت على شورك واذا انزلت تعوضني بريث 2016 بدون نجوم راضي

[Mmt]

حلو قريب والله يوفق الجميع

انا كلفوني بالتدريب سنة 1979 للدفعة الأُولى طلبة كنت وقتها 15 ولازم صوتك يكون قوي وصراحة اعتذرت واخترت المكتب وقتها

طلعت قديم من ايام بوزهره

[مضارب دوسري]

ترى دخلت على شورك واذا انزلت تعوضني بريث 2016 بدون نجوم راضي

انا شرت بالدخول يوم انه تحت 42.60

انت شريت هناك ؟

[ذكي جدااا]

شالتداول الغريب اليوم. نص الشركات ماعليها تداول

[ذكي جدااا]

لايكون اليوم رمضان

[معماري قطري]

الله يعطيك طووولة العمر يا بوعبدالله

آمين والله يطول في عمرك

[معماري قطري]

طلعت قديم من ايام بوزهره

كنت وقتها كاشخ بالخيط .. ههههه و/ع .. والله ما اذكر بو زهرة بس اذكر قائد معسكر الدحيل نسيت اسمه بالضبط كان لبناني اعتقد أو فلسطيني

[معماري قطري]

شالتداول الغريب اليوم. نص الشركات ماعليها تداول

غريب حده والله اسفه السوق ومتابعتي للشاشة يمكن 3 مرات مرور الكرام اشوف أعلى ارتفاع واشوف كم السيولة

[ذكي جدااا]

غريب حده والله اسفه السوق ومتابعتي للشاشة يمكن 3 مرات مرور الكرام اشوف أعلى ارتفاع واشوف كم السيولة
انا نفسك بس تفاجات مرت ساعه كامله ونص الشركات ماعليها تداول

[Mmt]

كنت وقتها كاشخ بالخيط .. ههههه و/ع .. والله ما اذكر بو زهرة بس اذكر قائد معسكر الدحيل نسيت اسمه بالضبط كان لبناني اعتقد أو فلسطيني

كان من اول المدربين بقطر الشياب يذكرونه

الله يطول بعمرك ان شاء الله ويحفظك

[مضارب متعور]

صبحكم الله بالخير

يا جماعة زهقت من ازدان .. صارلها شهور ما عدت 16.5 اسحب عليها ولا اصبر ؟

[معماري قطري]

كان من اول المدربين بقطر الشياب يذكرونه

الله يطول بعمرك ان شاء الله ويحفظك

وياك يالغالي

سبحان الله اسمه نسيته

أذكر بو شوقي عدل كان قائد التموين واعتقد اصله فلسطيني أو أُردني وكان مسيحي توفى

[معماري قطري]

صبحكم الله بالخير

يا جماعة زهقت من ازدان .. صارلها شهور ما عدت 16.5 اسحب عليها ولا اصبر ؟

بكرة اجتماعهم بنية الانسحاب من السوق أو بعد بكرة

[معماري قطري]

معدلي في ازدان حول 17 ومستحيل ابيع بخسارة حتى لو طلعوا الشيوخ معاهم معاهم

[roma27]

السلام عليكم ورحمه الله وبركاته معماري قطر أتابع ذكرياتك اكمل

[ذكي جدااا]

بكرة اجتماعهم بنية الانسحاب من السوق أو بعد بكرة
هذا الفلم حقهم. بينسحبون وشنو مصير محافظ فوتسي ومورجان اللي شروا بالملايين

[.:: القيصر ::.]

نتابع ناقلات من الان لمدة 15 دقيقة


:)

[لـبـيـه]

انا شرت بالدخول يوم انه تحت 42.60

انت شريت هناك ؟

لا دخلت 44

[معماري قطري]

ايه صدت الاسم رسمي ابراهيم

[مضارب دوسري]

لا دخلت 44

مشكلتك هههههه

[Mmt]

ايه صدت الاسم رسمي ابراهيم
انت يبيلك بومبارك يستانس على ذي الامور بيطلع لك تاريخ العكسرات كلها ههه

[معماري قطري]

السلام عليكم ورحمه الله وبركاته معماري قطر أتابع ذكرياتك اكمل

عليكم السلام ورحمة الله وبركاته

بيزعلون البعض يا اخوي بيقولون جلسة سوق قلبها معماري لذكريات

أذكر أكثر شيء محزن إننا كنا نداوم عز الصيف ويقصون شعرنا صفر .. وأذكر بو فهد الله يحفظه ( الشيخ محمد بن فهد ) أول ما جيت مدني اسجل حضور يقول لي ايه بيطير الشعر وبتتغير الصبغة وزين من أيام شفته بمناسبة عودة الإخوان اللي في العراق

[Mmt]

بانتظار الساعه 11 ونشوف شنو وضع السيوله

[بوجبر]

السوق ماشي زي الحلاوة ...

