انا قطري مب مشتغل عدل لاني مستحيل اتنفنش ؟!

[حمد 2002]

السلام عليكم ورحمه الله وبركاته

سؤالي وباختصار

هل عدم خوف بعض القطرين من وقوع عقوبه وجزاء التنفيش ، وضمانهم بانه مهما قل ادائي مستحيل اتنفنش ، لاني مواطن ، ادى الى عدم احترام البعض لدواماتهم وبالتالي يقل انتاجهم وعطائهم الوظيفي ؟

تحياتي .

[أسد الجزيرة]

غير صحيح

السبب تهميش القطري من قبل المدير القطري والاجانب الي شايلين المدير

[حمد 2002]

غير صحيح

السبب تهميش القطري من قبل المدير القطري والاجانب الي شايلين المدير

صحيح كلامك يالذيب ، مدام انا جفت نفسي مهمش والمدير يعتمد على الاجنبي اكيد بيقل ادائي الوظيفي ..


تحياتي لك

[R 7 A L]

يعني انت تعني ان القانون الي عندنا
الي ينص على غياب الموظف لاكثر من عدد من الايام يؤدي الى فصله عن عمله
غير مُفعل عندنا

[بوحارب]

لأن القطري مهمش في أغلب الوظائف

[ضوى]

سلامتك ماعاد في قطري واجنبي ، اللي بيخورها يتفنش وكأنه الورد

[حمد 2002]

يعني انت تعني ان القانون الي عندنا
الي ينص على غياب الموظف لاكثر من عدد من الايام يؤدي الى فصله عن عمله
غير مُفعل عندنا

بشكل عام اقصد ..

يعني انت اذا مب مهتم بدوامك وتحضر لمجرد الحضور واتاخر الشغل وماتشتغل بضمير . ماتخاف ليش ؟ لانك مواطن ومستحيل تتنفنش !! ..


قصدي كذا يالذيب

[حمد 2002]

لأن القطري مهمش في أغلب الوظائف

صحيح كلامك ، نتيجه الاعتماد على الاجانب بأغلب الامور .

تحياتي.

[المحاميه]

اتنفنش

شنو يعني؟ عجزت افسر هالكلمه الي رازها فالعنوان :d

[حمد 2002]

سلامتك ماعاد في قطري واجنبي ، اللي بيخورها يتفنش وكأنه الورد

بالعكس المواطن صعبه يتنفنش .

يعني انا احضر وماغيب بس ماشتغل واخر الشغل ومانتج بالشكل السليم اثناء العمل .

صعبه اتنفنش ،

بعكس الاجنبي الي يمكن يتفنش بدون سبب ..

تحياتي .

[المحاميه]

سلامتك ماعاد في قطري واجنبي ، اللي بيخورها يتفنش وكأنه الورد

صحيح
مادري من وين يجيب كلامه راعي الموضوع

[حمد 2002]

اتنفنش

شنو يعني؟ عجزت افسر هالكلمه الي رازها فالعنوان :d

اتنفنش ،، يعني انطرد من الدوام ..

[المحاميه]

يعني انت تعني ان القانون الي عندنا
الي ينص على غياب الموظف لاكثر من عدد من الايام يؤدي الى فصله عن عمله
غير مُفعل عندنا

سلامتك مفعل ونص
ويفصل
وشفت بعيني

[حمد 2002]

صحيح
مادري من وين يجيب كلامه راعي الموضوع

صعبه بل مستحيل المساواه مابين القطري والاجنبي بالتنفنيش ..

صدقيني ..

[المحاميه]

بشكل عام اقصد ..

يعني انت اذا مب مهتم بدوامك وتحضر لمجرد الحضور واتاخر الشغل وماتشتغل بضمير . ماتخاف ليش ؟ لانك مواطن ومستحيل تتنفنش !! ..


قصدي كذا يالذيب

بيأثر على تقييم أدائك السنوي ..
مع العلم أن التقاعس عن أداء واجبك الوظيفي على الوجه المطلوب يقودك للمسألة التأديبية ..

