استفسارات قبل البناء لاهل الخبره

[بـومحمد]

السلام عليكم ورحمة الله وبركاته

1- ماهو اقصى ارتفاع لسور البيت ؟

2- ماهو اقصى ارتفاع لسور السطح ؟

3- يصير اجمع الوحدات الخارجيه للمكيفات كله
في جنب واحد فوق سطح البيت علشان استغل المساحه
بدال ماتكون منتشره فوق السطح ؟

4- بخصوص السكه بيني وبين جاري 5 متر كيف اقدر اضمه لارضي وشنو الشروط ؟

هذي اول الاستفسارت وراجعين لكم مع باقي الاستفسارت بعدين 😁

[بـومحمد]

احم احم

[بوخميس]

هالاسئلة جوابها يا عند (رخص المباني) أو عند (بو عبدالله)

[معماري قطري]

هالاسئلة جوابها يا عند (رخص المباني) أو عند (بو عبدالله)

حاضر يا بو خميس لقطر وأهلها وليخسأ الخاسؤون والحاقدون من حولنا ولو حبوا خلهم يسجلوني ارهابي

الأول ارتفاع السور وأي مبنى ملاصق للسور 3 متر ونص حتى الملحق والمجلس .. هذا الأقصى لكن المعقول تسوي السور 2.8 أو 2.7 متر وتخلي المباني 3.5 والبوابة نسيت كم ممكن ترتفع بس انا سويتها 5 أو 6 اعتقد .. وأكيد فيه تجاوزات واستثناءات

سور السطح لازم ما يزيد عن 13.5 ويتسامحون بزيادة شوي حول متر .. وتقدر تسويه بنفس ارتفاع سور البنتهاوس لكن شتستفيد؟

العادة ارتفاع 1.2 متر جيد وانا سويته 1.4 استوى لين وقف حد يبي يشوف تحت بصعوبة يقدر يطل السور مغطي .. أشوف بيت جديد مبني توه رافع السور باني طابوق زيادة يعني بالراحة تقدر تسويه 3 متر أو 2.5 .. 2 للخصوصية كفاية من سقف الدور الأخير لكن بشرط ما يتعدى في المجمل من الحوش ارتفاع 13.5

يصير بس ليش ما تسويها على جانب الحايط للي فوق وعلى الارض للي تحت أو كلها على الأرض في الحوش ومزروع حولها .. أو حل ثاني تقدر تسوي غرف صغيرة للوحدات فوق السطح وتجمعها مع بعض لكن لازم تعزل بايبات الغاز عزل جيد لأنها بتكون طويلة ولازم تسوي غرفتين أو ثلاث حتى ما تطول المسافة وايد وتحط مروحة تشيل الهواء الصاخن في الغرفة وتسوي تهوئة وتفتك من حرارة الشمس المباشرة على الوحدات

كذلك حل متبع في الفنادق والعمارات الادارية يسوون غرف في كل دور لمكاين التكييف مع مراوح تهوئة .. يعني الفندق يكون فيه ممر وخلال المرر باب صغير يدخل على غرفة ضيقة فيها كم وحدة تكييف والتهؤئة عن طريق مراوح .. الغرفة ذي ممكن تكون لها باب خارجي للصيانة وقرب درج الخدمات وتحتاج عرض متر ونص وتتثبت المكيفات على الحائط بحديد وصيانتها تكون سهلة وقريبة والغرفة تكون مسكرة بالكامل ما عدا فتحة التهوئة الكبيرة وبمروحة كبيرة أو مروحتين كل وحدة تشتغل شوي بالتناوب .. بعدين بتستفيد الغاز يتحرك أُفقي ما يضغط كثير على الكمبريسر والغبار اللي يدخل قليل وتخلي نقطة ماي للغسيل

السكة هذي عند التخطيط بس هم لو مسوينها لازم بيمددون فيها وصعب يخلون حد يبني ويحتاجونها أوقات منفذ للطواريء

[بوخالد911]

