الحذر لما تحطون اعلان لطلب خادمه او عامل على مواقع التواصل ا

[مــاي ورد]

السلام عليكم ورحمة الله

للتحذير من فترة حطيت اعلان طلب خادمة هندية في برنامج اعلانات قطري بعد فترة كلمني شخص من الهند ورقم مجهول عالوتس اب ان عنده خادمه بالضبط نفس ما ابغي وبسعر ارخص من المكاتب وضمان ٣ شهور لكن مكتبهم في الهند ويرسلون عمال بقطر بعث لي صورة وحدة ولما طلبت منه صورة جوازها قعد يماطل وبعدين ارسل لي صورة جواز مفبركة وعليها صورة فنانة هنديه ! تخيلو

وطلب ارسل له مبلغ ٢٥٠٠ ريال قطري مقابل مايرسل لي الخادمه وهو بيتكفل بالفيزا وغيرها


الموقف الاخر طلبت عامل لمشروعي
نفس الشي جاني رقم بدايته فتح الخط ٩٤٧ تقريبا نفس فتح قطر بس بالمقلوب ونفس الحركة وهذا كان اذكى مطرش لي ليسن وشهادات لاشخاص ومغير الاسم وطبعا طلب فلوس في النهاية

فتحملوا تحملوا تضيفون مثل هالاشكال او تعطونهم اي مبالغ تراهم يستغلون اي شخص ممكن يكون ساذج نوعا ما وممكن بعض المرات يخلونك تصدق ان هذول مكتب عماله ..

ويتعاملون معاكم عالوتس اب بارقام مجهولة من دول مختلفه وقد تكون ارقام قطرية بالضافه لتزوير المستندات للحصول على مبالغ ..

والسلام عليكم ..




Sent from my iPhone using Tapatalk

[بوخالد911]

شكرا لك للتنبيه.

وكما قيل : السعيدُ من اتعظ بغيره.

[وسمي2016]

جزاك الله خير,,,,تنبيه في محله

[وليف الشوق]

انا مريت بهالمرحلة ونفس الشي اتصل علي واحد وعطاني بطاقته الشخصيه القطرية بحجه انه كان يعمل سابقا في قطر منذ سنوات وهو يعرف احتياج الناس للعماله المنزليه وقعد يقنع فيني واخر شي قلت له طرش الخدامه وثاني يوم ارسل لك المبلغ وعقبه ماشفته ولا سمعت صوته ، احيانا يكون الاعلان عن طلب شغاله في اي طريقة كانت اما من خلال موقع او برنامج او اي وسيلة تكون مفيدة لاني كثير من المرات حصلت على خدامات من طريقة الاعلان واذا صدف ان الموضوع فيه لعبه لازم الواحد يشغل مخه ولا يعطي مجال لاي شخص يضحك عليه الا بوجود ضمان حقيقي اما بوصول الخادمه للبلد او استلام الخادمه من اي شخص كان في قطر

[SouthK]

شكرا على التنبيه

[بومحمد المطاوعه]

اكبر خطأ ان الواحد يتعامل من خلف الشاشات

واشلون ترسلون فلوس وانتو مب متأكدين منه ولا شفتوه جدامكم ,.!!

غريبه الصراحه

انا اتعامل مع هندي يجيب خدم على 5500 ريال

ياخذ 3500 واول ماتوصل ياخذ 2000

والحمدلله قبل لا اسلم له مبلغ 3500 يعطيني صوره من بطاقته وموقع عليها بالوقت والتاريخ ومبلغ الأستلام
وللعلم الهندي دريول في احدى بيوت اهل قطر ,,

ولا اروح اتعامل مع المكاتب الحراميه
12 ألف مادري على شنو
لا ضمان ولا بطيخ
عقب 3 شهور تعتفس وتبي تسافر وتطيح ف راس الكفيل