partyQtr
20-07-2017, 08:50 AM
صبحكم الله بالخير اخواني وخواتي
تكلمنا من قبل سواء في المنتدى او في السوشال ميديا عموماً عن فوائد الحصار او بالاصح إيجابيات الحصار
واهم ايجابيه طبعا تلاحم الشعب القطري والتفافهم حول القائد والولاء للوطن بالاضافه الى المقيمين
ابي أتكلم عن الموضوع من ناحية ثانيه اقتصادية وصحية ، اول شيء من الناحية الاقتصادية كلنا نعرف انه من قبل في منتجات وطنيه في الأسواق
بس للأسف قليل منا اللي كان يشتريها او بالاصح الناس دوم ماتحب التجربه وتفضل الشئ المتعوده عليه مثلا حليب المها صار له فترة وعن نفسي من مده
طويله من اول مانزل سوينا اكس عالمراعي واستبدلناه في قليل اللي جربوه طبعا أتكلم قبل الحصار وكنا نحصله بسهوله ومثلا لو المصنع ينتج في اليوم
50 الف يمكن كان اللي ينباع 30 هاي مثال اما الحين نادر مااحصل هالحليب وهالشئ إيجابي جداً خصوصا انه راح يتشجع صاحب المصنع انه يزيد انتاجه
ويزيد عمالته لا ويوسع مجاله مثلا من حليب لحليب وروب و حليب بنكهات و و و وهالشئ فعلا شفناه مثلا امس في الجمعيات قبل كنت اجوف روب روعه
بنكهات بس امس في الجمعيات روب وحليب ولبن بنكهات بعد يعني دعمنا للمنتج الوطني شجعهم انهم يزيدون الإنتاج وينوعون في منتجاتهم تخيلو يعني
حاليا المها وروعه وبلدنا وغدير هاي شركات محليه لو يزيدون انتاجهم وينوعون في منتجاتهم سنة بالكثير ان شاءالله راح يصير اكتفاء ذاتي من ناحية
الالبان ومنتجاتها لا وممكن بعد يكون في تصدير خارجي ، شيء ثاني قبل مثلا في المطاعم وحتى الجمعيات نادر مانحصل ماي (وطني ) الحين اغلب المطاعم قمنا
نشوف فيها ماي الكا لايف ماي منتج وطني وصحي نسبة الصوديوم فيه قليلة وقلوي بعد ، اخر شيء واللي هو من ناحية صحية قبل كنا نحوس عشان مثلا نحصل
حليب اورجنك الحين نطب ونتخير حليب من فرنسا ومن بريطانيا و و وكلها صحية واورجنك ، واهم شيء بالنسبة للخضروات والفواكه اكيد لاحظتو انه من زمان مثلا
في اللولو في قسم للخضروات والفواكه نحصل فيه الكيلو مثلا من 15 و 20 وطالع وفي قسم الكيلو بريال وريالين انزين اشلون هاي طماط وهاي طماط هاي خيار وذي خيار
ودوم الأجانب ماياخذون الا من الغالي ليش لانه ذاك اورجنك يعني بدون أي مواد كيميائية واسمدة يعني شيء صحي مب اللي مانعرف حتى شنو ماي الري اللي يسقونه فيه
وبعدين مثلا لو حصلت كيلو الخيار بريال اش راح اسوي راح اشتري كرتون مثلا ب 15 ريال واستخدم ربعه والباقي يخترب وفي الزباله الله يعزكم لكن سالفة الكيلو مثلا ب 7 ريال
راح اشتري على قد حاجتي وهني تعلمت اني اقتصد وشريت شيء صحي وجنبت نفسي امراض ، بااختصار من الحصار راح تتغير عندنا عادات كثيره وبعد الحصار ان شاءالله راح نستمر
عليها خصوصا انه اغلبنا حاليا تعود على منتج معين وصعب نغيره وهالشئ راح يعود علينا بفايده وعليهم بخساره.
