تركيا ولا هونق كونق؟؟ شوروا علي

[peace-qtr]

السلام عليكم ورحمة الله وبركاته

شخباركم



بغيت استفسر شنو احسن حق سفرة عائلية مع أطفال

تركيا ولا هونق كونق


تركيا رحتها قبل بس مادري شلون من ناحية الأمان

اما هونق كونق هالوقت حارة ولا عادي ؟؟

وشلون المواصلات ف هونق كونق؟؟


ومشكورين

[أبورودي]

هونج كونج حاره رطوبه الان بس الاماكن السياحيه
ديزني لاند
اوشن بارك ملاهى
القمه ومتحف الشمع ويمكن زياره متحف العلوم رائع للاطفال
التنقلات المترو والتاكسي وكلها سهله وبسيطه

[قطري 777]

تركيا اوكي وبتحصل قدامك عرب واجواهم حلوه والحلى والشوي حدث ولاحرج :app2:

هونغ كونغ انا ماجيتها وخاطري اجيها بلاد ع التقارير الي اشوفها جمممممممممميله بس اسم انك جيت تركيا روح استكشف هونغ كونغ وعطنا تقرير مصور
واذا خاطرك بتركيا ومتخوف من الامن اقولك روح الوضع سهلات مافيه شي امن وامان وخير .....

[al saad]

خلك في الدوحة العيد عيدين ^___^

[وسمي2016]

روح ال" جولد كوست" استراليا ,,,,,ما راح تندم
واطفالك بيستانسون عدل,,,,,,,,,

[كايد الوكره]

هونق كونق
كمدينه رائعه جداً اما كشعب فهي سيئه سيئه جداً ..

[المحاميه]

هونغ كونغ

ومثل ما قال اخونا كايد
الشعب لك عليه شوي

اما جوها ماعرف
لان زرتها فالشتا
وكان قمة البرد

[Mr. Perfect]

انصحك بهونج كونج ومثل ما ذكروا الاخوان
وفيها بعد مجمعات كثيرة مثل Elements و Harbour City
بالاضافة لسوق Ladies Market وهو سوق ليلي متنوع البضائع
ومناسب للي يعرف يكاسر في السعر
والحلو في ديزني لاند ان في اكشاك الاكل يقدمون الاكل الحلال
والاوشن بارك مكان ولا اروع بحيث فيها حوض الاكواريوم
بالاضافة للالعاب المخصصة للكبار والصغار
وطريقة التنقل مثل ما قال ابورودي سهلة وانصح بالمترو
كونه ارخص ونصيحتي للي بيزور ديزني
يروح بالمترو وهناك مطعم عربي حلو وهو RA Restaurant and
Lounge
وفي الوقت الحالي الطقس معتدل مع نزول امطار

[ذكي جدااا]

عائلية ارشح سنغافوره

[CH Engineer]

تركيا حلوه جوها بيعجبك بهالوقت
عندي حجز 5 ايام بفندق بطاربزون
وعندي ظ£ ايام في اوزنغول


فنادق فخمه وأحسن من سعر النت


سبب التنازل كنسلت السفر اذا لك خاطر كلمني

[الامير]

بدوووووون تفكير تركيا نصيحه هونغ بلد تعيسه

[كويتية74]

تركيا بلد الطبيعه والجمال

[QtrGate]

تركيا وخذلك جوله
أنطاليا طبيعه والسوق القديم 3 ايام ومنها على كابادوكيا تركب المنطاد
بعدها طرابزون واوزنغول طبيعه خلااابه 4 ايام
وآخر الأيام في اسطنبول أسواق وسياحة مساجد وحدائق واحلى شي الاكل

وآخر شي أحجز الطيران والفنادق فلاكسبل يعني تقدر تغير اي وقت

يمكن تعجبك مدينه وتبي تطول يوم او يومين

[ورد الدوحه]

انا جربت تركيا و هونج وكونج
بصراحة تركيا احلى بوايد
هونج كونج اشوي حاره وكئيبه احلى شي فيها ديزني
والأكل ماعجبني كلش
نادر ما تحصل مطاعم عربيه

[Class - Qtr]

السلام عليكم

تركيا بس لازم زيارة الشمال التركي

[معماري قطري]

تركيا رحتها آخر رمضان لمدة 10 أيام عطلة العيد ورجعت بس ما حبيتها زحمة عرب وأكيد زادوا

لو بتروح منتجع هاديء والا منطقة جبلية باردة أكيد غير