مطلوب شركة لعمل برك السباحة نصيحتهم

[Khalid_]

السلام عليكم بغيت شركة لعمل برك السباحة يكون شغلها ممتاز افيدونا افادكم الله

[RAGA]

السلام عليكم
شركة بلو واتر
Blue Water

[دينالي]

ريجنسي جربتهم وجيدين

[معماري قطري]

الشركات التوب تدمر و جيمكو ما ادري جامكو ومقرها على طريق المطار القديم قبل دوار سلاح الجو

تدمر تستخدم الكونكريت المقذوف .. شوتنغ كريت وهو يغطي كل المسامات وخرسانتهم وعزلهم جيد جربتهم وللحوض قريب السبع سنين بدون مشاكل وصيانتهم جيدة موقع معاهم عقد صيانة سنوي

نصيحة لو بتسوي سوه مرتفع عن الأرض ولو نص مرتفع وجزء بسيط تحت الأرض وسوه اوفر فلو الماي يصب على جانب أو جانبين أو حتى 3 وينزل في قناة نازلة مفتوحة .. تشوف الماي مثل الشلال على الجوانب والقناة تكون غاطسة في الأرض وخله بارتفاع واحد 1.25 متر بيكون مناسب للغالبية وزين للسباحة ومب مكلف

الجبر وريجنسي يجون أقل درجة وبعدين باقي الشركات حسب علمي لكن بعض الشركات يمكن ما اعرف عنها وتكون حديثة وممتازة

النظام اللي ذكرته حتى لو تطيح شوائب مثل رمل وورق شجر يدفعها الماء وينزلها في القناة المفتوحة وتتجمع بسهولة تشيلها بشبكة والرمل يتفلتر والماي الراجع يندفع بقوة ورا الظهر لو سويت كرسي ويكون مثل نظام الجكوزي .. بعدين تحتاج سخان ماء ولا تحتاج لتغطيته لو تخليه مكشوف للشمس أفضل ويمكن تحتاج تحطه في منطقة محصورة ومغلقة للخصوصية والأمان لو عندك جزء في الحديقة .. حطيت صور حق نوع مشابه في موضوع كتبته في منتدى السياحة عن رحلة لبانكوك سنة 2016 أو 2015 اعتقد حاول تشوفه

[معماري قطري]

الشوتنغ كريت موضحة طريقته أول شيء في الفيديو واللاينر البلاستيك بعده .. كان عند الجبر والحين اظن يسونه ريجنسي وعليه ضمان 10 سنين كل سنة ينقص ضمانه 10% .. ومعلوماتي قديمة يمكن غير الحين


https://www.youtube.com/watch?v=TByNXylImdU

[معماري قطري]

وهذا نظام قريب من اللي ذكرته .. اوفر فلو بقناة مفتوحة ويكون شوي مرتفع وقناته المفتوحة مواجهة مكان الجلوس يبين نزول الماء كالشلال الصغير


https://www.youtube.com/watch?v=CSINcMRTl-o

[eXpert*]

في برك تكون صبية وداخلها قالب من مادة شبيهة للنايلون مب بلاط هذا توفر جداً فيها .

[بوخالد911]

موووفق

[معماري قطري]

في برك تكون صبية وداخلها قالب من مادة شبيهة للنايلون مب بلاط هذا توفر جداً فيها .

اللي يبي يوفر ممكن يستخدم أي بلاط ثاني المهم اللاصق يكون جيد والمونة في اطراف البلاط تكون جيدة ولا تسرب ماي .. فيه نوعيات 9 في 9 تنفع وتستخدم أصلاً للمطابخ 9 في 9 سم .. اللاينر النايلون يهتري بسرعة والضمان عليه يضيع كل سنة 10%

[بوخالد911]

س
لو مثلا برجة بمساحة 6*4
كم التكلفة؟؟

[معماري قطري]

س
لو مثلا برجة بمساحة 6*4
كم التكلفة؟؟

بو خالد التكلفة ممكن تتحكم فيها لو طلبت عدة البركة من فلتر وصخان مياه ومضخة .. والفلتر أنواع ومنه فوق البنفسجي هذا ما يحتاج محلول ومنه الاوزون والاثنين بدون كلور وكيماويات وروائح واخر شيء الرملي والكلور .. بعدين تبني صبية نظافة للأرضية وقاعدة بسمك 15 سم وبمقاس شوي أكبر من مساحة البرجة .. وما فيه داعي تحفر وايد وأحسن توازن بين مستوى أرضية البيت من داخل ومحيط البرجة .. تحتاج كهربائي

انا كلفتني 240 الف بس انا مسوي حمام معاها وصالة ومغطي فوق بحديد وشغل بنيان وتكييف .. البرجة 5 في 7 كلفتني 65 من تدمر بكامل عدتها بس كان الحفر علي وحفرت شوي لأن مستوى الأرض خليته نازل من الاساس ورا البيت واحتديت ادفن حول البرجة

انت لو بتسويها مفتوحة ما تحتاج تكييف وبتقدر بحدود 50 الف تسويها بس الكهربة قصة ثانية واحتمال ما تحتاج قوية