سؤال لاهل الخبرة في البنيان ومدخل المجلس الخارجي

[الدوحة قطر]

السلام عليكم

بغيت استفسر يا اخوان عن موضوع المجلس الخارجي

انا والحمدلله ارضي في المشاف على شارعين

كنت حاب استفسر هل اقدر اني افتح الباب الرئيسي للفلا وباب كراج السيارة من الواجه الرئسية للفيلا
واخلي مدخل المجلس الخارجي من الجهة الثانية

لاني سمعت ان ما يعطون تصريح اني افتح الابواب الا من صوب المدخل الرئسي للفلا

وبغيت اعرف ايش الحل اذا مستحيل اطلع تصريح للمخطط الي في بالي وهو اني اخلي مدخل المجلس من صوب ومدخل الفيلا والكراج من صوب

يا ترى هل ابني المجلس وعقب ما اخلص اتمام البناء افتح باب المجلس
ولا راح تكون عندي مشكله بعد ؟؟؟

اتممنى حد يفيدني يا اخوان ولكم مني جزيل الشكر

[شموخ دائم]

,

,


مرحبا


اذا بتفتح باب فرعي ناحيه المجلس مافي مشكله باب متر ونص على الشارع الثاني

عموما اخوي
المكتب الاستشاري الي يسوي الخريطه بيقدمها وبيقولون له يصير او لا وشنو الحل

مخالفه القانون بعد إتمام البناء هذا اخر حل تفكر فيه

مثل ما قلت لك باب فرعي صغير باذن الله مافي مشكله

اذا بيتك على شارعين وهذه ميزه لاي ارض على شارعين

الاستشاري الشاطر يقدر يلعب على شكل المجلس واتجاه المبنى والارتداد

يخليه يبين انه اتجاهه على الشارع الرئيسي ومدخله من الشارع الاخر




,

,

[لطيف الروح]

إضافة على كلام اخوي شموخ دائم
فتح الباب يعتمد على عرض الشارع المحيط بالأرض بأن يكون عرضة 24 متر او اقل
و إذا كان عرض الشارع أكثر من 24 متر يسمح فيه بعمل باب بشرط وجود مداخل خدمي للشارع

[الدوحة قطر]

,

,


مرحبا


اذا بتفتح باب فرعي ناحيه المجلس مافي مشكله باب متر ونص على الشارع الثاني

عموما اخوي
المكتب الاستشاري الي يسوي الخريطه بيقدمها وبيقولون له يصير او لا وشنو الحل

مخالفه القانون بعد إتمام البناء هذا اخر حل تفكر فيه

مثل ما قلت لك باب فرعي صغير باذن الله مافي مشكله

اذا بيتك على شارعين وهذه ميزه لاي ارض على شارعين

الاستشاري الشاطر يقدر يلعب على شكل المجلس واتجاه المبنى والارتداد

يخليه يبين انه اتجاهه على الشارع الرئيسي ومدخله من الشارع الاخر




,

,

مشكور اخوي على الرد

بصراحة للمخطط الي في بالي مفكر اخلي المجلس في زاوية البيت من صوب طوفة الجار على الشارع الثاني الي ما يكون هو واجهة البيت الرئسية طبعا
وطعبا حاط في بالي يكون في ارتداد ما يقل عن 2.5 او 3 متر بين باب المجلس ومدخل المجلس من برع والي بكون طوفة برتفاع نص متر وفوقها حدايد درابزين. ان شاء الله اوصلت لك الفكرة

فرضنا قلنا ان الاستشاري قدم هذا المقترح الي في بالي وجاله رفض

واضطريت الى مخالفة القانون بعد اتمام البناء ايش ممكن يترتب علي اذا خالفت القنانون بعد اخذ اورقة اتمام البناء ؟؟

[الدوحة قطر]

إضافة على كلام اخوي شموخ دائم
فتح الباب يعتمد على عرض الشارع المحيط بالأرض بأن يكون عرضة 24 متر او اقل
و إذا كان عرض الشارع أكثر من 24 متر يسمح فيه بعمل باب بشرط وجود مداخل خدمي للشارع

مشكور اخوي على الرد

بخصوص عرض الشارع فهو اقل من 24 متر
بس فيه مواقف سيارات جاية على طول الشارع اذا هذا كانت قصدك من شارع الخدمات

اللحين الي ابي اعرفة في حال انرفض المخطط الي في بالي وانا فتحت مدخل للمجلس بعد اتمام البناء ايش ممكن يترتب هل ممكن يجوني ويقولون لي لازم تصكر المدخل ولا بس مخالفة مالية ؟؟

[لطيف الروح]

مشكور اخوي على الرد

بخصوص عرض الشارع فهو اقل من 24 متر
بس فيه مواقف سيارات جاية على طول الشارع اذا هذا كانت قصدك من شارع الخدمات

