عندي دريول وابي اكنسل اقامته ويسافر السؤال .... ؟

[Q ابو تركي Q]

عندي دريول وابي اكنسل اقامته ويسافر

هل يسمح له بالدخول اي وقت اذا حصل كفيل آخر ؟

او بعد سنتين حسب القانون القديم

[jajassim]

نعم يقدر ، اذا حصل على كفيل اخر

[راعي المواجب]

نعم يقدر يرجع اذا حصل كفيل جديد ومباشره بدون تاخير او منع من العوده للبلاد

[الدوحة 2010]

انا ادور دريول اخوي اذا ماتبيه ابي انقل كفالته لوسمحت ممكن خاص

[بوخالد911]

ومنكم نستفيد.

[Q ابو تركي Q]

انا ادور دريول اخوي اذا ماتبيه ابي انقل كفالته لوسمحت ممكن خاص

ما انصحك لانه سرق جوالي جديد بالكرتون واكتشفنا الجوال في غرفته

المشكله الثانيه اللي خربووه ربعه اخوه هنا وزوج اخته شغاليين ليموزيين .. واللحين تفكيره ليموزيين

نصيحه لحد يجيب دريول عن طريق هندي او مقيم.. عن طريق المكتب وبس

[إعلامي قطر]

..

عيّل لاتكنسل إقامته سفره وخلاص
عشان تضمن إنه مايرجع ع الأقل حالياً..

..

[Q ابو تركي Q]

..

عيّل لاتكنسل إقامته سفره وخلاص
عشان تضمن إنه مايرجع ع الأقل حالياً..

..

هذا اللي افكر فيه اقامته بتنتهي يناير .. وهو مسافر خلال ايام

[لطيف الروح]

هذا اللي افكر فيه اقامته بتنتهي يناير .. وهو مسافر خلال ايام

كنسل إقامته وسفره وما راح يقدر يرجع على كفيل آخر الا بعد سنتين او موافقة منك
لو ما كنسلت إقامته يقدر يدش البلد و يعمل عند غيرك بالاضافة الى انك ما راح تستفيد بالفيزا لمدة طويلة

[aloosh]

اذا ما تبيه يجي افتح له محضر وخلاص ما يجي ولا يطب دوحه:)

[الســيل]

هذا اللي افكر فيه اقامته بتنتهي يناير .. وهو مسافر خلال ايام

السلام عليكم

اخوي سو له محضر او وده الابعاد قولهم هالرجال سارق مني ومابيه يرجع يعممون عليه ومعاد يشم الخليج مو بس الدوحه

[khaldoon]

هذا اللي افكر فيه اقامته بتنتهي يناير .. وهو مسافر خلال ايام

لو ما كنسلت اقامته بتتعطل عن تقديم طلب تأشيرة لسائق جديد ست شهور لاتك عندك فيزا سارية المفعول لسائق عندك....و لو سافر واقامته مب مكنسلة فممكن يدخل البلد خلال ست شهور من تاريخ سفره ....مزبوط؟

[ameeer3]

الحل بسيط جدا ..

بما انك متأكد انه سرق جوالك .. وده الأبعاد وقولهم انه سارق جوالك ..

وراح يعطون السارق (الدريول) بلوك أتوقع من سنتين الى خمس سنوات ..

وبكذا انت ضمنت انه ما يرجع للبلاد ، وتقدر تجيب سايق مره ثانيه بنفس الموافقه السابقة لتأشيرة السايق

[بومحمد المطاوعه]

الحل بسيط جدا ..

بما انك متأكد انه سرق جوالك .. وده الأبعاد وقولهم انه سارق جوالك ..

وراح يعطون السارق (الدريول) بلوك أتوقع من سنتين الى خمس سنوات ..

وبكذا انت ضمنت انه ما يرجع للبلاد ، وتقدر تجيب سايق مره ثانيه بنفس الموافقه السابقة لتأشيرة السايق

لا مب بسيط اخوي

اول شي اذا ماعندك شهود على سرقة الجوال
مافي دليل مقنع عليه
ثاني شي هل تم ابلاغ الشرطه اثناء السرقه والشرطه فتشو وحصلو الجوال ,؟

اذا لا

مافي اي تهمه على الدريول واذا وداه الأبعاد
بيدفع تذكرته وبعد يومين بتشوفه فالدوحه عادي لا بلوك ولا اي شي
الا اذا تم صيده في قضيه سرقه او اي شي ثاني
اما انت الكفيل توديه وتقولهم سارق ماراح يسوون شي

لان في بعض الناس كانت تتبلى على هالفقراء
ونزلو قوانين صارمه

[بومحمد المطاوعه]

ما انصحك لانه سرق جوالي جديد بالكرتون واكتشفنا الجوال في غرفته

المشكله الثانيه اللي خربووه ربعه اخوه هنا وزوج اخته شغاليين ليموزيين .. واللحين تفكيره ليموزيين

نصيحه لحد يجيب دريول عن طريق هندي او مقيم.. عن طريق المكتب وبس

ماقول غير الله يعينك شتسوي بعد سفره وخلاص
لو وديته الأبعاد راح تدفع تذكرته ومب مسوين له اي حضر

وللأمانه الادريوليه كلهم جذي اذا تجمعو ف مكان كل واحد ينفخ راس الثاني
المفروض على الكفيل يكون شديد معاهم

