طرابزون وبورصة

[كويتية74]

مساء الخير اخواني وخواتي

ماعليكم امر اللي عندها معلومات ممكن تفيدني عن هالمنطقتين يساعدني

سواء فنادق او اسواق او اماكن ترفيه

ومشكوررين مقدما

[نمر بن عدوان]

عندك هالرقم اتصل عليه اسمه بوفارس رجال والنعم يدل بورصه احسن من اهلها وعنده سياره وبيرتبلك كل شي حتى في طربزون واسعاره جيده

00905397045933

[كويتية74]

يعطيك ال عافية اخوي ماقصرت

[fzaa_qatar]

طرابزون جميله وزيارتي مع الاهل كانت بشهر 4 ولحقنا على الثلوج مدينه جميله وطبيعه وناسها طيبين سكنا بطرابزون بفندق وسط المدينه اسمه زورلو غراند كل شي حوله مطاعم اسواق ومن الفندق نتحرك لازونجول الساعه 8 ونرجع عالمغرب فطرابزون من الفندق ممكن تاخذون كتيبات لاهم الاماكن السياحيه او اي شركه تاجرون منها سياره زرنا بحيرا سيراقول جميله ومطاعمها اكلهم لذيذ عندكم بعد قصر اتاتورك ومدينه ريزيا والسوق الروسي رحنا بس اشوفه عادي جدا راح تستانسون فازونجول كرحله يوم كامل عندكم مترتفعات حيدر نبي ممتعه وطبيعه خلابه وفيه كهف بعد ما تخلصون من مرتفعات حيدر نبي نسيت اسمه تمر الكهف جميل جدا وفوقه شلال وتحت الشلال كوفي لعايله تركيه عجايز يسوون جاي وفطاير ع كيف كيفكم وناس صراحه قمه فالاخلاق والطيبه .. اما بورسه مارحتها لضيق الوقت واكتفينا بمعشوقيه الجميله ومطاعمها وانهارها

[fzaa_qatar]

واذا فيه اطفال نصيحه خلوا اخر يوم او يومين فمدينه فيالاند مدينه ترفيهيه عباره مول وفندق ومطاعم راح يستانسون العيال وايد

[كويتية74]

شكرًا اخوي فزاع معلومات مثرية الصراحة، لاهنت

[Class - Qtr]

السلام عليكم

بورصه تقدر تزور ( حديقه بورصه ) ( المسجد الكبير ) ( سوق الحرير ) ( جبل اولدورغ ) ( مناحل العسل ) ( الشجرة الكبيرة ) ( مزارع الفواكه )

وعليك بالغدا في مطعم ( اسكندر ) بيعجبك موقعه داخل حديقه بورصه


طربزون تقدر تزور ( بحيرة ازونغول ) ( مرتفعات السلطان مراد ) ( حيدر نبي ) ( بحيرة سيرا غول ) ( مغارة تشال ) ( قمه بوز تابه )

( قلعه طربزون ) ( سوق بداستان )

اسطنبول ( عندي ارقام شركات تحجز فنادق ارخص من بوكنق ) ( حجز السيارة في اسطنبول الليله 120 دولار داخل المدينه وبرع 150 دولار )

طربزن ( ( عندي ارقام شركات تحجز فنادق ارخص من بوكنق ) ( حجز السيارة في طربزون الليله 150 دولار )

[كويتية74]

شكراااا اخوي كلاس

[Saranay]

احنا خذنا السيارة في طرابزون بمئة وعشرين دولار واسطنبول بمئة وثلاثين دولار والبنزين عليهم وهذه أسعار معظم الشركات في شعر اغسطس وتوصل السيارة في اسطنبول بمئة وخمسين دولار . طبعا مع مرشد يتكلم عربي.. والانستغرام مليان شركات