استفسارات مختلفة بخصوص البنيان

[SouthK]

السلام عليكم و رحمة الله و بركاته

بإذن الله بابني بيتي و ناوي اتعامل مع شركة اسمها مناقصات لكن و مع اني رحت لهم و واحد مدحهم لي لكني مب مرتاح للتعامل معاهم .. في أحد تعامل معاهم قبل؟ و اذا ممكن احد يرسل لي صورة التعاقد معاهم؟

بغيت أعرف وش احسن شركة للعوازل المائية لاني ناوي اسوي بيسمنت في الفيلا .. البيسمنت ناوي اسويه جزئين مفصولين عن بعض و ما فيهم حمامات (أجلكم الله).

بخصوص اشتراطات البناء و مواصفات المباني .. دخت و انا ادور المواصفات الفنية للمباني .. انا قاعد ارسم الفيلا بروحي (أدري خطير :victory:!!) فأبغي احط في الخريطة كل اللي احتاجه و عقب اروح لمكتب (أو لمناقصات) و اخليهم يعدلون عليه اذا احتاجوا!

للمعلومية ارضي في منطقة الثميد و تحديدا جنب المدرسة اللي ورا محطة وقود لزم!

يعطيكم العافية.

[aloosh]

السلام عليكم
انا بنيت بيتي وبيت اخوي عند قطري من اصل يمني صراحة شغل تشطيب عوازل ولا اروع انا في البيت من 4 سنوات لا فيه كراك لا برا ولا داخل وشخص يعمل بذمه صراحه وحتى لو ما سويت عنده بيفيدك وبينصحك تبي رقمه كلمني خاص

[معماري قطري]

الله يوفقك

منتدى البناء والديكور فيه تفاصيل كثيرة وكله ردود لتساؤلاتك وحتى تصاميم

نصيحتي لأي واحد ما يعرف يصمم ولا بمؤهل علمياً يثقف نفسه بهذي المواضيع ويروح لإستشاري جيد وخصوصاً معماري جيد حتى يحدد التصميم الأساسي له .. ما شاء الله شفت ناس كثيرين سمعوا النصيحة من بداية مشوارهم وتوفقوا وبعضهم لا أصروا على الخطأ وبعد فترة طويلة بين رايح وراجع قرروا يغيرون لإستشاري جيد .. بعضهم ينخدعون ويضطرون يرقعون شغل الاستشاري الضعيف بخساير كبيرة تفوق أوقات مليون ومليونين ريال .. أقرب مثال ممكن أذكره أحد القرايب احتد يهدم بعد ما شاف أخطاء شارحها له ويروح للمهندس يقول له حنعملها لك بعدين

شوف موضوع العقود بيفيدك وهو أول موضوع مثبت .. خلص تصميمك صح وبعدين روح لمناقصات وغيرها وأكيد لو بتبني لازم عقدك ومخططاتك ومواصفاتك تكون كاملة ودقيقة وصحيحة وتعرضها على كم مقاول حتى تحصل تسعير على عقد ونقاط واضحة .. بعدين أي استشاري مشرف يقدر يسوي المناقصة ويشرف عليها بدقة وهو اللي بيتابع مع البنيان وصراحة ما اعرف طريقة مناقصات غير اللي سمعته والله يوفقهم ويوفق الجميع

[معماري قطري]

أحد الإخوان عين استشاري وعين فوقه مهندس ممثل للمالك ووكله بإدارة البناء .. المهندس ممثل المالك يتابع ويصور ويرسل تقارير يوميه عن الشغل ويجيب عينات وفواتير وعروض أسعار للمالك .. حتى وهو مسافر توصله رسائل وصور على الوتس أب .. حاولنا نتفق مع استشاري مصري يسوي نفس العملية قال انا المقاول يجيب لي التقرير واوقعه وبس واتعابه 8000 شهري حق مجمع صغير من 6 فلل .. بين كذبه وقلت للمالك لتوقع معاه هذا من قعدته في المكتب مستوي برميل ومنتفخ

[بوخالد911]

أحد الإخوان عين استشاري وعين فوقه مهندس ممثل للمالك ووكله بإدارة البناء .. المهندس ممثل المالك يتابع ويصور ويرسل تقارير يوميه عن الشغل ويجيب عينات وفواتير وعروض أسعار للمالك .. حتى وهو مسافر توصله رسائل وصور على الوتس أب .. حاولنا نتفق مع استشاري مصري يسوي نفس العملية قال انا المقاول يجيب لي التقرير واوقعه وبس واتعابه 8000 شهري حق مجمع صغير من 6 فلل .. بين كذبه وقلت للمالك لتوقع معاه هذا من قعدته في المكتب مستوي برميل ومنتفخ

بل مصري بعد

أعوووذ بالله منه.

[بوسالم2]

السلام عليكم
تبي نصيحة مني حاسب تبني عند مقاول عربي
انا بالنسبة لي بنيت بيتي مساحة 1200 عند مقاول هندي واحد من الربع بعد بِنَا عنده والحمدلله خلصت العظم بدون اي مشاكل وبسعر زين واذا عن العازل افضل الشركات هم تدمر والمسند ونهاريا