واسمحولي عالاطاله
تكلمنا من قبل سواء في المنتدى او في السوشال ميديا عموماً عن فوائد الحصار او بالاصح إيجابيات الحصار
واهم ايجابيه طبعا تلاحم الشعب القطري والتفافهم حول القائد والولاء للوطن بالاضافه الى المقيمين
ابي أتكلم عن الموضوع من ناحية ثانيه اقتصادية وصحية ، اول شيء من الناحية الاقتصادية كلنا نعرف انه من قبل في منتجات وطنيه في الأسواق
بس للأسف قليل منا اللي كان يشتريها او بالاصح الناس دوم ماتحب التجربه وتفضل الشئ المتعوده عليه مثلا حليب المها صار له فترة وعن نفسي من مده
طويله من اول مانزل سوينا اكس عالمراعي واستبدلناه في قليل اللي جربوه طبعا أتكلم قبل الحصار وكنا نحصله بسهوله ومثلا لو المصنع ينتج في اليوم
50 الف يمكن كان اللي ينباع 30 هاي مثال اما الحين نادر مااحصل هالحليب وهالشئ إيجابي جداً خصوصا انه راح يتشجع صاحب المصنع انه يزيد انتاجه
ويزيد عمالته لا ويوسع مجاله مثلا من حليب لحليب وروب و حليب بنكهات و و و وهالشئ فعلا شفناه مثلا امس في الجمعيات قبل كنت اجوف روب روعه
بنكهات بس امس في الجمعيات روب وحليب ولبن بنكهات بعد يعني دعمنا للمنتج الوطني شجعهم انهم يزيدون الإنتاج وينوعون في منتجاتهم تخيلو يعني
حاليا المها وروعه وبلدنا وغدير هاي شركات محليه لو يزيدون انتاجهم وينوعون في منتجاتهم سنة بالكثير ان شاءالله راح يصير اكتفاء ذاتي من ناحية
الالبان ومنتجاتها لا وممكن بعد يكون في تصدير خارجي ، شيء ثاني قبل مثلا في المطاعم وحتى الجمعيات نادر مانحصل ماي (وطني ) الحين اغلب المطاعم قمنا
نشوف فيها ماي الكا لايف ماي منتج وطني وصحي نسبة الصوديوم فيه قليلة وقلوي بعد ، اخر شيء واللي هو من ناحية صحية قبل كنا نحوس عشان مثلا نحصل
حليب اورجنك الحين نطب ونتخير حليب من فرنسا ومن بريطانيا و و وكلها صحية واورجنك ، واهم شيء بالنسبة للخضروات والفواكه اكيد لاحظتو انه من زمان مثلا
في اللولو في قسم للخضروات والفواكه نحصل فيه الكيلو مثلا من 15 و 20 وطالع وفي قسم الكيلو بريال وريالين انزين اشلون هاي طماط وهاي طماط هاي خيار وذي خيار
ودوم الأجانب ماياخذون الا من الغالي ليش لانه ذاك اورجنك يعني بدون أي مواد كيميائية واسمدة يعني شيء صحي مب اللي مانعرف حتى شنو ماي الري اللي يسقونه فيه
وبعدين مثلا لو حصلت كيلو الخيار بريال اش راح اسوي راح اشتري كرتون مثلا ب 15 ريال واستخدم ربعه والباقي يخترب وفي الزباله الله يعزكم لكن سالفة الكيلو مثلا ب 7 ريال
راح اشتري على قد حاجتي وهني تعلمت اني اقتصد وشريت شيء صحي وجنبت نفسي امراض ، بااختصار من الحصار راح تتغير عندنا عادات كثيره وبعد الحصار ان شاءالله راح نستمر
عليها خصوصا انه اغلبنا حاليا تعود على منتج معين وصعب نغيره وهالشئ راح يعود علينا بفايده وعليهم بخساره.
واسمحولي عالاطاله