اللحين الي ابي اعرفة في حال انرفض المخطط الي في بالي وانا فتحت مدخل للمجلس بعد اتمام البناء ايش ممكن يترتب هل ممكن يجوني ويقولون لي لازم تصكر المدخل ولا بس مخالفة مالية ؟؟

ما عندك مشكلة و امورك طيبه
خل الاستشاري يعمل لك مخطط مبدئي يوضح فيه موقع الفيلا و المجلس مع المداخل للمشاة و السيارات
بعدين خذ المخطط و راجع بنفسك رئيس القسم الفني بالبلدية اللي انت تابع لها و اذا فيه اي ملاحظات تخطيطية بيقولك عليها بس تاكد انه يكتبها على المخطط
ترجع للاستشاري يعدل المخطط حسب الملاحظات ان وجدت و يقدمها بشكل رسمي
لا تنسى ان رئيس القسم الفني بالبلدية في يده أنه يستثنيك من بعض الملاحظات التخطيطيه

[معماري قطري]

الله يوفقك والإخوان ما خلوا شيء لي

العملية تحتاج مراجعات وأوقات يكونون معذورين لو الوضع صعب وانا حاضر لمراجعة التصميم لو حبيت بعد الإستشاري ما يبدأ تخطيطه المبدئي

وأوقات الحلول التخطيطية سهلة وتقدر ترتب المجلس ومدخل البيت بنفس الجهة وبسهولة لو مضطر .. انا تصميم بيتي حطيته في موضوع مراجعة التصاميم المعمارية وبيتي على شارع وسكة جانبية والحمد لله صممته صح حتى مجلس وجلسة خارجية ( دكة ) وخليت مدخل جدام رئيسي ومدخل ثانوي من جهة ثانية وأرض ثانية .. وأكيد لكل تصميم وضعه الخاص لكن الحلول متوفرة بإذن الله

[الدوحة قطر]

الله يوفقك والإخوان ما خلوا شيء لي

العملية تحتاج مراجعات وأوقات يكونون معذورين لو الوضع صعب وانا حاضر لمراجعة التصميم لو حبيت بعد الإستشاري ما يبدأ تخطيطه المبدئي

وأوقات الحلول التخطيطية سهلة وتقدر ترتب المجلس ومدخل البيت بنفس الجهة وبسهولة لو مضطر .. انا تصميم بيتي حطيته في موضوع مراجعة التصاميم المعمارية وبيتي على شارع وسكة جانبية والحمد لله صممته صح حتى مجلس وجلسة خارجية ( دكة ) وخليت مدخل جدام رئيسي ومدخل ثانوي من جهة ثانية وأرض ثانية .. وأكيد لكل تصميم وضعه الخاص لكن الحلول متوفرة بإذن الله

اشكرك اخوي على المرور ويعطيك العافية على مجهودك

باذن الله بحاول ارسم بنفسي للمخطط الي في بالي قبل لا اروح حق المكتب وابدا في تنفيذ الخريطة وان شاء الله بنزل صورة لتوزيع الخريطة عشان تعطوني رايكم

الارض عندي مساحتها 921 متر على شارعين الابعاد جايه 31 في 31 متر لكن جاية عندي كسرة في زاوية البيت مخلية واجهة البيت 23 متر ونفس الشي من الصوب الثاني 23 متر والكسرة جاي طولها تقريبا 13 متر فهذا الي مخرب علي اشوي الـ 23 متر يدوب افتح منها باب الفيلا + باب كراج السيارات

والمجلس مضطر اني اخليه من الصوب الثاني للبيت

[عايش فرحان]

ما ادري اذا غيروا القانون الحين او لا .. و لكن حسب ما جربت في 2013 ما كان في مشكلة
بيتي على شارعين و سمحوا لي بباب الطبيلة و باب امام الصالة و باب امام المجلس الداخلي في جهة
و في الجهة الثانية سمحوا بباب للمجلس الخارجي و باب لغرفة السواق !!

