** ابي أحد يفهمني**

[ضوى]

السلام عليكم ورحمة الله وبركاته ،،

بادخل في الموضوع مباشرة ، عندنا ولد من الجماعة مولود بامريكا عمره حاليا 21 سنة تقريبا ، قرر يسافر امريكا سياحة ، وراح اليوم على أساس يسوي الفيزا ، صدموه وقالوا له لازم تقدم عالجنسية والجواز ، قالهم أنا مابي جنسيتكم ولا الجواز ولا راح أطالب فيه ، قالوا له اجباري لازم ، طيب هو عسكري وممنوع ادواج الجنسية ، وغير هذا عليها التزامات من ضرايب وخلافه ، شنو الحل ؟ واحد صادفته هالمشكلة ؟

شاكرة لكم

[حمد 2002]

الحل بسيط ،،

مدامه بيروح سياحه مب مجبور ايروح الله مكثر البلدان السياحيه بالعالم .

ايجوفله بلد ثاني للسياحه ، هذا الخيار الانسب .

تحياتي .

[بانغ بانغ]

واحد من الربع توه تنازل عن جنسيته الامريكية هو قطري ومولود هناك

بس كيف يطالبونه وهو ماعنده جواز امريكي ؟ كونه مولود هناك مب معناه اجباري يكتسب الجنسية

غريبة يمكن في لبس بالموضوع

[ضوى]

للاسف يابانغ هذا اللي صار

[بانغ بانغ]

ممممممممم سالوا حد في الجوازات احسن

[R 7 A L]

واحد من الربع توه تنازل عن جنسيته الامريكية هو قطري ومولود هناك

بس كيف يطالبونه وهو ماعنده جواز امريكي ؟ كونه مولود هناك مب معناه اجباري يكتسب الجنسية

غريبة يمكن في لبس بالموضوع

موب مجبور يكتسب الجنسية الامريكية
بس اذا بغاها في اقل من اسبوع يطلعها عن طريق السفارة



بالنسبه للي مولود في امريكا
مايقدر يسافر لها الا بالجواز الامريكي
هذا الي انا اعرفه



اذا حد يعرف شي غير الي انا اعرفه يفيدنا

[قطر خضراء]

وعليكم السلام ورحمة الله وبركاته

السفارة طبقت عليه التعديل رقم 14 في الدستور الأمريكي والذي يعتبر كل شخص مولود في أمريكا هو أمريكي الجنسية

لكن هذا الشخص يستطيع بكل بساطة وحسب القانون الأمريكي من خلال إجراء رسمي في نفس السفارة التنازل عن الجنسية الأمريكية
كما يستطيع استرجاعها في أي وقت يريد لأن القانون الأمريكي يسمح له بذلك كما يسمح بإزدواج الجنسية بشرط "التخلي عن الولاء" للجنسية الأخرى والولاء فقط لأمريكا

[ضوى]

قالهم متنازل ولا بيطالب قالوا له اجباري

[JN000N]

مع ان يبلفيت قالو ان بيغيرون هالموضوع وحتى الي بتروح تولد ف امريكا ف اخر شي عشان الولاده ما بيعطونها الجنسيه ع اساس انها مستقصده الجنسيه! مب متاكده بس سمعت من حد عندنا ف الدوام

[ضوى]

لا جنون مب صحيح هالكلام

[قطر خضراء]

قالهم متنازل ولا بيطالب قالوا له اجباري

إما موظف السفارة مب فاهم القانون الأمريكي عدل أو صار سوء فهم من الرجال
مايقدر يجبره على أي شي

يقول للموظف بس جمله واحده : أبي إجراء التنازل عن الجنسيه فورا أو بطالب مقابلة السفير

[قطر خضراء]

مع ان يبلفيت قالو ان بيغيرون هالموضوع وحتى الي بتروح تولد ف امريكا ف اخر شي عشان الولاده ما بيعطونها الجنسيه ع اساس انها مستقصده الجنسيه! مب متاكده بس سمعت من حد عندنا ف الدوام

هذا تعديل في الدستور الأمريكي سوته المحكمه العليا اواخر القرن التاسع عشر
وحاول منذ ذلك الحين كثيرون تغييره وآخرهم ترامب لكنهم فشلوا جميعا وكان بعضهم أقوى من ترامب وأوسع علاقات

[قطر خضراء]

حسب البند 349 (أ) (5) من قانون الهجرة والجنسية الأمريكي
يحق لأي أمريكي التنازل عن الجنسية متى أراد