[بانغ بانغ]

لا حجي حمد

انا مفنش قطري من شهرين لان غايب ثلاث شهور بدون ابلاغي وبعد التحقيق معه اكتشفنا انه كذاب

الامور طيبة القطري مب فوق راسه ريشة .

في ناس مش محصله وظايف والبعض يتفلسف

[المحاميه]

صعبه بل مستحيل المساواه مابين القطري والاجنبي بالتنفنيش ..

صدقيني ..

الي يتعمد مايشتغل
يتخذون فيه اجراء
ويتابعونه
والحمل الأكبر ملقى على عاتق مسؤول الموظف ..

[المحاميه]

لا حجي حمد

انا مفنش قطري من شهرين لان غايب ثلاث شهور بدون ابلاغي وبعد التحقيق معه اكتشفنا انه كذاب

الامور طيبة القطري مب فوق راسه ريشة .

في ناس مش محصله وظايف والبعض يتفلسف


صحيح
الوضع تغير
والكل يتحاسب
هذا الي اشوفه
وماشفت استثناءات ولا خرابيط ..

[حمد 2002]

لا حجي حمد

انا مفنش قطري من شهرين لان غايب ثلاث شهور بدون ابلاغي وبعد التحقيق معه اكتشفنا انه كذاب

الامور طيبة القطري مب فوق راسه ريشة .

في ناس مش محصله وظايف والبعض يتفلسف

الغياب لك عذرك بتفنيشه

لكن

لو انا ادوام كل يوم

بس مشكلتي ما انتج وظيفيا بالشكل السليم واخر الشغل وشغلي مب جيد .


صدقني صعبه اتفنشني .

[أسد الجزيرة]

عند معظم المدراء القطريين اهم شي الحضور و الغياب غيره مب مهم

[بانغ بانغ]

الغياب لك عذرك بتفنيشه

لكن

لو انا ادوام كل يوم

بس مشكلتي ما انتج وظيفيا بالشكل السليم واخر الشغل وشغلي مب جيد .


صدقني صعبه اتفنشني .

قسما بالله امرمط فيك وامشيك حافي عز القايلة

[حمد 2002]

بيأثر على تقييم أدائك السنوي ..
مع العلم أن التقاعس عن أداء واجبك الوظيفي على الوجه المطلوب يقودك للمسألة التأديبية ..

ان كثرت باخذ جيد ..

اداوم بنتظام ، ومارفض كلام مسؤلي ،

بس ما انتج وظيفيا ، واخر الشغل لاني ماقدر امسك اكثر من ماعمله بوقت واحد لانه هذي قدرتي وامكانياتي ،

شلون بتفنشني ؟

لكن لو كنت اجنبي اكيد بتنفنشي بسهوله لانك تبي انسان بروفشنال ..

[حمد 2002]

عند معظم المدراء القطريين اهم شي الحضور و الغياب غيره مب مهم

صدقت ..

بحضر وبوقع ، ومب منجز مهامي بالشكل السليم .

صعبه اتنفنش .

تحياتي .

[بانغ بانغ]

صحيح
الوضع تغير
والكل يتحاسب
هذا الي اشوفه
وماشفت استثناءات ولا خرابيط ..

صحيح كلامك محاميتنا القاطعة المختفية

شكلي برفع قضية على حمد قاعد ايوز الناس على عدم الانتاجية

[حمد 2002]

قسما بالله امرمط فيك وامشيك حافي عز القايلة

ماتقدر ..

في قانون واضح وصريح يحكم المجتمع ،

مدامني موظف ومحتمي بقوانين ، وابصم بالحضور والانصراف ، بس ماقدر امسك اكثر من معامله لانه هذي امكانياتي ومن قالكم توظفوني ووين اختبار القبول للوظيفه .

صدقني ماتقدر تنفنشي يامدير لانك مب في غابه عايش واقدر اشتكي عليك بالمحكمه الاداريه على اي تصرف مسيء تجاهي .


تحياتي .

[بانغ بانغ]

وينك يا التهار وبوحارب وولد العرب شوفوا رفيجكم

الظاهر فاطر

[بوحارب]

وينك يا التهار وبوحارب وولد العرب شوفوا رفيجكم

الظاهر فاطر

الظاهر !!

