بغيت مساعدة / اهل الخبرة تايلاند

[اخت السهم]

والدي كبير في العمر فوق 60 سنة وبيروح تايلند يعالج ماعندي حد يروح معاة هل لو اتصل في السفارة بيستقبلونة في المطار بس ويوصولونة الفندق ابي هذي الخدمة منهم وهل حد يعرف رقمهم اكون لكم من الشاكرين

[qatarman8008]

مرحبا اخوي..
كلش ماينفع انه يروح بروحه..
حتى لو السفارة سوت الواجب معاه بعد ماينفع..
كل شي في تايلاند مخربط ويضيع..
وهذا رجال كبير ورايح علاج الله يحفظه لكم..
انصحك تاجل السفرة لوقت ثاني يكون انتوا رايحين معاه..

[alwahesh]

بالعكس الامور طيبه وحتى ما يحتاج مساعده من السفاره

اهم شي المساعده من القطريه وشرط يروح على الدرجه الاولى لان المطار متعب وزحمه

اذا تم الاتفاق مع المستشفى انهم يستقبلونه كم المطار عادي لانهم يدخلون الى مكان استلام الشنط ويخلصون الاجراءات بعد استلام الشنط

باقي الزيارات الى المستشفى اعتقد ممكن الاتفاق معهم وطبعا عندهم عرب للترجمه والترتيب

وفي النهايه هم يوصلونه للمطار

للعلم انا اتكلم عن المستشفى الملكي ( واسمه بانكوك هوسبيتال او مستشفى بانكوك)

والفندق يبعد عن المستشفى مشوار 5 دقايق مشي ومقابله مطعم اسلامي رخيص

الله يشفيه شفاء لا يضاهي سقما

[alwahesh]

المستشفى معروف بالملكي لان ملك تايلاند يتعالج هناك

[بوخالد911]

لو تكتبون اسم الفندق وعنوانه وتعطون الوالد
وهو يعطيه التكسي

العنوان سووا منه نسخ
بيكون أفضل.

[qatarman8008]

من واقع تجربة..
المستشفى الملكي اسعارهم مرتفعة واخر شي يقول لك انت بخير ولا تفكر كثير..!!
المستشفى التايلندي اسعاره افضل منه ومستوى الخدمة ممتاز جدا ونتائج الفحوصات ادق من الملكي..

[اخت السهم]

جزاكم الله خير ماقصرتوا ،،،،، ممكن حد يتكرم برقم هاتف المكتب الطبي التابع لسفارة القطرية

[aloosh]

كيف يروح بروحه شايب ومريض يروح بروحه ليش ما تروح معه اذا علاج
ما انصح انه يروح بروحه يبي له من يراكض له في المستشفه واذا ما فيه احد يراقبهم مشكله