استفسار عاجل

[الخيالة]

احنا ساكنين في مجمع و مكيفات البيت مركزي و اللي في الطابق الثاني خربان طول الرمضان جذيه و قبل كم مره كلمنا قسم الصيانة اللي تابع للبيت يجون يشوفون مادري شيسون يقولون اوك. يروحون يمكن كلمناهم 8 مرات و اخر مره مسؤول القسم اللي جنسيته اجنبي أوروبي مادري بلضبط اي دوله قايل لا احنا اللي نبالغ و مجرد ما المكيف يصير حر لدقائق نقعد نتصل
المهم عقب محاولات اخر شي قالوا بيغيرون و تموا فترة لين يجيبون المشكله مايعطونا رقمه بس يطرشون هالعمال المساكين و مانقدر نوصل لحد ادري صاحب البيت بما ان قطري لو يعرف ماراح يرضي ان احنا ماجرين البيت و نبي كل شي اوك و صار لنا فترة نعاني مانقدر نرقد بسبة المكيف و احنا في فصل الصيف بعد شنو الحل شلون نوصل حق مسؤول و هالعمال كله يقولون مننوع نعطي رقم واللي موجود في المكتب مصري يقول انا مسؤول قسم الحسابات انزين شلون نوصل حق مسؤول المكيفات هالاجنبي اللي مو راضي يجي من حقنا هاي دام قاعدين ندفع اجار والله متنا من الحر اليوم مانعرف شنسوي الواحد شلون بيحصل صاحب البيت بس عشان اقوله شلون تعامل موظفينه اللي يشتغلون عنده لايخاف ربه ولي يصوم ولي مفتكر فينا

[ساراام]

ممممم كلمو المالك

واذا المشكله بسيطه وماتكلف صلحوه

ماتدرون يمكن غاز او يحتاج تنظيف

[الخيالة]

ممممم كلمو المالك

واذا المشكله بسيطه وماتكلف صلحوه

ماتدرون يمكن غاز او يحتاج تنظيف

لا مب غاز لان كم مره جاووا بروحهم و حطوا غاز و نفس الموضوع و نظفوا كم مره بعد نفس الشي و يوم شافوا للحين نشتكي اخر شي وافقوا ان يغيرون و المالك ماعندنا رقمه و محد راضي ان نوصل له اكيد يخافون علي نفسهم و احنا مانقدر نصلح شي من ضمن قوانين المجمع ما نحرك شي الا بأمر منهم و اخرته جذيه

[مضارب مستثمر]

شيك الخاص

[بوخالد911]

الله يسهلها عليكم.

[qatarman8008]

كلموا حماية المستهلك بيتواصلون مع المالك بطريقتهم..

[الخيالة]

شكرا ع المرور والله ماقدرنا نرقد و ابوي بروحه صايم و تعبان و البيت حر و اهمه مو مفتكرين اللي ماسكين الأقسام حسبي الله و نعم الوكيل

[الخيالة]

كلموا حماية المستهلك بيتواصلون مع المالك بطريقتهم..
كلمتهم اخوي قالوا مب عندنا :( لازم شرطه

[monatee]

لاتدفعون الاجار لين يصلح

او

بلغوا عليه في مركز الشرطه

[eXpert*]

جيبوا شركة خارجية تقييم الوضع إذا التصليح بسيط صلحوا على حسابكم . وإذا كانت المشكلة تصليحها مكلف ، من حقكم وتوقفون الإيجار إلى أن يصلح التكييف .

[الخيالة]

لاتدفعون الاجار لين يصلح

او

بلغوا عليه في مركز الشرطه

والله توني كلمتهم طبعا اللي في المكتب هلب ديسك فلبينيين و الهنود العمال و هالمسوول الاجنبي اللي يداوم ساعه عشر لا صوم لا صلاة ياكل يشرب و مايدري عن معاناتنا كلمتهم هاوشتهم قلت بشتكي عليكم ( مع ان ماعرف وين اشتكي ) و الفلبيني تم يقول بكلم المدير بخليه يتواصل قلت مابي تواصل ابي حل للمشكله طول الليل ماقدرنا نرقد مكيف اللي تحت حر الي فوق حر حرام اللي تسون جذيه عندنا مرضي بالبيت يهال ان صار فيهم شي من المسؤول البيت خنقه مانقدر نتنفس عدل حسبي الله و نعم الوكيل

[الخيالة]

ان بلغنا الشرطة يقدرون يوصلون حق صاحب المجمع؟ لان في العقد مو مكتوب اسمه الكامل بس مكتوب بهالطريقه ان فلان بن فلان و شركاه

[الخيالة]

جيبوا شركة خارجية تقييم الوضع إذا التصليح بسيط صلحوا على حسابكم . وإذا كانت المشكلة تصليحها مكلف ، من حقكم وتوقفون الإيجار إلى أن يصلح التكييف .