[بانغ بانغ]

ماتقدر ..

في قانون واضح وصريح يحكم المجتمع ،

مدامني موظف ومحتمي بقوانين ، وابصم بالحضور والانصراف ، بس ماقدر امسك اكثر من معامله لانه هذي امكانياتي ومن قالكم توظفوني ووين اختبار القبول للوظيفه .

صدقني ماتقدر تنفنشي يامدير لانك مب في غابه عايش واقدر اشتكي عليك بالمحكمه الاداريه على اي تصرف مسيء تجاهي .


تحياتي .

ههههههههههههههههههههههههههه

[mr. abdulla]

عند معظم المدراء القطريين اهم شي الحضور و الغياب غيره مب مهم


للأسف لان هذا اضعف الإيمان.. بعض الموظفين إنتاجيتهم صفر... لعدة أسباب قد يكون إهمال متعمد... او عدم تفرغة بسبب تجارته الخاصة خارج العمل.. على الأقل يشرف الدوام و يقعد على مكتبة...

[mr. abdulla]

تفتيش الأجنبي سهل و لكن يعتمد على عقدة .. اذا الاجنبي قام بواجباته بشكل صحيح و لكن تحتاج تقطر وظيفتة او تقلص المصاريف تعطيه نوتس من شهر الى ثلاث شهور على حسب العقد.. و اذا غلط و لو غلطة بسيطة او تخرب من الدوام من دون عذر حتى ليوم واحد فتفنشة و تفنيشة سهل جدا...

اما قطري فيصعب تفنيشة... فلابد من انك تأخذ اكثر من عدة خطوات لتصحيح مسارة و محاولة اعادة تطويرة .. و لابد الخطأ يكون متكرر و تم تسجيل المشكلة مع الموارد البشرية و أوقات تأخذ تعهد من الموظف قبل انك تستطيع ان تفنشة من الدوام...

في وظيفتي فنشت الاثنين و اقدر أقول الاجنبي ما يأخذ له اكثر من يوم او يومين اما القطري اللي مسوي نفس المشكلة يأخذ له فترة طويلة..

[mr. abdulla]

ماتقدر ..

في قانون واضح وصريح يحكم المجتمع ،

مدامني موظف ومحتمي بقوانين ، وابصم بالحضور والانصراف ، بس ماقدر امسك اكثر من معامله لانه هذي امكانياتي ومن قالكم توظفوني ووين اختبار القبول للوظيفه .

صدقني ماتقدر تنفنشي يامدير لانك مب في غابه عايش واقدر اشتكي عليك بالمحكمه الاداريه على اي تصرف مسيء تجاهي .


تحياتي .

اول مره اتفق وياك يا حمد.. و هذا صار لي اكثر من مره ... تبي طورني ما تبي بشتغل على قد حالي.. تعال شوفه برع الدوام.. هامور في تجارته الخاصة..

[R 7 A L]

بشكل عام اقصد ..

يعني انت اذا مب مهتم بدوامك وتحضر لمجرد الحضور واتاخر الشغل وماتشتغل بضمير . ماتخاف ليش ؟ لانك مواطن ومستحيل تتنفنش !! ..


قصدي كذا يالذيب

هل تطالب
بتغيير القانون ؟

[JN000N]

غير صحيح

السبب تهميش القطري من قبل المدير القطري والاجانب الي شايلين المدير

بالضبط بالضبط بالضبط

[الحياة الخالدة]

عندك مشكلة في كلمة يفنش لازم تضيف عليها حرف نون زيادة في كل مشاركة
اتنفنش
التنفنيش
يتنفنش

[JN000N]

صحيح كلامك يالذيب ، مدام انا جفت نفسي مهمش والمدير يعتمد على الاجنبي اكيد بيقل ادائي الوظيفي ..


