كم سعر البناء بالمتر المربع

[البيت القديم]

السلام عليكم ورحمة الله وبركاتة

اخواني واخواتي ممكن اتفيدوني بخصوص اسعار البناء في هذه الفترة وهل سعر المتر نزل في الفترة الاخيرة كما نسمع؟

وهل هناك فرق بخصوص سعر المتر بالنسبة للفلل الصغيرة والفلل الكبيرة؟

ولكم جزيل الشكر والامتنان

[البيت القديم]

اتمنى من المشرفين نقل الموضوع الى قسم المقاولات

[معماري قطري]

هالوقت ذيه محد يقدر يعطيك سعر المتر الا في حالة وحدة .. يبالغ لك في السعر ويكون ضامن ربحه ولا يخسر وبعدين يشتغل لك بأرخص ما يمكن

لكن لو مواصفاتك واضحة ورسوماتك مفصلة عدل تقدر تشوف 5 مقاولين معتبرين يدرسون عقدك ويسعرون وانت تختار اللي يناسبك

لاحظت أوقات تروح لمقاول قوي يعطيك سعر ما تتوقعه وصغير وعادي يبالغ مبالغة كبيرة .. بعض المقاولين الكبار كل شيء متوفر عنده وكل العمال ومحتاج شغل يطلع منه رواتب اللي عنده ويسعر بعقل لأنه عارف لو سعر غالي بتروح لغيره .. بعضهم الردي مكس والمنجرة وحتى محل الأدوات الصحية عندهم مثل تدمر ومثل سريع الكعبي عنده غالبية اللي يحتاجه للتنفيذ ومثل ومثل شركات كثيرة صعب أعددها

[معماري قطري]

وقت المناقصة دوم تشوف تفاوت كبير في السعر بين كم شخص ولو تقسم السعر على كم متر عندك بتحصل سعر المتر ممكن من 1500 إلى 3000 حسب مواصفاتك وحسب المقاول .. مستحيل تحصل مقاولين اثنين يعطونك نفس السعر بالضبط الا في حالة المقاولين ذيلا في الأصل شركة وحدة واللي يسعر لهم شخص واحد

[البيت القديم]

الله يعطيك العافية اخوي معماري قطر..

سؤال اخوي اذا شركة عطتني في هالوقت سعر متر العظم وبلستر 800 او اقل من 800

هل اعتبر هذا سعر السوق او سعر غير واقعي؟؟

[bentelyarnag]

ما اعتقد الي عطاك هذا السعر عنده شركة .

[معماري قطري]

الله يعطيك العافية اخوي معماري قطر..

سؤال اخوي اذا شركة عطتني في هالوقت سعر متر العظم وبلستر 800 او اقل من 800

هل اعتبر هذا سعر السوق او سعر غير واقعي؟؟

ما اقدر احكم على السعر بدون مواصفات وتفاصيل كاملة

ما ادري يمكن بيركب لك أرخص نوع طابوق وكميات الحديد بيفترضها على كيفه .. صراحة ما عمري غامرت ببنيان بالمتر لازم تفصيل للعقد وفي الغالب حساب كميات .. شوف واقرأ موضوع العقود بتحصله أول موضوع مثبت في منتدى البناء والديكور فيه شرح وافي وان شاء الله يكون مبسط وينفهم

وشوف موضوع مراجعة التصاميم المعمارية ممكن يفيدك

وأي واحد بيوقع معاك عقد اطلب سجله التجاري ورخصته ووقع بحضور استشاري .. البعض يستهينون ببنيان العظم وهو البداية وأهم شيء وأكثر المتقيولين ما نقول عنهم مقاولين يموتون على هالنوع من البنيان .. لو يحصل واحد منتبه وجدي وبيدقق في العقد وبيوقع عن طريق استشاري أما يشرد أو يغير كل كلمة قالها

[البعيد]