لو جبت دريول عن طريق مكتب بعد نفس القصه
اذا كان اهو عوي بيكون عوي
المكتب ماراح يسوي شي ولا يعوضك شي غير بيقولك انطر بشوف لك غيره وقصة المكاتب قصه وياخذون فلوس شكثررر وربح فوق الدبل

[ameeer3]

لا مب بسيط اخوي

اول شي اذا ماعندك شهود على سرقة الجوال
مافي دليل مقنع عليه
ثاني شي هل تم ابلاغ الشرطه اثناء السرقه والشرطه فتشو وحصلو الجوال ,؟

اذا لا

مافي اي تهمه على الدريول واذا وداه الأبعاد
بيدفع تذكرته وبعد يومين بتشوفه فالدوحه عادي لا بلوك ولا اي شي
الا اذا تم صيده في قضيه سرقه او اي شي ثاني
اما انت الكفيل توديه وتقولهم سارق ماراح يسوون شي

لان في بعض الناس كانت تتبلى على هالفقراء
ونزلو قوانين صارمه

واجهت نفس المشكلة مع واحد من الربع ..

عندهم سايق كان يسرق أغراض تموينية من المخزن .. وتم ع ها الحال تقريبا 5 شهور لين اكتشفوه يسرق بالليل ويجي واحد عند الباب وياخذ الأغراض ..

المهم الي صار ودوه المركز وودّوا معاه شاهدين من السائقين الي معاه في البيت ..

وبعدها ع الأبعاد بالاضافة الى بلوك 5 سنوات ..


في مشاركتي وضحت لاخونا صاحب الموضوع ان اذا ((متأكد)) انه السائق سارق جوالك وده الأبعاد ،،،

والأبعاد بدورهم راح يوضحون للكفيل الإجراءات المطلوبه لإثبات التهمه ..

[ameeer3]

وبالنسبه لدفع التذكرة ،، هو في كلا الحالتين راح يدفع تذكرته سواء ودَّاه الأبعاد ولا ما ودَّاه..

[بومحمد المطاوعه]

واجهت نفس المشكلة مع واحد من الربع ..

عندهم سايق كان يسرق أغراض تموينية من المخزن .. وتم ع ها الحال تقريبا 5 شهور لين اكتشفوه يسرق بالليل ويجي واحد عند الباب وياخذ الأغراض ..

المهم الي صار ودوه المركز وودّوا معاه شاهدين من السائقين الي معاه في البيت ..

وبعدها ع الأبعاد بالاضافة الى بلوك 5 سنوات ..


في مشاركتي وضحت لاخونا صاحب الموضوع ان اذا ((متأكد)) انه السائق سارق جوالك وده الأبعاد ،،،

والأبعاد بدورهم راح يوضحون للكفيل الإجراءات المطلوبه لإثبات التهمه ..

اذا في شهود
امورك طيبه

اما لو مافي شهود
لو مصور بالجوال ماياخذون على التصوير

[بومحمد المطاوعه]

وبالنسبه لدفع التذكرة ،، هو في كلا الحالتين راح يدفع تذكرته سواء ودَّاه الأبعاد ولا ما ودَّاه..

صادق
بس ماتسوى عليك تتشحطط معاهم وفالأخير دافع دافع

[Q ابو تركي Q]

لو ما كنسلت اقامته بتتعطل عن تقديم طلب تأشيرة لسائق جديد ست شهور لاتك عندك فيزا سارية المفعول لسائق عندك....؟

اذا صج الكلام فالامر اصبح مصخره

معقوله الدريول اذا سافر قول اجازه 3 اشهر .. ما يحق لي اطلب تأشيرة دريول ثاني الا لما حضرته يرجع

انا ابي اعرف اشدخل رفض طلب تاشيرة دريول ثاني اذا الدريول الاول مسافر

والله صاروا الهنود يتحكمون في اهل قطر حتى لو انت محتاج علشان عيالك ولا اهل البيت ..لا اتهبدل يالقطري
السايق اهم منك

كنه يضحك علي اللحين ويقول بابا انت ما يقدر يجيب سواق كيف مال انا لما ارجع ..
بابا معليش انت في بهدله هذا قانون مال انا

[إعلامي قطر]

اذا صج الكلام فالامر اصبح مصخره

معقوله الدريول اذا سافر قول اجازه 3 اشهر .. ما يحق لي اطلب تأشيرة دريول ثاني الا لما حضرته يرجع

انا ابي اعرف اشدخل رفض طلب تاشيرة دريول ثاني اذا الدريول الاول مسافر

والله صاروا الهنود يتحكمون في اهل قطر حتى لو انت محتاج علشان عيالك ولا اهل البيت ..لا اتهبدل يالقطري
السايق اهم منك

كنه يضحك علي اللحين ويقول بابا انت ما يقدر يجيب سواق كيف مال انا لما ارجع ..
بابا معليش انت في بهدله هذا قانون مال انا

القطري المتزوج وعنده عيال يعطونه لين 4 تأشيرات
دريوليه وخدم بدون حتى ماتروح اللجنه الأمور
طيبه ولله الحمد روح عند أي ضابط شقردي
وماراح يقصر معاك..

..

[إعلامي قطر]

هذا اللي افكر فيه اقامته بتنتهي يناير .. وهو مسافر خلال ايام

لو مددت اقامته احتياط بعد كان أفضل !

عموماً أهم شي إنه سافر بدون ماتكنسل إقامته..

..