حادث سيارة واجراءات التحقيق

[معماري قطري]

من فترة ليست بالبسيطة صار حادث والحمد لله جاء بسيط حق سيارة ولدي .. هو طالع ريوس من البيت ووقف ثواني أثناء تبديل سيارته من الريوس ولحظته جاي واحد مسرع وكان طالع من لفة قريبة ما يمديه يسرع سرعة قوية .. بس الظاهر ما انتبه الا متأخر وضرب بريك وسيارته بالون سحبت حول سبعة متر وضربت سيارة ولدي في الزاوية الخلفية

سيارة ولدي الصدام والسطاب انكسر شوي ما احتاج تبديل وتصليحها كلف حول 1000 ريال بس سيارته من قوة صوت الضربة وانا في البيت سمعتها وطليت شفتها تدخل من الباب مرة ثانية .. طلعت حصلت اللي داعمه شاب في بداية العشرين وولدي عنده رخصة تحت التعليم .. الشاب طاح قرب سيارته وطلبنا له الاسعاف سرعة كان فيه ضيق تنفس واغماء .. وجات الشرطة ودورية الفزعة قبل وشرطي المرور كانت درجة ثقافته صراحة تحت الصفر

أي حادث في فريج وبين بيوت سكنية المفروض يصورون السيارات ويقيسون آثار البريك خصوصاً توجد ما تعتبر اصابة .. وبعدين دورية الفزعة المفروض تنتبه للسيارات وللمكان لكن شفت ربع المصاب يشيلون أغراض من سيارته ونبهت ضابط الفزعة لهم قال احنا ما لنا دخل كلم المحقق .. بعدين رحت لمديره وأبلغته باللي صار وباسم الضابط قال ما له حق والمفروض واجبه يحمي السيارات والمكان مثل ما هو

الحمد لله اصابة الشخص بسيطة وطلع من المستشفى ولو ما طلع كانت مشكلة ولدي كبيرة إنه رجع ريوس وليش يرجع ريوس في فريج أو في موقف والخطأ عليه حسب قانون المرور .. زين اللي جاي مسرع أو غير منتبه ومشغول مع الجوال واضح إنه المخطيء وأقلها تصوير للحادث ولظروف الطريق .. قالوا تبي قضية ارفع قضية وكنت ناوي اطلب المحكمة بس مع مرور الوقت تراجعت ودفعت تصليح السيارة الثانية حول 3000 ريال

المسئلة مسئلة مبدأ .. الشرطة يقولون ولدك ما عنده ليسن فعلي فلذلك هو الغلطان .. ومسؤولهم يقول لا الغلط حسب التحقيق والتحقيق يتم بناء على الحادث ولا من اللي متسبب فيه بعدين قصة الرخصة هذي مخالفتها ثانية

السؤال لو طفل يركض ودعمه أي حد في فريج يعتبرون الطفل غلطان؟

ولو السيارة طالع سواقها بمقدمتها مب مريوس وبعد لف وجات الصدمة في الزاوية الخلفية بعد يعتبر غلطان؟ وذاك بيكون داعمه شبه في الخلف

بعدين ليش ما فيه تحقيق واضح وتصوير وحساب حق سرعة السيارة من البريك

الموضوع له حول 5 شهور وشبه ناسيه ولا حبيت اكتب عنه والله يحفظ الجميع لكن اللي خلاني اكتب عنه هذا الحادث وشوفوا الفرق بين تحقيقاتنا وتحقيقاتهم

http://www.orlandosentinel.com/news/fl-reg-delray-lamborghini-manslaughter-case-20170808-story.html

[وسمي2016]

سلامات وماتشوفون شر,,,,والله حفظ ولدك وحفظ
اللي ادعمه والحمد لله والشكر رب العالمين,,,,تجي فالحديد
ولاتجي في بني ادم,,,,وربي يعوضك خير,,,,

المهم: الناس اللي يسرعون في الازقه والفرجان بصراحه
لازم يردعون سواء ولدك عنده ليسن او لا,,,,لو هذا ماكان
مسرع ماكان صار شي,,,,حنا عندنا مكتب والمدخل الخلفي فيه الباركنج,,,,

وشارع ضيق وناس وايد تريوس كل يوم وفي هالشويرع عالم تسرع بعض الاوقات
بشكل جنوني,,,,لا والشارع يمشي في اتجاهين,,,,,خلها على الله,,,,يبيلنا ثقافه
اكثر من هالشكل واجد,,,ومعظم المجندين ملازم واقل حتى لو كان عنده شوية
ثقافه,,,,زحمة الشغل تخليه,,,,بدون عقل,,,,,,,ربي يصلح الامور ونتطور
ونصير احسن من الدول الاسكندنافيه ,,,,,,,,

تبادل المعلومات والاراء شيء جيد وكل يدلي بتجاربه فيه فوايد للمجتمع ككل,,,

[h9466]

الحمدلله على سلامته اهم شي،،،لكن الحين اللي يطلع من بيته بالريوس أو من باركينج فالنفرض باركينج مجمع في هذه الحالة يكون مخالف!?