اخوي احنا لما اجرنا البيت قالوا لنا اي شي يخترب لازم نكلم قسم الصيانة الخاص حق المجمع مايصير نجيب حد من بره يصلح شي الا و احنا مبلغينهم المشكله هالاجنبي مب راضي يتصل قاعد و يتأمر والله لو صاحب البيت يعرف متاكده مابيرضي علي اللي يصير

[الخيالة]

ماقول غير حسبي الله عليهم كلمتهم الحين و حولوني علي هالاجنبي قال انا سويت كل اللي بيدي الحين دور الكونتركتر يجون يركبون مكيف جديد ياخذ يومين ثلاث اقوله امي و ابوي مرضي يرتفع الضغط عندهم اختي مريضه و الأخ يقول مو بيده الكونتركتر لازم يجون بالدور حسب الجدول

[الخيالة]

طلع مكيف الي تحت بعد المكينة محترقه و بكل برود قال لنا ياخذ عشرين يوم
وين نرقد ظ¢ظ* يوم في هالحر لا حول ولا قوة الا بالله

[monatee]

لاتنطرينهم

روحي اقرب مركز شرطه عندكم وبلغي عليهم
هم بطريقتهم يجيبون راعي الشركه ولا راعي المكان

[ساراام]

عيل كل يوم حنو عليهم لين يبدلونه

[الخيالة]

الله يعين
شكرا علي ردودكم

[وليف الشوق]

طيب على اي اساس ادفع ايجار وانا مش مستفيد من البيت شي ؟
عشان جذي شوفوا الجهة اللي تقدر ترد حقكم سواء مركز الشرطة التابع للمنطقة او الجهة اللي تجبر مالك البيت على صيانة وتصليح المكيفات
ولا اضطري اختي انك ماتدفعين ايجار الا بعد الانتهاء من الصيانه وانصحك شوفي التاريخ اللي تضررتم منه واخصمي الايجار واعطيهم حزتها مايقدرون يسون اي شي حتى لو يشتكون في المحكمه مع العلم انهم عدة مرات حضروا للبيت عشان الصيانه ولا استفدي شي منهم لكن لما يجي موعد الايجار تلقيهم يراكضون وياخذون حقهم واللي ساكنين في البيت مايهمهم
ليش الدنيا فوضى ؟

[الخيالة]

طيب على اي اساس ادفع ايجار وانا مش مستفيد من البيت شي ؟
عشان جذي شوفوا الجهة اللي تقدر ترد حقكم سواء مركز الشرطة التابع للمنطقة او الجهة اللي تجبر مالك البيت على صيانة وتصليح المكيفات
ولا اضطري اختي انك ماتدفعين ايجار الا بعد الانتهاء من الصيانه وانصحك شوفي التاريخ اللي تضررتم منه واخصمي الايجار واعطيهم حزتها مايقدرون يسون اي شي حتى لو يشتكون في المحكمه مع العلم انهم عدة مرات حضروا للبيت عشان الصيانه ولا استفدي شي منهم لكن لما يجي موعد الايجار تلقيهم يراكضون وياخذون حقهم واللي ساكنين في البيت مايهمهم
ليش الدنيا فوضى ؟


مشكوره اختي ع المرور صح كلامج
عقب محاولات عديدة و اتصالات ووو اليوم طرشوا العمال طبعا ماقدرنا نوصل لصاحب البيت لان مستحيل يعطونا بس عندي الاسم موجود في عقد البيت ع العموم حاليا قاعدين يشتغلون و ان شاءالله خير لا حول ولا قوة

[بوخالد911]

لو ما فاد
بلغوا الشررررطة ع طوووول