الفوم كبديل لل جي ار سي

[مواقف النجادة]

السلام عليكم
حبيت اسال عن الفوم المغطى بالجبس (او البلاستيك) .. الذي يستعمل كبديل لل جي ار سي
احتاج جي ار سي للبيت ككرانيش و براويز للشبابيك الخارجية
حصلت شركة اسمها ( هالكو) عندهم هالمادة لكنهم اشترطوا اني اغطي البيت كله بمادتهم مش بس كرانيش و براويز .. قلت لهم انا مخلص البلاستر وما احتاج اغطي الحوائط ..فرفضوا يشتغلون في بيتي
ميزة هالمادة عندي ان وزنها خفيف مما يجعلها اكثر امان في حال السقوط.
اذا حد يعرف شركة تورد و تركب هالمادة ياريت يدلني عليها
تحياتي

[شموخ دائم]

,

,


مرحبا



اللؤلؤه كل المباني والعمارات البراويز على الشبابيك هناك كلها ماده ( الفوم )

شفت الشركه بأحد المعارض بقطر
للأسف ضيعت الكتالوج مالهم عندهم مكتب بقطر
اعتقد الان في اكثر من شركه تسوي هذا الشغل وهو خفيف وممتاز ويقاوم الحراره


,

,

[معماري قطري]

منتشرة المادة انتشار كبير وبعضها يجي مقاوم للحريق وبعضها يجي سريع الإشتعال

مشكلتها مع الأحماض والكبريتات وحتى المطر الحمضي ولو نسبة بسيطة شيء بشيء تتلاشى .. تعصر ليمونة تشوف شلون تذوب وتختفي .. لكن لو تمت تغطيتها ببلاستر نوع جيد ومقاوم للرطوبة وبصبغ جيد توكل على الله وركبها .. وأي فورمان فاهم تجيب له المواد بيقدر يسويها ويركبها

للقص يستعملون السلك الصاخن وتقدر تقص بالشكل اللي تبي وبسهولة

انا افضل السيبوريكس وهو مادة مقاربة وأكثر صلابة ولا يتأثر من العوامل الجوية بس قصه وسط بين الفوم والطابوق ونحته سهل بأدوات معينة

هذا فلم عن حريق لواجهة بوليستيرين اللي هي مادة الفوم


https://www.youtube.com/watch?v=Jbs7Sl_zNCg

[معماري قطري]

وهذي تجربة لنوع معمول ضد الحريق .. واللي عندنا على خبري سريع الاشتعال وما ينفع الا بين طابوقتين للعزل أو فوق السطح بطبقة اسمنت 4 سم وتزيد حسب السلوب والاسمنت لحمايته من عوامل الجو وأي مصدر اشتعال


https://www.youtube.com/watch?v=2409s9bHv_I

اللي عندنا تاخذ قطعة صغيرة وتولع فيها كبريت وتشوف شيصير

[معماري قطري]

وهذا مسوي عمود وبعدين يشطبه والمهم التشطيب بطبقة بلاستر ما تسرب الماء له أو رشه بصبغ عازل وتقدر تتابع مع باقي الفيديوهات التابعة حق هذا


https://www.youtube.com/watch?v=XKz0d8Yl-fU

[معماري قطري]

وهذا مسوي عمود وبعدين يشطبه والمهم التشطيب بطبقة بلاستر ما تسرب الماء له أو رشه بصبغ عازل وتقدر تتابع مع باقي الفيديوهات التابعة حق هذا


https://www.youtube.com/watch?v=XKz0d8Yl-fU

[معماري قطري]

الأداة ذي اللي يستخدمها فيها بطارية تخليها صاخنة من تلامس الفوم تقصه بسهولة


https://www.youtube.com/watch?v=sw_uuryT1-0

[معماري قطري]

وهذا الفوم مشكل ومصبوغ بطبقة حماية سميكة ولاحظ يضربها شوي شوي لو قوة بتنكسر القشرة اللي عليه


https://www.youtube.com/watch?v=lymJ3V0QBCo

[معماري قطري]