[معماري قطري]

اشكرك اخوي على المرور ويعطيك العافية على مجهودك

باذن الله بحاول ارسم بنفسي للمخطط الي في بالي قبل لا اروح حق المكتب وابدا في تنفيذ الخريطة وان شاء الله بنزل صورة لتوزيع الخريطة عشان تعطوني رايكم

الارض عندي مساحتها 921 متر على شارعين الابعاد جايه 31 في 31 متر لكن جاية عندي كسرة في زاوية البيت مخلية واجهة البيت 23 متر ونفس الشي من الصوب الثاني 23 متر والكسرة جاي طولها تقريبا 13 متر فهذا الي مخرب علي اشوي الـ 23 متر يدوب افتح منها باب الفيلا + باب كراج السيارات

والمجلس مضطر اني اخليه من الصوب الثاني للبيت

الله يوفقك وفي حالتك حل الجهتين أكيد أفضل .. ينفع لمساحة أرضك نموذج الزاوية وفيه منه حول 4 مخططات باشوف فرصة باسوي مخطط مبدئي على الأبعاد اللي وضحتها لتسهيل الموضوع عليك

[معماري قطري]

هذا نموذج سريع على مساحة أرضك مع الإرتدادات المطلوبة .. تقدر تحرك المطبخ جهة اليسار فوق وتخلي مقابل له ملحق صغير وباب للبيت والمجلس تحت

عندك المساحة محدودة ولو الاستشاري شاطر ممكن يصغر لك هذا النموذج أو عنده نموذج مقارب ومساحة هذا النموذج 320 للأرضي و 340 للأول وممكن تسوي بنتهاوس لو حبيت أو لا بحدود 140 متر واحتمال سمحوا ألحين بمساحة أكبر مثل ما سمعت كانوا يناقشون هذا الموضوع .. تقدر تقترح للاستشاري يوزع مواقف السيارات بدون دخول للبيت موقفين مظللين وبباب جنب المجلس وموقفين في المدخل ولو وافقوا بتكون عندك مساحة للزراعة وتجميل الحوش وتصغير مساحة النموذج أكيد بتنفعك .. خل نقول 300 + 320 + لو ممكن 200 للبنتهاوس نكبر شوي لو محتاجين لمساحة أكبر

كذلك ممكن عمل بيسمنت لو حبينا وكله يعتمد على الاستشاري والموافقات ومجهودك معاهم انا حبيت بس اضيف رؤية أشمل .. تقدر تشوف باقي الأدوار وشرح كامل عن التصميم في موضوع مراجعة التصميمات المعمارية

[معماري قطري]

http://i.imgur.com/jwjwEnS.png

[معماري قطري]

لا تنسى إن لازم تبتعد من كسرة الزاوية 5 متر بعدين تفتح الباب ولو سويت مكان الباب موقفين بتحتاج 6 متر يعني 5 + 6 متر بتبقى عندك 12 من ال 23 لعرض المجلس .. في ال 5 متر تقدر تسوي غرفة سائق تنفتح على الموقفين اللي داخل .. بعدين بيكون عندك سور عازل بين حوش البيت و موقف السيارات وباب صغير يدخل على الحوش وكذلك في الجهة الثانية ولو قدرت في الجهة الثانية تسوي 3 مواقف بيكون أفضل عندك 3 + 2 .. مثلاً 2 خاصين بك جهة المجلس و 3 للأهل

[الدوحة قطر]

تسلم اخوي معماري على هالمجهود

بالنسبة لتوزيع الغرف بصراحة شفت توزيع كلاسيكي في الانترنت واجد عجبني






http://https://a.top4top.net/p_526wper60.jpg (https://up.top4top.net/)



طبعا مع بعض التعديلات على المساحات واظافة اصنصير ومكان الغرفة الصغيرة الموجودة جنب الدرج يكون مغاسل + حمام صغير تكرم يخدمون الصاله

[معماري قطري]

مناسب لو حابه وبيركب حق أرضك بسهولة بس صغير والمقاسات بالانش ما ادري اذا تحويلهم صحيح أو لا .. مثلاً 150 انش = تقريباً 3.8 وهي مساحات مناسبة واقتصادية وفي الغالب بتطلع لك أوفر

بس بتقول ابي ارتفاع 5 متر بتضطر تكبر الدرج وبيتغير التصميم وايد .. انا بس اعطيك نصايح مبدئية واتجاهات

أرضك صغيرة والتخطيط أكيد عندهم قوانين وحدود لمساحات البناء .. أول خل المكتب يشوف وشي افادتهم وبعدين خله يصمم على أساسها وعلى أساس طلباتك

شوف هذا توضيح للمجلس ومكانه لكن المسافة بينه وبين البيت 1.2 متر والمفروض 2 واحتمال يوافقون على 1.5 أو تصغر المجلس شوي

هذا النموذج أفضل من اللي حاطه لسبب حوائطه سيده ما فيها بروز مثل اللي للمجلس في تصميمك وبيركب أحسن حق أرضك .. كذلك الملحق تقدر تسويه تحت في نص بيسمنت وتسوي الجزء الخلفي للبيت نازل بالكامل مع أرضية البيسمنت حتى تكون عندك حديقة خارجية ومنور وتهوئة للمطبخ تحت واحتمال ما يوافقون بس حاول فيها والتزم بنظام اطفاء وبفرن كهربائي بدال الغاز

http://i.imgur.com/txHqtci.png