إستفسار : بخصوص المراحيض أحلكم الله

[eXpert*]

السلام عليكم

عندي حمامين - الله يعزكم- وكلاهما المرحاض يسرب رائحة نتنه .

الأدهى والأمر احد الحمامات مربوط فيه تصريف ماء مكيف لصالة اللي بالدور اللي فوق . مما يسبب دخول رائحة الحمام اعتقد من المكيف !

هل الموضوع بسيط ام راح يحتاج تدخل جراحي عميق ؟؟

[@north_star@]

عادة تصريف المرحاض يكون منفصل عن تصريف المكيفات والمغاسل واذا الريحة من نفس الحمام فاكيد اللي ركب المرحاض ما حط ربلات تحت المرحاض عشان تمنع الريحة والتسريب

[معماري قطري]

لو مكيف الصالة قريب من حايط خارجي كنسل تصريفه وسو تصريف خارجي صوب الحديقة بدريل وريح راسك

حل التصريف لازم اللي ركبه سوى شيء غلط واحتمال يصرف على صفاية الماي .. لأن بروحه الماي يكون سد ضد مرور الروائح .. وأوقات الروائح تستوي في فتحة الصرف اللي يصب عليها ماي المغسلة والشاور هذي يتجمع فيها الشعر وبعض الشوائب ومع الوقت تعفن .. حلها صب سائل التسليك من وقت لوقت وسائل قوي يحرق الشعر

شلون نعرف إن الكرسي يتصرف مايه على فتحة صرف الباقي؟

نفتح الغطاء ونسحب السيفون ونشوف الماي وين يتجه .. وأوقات وزنية كوع الصرف للكرسي غلط وتبقى فتحة تسرب هواء راجع من البايب

الحلول موجودة وغالبيتها سهلة بس لازم شخص فاهم يشوف وتوجهه إنت .. لأن بعضهم يقول لك أحسن نكسر الحمام كله ونبنيه مرة ثانية

[eXpert*]

مشكورين على التوجيه .

[معماري قطري]

لو كلش محتد تغير الصرف الصحي للحمام حتى تقدر تسوي تغييرات شاملة مثل تغير أماكن القطع وتسوي الصرف معلق في السقف التحتي .. كل اللي تحتاجه دريل قوي من النوع اللي يقص الخرسانة قص دائري وتمدد تمديد جديد وصحيح .. في هالحالة ركب الوصلة اللي وضحناها في مواضيع عديدة وتسمى بالعربي الرداد وهي سدادة تسمح بمرور المياه وتسكر بعدها

كل البايبات تكون معلقة على السقف التحتي ومغطاة بجبس ما تبين ولو سربت بتشوفها بسهولة ولا تخرب الخرسانة

للحمامات تحت تقدر تسوي الصرف للكرسي مباشر على الخارج تستعمل النوع اللي صرفه أُفقي بدال اللي صرفه رأسي .. بيبن البايب طالع من الحائط وتقدر تغطيه بطابوق واسمنت لو في واجهة ولو صاد خلف البيت ما يأثر