استفسار حول هبوط بالانترلوك.

[بوخالد911]

هلا بكم

عندي هبوط بسيط في الانترلوك وخاصة عند مدخل الباب الكبير.
وأتوقع الهبوط يكبر مع مرور الوقت.

شنو أفضل حل؟؟

شاكر لكم مقدما.

[wrc]

مرحبا اظن ياخوي ان الحل تشيل الانترك مكان الهبوط وتفرش رمل(حل رخيص) وتدكه مضبوط او تحط صبيه اسمنت (وهو افضل ولكنه حل اغلى اذا المساحة كبيرة) وبعدها ترجع تركب الانترلوك وتدك الانترلوك بماكينة رولر صغيره
والاخوان بالمنتدى مايقصرون وكذلك دور الحل بمواقع الانترنت وبتلقاه بأذن الله وهذا والله اعلم

[معماري قطري]

إذا حاط بودرة توقع هالهبوطات في كم مكان

دوم انصح بخرسانة بسمك بين 10 - 15 سم ومقواه بالفايبر أفضل وعليها أي نوع من الأرضيات تحب تركب وحتى لو تتركها مكشوفة ممكن وممكن تنصبغ ايبوكسي تكون قوية وما تخترب ولا يخترقها الماي وصبغ الايبوكسي يجي بألوان كثيرة بس غالي ويحتاج ناس فاهمين يقرون طريقة الخلط وينفذونها بالحرف الواحد ما يبي له حد يتفيهم

[معماري قطري]

مرحبا اظن ياخوي ان الحل تشيل الانترك مكان الهبوط وتفرش رمل(حل رخيص) وتدكه مضبوط او تحط صبيه اسمنت (وهو افضل ولكنه حل اغلى اذا المساحة كبيرة) وبعدها ترجع تركب الانترلوك وتدك الانترلوك بماكينة رولر صغيره
والاخوان بالمنتدى مايقصرون وكذلك دور الحل بمواقع الانترنت وبتلقاه بأذن الله وهذا والله اعلم

حلولك معقولة بس تقوية الرمل بشوية اسمنت وخلطه في الموقع حتى لو مع كنكري حبات صغيرة يعطي تماسك وقوة ولا يحتاج دك يعبي المناطق النازلة ويركب عليه الانترلوك

[بوخالد911]

مرحبا اظن ياخوي ان الحل تشيل الانترك مكان الهبوط وتفرش رمل(حل رخيص) وتدكه مضبوط او تحط صبيه اسمنت (وهو افضل ولكنه حل اغلى اذا المساحة كبيرة) وبعدها ترجع تركب الانترلوك وتدك الانترلوك بماكينة رولر صغيره
والاخوان بالمنتدى مايقصرون وكذلك دور الحل بمواقع الانترنت وبتلقاه بأذن الله وهذا والله اعلم

شكرا لمداخلتك المثرية.

[بوخالد911]

إذا حاط بودرة توقع هالهبوطات في كم مكان

دوم انصح بخرسانة بسمك بين 10 - 15 سم ومقواه بالفايبر أفضل وعليها أي نوع من الأرضيات تحب تركب وحتى لو تتركها مكشوفة ممكن وممكن تنصبغ ايبوكسي تكون قوية وما تخترب ولا يخترقها الماي وصبغ الايبوكسي يجي بألوان كثيرة بس غالي ويحتاج ناس فاهمين يقرون طريقة الخلط وينفذونها بالحرف الواحد ما يبي له حد يتفيهم

الف شكر بش مهندس
ما نستغنى عن نصايحك القيمة.

[معماري قطري]

أرض بيتي كانت نازلة ومتدرجة وفي مكان شبه صبخة .. دخلنا في شغل قوي فيها وخلاف بسيط مع المقاول تم حله بتقليل الدفان ورا وعمل بايب يطلع الماء لخارج السور .. لكن تم عمل حوض سباحة مغطى في المكان وتحويل تصريف السطح الجزئي لخارج السور عبر بايب كذلك مع عمل سلوبات للخارج

بالنسبة للأرضية كلها انعملت خرسانة وتبليط الا جزء حوض السباحة تم تبليطه ببقايا البلاط بدون خرسانة لأن خطة بناء حوض السباحة كانت ستتم في مرحلة لاحقة وتمت ببناء جيد

