نتمنى نشوف هالأشياء في مدارسنا

[معماري قطري]

ما شاء الله الحكومة ما قصرت في الصرف الكبير على المدارس وتصميمها لكن فيه بعض النواقص وبعضها تم تعديلها بصورة غير صحيحة مثل مخارج الحريق والطواريء .. هذي شفتها كيف تم تركيب درج حديد مزعج وباب خروج عادي مقفول ومفتاحه عند أحد المشرفين في الدرج

انا حسب معرفتي لهذي الأبواب بأنها تكون والواحد يركض يضربها وتنفتح للخارج وليس للداخل .. لأن وقت الطاريء الخروج يكون سريع وبعدين حسب العدد الموجود يتم توزيع هذي المخارج وبحيث تكون مضمونة الوصول للمجموعة المتواجدة في مكان أو جهة معينة من المبنى بما يعني إن باب واحد ما يفي بالغرض .. ثاني شيء الباب لازم يكون مربوط بجرس إنذار يصيح من ينفتح وينذر الباقيين ولو حد فتحه ينعرف ويتحاسب لو مب وقت حريق أو مشكلة طارئة .. وشيء مهم آخر في الغالب أبواب الطواريء للمستشفيات والمدارس والمولات تكون صفاقتين بعرض بحدود 2 متر وأكثر ولو كانت زجاج تكون غير قابل للكسر أو ينكسر ويتناثر بدون ما يجرح .. ويكون فيها قاعدة عريضة لو ضربها الهارب برجله ما يصيب الزجاج وكذلك عارضة وسطية للدفع باليد .. العرض ضروري لخروج أكبر عدد من الطلاب

كذلك الدرج للنزول لازم يكون محمي ومغطى وسعته مناسبة وخصوصاً للتجمع في بدايته تكون فيه مساحة كافية

هذا شيء والشيء الآخر قلة دخول النور الطبيعي للمدارس واستوت شبه مغلقة ونعرف نقص فيتامين دال وكثرته وهذا أحد أهم أسبابه وأكيد هناك أُمور كثيرة بعضكم لاحظها وعرفها وممكن يشارك بها

هذي صور لبعض المدارس حول العالم حتى نعرف شكثر فيه فن في البناء والاستعمال والترفيه للطلاب

http://i.imgur.com/ACkUuhS.jpg

[معماري قطري]

الأخير صندوق فيه أكياس اللي بفقاعات حتى الواحد لو متوتر يضغط عليها وتهدأ أعصابه

[بوخالد911]

اللي يبط الجبد
لما يكون المفتاح عند موظف وهو مسافر
!!!

[معماري قطري]

اللي يبط الجبد
لما يكون المفتاح عند موظف وهو مسافر
!!!

لو تكرم رايح الحمام الحريق ما ينطر

[معماري قطري]

الزحلاقيات هذي ترفيهية أكثر وتحتاج الطلبة ينتظمون وحد يشرف عليهم وقت النزول ربعنا بيتداعمون وينحشرون فيها

[سالم الزهران]

والله يا ابو عبدالله هذي اشياء اساسية و لكن المقاول ما يعرف يسوي الا النموذج الف وباء وجيم اللي وارثينه من الثمانينيات

اما بالنسبة للمدارس والتعليم عموماً (وعذرني لوخرجت عن الموضوع) فالهم كبير وقبل المباني نبغي ننشدهم عن النظام التعليمي اللي اشغلوا به خلق الله و تحصل المعلم يكتب مسكين على حاسوب وعلى سبورة وعلى دفتر تحضير ويسوي تقارير ويتابع الطالب فلان و يسوي انشطة خارج الفصل ويمسك جماعة المسابقات و يرتب معهم للحفلات اللي في المدرسة و بعد كل هذا يبونه يعلّم ( بل مركب مكينة جمس )؟

انا ما اشجع و لا اوافق على وقت المدرسة الموجود حالياً ولا طريقة التعليم و وضع المعلمين المزري و الخمسطعش مادة اللي يدرسونها ويطلعون بلاش حتى قرآن ما يعرفون له. كلام اقوله واعرف وش اقول اني لا حظت ان عيالي استفادوا من ( ناشيونال جيوقرافيك ) اكثر من مدرستهم و خاصه في العلوم.

يبه احنه متخلفين و ما راح نتطور ....