[معماري قطري]

سلامات وماتشوفون شر,,,,والله حفظ ولدك وحفظ
اللي ادعمه والحمد لله والشكر رب العالمين,,,,تجي فالحديد
ولاتجي في بني ادم,,,,وربي يعوضك خير,,,,

المهم: الناس اللي يسرعون في الازقه والفرجان بصراحه
لازم يردعون سواء ولدك عنده ليسن او لا,,,,لو هذا ماكان
مسرع ماكان صار شي,,,,حنا عندنا مكتب والمدخل الخلفي فيه الباركنج,,,,

وشارع ضيق وناس وايد تريوس كل يوم وفي هالشويرع عالم تسرع بعض الاوقات
بشكل جنوني,,,,لا والشارع يمشي في اتجاهين,,,,,خلها على الله,,,,يبيلنا ثقافه
اكثر من هالشكل واجد,,,ومعظم المجندين ملازم واقل حتى لو كان عنده شوية
ثقافه,,,,زحمة الشغل تخليه,,,,بدون عقل,,,,,,,ربي يصلح الامور ونتطور
ونصير احسن من الدول الاسكندنافيه ,,,,,,,,

تبادل المعلومات والاراء شيء جيد وكل يدلي بتجاربه فيه فوايد للمجتمع ككل,,,

الله يسلمك ولا يراوي مسلم مكروه والحمد لله

القصد من السالفة هو الاجراءات الغلط واللي ما تحمي الناس ولا تكون صحيحة .. الحادث اللي نقلته حتى طلعوا له مقطع تصوير من كاميرا قريبة وقبل قدروا السرعة بأنها 75 ميل في الساعة والسائق يقول 30 وحصلوه في دمه نسبة كحول فوق المعدل المسموح به

لو الرجال تعور واصابته قوية قالوا لي ولدك ينحجز

كان عند بيتنا مطبين ومحطوطين بلجنة من المرور وشلوهم يبغون نسوي اجراءات وطلب ثاني من نفس اللجنة اللي انتقلت لأشغال

[معماري قطري]

الحمدلله على سلامته اهم شي،،،لكن الحين اللي يطلع من بيته بالريوس أو من باركينج فالنفرض باركينج مجمع في هذه الحالة يكون مخالف!?

نعم حسب كلام الشرطة ولا يهتمون حتى بقياس سرعة اللي صادمه .. زين مكان الصدمة في الزاوية الخلفية وشبه داعمه من ورا قالوا ما علينا يمكن هو ما زال يريوس

[معماري قطري]

العادة في الفرجان وتوها السيارة طالعة من لفة واللفة تبعد حول 50 متر ما يمديه يسرع لكن مؤكد كان دايس حتى قبل اللفة .. بغيت اقول العادة السرعة 50 بس بعد هذي السرعة خطرة ولازم يخفف الواحد وينتبه للي بيطلع من بيته أو حد مار يمشي

[سالم الزهران]

الله يستر، وان شاء الله آخر المشاكل

اما تعليقي ، فاحياناً تنسى الحادث من اللي تشوفه من رجال المرور والدوريات

كلهم يتهربون من المسؤولية او بالاصح ما يبون ياخذون لهم شغلة تشغلهم

[معماري قطري]

الله يستر، وان شاء الله آخر المشاكل

اما تعليقي ، فاحياناً تنسى الحادث من اللي تشوفه من رجال المرور والدوريات

كلهم يتهربون من المسؤولية او بالاصح ما يبون ياخذون لهم شغلة تشغلهم

تذكرت سالفة ثانية هذي صارت لي .. فريجنا داخل شوارعه تحولت دواعيس من كثر السيارات واستوى الطريق يمرر سيارة وحدة ومن الجنبين سيارات واقفين عند الحوائط .. واصل لفة وامشي تقريباً 0 ومضطر اخذ وسط الطريق لأن يميني سيارة ويساري سيارة تفاجأت ببتان صغير يسوق باجيرو ومركب على الصدام زوائد حديدية المفروض ممنوعة .. خان يسوق ومستانس ويطالع ربعه عند دكان في زاوية الشارع ولا بمنتبه لي .. سويت هرن ويضرب بريك برجله الثنتين وتزحف سيارته وتضرب مقدمة سيارتي وتشق الرديتر .. سرعته يمكن 20 بس من غفلته ما قدر يوقف وسيارتي كانت جي

جاو الشرطة وطلع هذا توه ماخذ ليسن أمس .. وكنت متأكد 1000% إن الحق معاي لكن المحقق اسمه ضياء وشكله باكستاني لكن يتكلم قطري بلبل بس حط الخطأ مشترك .. غير بدل ما فيه فايدة .. سئلني كم يمشي قلت أقل من 30 ويمكن 20 .. قال من حقه يمشي 50 زين على لفة .. قال انت المفروض تاخذ يمين الطريق .. زين فسر لي شلون باقدر اخذ يمين وما فيه مجال السيارات مسوين الطريق مسار واحد

[بوخالد911]

الحمدلله على السلامة.
الاهمال صار بكذا جهة.