للأسف بعض الشركات حرامية والا المفروض يسوون المطلوب منهم وحسب رغبة العميل أما يقولون كل البيت وبيكلفك 400000 هذي نهيبة تركب حجر أفضل لك أو ترضى بالجي ار سي أو بدون تسويه بسيط

[مواقف النجادة]

اخي الكريم شموخ دائم
استاذنا معماري قطري

أشكركم على الإفادة و النصيحة .. بارك الله فيكم

حصلت محل ثاني اسمه ( فنتازيا ) مكانه في شارع السد جنب المصرف.. يوردون من تركيا
عطوني كوتيشن بأكثر من ضعف سعر ال جي أر سي (هذا الكلام قبل الحصار )
مع ان الفوم يفترض انه بديل رخيص لل جي أر سي
شكلي راح اركب جي أر سي في النهاية

شكرًا لكل من ادلى بدلوه و تقبلوا تحياتي ..

[معماري قطري]

العفو يا اخوي

الجي ار سي خطوة بديلة وأكيد أفضل بس انتبه ليسوونه لك مصبوغ ومشطب بمادة رملية الرمل واضح فيها .. خلطة الجي ار سي الجيدة يجي صبغها جزء منها لو انخدش نحصل الصبغ مختلط بالجسم .. بعدين ما تتشطب الا بمكاين وعدة القص واللون الدارج الأبيض لأنه لون خيوط الفيبر وكذلك لون الاسمنت الأبيض

بعدين الجي ار سي قوته في صلابته مع قوته في الشد حتى التمدد الحراري مضمونة بخيوط الفيبر

للأسف في قطر انتشر الجي ار سي المزيف ممكن نسميه وحتى الشركة القوية اعتقد قطر للديكور وقفت لأن الكل يتجه للرخيص واللي ما ينفع

[معماري قطري]

تصلبه ياخذ وقت وفي غرفة بخار مضبوطة الحرارة والرطوبة والوقت بحدود 21 يوم .. يطلع مادة مقاربة لإنتاج الصحون والخزف بقوة وصلابة والهواة يتجاوزون كل هذي الخطوات

[عيون قطر]

للأسف بعض الشركات حرامية والا المفروض يسوون المطلوب منهم وحسب رغبة العميل أما يقولون كل البيت وبيكلفك 400000 هذي نهيبة تركب حجر أفضل لك أو ترضى بالجي ار سي أو بدون تسويه بسيط

كلامك سليم 100% انا من كم يوم عطوني سعر للفيلا كامله 435 الف مع الدزاين للبيت بالكامل لو اشتغل حجر ابرك لي بيطلع علي 380 الف للفيلا كامله ولا تركيب ميكانيك بعد سعرهم مبالغ فيه وفوق هاي في عيب في الفوم انه يوم تبي تركب كاميرا ولا اضاءه مايثبت على الفوووم لازم من البداية تعمل حساب الكاميرات للبيت والاضاءه انا اشوف الحجر بالنسبه لي احسن وعملي اكثر من الفوووم

[معماري قطري]

كلامك سليم 100% انا من كم يوم عطوني سعر للفيلا كامله 435 الف مع الدزاين للبيت بالكامل لو اشتغل حجر ابرك لي بيطلع علي 380 الف للفيلا كامله ولا تركيب ميكانيك بعد سعرهم مبالغ فيه وفوق هاي في عيب في الفوم انه يوم تبي تركب كاميرا ولا اضاءه مايثبت على الفوووم لازم من البداية تعمل حساب الكاميرات للبيت والاضاءه انا اشوف الحجر بالنسبه لي احسن وعملي اكثر من الفوووم

كنا ساكنين في مجمع في اورلاندو والمدخل فيه عمود يبين خرسانة طلع الظاهر حديد مغلف بفوم حق يعطيه شكل .. لكن احتكاك المواد المنقولة والشنط خرب صبغ الحماية وتم يتنتف الفوم وكل واحد يمر يشيل قطعة صغيرة .. وأكيد لو بتركب شيء فيه لازم برغي طويل للتعليق

الفوم داخل طبقتين حائط زين ويعطي عزل حراري أما طريقتهم ذي عجبتني في البداية بس اشوفها ما تسوى ولا تدوم