استفسار عن الفنادق الريفية

[ورد الدوحه]

السلام عليكم ورحمة الله وبركاته

انا ان شاء الله وجهتي الى النمسا مع العايلة الكريمة بعد العيد

ماحجزنا فنادق أفكر أسكن في فيينا 3 ليالي في فندق الأطفال
وعقب ننطلق الى سالزبورغ بس أبي فندق ريفي أشوفهم في الموقع حلويين بس أبي تجاربكم
وعقب أبي اروح منطقة بعد سالزبورغ قريبه 3 ليالي ماعرف وين
وبعدها ميونخ

اللي أبيه ألحين اترشحون لي فنادق حلوة وريفية ومناسبة للأطفال
وجزاكم الله خير:o

[monatee]

عندج زيلامسي او كابرون

ريفهم احلى من سالزبورغ

وكل الفنادق تعتبر ريفيه هناك وخاصه في كابرون

دام معاكم اطفال هالمنطقتين اونس لهم وفيها فعاليات وانشطه اكثر واحلى

[ورد الدوحه]

عندج زيلامسي او كابرون

ريفهم احلى من سالزبورغ

وكل الفنادق تعتبر ريفيه هناك وخاصه في كابرون

دام معاكم اطفال هالمنطقتين اونس لهم وفيها فعاليات وانشطه اكثر واحلى

تسلمين مناتي
بس أبي اعرف الفنادق الزينة اللي هناك حد جربها

[معماري قطري]

الله يوفقكم

زيلامسي زحمة عرب صراحة ما حبيتها وسالزبورغ مرينا فيها مرور وكانت حلوة .. شوفوا الفنادق اللي قرب بحيرة باد فيزا في ألمانيا كثير حلوة وفيه واحد فوق الجبل نسيت اسمه وايد فخم .. باد فيزا حول ساعة من ميونخ وهادية وبحيرتها قريبة من شكل بحيرة زيلامسي بس زيلامسي تميزها الحشرة والحركة والفعاليات اللي حولها .. ومشكلة الفنادق غالبيتهم بدون تكييف

[كايد الوكره]

سالزبورغ لا تستحق 3 ايام ..
فقط يوم كفايه ..

الايام الثلاثه الافضل ( زلامسي ) ومنها تنطلق ل كابرون وماحولها
وفيها العاب للاطفال .. البحيره جميله وفيها فعاليات .. الثلج في كابرون وصعود القمه بالتلفريك ..

[ذكي جدااا]

السلام عليكم ورحمة الله وبركاته

انا ان شاء الله وجهتي الى النمسا مع العايلة الكريمة بعد العيد

ماحجزنا فنادق أفكر أسكن في فيينا 3 ليالي في فندق الأطفال
وعقب ننطلق الى سالزبورغ بس أبي فندق ريفي أشوفهم في الموقع حلويين بس أبي تجاربكم
وعقب أبي اروح منطقة بعد سالزبورغ قريبه 3 ليالي ماعرف وين
وبعدها ميونخ

اللي أبيه ألحين اترشحون لي فنادق حلوة وريفية ومناسبة للأطفال
وجزاكم الله خير:o
منطقة الكابرون وتختارين يالسكن عالجبل او على بحيرة زيلامسي. بالنسبة لسالزبورج الافضل السكن على نهر السالز في فندق اسمه sacher هوتيل مطل عالنهر ومكانه حلووو بس سعره غالي. ونفس الفندق سكنته فيه بعد بفيينا جاي عند شارع المشاه وامام مبنى الاوبرا.

[نااادر]

يا ليت تفيدونا بفنادق او شقق فندقية في كابرون

[ورد الدوحه]

شكراً جزاكم الله خير

بس عقب هالمقاطعه عيدنا في قطــــر أحلى وأجمل:shy:
الله ينصرنا ويحفظ قطر
يارب