عاجل لاداره بورصة قطر

[الوسيط العقاري]

يرجى تعليق التداول هذا الأسبوع بشكل نهائي

والغاء صفقات اليوم

[يمامـة]

شنهي الأوضاع في البورصة؟

[أسد الجزيرة]

السوق نازل 8 % حتى اللحظة

[يمامـة]

السوق نازل 8 % حتى اللحظة

لا حول ولا قوة الا بالله..

مثل هالامور طبيعية في ظل هالاحداث..
ربنا يزين الأمور يارب وتعود كل الأمور الى نصابها ..

[سيمباسون]

لو رجعت الامور طبيعيه وانتهت الازمه
هل السوق بيرجع بنفس السرعه اللي نزل فيها والا بياخذ وقت طويل ؟!

[الأصيل]

يرجى تعليق التداول هذا الأسبوع بشكل نهائي

والغاء صفقات اليوم

اضم صوتي لصوتك

المفروض أصلا من نفسهم يوقفون التداول اليوم

الخبر مفاجيء والناس مصدومة
وواضح ان فيه ايادي تبي السوق ينهار
ومجهزة كميات للبيع بسعر السوق

[ابوالعبد]

اتمنى اغلاق سوق

[الوسيط العقاري]

ان شاء الله يتم تعليق التداول لمدة أسبوع والغاء صفقات تداول اليوم بالكامل لمده ا

[يمامـة]

لو رجعت الامور طبيعيه وانتهت الازمه
هل السوق بيرجع بنفس السرعه اللي نزل فيها والا بياخذ وقت طويل ؟!

بيطير مب بيرجع وبس..

ربنا يزين الحال ..

[بوخالد911]

أحمررررررررررررررر
والغالبية عارضين للبيع.

[nooora]

نتمنى ذلك ... خسرنا بما فيه الكفايه

[معماري قطري]

كنت مفكر في هذا الشيء وأعتقد فيه قانون عندهم لو أي سهم ينزل عن 5% يوقف التداول عليه بس ما ادري ليش غير مفعل

إحتمال من شروط الانضمام لبعض المؤشرات العالمية وزين سووا يخلون الخوافين يبيعون برخيص ومحافظنا تلقف اللي يبيعونه وبكره بإذن الله بيكون استقرار أو ارتفاع ما فيه داعي للهلع واللي بيبيع بخسارة حر وغيره بيقتنص الفرصة

[الوسيط العقاري]

ننتظر ونشوف هل بيوقفون التداول

او المحافظ السيادية ستتدخل بالموضوع

[عيسى111]

فيه خليجين يبيعون مجبورين بيطلعون من البورصة القطرية

[R 7 A L]

يقولون السوق طاير والاسهم والتداول مرتفع

[ولد العرب]

رحال

والله لي حلال بالاسهم بمئات الالوف ولا اعطيتها بال ولا اهميه ابدا

اللي يهمني تكاتف مع القياده تفداها حلالي بالبورصه لو هي قليله في عينها

[nooora]

ادارة السوق ولا سائلين الصانع نايم والخسائر كل يوم