وعليكم السلام

شوف هالفيديو يمكن يفيدك
https://youtu.be/pgHtkR2O9eo

[qatarman8008]

سعر متر العظم يعتمد على الخرايط..
حجم العمدان والسقف وحجم الحديد والاقواس والديزاينات الداخلية وكذلك ارتفاع السقف واذا بتركب مكيفات دكت..
اذا كان اللي عطاك هالسعر مقاول عنده خبره في هالمجال ودرس الخريطة عدل فاعتقد انه سعر منافس جدا..
لان الحين يبنون بتسعمية ريال للمتر اذا كان البيت عادي..
اما اذا كان مزركش ومدلع عدل احتمال يوصل السعر الى الف وخمسمة للمتر الواحد..
بعض المقاولين للاسف يتعاملون مع سماسرة للخرسانات والحديد بسعر اقل من سعر المصنع..
يعني المصنع يبيعها بسبعمية وهو يجيبها لك بستمية .. اشلووووووووووون..!!
تطلع الخلاطة من مصنع الريدي مكس الى مصنعهم.. ينزلون ربع الخرسانة ويضيفون تراب وكنكري ..
وتوصل عندك سعرها ستمية..!!
الحديد والطابوق يكون مخزن من فترة طويلة في ضروف غير ملائمة وضاربه شوي صدا..
القواعد والاساسات للبيت تكلف كثير.. لكن هو يصغرها عشان يوفر له مية الف..
فلازم تنتبه لاساليب التحايل مالهم لانك لو طحت على مقاول غشاش راح ياخذ فلوسك وبتم تركض وراه في المحاكم بالثلاث والاربع سنين وبيتك واقف..

[qatarman8008]

ما اقدر احكم على السعر بدون مواصفات وتفاصيل كاملة

ما ادري يمكن بيركب لك أرخص نوع طابوق وكميات الحديد بيفترضها على كيفه .. صراحة ما عمري غامرت ببنيان بالمتر لازم تفصيل للعقد وفي الغالب حساب كميات .. شوف واقرأ موضوع العقود بتحصله أول موضوع مثبت في منتدى البناء والديكور فيه شرح وافي وان شاء الله يكون مبسط وينفهم

وشوف موضوع مراجعة التصاميم المعمارية ممكن يفيدك

وأي واحد بيوقع معاك عقد اطلب سجله التجاري ورخصته ووقع بحضور استشاري .. البعض يستهينون ببنيان العظم وهو البداية وأهم شيء وأكثر المتقيولين ما نقول عنهم مقاولين يموتون على هالنوع من البنيان .. لو يحصل واحد منتبه وجدي وبيدقق في العقد وبيوقع عن طريق استشاري أما يشرد أو يغير كل كلمة قالها

كفيت ووفيت.. واضيف..
اطلب السجل التجاري الاصلي وقيد المنشاة الاصلية ولازم يكون اسمه من المخولين بالتوقيع..
راجع تاريخ الشركة وانزل معاه الى مواقع قاعد هو يبني فيها وشوف بنفسك..
خذ معاك واحد عنده خبرة في البنيان لان بيكون منتبه لشغلات بسيطو مايلاحظها الشخص اللي ماعنده خبرة..

[swairah]

قرأت في الجريدة من ثلاث أيام مقاول معلن أن المتر المربع للبناء عظم 700 ريال وساري هذا العرض فقط في رمضان ولا أعرف كم رقمه ولكن يمكنك أن تفتش في الجرائد
نصيحة ياخوي اذا أتفقت مع مقاول لابد أن تسأله عن البنيان القائم به حاليا حتى يتسنى لك أن ترى عمله كيف وتسأل راعي البيت عن هذا المقاول كيف كان معه أثناء البنيان هل هو ملتزم أم لا.
وجعل ربي يوفقك لما يحبه ويرضاه سبحانه.

[بوخالد911]

ما بين
900 - 1200

والله الموفق.