[معماري قطري]

حياك الله إخوي بو زيد

عندي صور ثانية باحطها إن شاء الله دامجين الوسائل التعليمية في المبنى وإحنا عندنا ملامح من هذي بس نحتاج ابتكار أكثر

عن التحضير والنسخ للمعلم هذي طريقة فاشلة وكنت اشوف مدرسينا في أمريكا يعيدون حتى أسئلتهم سنين طويلة وممكن يضيفون شيء بسيط .. هو ملف واحد يضيف عليه حسب المستجدات لكن ما ينسخه كل سنة

المفروض المدرس يعطى مهام محددة وهو يسويها ويطور نفسه وكذلك لو فرضنا للمدرس ساعات تدريس + ساعات مشاركة إدارية + ساعات مكتبية وممكن حتى نضيف عليها برامج تدريبية في المدرسة حتى يتطور .. ووقت فراغه هو حر يسوي اللي يبغي انت تطلب منه أداء ما تطلب منه تواجد دائم وساعات محددة

[بانغ بانغ]

حجي بوعبدالله

مفهوم السيفتي معدوم عندنا بمدارسنا

ما تعلموا من فيلاجيو

[معماري قطري]

هذي مجموعة ثانية نشوف فيها كيف الإبتكار حق مساحات اللعب للأطفال خصوصاً للروضة ومن أول لثالث إبتدائي أو الإبتدائية بالكامل

http://i.imgur.com/BBkT3W2.jpg

حتى المطر يجمعونه فوق السطح وينزلونه في الساحة الداخلية للعب الأطفال والنور الطبيعي يدخل ساحة المدرسة مع ممراتها

[معماري قطري]

عندنا بعض الروض ما تحصل فيها حوش كلها مغطاة ببنيان رخيص بدون مراعاة للخطر والحريق

[@north_star@]

فعلا أفكار عملية لحالات الحريق لا قدر الله وللاسف في بعض المدارس تحصل باب المهرب عليه صنقل وقفل ما أدري منو صاحب الفكرة

[مرتبش]

المدارس المستقلة متطابقة مع شروط الدفاع المدني والقديم منها تم تعديله واضافة ابواب هروب وسلالم خرسانية كجزء من المبنى..
افكار البناء كثيرة لكن تعال للنظام التعليمي اللي فشل في التربية البدنية وفشل في الفنون البصرية وفشل في ادخال الكمبيوتر والحقيبة الالكترونية وفشل في المستقلة تبيه يسمح للاطفال بالتعلم باللعب
مستحيل المخ متبرمج على العصا والسيطرة التامة عشان الاطفال يطلعون رجال

[معماري قطري]

فعلا أفكار عملية لحالات الحريق لا قدر الله وللاسف في بعض المدارس تحصل باب المهرب عليه صنقل وقفل ما أدري منو صاحب الفكرة

جهل يا اخوي وقلة قوانين والمفروض الدفاع المدني مسؤولين عن الفحص الدوري ويحاسبون المخطين

عيل تعال شوف اللي يسمونها روضة جونيورز جنب بيتي .. حوشها كله شينكو متعجب شلون يتنسمون فيها .. ينطرون يستوي حريق فيلاجيو ثاني وتتدخل ارادة أميرية حتى يصححون الوضع .. ما ادري ششغلهم .. قدمت شكوى ولا فاد

[معماري قطري]

المدارس المستقلة متطابقة مع شروط الدفاع المدني والقديم منها تم تعديله واضافة ابواب هروب وسلالم خرسانية كجزء من المبنى..
افكار البناء كثيرة لكن تعال للنظام التعليمي اللي فشل في التربية البدنية وفشل في الفنون البصرية وفشل في ادخال الكمبيوتر والحقيبة الالكترونية وفشل في المستقلة تبيه يسمح للاطفال بالتعلم باللعب
مستحيل المخ متبرمج على العصا والسيطرة التامة عشان الاطفال يطلعون رجال

أذكر مدرسة شفت الباب ألمنيوم عادي والدرج حديد وضيق ولا فيه أي مطابقة لمواصفات الأمن والسلامة المعروفة عندي .. أشغال عالم ثاني والدفاع المدني كذلك ما ادري شلون يوافقون على هالأشياء

[معماري قطري]

لو مواطن بيبني بنيان تجاري عمارة مثلاً .. يطالبونه بأُمور اطفاء وانذار وتعقيدات كثيرة انا شخصياً ما اشوفها في كثير أماكن عامة ومدارس

في بعض الدول عارفين عقلية الأطفال ومانعين الروضة تكون دورين لازم دور أرضي ومفتوحة على الحديقة لسهولة الهروب

[معماري قطري]

وهذي صورة تعرض كيف درس الطبخ مركبين مراية بزاوية تعكس سطح الطاولة اللي تشتغل عليه المدرسة يعني الطالب يشوف من فوق مباشر

واستغربت عندهم كورسات طبخ مب مثل حالتنا تخلينا عن أُمور كثيرة .. ثرى كمية وعدد المواد سهل نتحكم فيها وممكن نعطي عدد 20 مادة في السنة 10 في الفصل الأول وننهيهم بالكامل و10 في الفصل الثاني .. ومب لازم نختم العلم بالكامل ناخذ مقتطفات من كل مادة والمواد النوعية ضرورية وتساعد الطالب على الابتكار والتفكير وحب المدرسة والانتماء لها

http://i.imgur.com/GUwDQFw.jpg

[معماري قطري]