تحياتي لك

ايواااه
انت كده صح

[بوحارب]

عندك مشكلة في كلمة يفنش لازم تضيف عليها حرف نون زيادة في كل مشاركة
اتنفنش
التنفنيش
يتنفنش

شكله يبي ياكل فشار هههههه

[JN000N]

سلامتك ماعاد في قطري واجنبي ، اللي بيخورها يتفنش وكأنه الورد

اسمحيلي ضوى
في هذي غلطانه
عندنا امثله وايد ف دوامنا
وبالعكس بعضهم صارو Managers!

[JN000N]

الغياب لك عذرك بتفنيشه

لكن

لو انا ادوام كل يوم

بس مشكلتي ما انتج وظيفيا بالشكل السليم واخر الشغل وشغلي مب جيد .


صدقني صعبه اتفنشني .

صصصصح كلامك صح
قدراتي على قدي :)

[العنيده]

التهميش من قبل المدير الاجنبي يسبب اكثر من هالشي محدثتكم وحده لاعت جبدها من تصرفات مديرتها بس لانه رزقي والحمدلله صابره والله المستعان ..
قل انتاجي وقل عطائي لانهم يبون جذيه .. بس بعد بنحاول لان بلادنا تستحق الافضل ..
قلة الانتاج لسبب .. خلونا نعرف اساسها وبعدها اللي بيتسيب نقدر نقوله استهتار ..

اسفه اذا طلعت من الموضوع ,, بس الشي يقهر :eek3:

[JN000N]

التهميش من قبل المدير الاجنبي يسبب اكثر من هالشي محدثتكم وحده لاعت جبدها من تصرفات مديرتها بس لانه رزقي والحمدلله صابره والله المستعان ..
قل انتاجي وقل عطائي لانهم يبون جذيه .. بس بعد بنحاول لان بلادنا تستحق الافضل ..
قلة الانتاج لسبب .. خلونا نعرف اساسها وبعدها اللي بيتسيب نقدر نقوله استهتار ..

اسفه اذا طلعت من الموضوع ,, بس الشي يقهر :eek3:

اتفق معاج بكل حرف

[ولد العرب]

قسما بالله امرمط فيك وامشيك حافي عز القايلة

يالله يالله جعلك ماتصير مديريcrazy

[ولد العرب]

وينك يا التهار وبوحارب وولد العرب شوفوا رفيجكم

الظاهر فاطر
عدل كلامه ماتقدر الحين نتحداك :app:

[ولد العرب]

عندك مشكلة في كلمة يفنش لازم تضيف عليها حرف نون زيادة في كل مشاركة
اتنفنش
التنفنيش
يتنفنش

ههههههههههههههههههههه

الحياه الخالده
انتي مطلوبه بالاستراحه
لايكون بنفطرك هناك :omg:

[راجي الْعفو]

بنوغ انت رجل قاسي اوي اوي ^_^

[daekan]

لأن القطري مهمش في أغلب الوظائف

[بانغ بانغ]

هههههه ولد العرب تراني اعرفك واعرف ربعك ، بجيبك بجيبك عندي

شيخ رجرج ، هؤلاء هم المتقاعسون ويجب ضربهم بيد من حديد

اخ لو بس ايخلوني مدير حمد وولد العرب ، الدنيا بتمشي صح ، اشكره صدام حسين امقعد

[المحاميه]

الغياب لك عذرك بتفنيشه

لكن

لو انا ادوام كل يوم

بس مشكلتي ما انتج وظيفيا بالشكل السليم واخر الشغل وشغلي مب جيد .


صدقني صعبه اتفنشني .

لان ماعندك شغل اصلا
هذي يسمونها البطاله المقنعه

[المحاميه]

ان كثرت باخذ جيد ..

اداوم بنتظام ، ومارفض كلام مسؤلي ،

بس ما انتج وظيفيا ، واخر الشغل لاني ماقدر امسك اكثر من ماعمله بوقت واحد لانه هذي قدرتي وامكانياتي ،

شلون بتفنشني ؟

لكن لو كنت اجنبي اكيد بتنفنشي بسهوله لانك تبي انسان بروفشنال ..

يتم توجيهه من قبل مسؤوله
حمد ترا هالكلام الي تقوله له اضرار على الموظف
لاتحرض على التقاعس ..

