هل وقته الواحد ايسافر بالصيف !!!

[الكبير]

الله يفرجها ان شاء الله

انا ما اسميها ازمه ولا محنة بل اسميها فرصة للتكاتف والتلاحم والعودة لبعض داخليا

بس في موضوع قاهرني ان في ناس قاعدين ايخططون اجازاتهم وسفرهم في ظل هالظروف اللي الواحد لازم يوطد علاقته ببلاده

مادري هل اتشوفون ان عادي الواحد ايسافر او يتريث احسن

عن نفسي كنسلت كل اجازاتي عشان اتم هني مب مسألة مادية مع انها توفير لكن موضوع مبدأ

[Alm@n$ei]

لا طبعا

[وسمي2016]

يفرجها رب العباد,,,,,,,,وان شاء الله مابيصير الا كل خير وسلامه

[Azizuk]

ياهي احداث بتصير في لندن ودول اوروبا مع الدول المقاطعه ياهي بنسمع وبنشوف مقاطع فديوات وسنابات الهوشات والتحديات والمناحس

الله يهدي الجميع ويعدي هالصيفية على خير

[عيون الدوحة]

لا طبعا
عيدنا وصيفنا في قطر
لتقوية السياحة الداخليه بعد الحصار

[معماري قطري]

ياهي احداث بتصير في لندن ودول اوروبا مع الدول المقاطعه ياهي بنسمع وبنشوف مقاطع فديوات وسنابات الهوشات والتحديات والمناحس

الله يهدي الجميع ويعدي هالصيفية على خير

بينقلون همجيتهم هناك وكأن ما فيه قانون وسجون لندن حاضرة لكل مستلعن

[BoFahed]

بينقلون همجيتهم هناك وكأن ما فيه قانون وسجون لندن حاضرة لكل مستلعن
اكيد هذا اللي بيصير لانه فيه ناس وايد متاثره بالتصعيد الاعلامي والتاجيج اللي صار لانها ناس فارغة وما عندها اي وعي ( عقلييةالفداوي )

انا كنسلت السفر وبقعد في الدوحة وسويت برنامج سياحي داخلي لانه االواحد ضامن هالعيد لفنادق والمنتجعات مابتكون محجوزه فل :)

[بوخالد911]

الصيف بنقضيه بقطر

والله يهدي النفوس.

[وليف الشوق]

في ظل الظروف هذي يقدر الواحد يستمتع ويسافر ويشتري ويمشي ؟ لاوالله ماراح اسافر لين تفرج من رب المولى

[العقل المدمر]

الحمد لله من بين كل اللي حولي ماسمعت حد فيهم بيسافر

[بنت شرق]

أنا أؤيد هالشي ماله داعي السفر خلال هالفترة

[aloosh]

احجز في بانانا واستمتع بكل شي القصد هو تغير المكان
اذا بتقلون نشرد من الحر مصيرك راد يعني الحر مو عذر:)
والاهم الان انك تكون في بلادك على ها الاوضاع

[رُفق المجنّا]

الخيار متاح للجميع

اللي بيطلع يعكس للكل ان المواطن يعيش حياته بشكل طبيعي.

واللي بيقعد يتضامن مع سمو الامير والحكومة في ظل الحصار.

عن نفسي اجده من المعيب ان اخرج وسمو الامير ألغى كل زياراته وسفراته وجداوله الخاصة والعملية. مالم يكن لظروف العمل او طارئة لا سمح الله

[معماري قطري]

الحمد لله من بين كل اللي حولي ماسمعت حد فيهم بيسافر

خلي يخلص رمضان بس مب العيد وشوفي قطر شلون بتخلى .. بس حضانة الكلاب بتنترس كلاب ونباح ليل نهار

[حمد 2002]

لا ضد السفر

[المزن الرياني]

عيب والله الواحد يسافر
وسمو الامير رفض السفر ل أمريكا والبلد محاصره

[وحيد-الشوق]

انا الود ودي ما اسافر من له مزاج يسافر اصلاً
بس مجبورين رايح علاج مع الوالدة الله يشفيها

[العقل المدمر]

خلي يخلص رمضان بس مب العيد وشوفي قطر شلون بتخلى .. بس حضانة الكلاب بتنترس كلاب ونباح ليل نهار

الله لا يقول
بالعكس انا متفاءلة خير
هالشعب المدلل جاه كف يصحيه
اخيرا صرنا فعلاً على قلب واحد

[BO.ABDULLA]

طبعا لا

[R 7 A L]

ابشروا بالخير
ان شاءالله قبل العيد كل شي خالص


واعتقد موب وقته هالموضوع

[qrt_trading]