هلا

بخصوص السكة : غالبا ما يوافقون وحتى لو كتبت كتاب
بيتم معلق الكتاب وبين روح وتعال وللحيين
يعني يزهقووون الواحد ليين ما يمل

[مواقف النجادة]

السلام عليكم
بخصوص السؤال رقم 3
اذا تبي تستفيد من مساحة السطح و ماتبي وحدات خارجية منثره .. مافي الا انك تسوي تكييف مركزي للبيت.. السبلت ما ينفع .. الا اذا تعلق الوحدة الخارجية عالطوفة من الخارج و ماتحطها فوق السطح

او انك تستعمل مكيفات شباك القديمة !! و استبعد حد يسوي هالشيء هالأيام الا في البيوت التجارية

انا في بيتى خذت مخططات الطوابق الأرضي و الاول و البنت هاوس و حطيتهم فوق بعض و حاولت أوزع المكيفات بحيث اجمعهم في صوب و ماقدرت لان بايبات النحاس مالت المكيف لازم تمدها راسياً و ماتقدر تمدها أفقي الا قليل

اذا نويت عالمكيف المركزي خل المهندس المعماري يسوي حسابه اثناء التصميم لان له متطلبات خاصة

بالتوفيق ..

[معماري قطري]

عليكم السلام ورحمة الله وبركاته اخوي مواقف النجادة

بالنسبة للتمديد الأُفقي معمول في كل بيوت أمريكا اللي شفتها .. والتمديد سهل بالعكس يحطون المكيف على الأرض أو يتثبت على الحايط و يمددون البايب في دكت خاص أو بايب أوسع منه سيدة للمكيف .. صيانة المثبت على الجدار بدرج حديد بسهولة ينركب له وصيانة اللي على الأرض موجود عندك .. بعدين لو فرضاً سويتهم كلهم على الارض للسبلت وطلع البايب بكم انحناءة بس دخوله من نقطة الحايط للمكيف يكون سيدة بسهولة ممكن استبداله .. ونقدر نركب الوحدة الخارجية مرتفعة شوي على جنب ويغطيها سور البيت ونمدد البايبات على شكل حرف l

حتى تصريف ماي المكيفات المفروض نستفيد منه للزراعة

[معماري قطري]

سكنت مرة في شقة كانت وحدة المكيف دكت سبلت الخارجية في غرفة مهواة في البلكونة والشقة باردة وكل مكان فتحة تهوئة حتى للمطبخ والحمام يكرم القاريء .. أتوقع كان يكفي الشقة 3 طن وبعدين كان تكييف وتدفئة

[مواقف النجادة]

عليكم السلام ورحمة الله وبركاته اخوي مواقف النجادة

بالنسبة للتمديد الأُفقي معمول في كل بيوت أمريكا اللي شفتها .. والتمديد سهل بالعكس يحطون المكيف على الأرض أو يتثبت على الحايط و يمددون البايب في دكت خاص أو بايب أوسع منه سيدة للمكيف .. صيانة المثبت على الجدار بدرج حديد بسهولة ينركب له وصيانة اللي على الأرض موجود عندك .. بعدين لو فرضاً سويتهم كلهم على الارض للسبلت وطلع البايب بكم انحناءة بس دخوله من نقطة الحايط للمكيف يكون سيدة بسهولة ممكن استبداله .. ونقدر نركب الوحدة الخارجية مرتفعة شوي على جنب ويغطيها سور البيت ونمدد البايبات على شكل حرف l

حتى تصريف ماي المكيفات المفروض نستفيد منه للزراعة

هلا استاذنا معماري
صعوبة المد الأفقي اللي و اجهتي كانت في شغلتين:
الاولى .. الطول الأقصى المسموح لمد بيب النحاس .. حسب شركة المكيفات بيبات النحاس لها طول اقصى اذا عدّاه المكيف ما يبرد ( مااذكر كان 15 او 20 متر) فإذا خليت الوحدة الخارجية فوق الوحدة الداخلية بالظبط يقل طول بيب النحاس اما اذا لم تخليهم فوق بعض بالضبط و مديت افقيا راح يزيد طول البيب خصوصا بين الدور الأرضي و السطح.