خل كل هالسوالف على صوب
طيب وين ذمتك وضميرك؟

[المحاميه]

تفتيش الأجنبي سهل و لكن يعتمد على عقدة .. اذا الاجنبي قام بواجباته بشكل صحيح و لكن تحتاج تقطر وظيفتة او تقلص المصاريف تعطيه نوتس من شهر الى ثلاث شهور على حسب العقد.. و اذا غلط و لو غلطة بسيطة او تخرب من الدوام من دون عذر حتى ليوم واحد فتفنشة و تفنيشة سهل جدا...

اما قطري فيصعب تفنيشة... فلابد من انك تأخذ اكثر من عدة خطوات لتصحيح مسارة و محاولة اعادة تطويرة .. و لابد الخطأ يكون متكرر و تم تسجيل المشكلة مع الموارد البشرية و أوقات تأخذ تعهد من الموظف قبل انك تستطيع ان تفنشة من الدوام...

في وظيفتي فنشت الاثنين و اقدر أقول الاجنبي ما يأخذ له اكثر من يوم او يومين اما القطري اللي مسوي نفس المشكلة يأخذ له فترة طويلة..

كلام واقعي ..

الخلاصه
لاتفرعن على بو انك قطري
ترا مردك بتقبض الباب

السستم تغير :)

[ولد العرب]

يتم توجيهه من قبل مسؤوله
حمد ترا هالكلام الي تقوله له اضرار على الموظف
لاتحرض على التقاعس ..

خل كل هالسوالف على صوب
طيب وين ذمتك وضميرك؟

وين مشكله كلامه صح ليش تهددون معيض :spider:2002

[المحاميه]

عندك مشكلة في كلمة يفنش لازم تضيف عليها حرف نون زيادة في كل مشاركة
اتنفنش
التنفنيش
يتنفنش

لاحظت من البدايه وقلتله بس هو مصر
مادري شالي ف راسه

[المحاميه]

وين مشكله كلامه صح ليش تهددون معيض :spider:2002

لان يقول مب مشتغل
وماراح اتفنش
كانه يتحدى

وين دوامك انت
خلني ابلغ عنك

[المحاميه]

انزين انا مسائيلي قطريين
بس لاعت جبدي الصراحه من الكد
واحس خلاص مابي اشتغل
وابي افنش نفسي
مانطرهم يفنشوني :eek2:

[ولد العرب]

لان يقول مب مشتغل
وماراح اتفنش
كانه يتحدى

وين دوامك انت
خلني ابلغ عنك

escape

[qatarman8008]

غير صحيح

السبب تهميش القطري من قبل المدير القطري والاجانب الي شايلين المدير

انتهى الكلام عقب هالعبارة..
كل اللي كنت افكر اكتبه مختصرهم الرجال الطيب في جملة..

[qatarman8008]

بعض المدراء يفضل انه بكون تحته مجموعه من الاجانب..
لانه ضعيف ويدري انه ضعيف ومعظم قراراته خطا..
ولا يعرف يطور في النظام ولا عنده خطه مستقبلية لتطوير العمل..
هو انحط مدير تشريفي وليس مدير فعلي..
شعاره امشي مع الموجه..
هذا المدير يقوم بكل ما اوتي من قوة باخفاء كل هذه العيوب عن طريق ابعاد واستبعاد وتهميش كل من يشك في انه ليس ماشي مع الموجه..

[الماريّة]

بانغ بنغ مايصير تصير مديرنا ولو مره

يااخي احب المدييير الصاااارم
الشاد على موظفينه وبنفس الوقت حقاني ويعرف متطلباتهم

كل المدراء الي عاصرتهم مايدرون عنا
واغلبيتهم لينين بالتعامل

ابغي مدييييير صارم جاد له هيبه بقراراته وحزمه

[بانغ بانغ]

بانغ بنغ مايصير تصير مديرنا ولو مره

يااخي احب المدييير الصاااارم
الشاد على موظفينه وبنفس الوقت حقاني ويعرف متطلباتهم

كل المدراء الي عاصرتهم مايدرون عنا
واغلبيتهم لينين بالتعامل

ابغي مدييييير صارم جاد له هيبه بقراراته وحزمه

هدية تلسكوب مع تمر ولبن حق المارية


ههههههه

انا احب النظام . ومادون النظام من طريقة عمل او الية عمل ممكن اكتسابها لانها مهارات اما الانتظام والنظام شي فطري والقيادة اهم من الادارة

هاي فلسفتي

[مستـريــح البـــال]

احنا في اوقات اذا ما حس القطري من مدير وموظف بأهميته وبحاجة الدولة له مثل ماهو محتاج للوظيفه فـ الله المستعان على الوضع ....