[معماري قطري]

انت يبيلك بومبارك يستانس على ذي الامور بيطلع لك تاريخ العكسرات كلها ههه

من بو مبارك ليكون اللي في بالي

[مضارب دوسري]

شدي يا اجاره

[معماري قطري]

السوق ماشي زي الحلاوة ...

انت هالكثر مشغول

[معماري قطري]

تصدقون من قال بو جبر السوق زي الحلاوة توقعت الشاشة حمرا وطلع صحيح

[معماري قطري]

عرفت سبب قلة السيولة ونزول السوق إنه بو جبر

[لـبـيـه]

مشكلتك هههههه

ها اطق او اتم

[بوجبر]

تصدقون من قال بو جبر السوق زي الحلاوة توقعت الشاشة حمرا وطلع صحيح

بوعبدالله...كفاية الهوامير والمحافظ شافطين الاسهم...خل الطبقة الكادحة تشتري برخيص منهم

[Mmt]

من بو مبارك ليكون اللي في بالي
الي معانا بالمنتدى

[بوجبر]

شبح التحويلية يخيم ع بعض قطاع البنوك

[معماري قطري]

بوعبدالله...كفاية الهوامير والمحافظ شافطين الاسهم...خل الطبقة الكادحة تشتري برخيص منهم

في ذي صدقت

[معماري قطري]

الي معانا بالمنتدى

الله يحفظه ما اعرفه

ألحين ما شاء الله اللي يمر صوب ذيك المنطقة ويشوف البنيان والتطور ما يصدق

[بوجبر]

بيع ماركت ع ودام

[مضارب دوسري]

ها اطق او اتم

انا اشوفه للحين طيب
ان شاء الله

[معماري قطري]

قلة السيولة والثبات دليل ترقب للسوق ووعي من المستثمرين سواء المشترين أو البائعين

[معماري قطري]

بيع ماركت ع ودام

ما بعنا أيام السبعينات نبيع ألحين

[Mmt]

دخلنا الساعه 11 ومافي تحرك نشوف الشغت الثاني

[zego]

الاجارة اليوم او بكرة بتحلق ان شاء الله

[Mmt]

صناعات بدت يلا الهمه

[zego]

مزايا تجاوز 12.2 بداية الخير ان شاء الله

او ممكن نشوف 11.9

[roma27]

الرعايه الى اين ؟؟؟؟

[مضارب متعور]

إزدان القابضة تفصح عن الحكم في الدعوى رقم 4549 لسنة 2016

23 مايو 2017 - 09:36 صباحاً

تفصح شركة مجموعة إزدان القابضة وفقاً لمكتب المحاماة الخارجي بأن المحكمة الابتدائية الكلية – الدائرة السادسة أصدرت بتاريخ 28/3/2017 الحكم في الدعوى رقم 4549 لسنة 2016 المرفوعة من شركة القارة للتجارة "إحدى الشركات التابعة " لمجموعة ازدان القابضة ضد كلاً من :
1- شركة مجموعة المستثمرين القطريين .
2- عضو مجلس إدارتها السيد/ عبد العزيز يوسف الخليفي.
وقضى الحكم ببطلان ترشح المدعى عليه الثاني عبد العزيز يوسف الخليفي ، وببطلان قرار الجمعية العامة العادية بتعيينه الصادر بتاريخ 7/11/2016 وألزمت المدعى عليهما بالمصاريف.

&ملاحظة يمكن تحميل نسخة حكم المحكمة من موقع المجموعة .

[قطــ86ــر]

الفلم الهندي وصل الحلقة 5000
والمشاهد للحين ما عرف من البطل ازدان ولا المستثمرين escape

[roma27]

الفلم الهندي وصل الحلقة 5000
والمشاهد للحين ما عرف من البطل ازدان ولا المستثمرين escape

أشوف ازدان أقوى

[قطــ86ــر]

أشوف ازدان أقوى

القانون هو الحكم في النهاية

لكن الله يستر من التبعات و عسى مايكون المساهم هوالضحية !!