ولا يتطلب التنازل عن الجنسية سوى 3 خطوات لا رابع لها :

1- الحضور شخصياً لمقابلة قنصل دبلوماسي في السفارة أو القنصلية
2- أن يكون متواجدا خارج أمريكا
3- التوقيع على (فورما) قَسَم التنازل عن الجنسية

ويحق له استرجاع الجنسية متى أراد

[ضوى]

حسب البند 349 (أ) (5) من قانون الهجرة والجنسية الأمريكي
يحق لأي أمريكي التنازل عن الجنسية متى أراد

ولا يتطلب التنازل عن الجنسية سوى 3 خطوات لا رابع لها :

1- الحضور شخصياً لمقابلة قنصل دبلوماسي في السفارة أو القنصلية
2- أن يكون متواجدا خارج أمريكا
3- التوقيع على (فورما) قَسَم التنازل عن الجنسية

ويحق له استرجاع الجنسية متى أراد

ويقدر ياخذ فيزا لزيارة امريكا ؟

[قطر خضراء]

ويقدر ياخذ فيزا لزيارة امريكا ؟

اي
وعنده اولويه عن غيره رغم تنازله عن الجنسيه

[ضوى]

اخوي قطر طرشت لك عالخاص اذا تقدر تفيدني

[قطر خضراء]

تم الرد

[أبورودي]

اولا لانه مولود بالولايات المتحده وصادر له شهادة ميلاد امريكيه فهو امريكي بقوة القانون الاشكاليه اللى حتقابله هنا فيما بعد الضرائب لانه سيطالب بسداد ضرائب عن عمله لانه مواطن امريكا .
ثانيا السفر لازم عشان بدخل الولايات المتحده يدخلها كمواطن امريكي وليس كسائح لانه مواطن امريكي والحل التنازل عن الجنسيه.
هل القوانيين القطريه تسمح بالازدواج خاصه اذا اكانت الجنسيه مككتسبه بسبب موطن الميلاد وليس تجنيس .
والحل الاخير هو التنازل عنها او عدم السفر للولايات المتحده.
وستبقي اشكاليه الضرائب بسبب اقامته وعمله فى دوله قطر وهذه النقطه تحتاج استشارة محامى

[ضوى]

ومن قال اصلا انه ميت عالجنسيه الامريكيه هو قطري ولا يفكر يكون غير قطري لولا ولادته هناك بسبب دراسه الام والاب مب من حلاتها الجنسيه الامريكيه لو كان يبيها هو واهله كان طلعوها من زمااان
ان شاء الله بيتنازل عنها وتنحل هالمشكله باذن الواحد الاحد

[معماري قطري]

عيل اللي سويته كان صح قلت لا وكلا ولن أقبل ولدي الكبير ينولد في أمريكا

[بوخالد911]

ما فكرتوا الاتصال بالسفارة الأمريكية بقطر
أو الذهاب لهم والاستفسار وجها لوجه.

[R 7 A L]

ومن قال اصلا انه ميت عالجنسيه الامريكيه هو قطري ولا يفكر يكون غير قطري لولا ولادته هناك بسبب دراسه الام والاب مب من حلاتها الجنسيه الامريكيه لو كان يبيها هو واهله كان طلعوها من زمااان
ان شاء الله بيتنازل عنها وتنحل هالمشكله باذن الواحد الاحد

الجنسية الامريكية تنفع للشعوب الي من دول رواتبهم قليله ودخلهم قليل
وكذلك للي بيسافر لدول اوروبا مايحتاج فيزا
وكذلك الي بيجي امريكا ما يمسك لاين ولاتجيه زحمه هههه

[ضوى]

عيل اللي سويته كان صح قلت لا وكلا ولن أقبل ولدي الكبير ينولد في أمريكا

خير ماسويت

[ضوى]

ما فكرتوا الاتصال بالسفارة الأمريكية بقطر
أو الذهاب لهم والاستفسار وجها لوجه.