الصورة الثانية لو الطالب ناسي شيء يقدر يشتريه من هذي المكينة مثل قلم أو دفتر

[حـ ن ـيـ ن]

فكرة جميلة ، لكن لو أنك ترى مكاتب المعلمات

ماتصدق إن هذا مكتب معلمة سنة 2017 في قطر

والسبب ، هل من الوزارة ؟! هل من الإدارة ؟! الله أعلم

[معماري قطري]

فكرة جميلة ، لكن لو أنك ترى مكاتب المعلمات

ماتصدق إن هذا مكتب معلمة سنة 2017 في قطر

والسبب ، هل من الوزارة ؟! هل من الإدارة ؟! الله أعلم

أتوقع مشترك والمديرة تحصلين مكتبها مهتمة فيه ونوع غالي والمفروض فيه حد أدنى والمكتب يكون خاص وينقفل ويفترض فيه جميع مراجعها وكذلك ساعات عمل وساعات مراجعة طلابية في أوقات محددة وباقي وقتها هي حرة فيه .. والمفروض نشجع على ممارسة هوايات وحتى مكان مخصص للاسترخاء لكل وزارة ووظيفة

حرام الإنسان يطحن طول وقت الدوام والا كله جالس مصطلب .. لازم نخصص مساحة للأكل ولمتابعة التلفزيون وغرفة لأجهزة رياضية بسيطة .. قبل عطوهم ميزانية كبيرة وعطوهم صلاحيات يبتكرون وألحين رجعوا للوراء مسافة بعيدة وكل شيء بطلب واجراءات مطولة ومزعجة

[حـ ن ـيـ ن]

أتوقع مشترك والمديرة تحصلين مكتبها مهتمة فيه ونوع غالي والمفروض فيه حد أدنى والمكتب يكون خاص وينقفل ويفترض فيه جميع مراجعها وكذلك ساعات عمل وساعات مراجعة طلابية في أوقات محددة وباقي وقتها هي حرة فيه .. والمفروض نشجع على ممارسة هوايات وحتى مكان مخصص للاسترخاء لكل وزارة ووظيفة

حرام الإنسان يطحن طول وقت الدوام والا كله جالس مصطلب .. لازم نخصص مساحة للأكل ولمتابعة التلفزيون وغرفة لأجهزة رياضية بسيطة .. قبل عطوهم ميزانية كبيرة وعطوهم صلاحيات يبتكرون وألحين رجعوا للوراء مسافة بعيدة وكل شيء بطلب واجراءات مطولة ومزعجة

مكاتب المعلمات كما وصفتها لك ، وهذا قبل أن تسحب الصلاحيات والميزانية من المدارس المستقلة

[معماري قطري]

مكاتب المعلمات كما وصفتها لك ، وهذا قبل أن تسحب الصلاحيات والميزانية من المدارس المستقلة

كانت فرصة وقتها وألحين بيروقراطية وتعقيد ومطالبة وميزانية .. الله يعين المدرسين والمدرسات

[معماري قطري]

صباح الخير

هذي مجموعة صور ثانية في الأُولى ترقيم الزوايا والتعريف بها عن طريق الباب

والثانية الجدول الدوري للعناصر الطبيعية وفيه أمثلة لبعضها والعملية سهلة جداً وترسخ المعلومة عند الطلاب والأخيرة كذلك معلومات عن الكربون ووزنه الذري مكتوبة على الطاولة

قبل الأخيرة الكرسي معاه دواسات لتحريك الأرجل والقضاء على ملل الأطفال من الجلوس الطويل والسماح لهم بمجال حركة وهذي طبيعة الطفل ما اشتغلوا ضدها

http://i.imgur.com/gK2XIwt.jpg

[حـ ن ـيـ ن]

صباح الخير

هذي مجموعة صور ثانية في الأُولى ترقيم الزوايا والتعريف بها عن طريق الباب

والثانية الجدول الدوري للعناصر الطبيعية وفيه أمثلة لبعضها والعملية سهلة جداً وترسخ المعلومة عند الطلاب والأخيرة كذلك معلومات عن الكربون ووزنه الذري مكتوبة على الطاولة

قبل الأخيرة الكرسي معاه دواسات لتحريك الأرجل والقضاء على ملل الأطفال من الجلوس الطويل والسماح لهم بمجال حركة وهذي طبيعة الطفل ما اشتغلوا ضدها

http://i.imgur.com/gK2XIwt.jpg

افكار رائعة ، سهل تطبيقها

[معماري قطري]

افكار رائعة ، سهل تطبيقها

إحنا ندفع وايد وناخذ شوي