هل تفاجئنا وزاره الاوقاف وترجع ايام زمان ..؟ ( ان صارت بتكون شئ جميل جد ! ..) [الأرشيف]

مشاهدة النسخة كاملة : هل تفاجئنا وزاره الاوقاف وترجع ايام زمان ..؟ ( ان صارت بتكون شئ جميل جد ! ..)

المخلب

22-09-2006, 07:45 PM

السلام عليكم

كيف حالكم ..

احب ابارك لكم الشهر الفضيل شهر رمضان (( اعاده الله علينا وعليكم بطولت العمر والرزق الوفير .. )) ..

اخواني الاعضاء شهر رمضان يتمتع باجواء مختلفه عن كل الاجواء ..

شئ غير .. حاجه ثاني .. لانه مو شهر عادي .. هو شهر الله شهر الرحمه شهر تغلق فيه ابواب جهنم .. وتفتح فيه ابواب الجنه .. يغفر الله فيه الذنوب .. شهر الحسنات ان جاز التعبير ..

من الاشياء ايضا المميزه في هذا الشهر الفضيل ..

http://pr.sv.net/svw/2005/October/images/40-3-2.jpg

المسحراتي ! ..

من هو المسحراتي ؟؟

الله يسلمكم للي مايعرف من هو المسحراتي .. هو رجال يلف في الفرجان وبيده طبل وعصايه ..

يدق عليها علشان يجلس النيام وقت السحور ..

ويااحلو ذيك الايام ..

الظاهره هذي انقرضت للاسف بقطر .. من فتره طويله ..

لكن موجوده في بلدان خليجيه ثانيه مثل السعوديه والبحرين .. (( على سبيل المثال والي شفته بعيني ! .. )) ..

فهل وزاره الاوقاف تطبق هذا العمل الطيب هذي السنه .. ؟

الصراحه قطر قامت ترجع القديم وتخلطه بالحاظر ..

مثل كروه , بروه , السوق القديم (( سوق واقف بعد تعديله )) ..

فنتمنى انهم يرجعون هذي الظاهره الجميله جدا .. الي بتذكر الكبار بشباببهم .. وتعلم الشباب كيف هو تراث ابائهم ..

ان شاء الله ماكون طولت عليكم ..

اخوكم المخلب .

abo rashid

22-09-2006, 07:54 PM

اعتقد انة موجود في بعض الفرجان
الاول كان يمشيى و الكل يسمعة
الحين المسحر متطور بالسيارة و يلف بسرعة محد يسمعة

يعطيك العافية اخوي

مبارك عليك الشهر

الزاجل

22-09-2006, 08:23 PM

المسحر صار عبارة عن سيارة داحبة مجموعة طبالين
يغنون اغاني حب وغزل وشكشكة
حولوا مهنة المسحر الى جلسة شباب
وحتى ممكن اتشوفوهم يترقصون طبعا هذا غير التصفيق ..

اذا تبي الصراحة هالنوعية من المسحرية ما نبيهم

نبي ذاك المسحر اللي لدخل رمضان سمعنا صوت الطبل
وسمعناه اشلون يردد اهازيج ذكر الله والصلاة على النبي ..

وفي أخر الشهر ياخذ كفايته من اهل الفريج
لما يردد علينا الوداع يا رمضان ..

فمهنة المسحر مب تابعة لوزارة الأوقاف يا المخلب
هي اعتقد تابعة لنادي الجسرة ..

والمسحر قديما كان يتطوع من نفسه
ويحصل على اجره اخر الشهر من الناس اللي يحرص انه يلف عليهم ..

وطر مضى ياليت يرجع بشكله القديم

Qa6ar

22-09-2006, 08:32 PM

الله يعطيك العافيه

relaax

22-09-2006, 08:36 PM

يعطيك العافيــــــــــه

والمدفع ما عدنا نسمعه ... نشوفه ف التلفزيون و تسجيل قديم

{راشد}

22-09-2006, 08:47 PM

صعب ترجع ايام اول كل شيء تغير,,,

حتى الفرجان تغيرت الله يعين بس,,,,,

تسلم يالمخلب ع الموضوع

الغزالة

22-09-2006, 09:24 PM

ياليت والله شي حلو

المخلب

22-09-2006, 10:01 PM

صحيح كل شئ تغير .. لكن مب عيب ان نحيي التراث !! ..

والي ماله ماضي ماله حاضر .. !

ودام الدوله ولله الحمد مابقى شئ ماسوته علشان ترد التراث الزين للبلد ! ..

ترى المسحر هذا بيعرف ناس واجد بطبيعه البلاد في شهر رمضان !! .. وخاصه الاجانب الي مالهم باهل قطر علم ! (( بس عبالهم القطري اولدته امه وفي مخباه فلوس ! ولا يدرون وش ماضينا ولا اي شئ عنا ..!! )) وبالعكس هذا برسخ التاريخ الاصيل لاهل قطر ! ..