ان شاء الله

[ضوى]

الجنسية الامريكية تنفع للشعوب الي من دول رواتبهم قليله ودخلهم قليل
وكذلك للي بيسافر لدول اوروبا مايحتاج فيزا
وكذلك الي بيجي امريكا ما يمسك لاين ولاتجيه زحمه هههه

مب مميزات واو يعني ، فيزا اوروبا مايبي لها شي واللاين هذا احنا نمسك لاين بكل مكان عادي ، يمكن حق اللي جوازتهم ضعيفة ومالها اي مميزات يحتاجون هالجنسية

[معماري قطري]

الجنسية الامريكية تنفع للشعوب الي من دول رواتبهم قليله ودخلهم قليل
وكذلك للي بيسافر لدول اوروبا مايحتاج فيزا
وكذلك الي بيجي امريكا ما يمسك لاين ولاتجيه زحمه هههه

دخلنا مرة بفيزة دبلوماسية ودخولنا مع المواطنين الأمريكيين واللي معانا دخلوا اللاين الثاني .. إحنا تعطلنا وغيرنا مشوا بسرعة .. كانت زيارتنا شهر 11 لكن لو وقت موسم سياحي أكيد بيكون العكس وفي مطار واشنطن دي سي

[R 7 A L]

مب مميزات واو يعني ، فيزا اوروبا مايبي لها شي واللاين هذا احنا نمسك لاين بكل مكان عادي ، يمكن حق اللي جوازتهم ضعيفة ومالها اي مميزات يحتاجون هالجنسية

قلتها في اول ردي للشعوب الي رواتب دولهم ضعيفه
قبل 15 سنه كان عندنا مدير خليجي توظف بالجنسية الامريكية يقول لنا والله ان راتبي يفوق الي نفسي ويشتغلون بجنسيتهم الاصليه اربع مرات

انا في قطر نحمد الله ونشكره حكومتنا ماخلت علينا قاصر بالنسبه للرواتب

[R 7 A L]

دخلنا مرة بفيزة دبلوماسية ودخولنا مع المواطنين الأمريكيين واللي معانا دخلوا اللاين الثاني .. إحنا تعطلنا وغيرنا مشوا بسرعة .. كانت زيارتنا شهر 11 لكن لو وقت موسم سياحي أكيد بيكون العكس وفي مطار واشنطن دي سي
اكره مطار
صغير والتدقيق شديد كونها العاصمه
شيكاغو احسن منه مليون مره

[الزعفراني]

الجنسية الامريكية تنفع للشعوب الي من دول رواتبهم قليله ودخلهم قليل
وكذلك للي بيسافر لدول اوروبا مايحتاج فيزا
وكذلك الي بيجي امريكا ما يمسك لاين ولاتجيه زحمه هههه

وضيف على ذلك ممكن لحامل الجواز - لو اضطروا - يحركون لعيونه الاسطول الخامس :)

[معماري قطري]

اكره مطار
صغير والتدقيق شديد كونها العاصمه
شيكاغو احسن منه مليون مره

خاطري اروح شيكاغو .. شكلي باستقر في أمريكا لو رحت ادرس مليت من حضانة الكلاب اللي حاطينها عندي وفي منطقتنا الجديدة أرض شكبرها الظاهر بيسوون فيها مول مقابل بيتي وبيني وبينه شارع .. تخطيطنا تخبيط للأسف

[معماري قطري]

مطار ميامي زحمة بعد وتوقف في السيد فترة طويلة بس مرتين دخلنا بكرسي متحرك ما فيه الا ركيض ولا نلحق اللي يدز الكرسي

[R 7 A L]

خاطري اروح شيكاغو .. شكلي باستقر في أمريكا لو رحت ادرس مليت من حضانة الكلاب اللي حاطينها عندي وفي منطقتنا الجديدة أرض شكبرها الظاهر بيسوون فيها مول مقابل بيتي وبيني وبينه شارع .. تخطيطنا تخبيط للأسف

حلوة شيكاغو
وجوها بارد حلو تحس بالفرق والولايات الي حولها صحيح انها فقيرة بس جوها ممتاز وطبيعة خلابه
مثل انديانا و اوهايو
روح لديترويت شوف المطاعم العربية القديمة وفيه منطقة قريبة منه صغيرها كنها فريج كلها يمنيين تمشى بالسيارة وتسمع الاذان يصدح في فريجهم

[R 7 A L]

وضيف على ذلك ممكن لحامل الجواز - لو اضطروا - يحركون لعيونه الاسطول الخامس :)

مانقدر ننكر ان الجنسية الامريكية قويه

[المحاميه]

صعبه يكون الولاء لدولة غير قطر
(يخسون)

والله معاج ضوى في كل كلمه قلتيها
مب من زينهم ولا من زين جوازهم ولا من زين بلادهم
مابي اسب .. اللهم اني صايمه ..