فـ اللي مب مشتغل اكيد بيكون عاله ويؤدي الى عرقلة الكثير من الامور والاجراءات ...

ولكن صج اللي يقهر لين الناس الفاهمه والمنتجه يتم تهميشها خوف على المنصب او ظهور ابداعه على الملأ ..

هنيه المفروض يجلد المدير او راعي المنصب ، ويشيل قشه ، ويروح يساعد في تحضير سفرة رمضان ابرك له ..

[شيخ القبيلة]

بانغ بنغ مايصير تصير مديرنا ولو مره

يااخي احب المدييير الصاااارم
الشاد على موظفينه وبنفس الوقت حقاني ويعرف متطلباتهم

كل المدراء الي عاصرتهم مايدرون عنا
واغلبيتهم لينين بالتعامل

ابغي مدييييير صارم جاد له هيبه بقراراته وحزمه

انا فعلا احتاج لموظفين جادين ومايحبون القرقرة نفس الي عندي الله يفكنا منها

[شيخ القبيلة]

حمد ترى تقدر تفنش القطري وبكل سهولة وطبعا اذا كان هو فعلا يستحق التفنيش
عن طريق كتب الانذار والخصم من الراتب
كل مرة تشوفه متقاعس عن عمله او يتاخر لغير عذر الخ صكه بانذار عادها مره ثانيه بعد انذار واعتقد المره الثالثة حسب ماسمعت ممكن انك تفنشه وتفك الادارة منه

[طبيب قطري]

موضوعك الصراحه ماله لزمه، المعروف ان وايد قطريين مظلومين بسبب هالاشاعه اللي مطلعينها الاجانب عليهم فرجاء لاتاخذ كلام منهم وتيجي تسويه موضوع ماراح نستفيد منه الا زياده الاشاعات عالقطريين

[بانغ بانغ]

لما كنت مدرس في قطر للبترول ، حصل وكان ولد خالتي معاي في الصف

شكله واثق اني بنجحه ، خليته ايعيد السنة وهلي انزعجوا وما قاموا ايكلموني

حرام اسرق جهود طلاب ابرياء وانجح ناس بالواسطة

فنفس الشي ينطبق عالشغل ، اللي ما يشتغل بحد ، في ناس اولى وعندهم عوايل ايكدون عليهم

اما اللي يتعذر لي بمسئول وقطريين ومافي انتاجية .... يبا بحنكتك وقيادتك ممكن تكسب قلوبهم وتخليهم احسن موظفين وفي نفس الوقت في لجنة تظلمات ممكن يرجع لها لو شاك في شي

[معماري قطري]

انا لو مدير وكنت خلال فترة بسيطة بادلع الكل

يالربع للناس ظروف

مرة كنت ادير شغلة نقل حواجز وترتيبها في منطقة وكانت أيام رمضان .. جاني سائق شاحنة باكستاني تعبان ومبين التعب عليه وشفايفه بيض من العطش قال بيحمل ويستئذني بيروح يرتاح وثاني يوم بيجي ينزل حمولته قلت له روح بدون ما يدرون ربعك سكاتي .. رحت ورجعت اشوف شسووا طلع شغال معاهم قلت له ليش قال حسيت إنك تبي الشغل يخلص وخفت اروح ويدرون ربعي واحرجك معاي وتصبرت .. كانوا كلهم يقدروني ويحبوني لأني ما اقصر معاهم في شيء

ألحين من يشوفوني مار صوبهم يقولون متى بتداوم

الشغل ما يخلص والعمر يخلص خلوا شوي للأجيال القادمة

[معماري قطري]