الامر الثاني
اذا مديت افقياً هل تخليه فوق السلاب ? اذا فوق السلاب هل بتخلي البلاط فوق بيب النحاس? و اذا اظطريت تغير بيب النحاس هل مستعد تكسر البلاط?
الخيارالثاني انك تمد تحت السلاب و في هالحالة لازم تغطيه بالجبس و بياثر على خيارات ديكورات الجبس عندك و بيسوي تعقيدات

لهذه الأسباب كلها.. كان خيار المد الأفقي غير عملي بالنسبة لي .

طبعاً الكلام هذا كله اذا بتخلي الوحدة الخارجية فوق السطح .. اما اذا بتعلقها خارج الجدار فما عندك مشكلة

تحياتي..

[معماري قطري]

هلا استاذنا معماري
صعوبة المد الأفقي اللي و اجهتي كانت في شغلتين:
الاولى .. الطول الأقصى المسموح لمد بيب النحاس .. حسب شركة المكيفات بيبات النحاس لها طول اقصى اذا عدّاه المكيف ما يبرد ( مااذكر كان 15 او 20 متر) فإذا خليت الوحدة الخارجية فوق الوحدة الداخلية بالظبط يقل طول بيب النحاس اما اذا لم تخليهم فوق بعض بالضبط و مديت افقيا راح يزيد طول البيب خصوصا بين الدور الأرضي و السطح.

هلا فيك اخوي الغالي

غالبية البيوت عرضهم بين 25 و 20 متر .. والمسافة الأُفقية لمنتصف العشرين متر ومحد محتد يحط مكيف في الوسط 12 - 10 متر لكن كثير من المكيفات يكونون قريب الحايط الخارجي والمسافة ولا شيء للوحدة الخارجية لو كانت برا

الامر الثاني
اذا مديت افقياً هل تخليه فوق السلاب ? اذا فوق السلاب هل بتخلي البلاط فوق بيب النحاس? و اذا اظطريت تغير بيب النحاس هل مستعد تكسر البلاط?
الخيارالثاني انك تمد تحت السلاب و في هالحالة لازم تغطيه بالجبس و بياثر على خيارات ديكورات الجبس عندك و بيسوي تعقيدات

لهذه الأسباب كلها.. كان خيار المد الأفقي غير عملي بالنسبة لي .

تحياتي..

والبايب تخليه معمول في الصبية أو السلاب تركب بايب بفتحة عريضة تقدر تدخل بايب النحاس مع العازل بسهولة .. ولو صار شيء استبداله بسحبه نفس اللي ينسحب من فوق .. طرف الدخول من برا ينعزل بالفوم ومن داخل كذلك أو بأي سيليكون أو عازل قوي وممكن فتحه بسهولة

حتى الوحدة الداخلية تسوي لها تجويف في الجدار أسهل ولها باب ألمنيوم مثل الكبت ينفتح للصيانة ومنها تطلع الدكتات للدكت سبلت .. شوف مطعم البرغر برغري اللي عند حديقة اسباير معمول التكييف ورا المبنى على الأرض ومظللين الوحدات عن الشمس .. إدارة أجنبية ما يسوون شيء غلط

[hamadazoz]

السكة صعب تضمها للبيت لكن حاول تستفيد منها. سو ملاحق في الجهه اللي تفتح عليها وبعد اتمام البناء افتح من جهه السكة و اجرها

و تقدر تحط غرفة السواق فيها

[بـومحمد]

تسلم اخوي معماري قطر على الرد الوافي وماقصرت
ومحشوم من وصف الارهابي 😂

[بـومحمد]

اشكرك اخوي مواقف النجاده على الملاحظات ومشاركتك بالنقاش مع الاخ معماري قطر

[بـومحمد]

الاخ بوخالد مشكور على الملاحظه
الاخ حمد زوز فكرتك حلوه بالنسبه لغرفة السايق

[معماري قطري]

