اخرت اعلانات الفيس بوم

[partyQtr]

صبحكم الله بالخير ومبارك عليكم الشهر وربي يجعلنا من صوامه وقوامه وعتقاءه من النار


عندي موضوع طبعا غلطتي بالدرجه الأولى بس في النفس الوقت كنت مضطره ، جفت اعلان في الفيس بوك لشركة تنظيفات وجفت صور تنظيفهم

وكلمتهم على اني ابي انظف سيارتي اسألوني جلد ولى قماش ونوع السيارة وعلى أساسه حددو السعر اللي هو 280 جفت المبلغ بسيط لما قارنته

بالصور اللي منزلينها سيايير الفرش مالهم كان عبارة عن شيء مايتشاهد وصار يلق لق من النظافه المهم يوني امس من الساعه 4 لين 7 ونص تقريبا


خلصوا وحاسبتهم وراحو لانه ظلام وجي ومع تعب الصيام كنت عيزانه اجوف السياره قعدت الصبح للدوام انصدمت بالمنظر اول شيء السيارة كلها ماي وريحتها

من الماي تلوع الجبد مع اني كنت مخلية الأبواب والدرايش مبطله ثاني شيء الكراسي كلها بقع والفرش اللي كان عالارض كله ماي ووصخ وطين

المهم جوفو صورة السيارة واحكمو الحين صج استخسرت فيهم ال 280 اللي كنت اجوفها اشوي وكلمتهم قالولي شكلها الكراسي بقعت لانه

الستاف اللي طرشناهم مانشوفها وسوري وبنخليهم ياخذون بالهم مره ثانية تخيلو الرد عاد الحين انا محتاره ولانهم لوعو جبدي خيرتهم ينظفونها ولى

يردون فلوسي ولى بشتكي عليهم وماردو علي والشركه هنود اللي يتواصلون معاي

ماادري اشرايكم وسوري لو مكان الموضوع غلط

[المحاميه]

عليكم السلام
ومبارك عليج الشهر

الفيس بوك هو اخر خيار لي هذا اذا فكرت اطل فيه ..

المهم اختي
اذا تبين الصج
الغلطه غلطتج
بتقولين ليش؟
باقولج لانج اخترتي مكان وشركه غير موثوقه ولا لها سمعه ..
يعني المفروض لما تختارين شركه .. تختارين شي حد من الي حولج او من المشاهير مجربه ونتايجه مضمونه ..
وفوق هذا خليتيهم 3 ساعات بدون رقابه ولا تشييك ..

عاد خبرج الي ماعندهم ذمه ولا ضمير وايد هاليومين..
معوضه خير..
واعتبريها دافع بلا عنكم..
وودي سيارتج مكان مضمون .. او اتصلي بشركه ثقه ..

والله يعينج

[R 7 A L]

شغل اي كلام

[ممنوع اللمس]

كلميهم يردون الفلوس

[عايش فرحان]

مع هالشركات المجهولة .. يفضّل ان يكون الدفع بعد الاستلام ..

[الحاقول]

هذي نفس مشكلتي السنه الماضيه بعد غسيل السياره في البيت
من قبل احد الشركات وجدت عنوانهم على جوالي
صارت سيارتي ريحتها خايسة لمده اكثر من أسبوع
رغم وضع البخور والعود وكل العطور الرجاليه والنسائيه
ولكن بدون فائده حسبي الله على هذه الشركه .
اكثر من أسبوع وانا اخجل ان يركب معي احد الاصدقاء في سيارتي بسبب
الريحة الخايسة فيها والله فشله واايد واايد

[aloosh]

فيه محل عند سوق البادي في ريان شغله نظيف صراحه في زاويه من شمال

[طلعة الروح]

انا عندي مبدأ اخلي السيارة وصخه ومغبره احسن من اجيب لي عماله مع احترامي شغل يزيد الطين بله دور الثقه حتى لو دفعت اكثر ولا اقعد اعصب على شغل عامل غير محترف مثل بعض اللي يغسلون السيارات ف الشارع ما اثق في شغلهم نهائي همهم تجميع الفلوس وبس

[شموخ دائم]

,

,


مرحبا


السلام عليكم


من حقك ان تحصل على خدمه ( ترضيك ) مهما كانت الشركه
ما دام انها مسجله في وزاره الاقتصاد ولها سجل تجاري
ولها رخصه من البلديه
من الواجب انها تقدم خدمه مرضيه للزبون
وفيها الكفائه لتباشر عملها كشركه تجاريه

ومن حقك الان تأخذ الصور
والفاتوره
وتقدم شكوه الى حمايه المستهلك
انك دفعت مقابل ( خدمه سيئه )
اما يصلحون شغلهم
او يرجعون المال

حتى لو ما سئلت عن الشركه
وحتى لو شركه اخترتها من أي وسيله دعايه جريده او انترنت
لانها شركه مسجله بالدوله
من حقك تشتكي

انصحك حمايه المستهلك
اتصال تلفون لهم يكفي مع الصور وصوره من الفاتوره

مو علشان ( الفلوس ) عشان يتوقف اخذ الفلوس بدون وجه حق
اما يعدلون خدمتهم او يسكرون شركتهم

ما نتركهم ينصبون على الناس وشغل أي كلام

:nono:

,

,

[partyQtr]

تسلمون عالردود

المشكله مو في الفلوس المبلغ بسيط ودفعة بلى

المشكله في ريحة السيارة الحين ريحتها خياس جربت كل الحلول مافادت

وشئ ثاني الوصخ اللي عالكراسي

وماعطوني فاتورة للأسف بس محادثتهم معاي موجودة ماادري لو هاي يعتبر دليل كافي

وهم شركة يعني مب مكان مجهول

وردو علي بنطرش لج إياهم مره ثانية المفروض يوم الخميس

ولى طرشوهم

[المحاميه]

لما شفت هالاعلان تذكرتج

تفضلي
وان شاء الله تنحل مشكلتج ..

http://store6.up-00.com/2017-06/149656537157841.png