على العموم امبارك عليكم الشهر اجمعين .. والله يعوده علينا وعليكم بالصحه والعافيه ..

اخوكم المخلب .. :)

المخلب

22-09-2006, 10:02 PM

ومااانسى ان اشكر اخوي مغرور قطر على نقل الموضوع للخيمه الرمضانيه ..

تحياتي وشكري لك .. ومبارك عليك الشهر :)

قطر الندى

22-09-2006, 10:07 PM

المسحر رجعته حلو ه بس من بيسمعه الحين لبيوت تغيرت كبيره والحوش اكبر وصوت المكيفات حتى لو سنترال مادري احس محد بيسمعه

مع تحيات الاميره قطر الندى

ROSE

22-09-2006, 10:07 PM

اي والله جان زين يالمخلب يرجعون هالتراث وهالعادات مره ثانيه

خاصة في اجواء رمضان واللي الواحد يكون محتاج يعيش فيها هالاجواء الجميله

وخاصه مثل ما احنا ملاحظين حتى روح التزاور والزيارات خفت صار الخدم يوزعون

وهم اللي يدروون في الفرجان وعلى فكره الاجر شكله بعد لهم

يزاك الله خير اخوي المخلب على هالموضوع

المخلب

23-09-2006, 12:13 AM

قطر الندى

روز

كلامكم على العين والراس بس والله بيكون شئ عجيب ..

تحياتي لكم ..

المحبووووب

23-09-2006, 01:21 AM

يعطيــــــــك العافيــــــــــه

لمت داون111

23-09-2006, 01:47 AM

يعطيك العافيــــــــــه

والمدفع ما عدنا نسمعه ... نشوفه ف التلفزيون و تسجيل قديم
المدفع موجود يالغالي عند ساحه البريد

والله لايجيب اليوم الي يختفي فيه المدفع مثل المسحر

لمت داون111

23-09-2006, 01:50 AM

تصدق يالمخلب رجعت لي ذكريات قديمه جدا !!

والحمدلله اني لحقت علي المسحر في بدايه سنين عمري وكنت اصيح علي الوالد يطلعنا نلحقه

ماحصل الا اعيال الفريج معانا لاحقينه :funny:

والله اياام crazy crazy

وللعلم المسحر للحين موجود بفرجان البحرين وكل ماروح حق اهلي هناك اشوفه واستانس علي ايام اول

ياريت والله يرجع لنا المسحر

يعطيك العافيه يالمخلب وتسلم علي الذكريات الحلوه :)

المخلب

23-09-2006, 02:18 AM

لمت داون111

23-09-2006, 02:21 AM

المحبووووب , لمت دااون ..

الله يعافيكم ..

والله الايام تركض لكن شنسوي هذي الدنيا .. ان شاء الله الاشياء الحلوه ماتروح ..

(( على طاري عيال الفريج انا اذكر كلهم لابسين ثوب بيت وله ثوب قصير ومشقق :) و3 يمكن راكبين سياكل ويلحقونه .. مادري انت نفس الشئ وله عيال فريجكم كانوا رااقيين:funny: ) ..
هههههههههههه لا ياريال محد كان راقي اول

نصنا يلاحقونه بصراول وفانيله وانا منهم :funny: :funny:

ابوي يصارخ علي روح البس جلابيه ومافيه فايده :dance

khaldoon

23-09-2006, 09:31 AM

والله كانت ذكريات حلوه فعلا ومميزه ...اتمنى انها تعود
جزاك الله كل خير يا المخلب على طرح هذا الموضوع الحلو

المخلب

23-09-2006, 01:54 PM

بارك الله فيك يا خلدون .. وان شاء الله تنرد هل الايام ..

تحياتي لك ..

المخلب

23-09-2006, 01:58 PM

هههههههههههه لا ياريال محد كان راقي اول

نصنا يلاحقونه بصراول وفانيله وانا منهم :funny: :funny:

ابوي يصارخ علي روح البس جلابيه ومافيه فايده :dance

هههههههههههه الله يذكرك بالخير

يالله ان شاء الله تنرد هل الايام بس بثياب عدله :nice:

نديم القلم

19-04-2021, 10:54 PM

اساليب يقظة المسلمين للسحور باتت اكثر تطورا ، فالمسحر وان صح تعبيره اصبح غير فعال بسبب انناط المساكن عن ذي قبل ، فالقدماء كانوا يسكنون البيوت التي لو مشيت في الشارع ادركوا صوت نعالك ، اما الان ومل واحد يفخ المكيف على راسه كيف بيسمع سي المسحراتي ؟!