تسلم اخوي معماري قطر على الرد الوافي وماقصرت
ومحشوم من وصف الارهابي ��

العفو يا اخوي

التظليل ضروري للمكيفات عن الشمس مع ضمان تهوئة جيدة من الجوانب

بالنسبة لإستغلال السطح أوقات تفكر في هالشيء أثناء التصميم بس في الواقع ما تستغله .. انا سويت صالة فوق 8.5 في 6.1 مفتوحة على ثلاث جهات بدرايش وجهة منهم باب قزاز كبير يطلعك على السطح .. كنت ناوي اقسمها جلسة تلفزيون وصالة رياضية مع مكتبة .. واسوي جدام الباب القزاز برغولا خشب وجلسة خارجية ورفعت سور السطح لمتر و 40 سم ويعطي خصوصية كفاية

ركبت مرايا للجزء اللي للصالة الرياضية وشريت بعض الأجهزة وتمرنت شوي يوم يومين محد شجعني من البيت الا قليل بعدين استوينا متقوقعين في الصالة العلوية حتى تحت ما نقعد .. الجزء الخارجي مخليه بدون مكيفات من التصميم والمكيفات في باقي السطح تشمست فيه يمكن مرتين وبس .. وكنت مجهز كهرباء وماي حق باربيكيو لكن محد شجعني وسوينا منطقة الشواء في حديقة صغيرة صوب الملحق وكانت عملية

ألحين ناوي اسوي بارتشن أقسم الصالة فوق لغرفة ولمخزن لتخزين الشناط وبعض الثياب

[مرتبش]

اضافة بسيطة
الوحدات الخارجية اذا معلقة على الحوائط ولو حتى على ارتفاع بسيط "تبين من خارج سور البيت" البلدية يطلبون تغطيتها بجي ار سي مثلا .. صارت لي السالفة وفي الاخير مشوها لي.
الوارش " سور السطح" تقدر ترفعه على راحتك طبعا تراعي الارتفاع العام للفيلا .. تقدر بهالطريقة تستفيد من السطح لعمل جلسة او حتى خيمة وزراعة بس ترتب التكييف من البداية اسهل مو شرط كل الوحدات في جهة وحدة بس ترتبهم لاستغلال مساحة السطح .. تقدر تبلط السطح لنظافة المكان

[معماري قطري]

اضافة بسيطة
الوحدات الخارجية اذا معلقة على الحوائط ولو حتى على ارتفاع بسيط "تبين من خارج سور البيت" البلدية يطلبون تغطيتها بجي ار سي مثلا .. صارت لي السالفة وفي الاخير مشوها لي.
الوارش " سور السطح" تقدر ترفعه على راحتك طبعا تراعي الارتفاع العام للفيلا .. تقدر بهالطريقة تستفيد من السطح لعمل جلسة او حتى خيمة وزراعة بس ترتب التكييف من البداية اسهل مو شرط كل الوحدات في جهة وحدة بس ترتبهم لاستغلال مساحة السطح .. تقدر تبلط السطح لنظافة المكان

خلها بارتفاع مترين ما تبين من السور وبعدين سهل الوصول لها بدرج عادي وصيانتها

[معماري قطري]

بنفس الوقت المرور حولها في الحوش سهل .. وتقدر تسوي لها قاعدة طابوق طولية من الأساس ملاصقة للحائط وتظليلها تثبته على الحائط .. شفت هذا منفذ في فندق سوفتيل في منتجع سياحي في جزيرة تايلندية وكان منظره كثير زين ولا يلاحظ .. في بيت سكنت فيه في أمريكا كانت الوحدة الخارجية كبيرة وتبين قرب ممر للمشاة خارجي ويمرون أطفال يلعبون على سياكل ولا منعوها هناك .. عندنا معقدين وايد والا المنظر شفيه .. كان الأولى يصلحون نظام البلدية اللي مخلي حاويات القمامة بعضها تنسحب تدخل الشارع والمفروض مبني حولها طابوق بتشكيلة حلوة ومخصص لها مكان ثابت توصله السيارة اللي تشيل