موضوعك الصراحه ماله لزمه، المعروف ان وايد قطريين مظلومين بسبب هالاشاعه اللي مطلعينها الاجانب عليهم فرجاء لاتاخذ كلام منهم وتيجي تسويه موضوع ماراح نستفيد منه الا زياده الاشاعات عالقطريين

كلامك قمة الصح

حمد خلاص لتطلع مواضيع علينا يو ار قطري

[بوخميس]

حمد ترى تقدر تفنش القطري وبكل سهولة وطبعا اذا كان هو فعلا يستحق التفنيش
عن طريق كتب الانذار والخصم من الراتب
كل مرة تشوفه متقاعس عن عمله او يتاخر لغير عذر الخ صكه بانذار عادها مره ثانيه بعد انذار واعتقد المره الثالثة حسب ماسمعت ممكن انك تفنشه وتفك الادارة منه

تحقيق
ولفت نظر
وانذار

واخرتها ينقلونه مكان ثاني أريح له

هذا اللي صاير عندنا، واللي يبي نقل وما يعطونه يعطيك شغل تعبان عشان تنجبر توافق على نقله وتفتك منه

[NeverLand]

انا لو مدير وكنت خلال فترة بسيطة بادلع الكل

يالربع للناس ظروف

مرة كنت ادير شغلة نقل حواجز وترتيبها في منطقة وكانت أيام رمضان .. جاني سائق شاحنة باكستاني تعبان ومبين التعب عليه وشفايفه بيض من العطش قال بيحمل ويستئذني بيروح يرتاح وثاني يوم بيجي ينزل حمولته قلت له روح بدون ما يدرون ربعك سكاتي .. رحت ورجعت اشوف شسووا طلع شغال معاهم قلت له ليش قال حسيت إنك تبي الشغل يخلص وخفت اروح ويدرون ربعي واحرجك معاي وتصبرت .. كانوا كلهم يقدروني ويحبوني لأني ما اقصر معاهم في شيء

ألحين من يشوفوني مار صوبهم يقولون متى بتداوم

الشغل ما يخلص والعمر يخلص خلوا شوي للأجيال القادمة

ياليتك مديرنا

وياشين التشدد اللي ماله حلاه واللي يخلي الواحد يطفش من الدوام بكبره

بامكانك تخلي الانتاجيه تزيد وتحبب الكل بالشغل باللين والتفاهم

مش تتعافر معاهم على دخول وخروج ربعه ونص ساعه وتركز على اشياء تافهه

احييك معماري

[طلعة الروح]

القطري يتفنش لو ماعنده واو
لو الواو موجوده وعلاقاته العامه زينه
يمكن يلعوزونه شوي بس مايطردونه خوفا من واسطته

[CH Engineer]

التهميش وعدم العدل هو السبب
قوانين كثيره لصالح الموظف القطري مايطبقها المدير

التفنيش عالجميع ولكن يمر على مراحل

[معماري قطري]

ياليتك مديرنا

وياشين التشدد اللي ماله حلاه واللي يخلي الواحد يطفش من الدوام بكبره

بامكانك تخلي الانتاجيه تزيد وتحبب الكل بالشغل باللين والتفاهم

مش تتعافر معاهم على دخول وخروج ربعه ونص ساعه وتركز على اشياء تافهه

احييك معماري

ولك كل التحية إخوي نفر لاند

هو لازم تعذر الناس وفي نفس الوقت تحببهم في الشغل وفي نفس الوقت تطور الشغل وآليته

لكن أوقات تكون ضمن منظومة ما تقدر التطوير ولا تبي تتطور وتركيزهم من فوق على الممنوع ولا

[بوخالد911]

لو الموظف انقطع عن عمله لمدة 15 يوما متصلة أو منقطعة يجوز للوزارة إنهاء خدماته.

[aloosh]

لا يا حمد كلامك غير صحيح
عندما يمسك القطري المسؤليه تحصله اول واحد يجي الدوام
فيه تاخير من الموظف نعم فيه ولكن صدقني القطري احسن من غيره حتى في تعامل