[معماري قطري]

الفلم الهندي وصل الحلقة 5000
والمشاهد للحين ما عرف من البطل ازدان ولا المستثمرين escape

هرمنا واحنا نتابع ولا ندري من فايز كل واحد يضرب الثاني

[قطــ86ــر]

هرمنا واحنا نتابع ولا ندري من فايز كل واحد يضرب الثاني

انا اقول لو كل التجار يختلفون مع بعض بيحرقون الاسعار و بنطلع احنا مستفيدين :nop:

[Mmt]

صناعات فشلتني هههه

مضارب ايش رايك نكمل انتابع السوق وله نلعب برازيليه ونضيع الوقت

[Mmt]

انا اقول لو كل التجار يختلفون مع بعض بيحرقون الاسعار و بنطلع احنا مستفيدين :nop:

عندي واحد متخصص يسوي مشاكل ودك اقوله يشتغل على التجار هههههه

[مضارب دوسري]

صناعات فشلتني هههه

مضارب ايش رايك نكمل انتابع السوق وله نلعب برازيليه ونضيع الوقت

كمممل متابعه

[قطــ86ــر]

عندي واحد متخصص يسوي مشاكل ودك اقوله يشتغل على التجار هههههه

سو خير و خذ اجر في رمضان ههههههههههه :nop:

[مضارب متعور]

هرمنا واحنا نتابع ولا ندري من فايز كل واحد يضرب الثاني

عالأقل ازدان ما ينشرون افصاحات مغلوطة

[الرايــق]

السلام عليكم جميعا

[Mmt]

سو خير و خذ اجر في رمضان ههههههههههه :nop:

ههههههه

[Mmt]

السلام عليكم جميعا

وعليكم السلام والرحمه

[قطــ86ــر]

السلام عليكم جميعا

وعليكم السلام و رحمة الله وبركاته

[قطــ86ــر]

ما شاء الله

مصرف البتان صامل :ok2:

[معماري قطري]

انا اقول لو كل التجار يختلفون مع بعض بيحرقون الاسعار و بنطلع احنا مستفيدين :nop:

لو في سوق فيه ضوابط صارمة لكن مثل سوقنا ما اظن

[معماري قطري]

عالأقل ازدان ما ينشرون افصاحات مغلوطة

أكيد إزدان مهنيتهم أعلى ونتمنى ما يطلعون من السوق ولا اتوقع الطلوع بيكون سهل في ظل تواجد المحافظ .. والمفروض فيه قوانين في السوق تمنع حصول هالشيء مب على كيفك تدخل وقت ما تبي وتطلع وقت ما تبي .. ما تبي أسهمك بيعها

[Mmt]

اشدعوه مافي تفاعل للسوق مع صفقه بوعلام شكله السوق زعلان على حالنا يالعرباويه

[Mmt]

اذا جذي رجعوا العربي للبطولات وخذوا جمهور وخذوا سيوله بالسوق هههه

[معماري قطري]

اشدعوه مافي تفاعل للسوق مع صفقه بوعلام شكله السوق زعلان على حالنا يالعرباويه

طول ما انت عرباوي بيكون السوق بخير إن شاء الله

[معماري قطري]

117 مليون وعلى الاغلاق فوق 150 مليون نعمة بس نبغي اغلاق أخضر حتى لو نقطة

[.:: القيصر ::.]

عدنا لكم

[Mmt]

طول ما انت عرباوي بيكون السوق بخير إن شاء الله

هههه شفت اشلون عطيتك دافع للصبر

[Mmt]

عدنا لكم

ولكم ولكم ياجرعه الامل

[مضارب متعور]

ولكم ولكم ياجرعه الامل

جرعة أمل .. ينفع اسم مسلسل خليجي حق رمضان

[zego]

شوفوا الرعاية وتابعوا

[بوخميس]

جرعة أمل .. ينفع اسم مسلسل خليجي حق رمضان

هههههههههههه

تذكرت احمد صالح

اديني الحقنة بسرعة ارجوك محتاج الجرعة

[.:: القيصر ::.]

ههههههههههههههههههههه

[مضارب متعور]

العروض فالاجارة تحسسك إن السعر 19 مب 17

[Mmt]

هههههه

[مضارب متعور]

هههههههههههه

تذكرت احمد صالح

اديني الحقنة بسرعة ارجوك محتاج الجرعة

escape

[Mmt]

تتوقعون السيوله رايحه رامز والميره وكارفور ؟

[معماري قطري]

تتوقعون السيوله رايحه رامز والميره وكارفور ؟

أكيد سيولة ربع بو جبر اللي مستعجلين على البيع

[بوخميس]

اغلاق اخضر

لكن ما يسر الناظرين

[Mmt]

اغلاق اخضر

لكن ما يسر الناظرين
ماتوقع بصراحه

[A7med]

الدنيا شكلها حمره

[Mmt]

أكيد سيولة ربع بو جبر اللي مستعجلين على البيع
ههههه