باقي البيت الحمد لله تصريف المياه يكون سريع وللخارج ولا استوت هبوطات نهائياً والسلوب بسيط مب مزعج للسيارة .. الخرسانة تحت البلاط 15 سم والدفان تحت بدون بودرة نهائياً وبدون حجارة كبيرة ومدكوك زين .. الخرسانة مقواة بالفايبر وبدون حديد نهائياً ووبفواصل تمدد .. وألحين بادخل على 12 سنة بدون مشاكل تذكر

[بوخالد911]

أمس كلمت عمال واحضروا الموقع
شالوا عدد 2 انترلوك
لقينا تحته بس رمل ناعم

واليوم الصبح شغالين عليه
وطلبت منهم يحطون رمل حكومة وكنكري وصبية عشان بالمستقبل ما يصير هبوط.

[معماري قطري]

حل معقول بس بيبين نفس الشيء في أماكن ثانية خصوصاً من دوس السيارات وكل ما عدلت بهذي الطريقة بينفع بس بتواجه مشكلة عدم ضبط المستوى والسلوب

[khaldoon]

أمس كلمت عمال واحضروا الموقع
شالوا عدد 2 انترلوك
لقينا تحته بس رمل ناعم

واليوم الصبح شغالين عليه
وطلبت منهم يحطون رمل حكومة وكنكري وصبية عشان بالمستقبل ما يصير هبوط.


كم سماكة الرمل الناعم او المغسول اللي محطوط تحت الانترلوك؟..... لو اكثر من 7سم بيصير هبوط...انا اعتقد هذا سبب الهبوط عندك

[بوخالد911]

حل معقول بس بيبين نفس الشيء في أماكن ثانية خصوصاً من دوس السيارات وكل ما عدلت بهذي الطريقة بينفع بس بتواجه مشكلة عدم ضبط المستوى والسلوب

سويته حق المدخل للباب الكبير
والمساحة 8*4.5

[بوخالد911]

كم سماكة الرمل الناعم او المغسول اللي محطوط تحت الانترلوك؟..... لو اكثر من 7سم بيصير هبوط...انا اعتقد هذا سبب الهبوط عندك

والله مب متذكر كم.

[معماري قطري]

والله مب متذكر كم.

صعب أصلاً يحطون رمل كله نفس السمك .. والرمل حل رخيص للانترلوك ويعطينا امكانية ازالته وعمل تصليحات تحته في الأرصفة العامة ويكون مناسب للمشاة والأوزان الخفيفة لكن للسيارات لازم تصير هبوطات ويتفكك

في الطبيعة يتم تسوية الأرض حسب سلوب معين لتصريف المياه وبعدين يدفنون شوي ويدكون وفوق الأرض المستوية يحطون رمل ويركبون الإنترلوك والرمل يستحسن يكون خشن وبسمك بحدود 5 سم وأقل بشوي ما يزيد عن 5 سم .. فيه مثبتات بلاستيكية للدفان مسدسة أو دائرية تعطي متانة وقوة ومستوى واحد حطيت لها مقاطع في يوتيوبيات البناء .. لكن لبيوتنا المساحة صغيرة خصوصاً مساحة مرور السيارات والخرسانة عملية وتمنع سهولة بناء بيوت النمل تحت الإنترلوك والتكلفة بسيطة مقارنة بتكلفة الأرصفة الخارجية

[بوخالد911]

صعب أصلاً يحطون رمل كله نفس السمك .. والرمل حل رخيص للانترلوك ويعطينا امكانية ازالته وعمل تصليحات تحته في الأرصفة العامة ويكون مناسب للمشاة والأوزان الخفيفة لكن للسيارات لازم تصير هبوطات ويتفكك

في الطبيعة يتم تسوية الأرض حسب سلوب معين لتصريف المياه وبعدين يدفنون شوي ويدكون وفوق الأرض المستوية يحطون رمل ويركبون الإنترلوك والرمل يستحسن يكون خشن وبسمك بحدود 5 سم وأقل بشوي ما يزيد عن 5 سم .. فيه مثبتات بلاستيكية للدفان مسدسة أو دائرية تعطي متانة وقوة ومستوى واحد حطيت لها مقاطع في يوتيوبيات البناء .. لكن لبيوتنا المساحة صغيرة خصوصاً مساحة مرور السيارات والخرسانة عملية وتمنع سهولة بناء بيوت النمل تحت الإنترلوك والتكلفة بسيطة مقارنة بتكلفة الأرصفة الخارجية

1000 شكر لكم ولمشاركاتك الغزيرة بالمعلومات المهمة جدا.