أي أخوي ليش ما نسافر هو حسب من شخص لشخص في اللي وجهة نظرة إن الأفضل أنه يكنسل السفرة وفي إللي أصلاً مايقدر يكنسلها بالنسبة لي هذي أول مرة راح أسفر بناتي وهم مستانسين وايد وكل يوم يجون يسألوني متى السفر وهل قرب ولا لا وغير ذي عندي ولد من ذوي الأحتياجات الخاصة أخيراً وافق أنه يسافر معانا مكان ومن قبل كان رافض كلياً أنه يسافر والحين هو مشتط على السفرة أكثر واحد من أخوانه وخواته ما أقدر أكسر بخاطرهم خاصة هو لأنه مهماً قلنا بنشرح لهم الوضع ما راح يفهمون هو قدراته العقلية ما تساعد على هالشي والبنات أصغر من أنهم يفهمون، وأعتقد من وجهة نظري خل الحياة تمشي عادية ولا كأن في شي صاير علشان اللي مقاطعينا يعرفون أنهم ما أثرو فينا ولا هزو فينا شعرة وأن أحنا واثقين ثقة عمية في قيادتنا الحكيمة وفي شيوخنا وأنهم قادرين أن يصدون أي عدوان على البلاد بعيد الشر.

[الشفق الحالم]

مب وقت سفر كلش

[غريب الدّار]

وش علاقة السفر بالموضوع ؟ !!

[العنيده]

وجوددنا في الدوله اهم .. لاحقين باذن الله على السفر .. وبالعكس يكون فيها تقارب يعني جمعة العيله تزيد والسياحه الداخليه تزيد باذن الله ..
مع شعار ( صيفنا احلى باذن الله ) :thumbup:

عطونا جدول فعاليات العيد :app2:

[ضوى]

يعني اذا سافرنا بتسقط وطنيتنا وانتمائنا لقطر !؟؟ رجاء مب وقت مساومه على ولائنا ولا اخلاصنا ليلدنا

[طلعة الروح]

السفر مش اولويه عندي والجواز يشهد بذلك :o
من الله اكره طاري السفر

[عازف]

أي أخوي ليش ما نسافر هو حسب من شخص لشخص في اللي وجهة نظرة إن الأفضل أنه يكنسل السفرة وفي إللي أصلاً مايقدر يكنسلها بالنسبة لي هذي أول مرة راح أسفر بناتي وهم مستانسين وايد وكل يوم يجون يسألوني متى السفر وهل قرب ولا لا وغير ذي عندي ولد من ذوي الأحتياجات الخاصة أخيراً وافق أنه يسافر معانا مكان ومن قبل كان رافض كلياً أنه يسافر والحين هو مشتط على السفرة أكثر واحد من أخوانه وخواته ما أقدر أكسر بخاطرهم خاصة هو لأنه مهماً قلنا بنشرح لهم الوضع ما راح يفهمون هو قدراته العقلية ما تساعد على هالشي والبنات أصغر من أنهم يفهمون، وأعتقد من وجهة نظري خل الحياة تمشي عادية ولا كأن في شي صاير علشان اللي مقاطعينا يعرفون أنهم ما أثرو فينا ولا هزو فينا شعرة وأن أحنا واثقين ثقة عمية في قيادتنا الحكيمة وفي شيوخنا وأنهم قادرين أن يصدون أي عدوان على البلاد بعيد الشر.

كلامك سليم 100‎%‎ الحمدالله من بعد الله وحكومتنا الرشيدة الحياة طبيعية،،،

[MirusS]

اكيد حبنا لبلدنا محد يقدر يساوم عليه :)
بس الكاتب اتوقع يقصد مب وقت السفر في ظل الأزمه .

عموما مودي مش مود سفر وشكرا :)

[nooora]

من قبل رمضان وانا برع الديره لبعض الظروف .... لكن حلاته العيد بين الاهل والاقارب واذا حد يبي يسافر على ثالث يوم وما له دخل بالموضوع

[mr. abdulla]

اللي بيسافر يسافر و اللي بيتم يتم... لا تخلون هالخمة يخربون إجازاتكم او حتى حياتكم العادية .. الهدف و غايتهم ازعاج و تخريب حياة المواطن القطري ..

الوضع بدا يصير طبيعي بعد ما امتصينا الصدمة و صارت عندنا مناعة من وقاحتهم.. دام مافي تصعيد في الوضع روحوا اجازتكم و استانسوا ...

[محب قطر 64]

اعتقد السفر عادي حتى ما يظنوا انهم حققوا مآربهم خاصة اني شفت صور على سكاي بتاعتهم لمطار الدوحة مدعين انه فارغ والحركة خفيفة
ثانيا كن سفيرا لبلدك حاملا شعارها والديموقراطية والحرية للعالم
يمنع السفر بتاتا للدول المشاركة بالحصار
كن مبتسما كريما ودودا بعيد ا عن المشاكل

[&بوشهد&]

حاليا السفر ماله طعم

الله يصلح الحال ويصلح النفوس