الله يفك عوقه ..
خل يستغفر ويدعي ان اموره اتيسر في هالايام وان شاء الله بيعدي الموضوع على خير

شوفي هم يقولونله اجباري
وغصب تاخذها
عشان فلوس الضرايب
استغفرالله
شعب كل همه الفلوس :court:

[بوسيف الهاجري]

سفيرتهم اتلولش في شوارع قطر وقفها وكلمها

[بوخميس]

سفيرتهم اتلولش في شوارع قطر وقفها وكلمها

شالها ترامب

بيحطون حد مكانها، بس ان شاءالله ما يطلع رياني مثلها

[النهار]

موب مجبور يكتسب الجنسية الامريكية
بس اذا بغاها في اقل من اسبوع يطلعها عن طريق السفارة



بالنسبه للي مولود في امريكا
مايقدر يسافر لها الا بالجواز الامريكي
هذا الي انا اعرفه



اذا حد يعرف شي غير الي انا اعرفه يفيدنا

لاياخوي عادي يقدر يسافر بأي جواز مهب شرط الجواز الامريكي لانه اول مايدخل امريكا يعرفون انه امريكي
ماعندهم الشكليات

[ضوى]

للاسف الولد ماراح يسافر ، واجراءات الغاء الجنسيه تاخذ من ست شهور لين سنه بعد التدقيق والتحقيق في حسابات الولد واذا يملك شي عليه ضرايب من استوى عمره 18 سنه ، حسبي الله عليهم ونعم الوكيل الله يفكه منهم عاجلا غير اجل

وللعلم عليها ضرايب حسب الحساب وقيمته يعني الجنسيه الامريكيه وبال علينا والمفروض القطري اللي مايهمه الجواز الامريكي ينتبه لهالنقطه ومايحاول انه يولد حرمته في امريكا يقطع سنينهم ياااارب

[قطر خضراء]

للاسف الولد ماراح يسافر ، واجراءات الغاء الجنسيه تاخذ من ست شهور لين سنه بعد التدقيق والتحقيق في حسابات الولد واذا يملك شي عليه ضرايب من استوى عمره 18 سنه ، حسبي الله عليهم ونعم الوكيل الله يفكه منهم عاجلا غير اجل

وللعلم عليها ضرايب حسب الحساب وقيمته يعني الجنسيه الامريكيه وبال علينا والمفروض القطري اللي مايهمه الجواز الامريكي ينتبه لهالنقطه ومايحاول انه يولد حرمته في امريكا يقطع سنينهم ياااارب

بعد استشارة أحد الإخوة القانونيين في وضعية الشاب قال إن اصرارهم على الصاق الجنسية بالمواليد في أمريكا يرجع إلى طمعهم في تحصيل الضرائب منه بموجب قانون الامتثال الضريبي (fatca) الذي صدر عن الكونجرس سنة 2010 ووقعت عليه 99 دولة من بينها قطر مطلع 2015 بموجب التعميم رقم 21/2015 الصادر في 17 مارس 2015
كما بين أن حالة الشاب ليست معقدة قانونيا لأنه "لم يتهرب من دفع الضرائب عن عمد وإنما بحسن نية"
ونصح بالآتي:

- الامتناع التام عن أخذ (الجواز) الأمريكي والاعتذار عنه لأنه في حالة حيازته سيضعف موقفه القانوني إلى أقصى حد
- عدم التنازل عن الجنسية الأمريكية (الجبرية من خلال الولادة) إلا بعد تنظيف واغلاق السجل الضريبي
- لا يخضع الشخص للضريبة إلا إذا كان دخله السنوي 70 ألف دولار أمريكي فما فوق (حوالي 255.500 ريال قطري) تساوي راتب شهري حوالي 21.291 ريال
- ضرورة الاستعانة بمستشار قانوني مختص في هذه الحالات لاقفال ملفه الضريبي نهائيا ثم التخلي عن الجنسية (الجبرية بحكم الولادة)

[ضوى]

قطر خضراء كلامك عين العقل تماما وهذا اللي بيصير ان شاء الله

[سهم ماينزل]

يا مكثر القطريين اللي عندهم جواز امريكي مع الجواز القطري

[ضوى]

لا بوهم لا بو جوازهم لا بو بلادهم الله يغنينا عنهم

[وسمي2016]

افضل حل استشارة وزارة خارجيتنا,,,,,,,,,وبالتوفيق