احد يحتاجني كمتطوع من دون مقابل لمواجهة اي نقص

[احب قطر]

السلام عليكم ورحمة الله وبركاته ...
انا مستعد لخدمة اي جهة تحتاجني من دون اي مقابل ، حاليا متقاعد مع الخبرات التالية باختصار:
1. عملت في السلك الدبلوماسي ,
2. عملت كرئيس قسم للحاسب الالي.
3. حامل رخصة هاوي لاسلكي.
4. حامل رخصة طيار للطائرات الصغيرة ذات المحرك الواحد.
5. قيادة المراكب البحرية ، خبرة لغاية 80 قدم .
6. الملاحة البحرية.
7. اخر وظيفة ، مدير تنفيذي ، التسويق ، العلاقات العامة ، علاقات المستثمرين ، مشاريع التوسع والاندماج merger and acquisition
8. الشهادة هندسة اتصالات

وترى عمري صغير مش كبير :)


اي جهة تحتاج اي من هالخبرات تتواصل معاي عالخاص.

كلنا فداج ياقطر

[لطيف الروح]

ما شاء الله مهندس اتصالات و كل هذه الخبرات و صغير في السن و متقاعد

سوال انت طالب التقاعد ولا هم اللي مقاعدينك

[حمد 2002]

كم عمرك ؟

[احب قطر]

كم عمرك ؟

.....41

[بوخميس]

متقاعد؟!

اذا انت تتقاعد عيل من اللي يشتغل مع هالمؤهلات؟!

[eXpert*]

بالتوفيق أخوي وتحياتي لك A71 :victory:

[R 7 A L]

كفو يالذيب وهذي عوايدهم هل قطر

[شبح الصمت]

الله يعطيك العافيه ..

وما اعرف شقول لك ياخوي بس المفروض نفسك ما يتقاعد يتم يتنقل من وظيفة لوظيفة والاستفادة من خبراته ..

الله يوفقك يارب ..

[ورد الدوحه]

الله يوفقك ويسهل امورك ان شاء الله

[ورد الدوحه]

السلام عليكم ورحمة الله وبركاته ...
انا مستعد لخدمة اي جهة تحتاجني من دون اي مقابل ،

بس شلون بدون مقابل بتشتغل ببلاش يعني:looking:

[ولد العرب]

بس شلون بدون مقابل بتشتغل ببلاش يعني:looking:

اي بدون مقابل ويحريبها ولدنا

http://up.n4hr.com/uploads/1496697801641.jpg

كفوا عليك يافارسنا (( احب قطر ))

[غريب الدّار]

كفو

...

[ورد الدوحه]

اي بدون مقابل ويحريبها ولدنا

http://up.n4hr.com/uploads/1496697801641.jpg

كفوا عليك يافارسنا (( احب قطر ))

الله يبارك فيه :)

[احب قطر]

بس شلون بدون مقابل بتشتغل ببلاش يعني:looking:

قطر وقفت معانا في الرخاء ، وصرنا من اكثر الشعوب رفاهيه في العالم ، واحنا لازم نوقف مع بلادنا في الشدة ، اي نعم من دون مقابل ، وهذا شرف لي اني اخدم بلادي.

[حمد 2002]

قطر وقفت معانا في الرخاء ، وصرنا من اكثر الشعوب رفاهيه في العالم ، واحنا لازم نوقف مع بلادنا في الشدة ، اي نعم من دون مقابل ، وهذا شرف لي اني اخدم بلادي.

كفو والله

[محب قطر 64]

تقدر مع فريق من الشباب الكترونيا ارسال رسايل توضيح وفضح لأكاذيب العدو لحسابات كل المسؤلين الأوروبيين والأمريكيين وبلغات مختلفة
حرية الرأي مكفولة عندهم ويتابعون و ما في 15 سنة سجن لمن يقرأ أو يعلق كما عند العرب
"ثم رددنا لكم الكرة عليهم وأمددناكم بأموال وبنين وجعلناكم أكثر نفيرا" صدق الله العظيم

[المحاميه]

جزاك الله خير
والله يفتحها عليك

[بوخالد911]

موووفق.

[الأصيل]

انا بعد مستعد اتطوع في أي مكان اقدر اسد فيه وقت الضيق

يا ليت الدولة تفتح موقع الكتروني ندخل فيه بياناتنا وخبراتنا كمتطوعين عند الحاجة

الواحد وده يخدم بلاده باي شيء يقدر عليه

[وسمي2016]

هذي عوايدهم هل قطر

ربي يطول بعمرك ويكثر منهو مثلك وشرواك

الله يجازيك خير ,,, وكلنا نفس الشيء,,,:thumbup1:,,,,

[معماري قطري]

انا اون هولد جاهز بس محتاج بازوكا أو رشاش 500 .. صج أوقات ما اركز واخاف ما اميز وتستوي حوادث النيران الصديقة كثيرة لكن بإذن الله استرجع أمجاد الماضي في 1978 طلعت الأول في الرماية

[فيصل99]

تحريبها كفو والله

[ya3coub]

أخوي الله يعطيك العافية و ايضا انا جاهز للي يبي اي شي وطني سوائا فالمنتدى او خارجه

الأعمال الإنسانيه ماشيه و لله الحمد بأحسن ما يكون.

و الي يبي المساعده احنا موجودين و بخصوص موقع انسجل فيه بياناتنا و خبراتنا للأسف بس في موقع نسجل للتطوع و اذا في فعاليه يرسلون الأيميلات فقط


انا ابي اعرف ليسن الطيران بمحرك واحد اشلون ووين خذته أخوي انا ابي بعد اخذ ليسن طيران

[h9466]

لو يوجد هناك نية لتجميع متطوعين رجاءا سجلوني معاكم،،،
طبيب ،،وأتكلم 3 لغات ،،،وخبرة في it

[القلب المؤمن]

ماشالله جيمس بوند !
انا بتطوع في تضميد الجرحى ههه ان شالله ماتحتاجوني ..
انا اشوف مع الوضع الراهن لازم الجهات المحتصة يفتحون دورات للنسا للتدريب على استخدام السلاح , الاحتياط واجب
وان شالله تنحل الازمة قريبا وكأنها لم تكن