[معماري قطري]

الحمدلله على السلامة.
الاهمال صار بكذا جهة.

الله يسلمك اخوي بو خالد

ما ادري يشوفون يمكن الواحد قطري يحطونه غلطان .. المشكلة تحصلهم ما يطبقون اجراءات صحيحة وتدقيق .. قبل كانوا يقيسون .. الضابط يقول لي بريك السيارة حتى لو تمشي 30 تسحب شسوي له يعني اراويه تجربة عملية .. فرق بين سحبة متر أو متر وسحبة 7 أمتار .. انا قستها بالخطوات خطوة متوسطة وطلعت 8 قلت للتصحيح باحسبها 7 .. والمهم فوق 5 معناها يمشي فوق 50

زين مرة شفت واحد مسرع من قلب وسيارته صوتها قوي مركب دبة .. قلت الحقه واوقفه مشيت وراه تقريبا وصل فوق 100 يوم وصل شارع شبه رئيسي وفيه رصيف في الوسط يفصل السيارات خفف تم يمشي يمكن 40 .. والله استغربت وقلت سكنهم مساكنهم ومشيت عارف لو موقفه بادخل في لغوة ما لي منها فايدة

[بومحمد المطاوعه]

التحقييق خربطيشن طلع


الحمدلله على السلامه

[السكين]

التحقيق بالحادث أشبهه بتشخيص المرض ، مع إحترامي لقوانين المرور أشوف إنه التحقيق يجب أن يكون بناءاً على تفاصيل الحادث ونوعه ، أنا أول ما أخذت الرخصة كنت بدواعيس بن محمود وراء الصالون الأزرق تقريباً ، كان في شارع منحني وبنصه في لفة عاليمين صعب تظهر للسائق ، تفاجأت بتاكسي أيام البرتقالي واقف ولما صار بيني وبينه متر طلع بسرعة غريبة ضرب مقدمة السيارة وحذفني للجهة الثانية وما وقفني غير خزانات ماي ، ولما جات الشرطة بلسانه قال لي : هئا الشارع فيه خطأ مافي لوحة تنبه بوجود شارع فرعي وتسبب بحوادث كثيرة ..صحيح طلع التاكسي غلطان بس أنا تبهدلت سيارتي وسيارته والتاكسي كان فيه رجال وزوجته كبار بالسن وبالتحقيق ما ذكر انه يوجد خطأ بتصميم الشارع أو نقص لوحه إرشادية !


أنا حالياَ ساكن بفيلا جديدة وبمنطقة جديدة ما تم رصف الشارع قدام الفيلا ، رغم انها تقع على جانب شارع تجاري مهم ، وقت المطر تتجمع بركة كبيييرة قدام البيوت وتتم شهور لما تروح كأنها بحيرة ، وسكن جنب البيت عائلة عندهم ولد طائش كان يسوق بدون رخصة وحالياً عنده رخصة بس يسوق الجي اكس بسرعة جنونية قدام البيت واذا كان فيه مطر يدخل البركة بسرعة لدرجة الماي يدخل حوش بيوت الجانبين غير الطين اللي على السيارات ، وحالياً لما اطلع من الكراج بالريوس كم مرة باخر لحظة انتبه له لانه الشارع فاضي فيكون جاي مسرع وبثواني احصله وراي غير حنة السيارة والتنفخ وطااخ طيخ سيارته مزودة ..مبهدلنا بصوتها .. دايماً أفكر واقول لو دعمني من الغلطان ؟ خاصة الشارع غير مرصوف !

[monatee]

الامثله كثيره للاسف

المرور نفسهم محتاجين مرور يعلمهم

[Riku3]

شي غريب .. قبل كم سنة شخص اعرفه كان رايح يوم العيد يشتري اضحية وكان الشارع متحول من 3 سيود الى سيدين فقط من كثر السيارات وهو كان واقف غلط مع الناس ..

المهم وهو يحاول يطلع السيارة من بين السيارات .. دخل على الخط وكان متوقف توقف كامل بس بالعرض .. وهنا جاه واحد دعم سيارته .. تخيل رد الشرطي ؟ .. الغلط على الشخص الي دعم السيارة لان ما انتبه للشارع وليس العكس !! .. للحين اتذكر الجملة الي قالها الرجال ان الشرطي قال للشخص لازم تنتبه للطريق ودام ان الشخص واقف وانت ما انتبهت للطريق فالغلط عليك .

وكنت دايما حاط هالقاعدة في بالي .. بس يبدو ان على حسب مزاج الي يسجل الحادث :/ .

[مشلاقي]

من مده بسيطه كنت واقف بنص دوار الصدفه بالوكره بحكم الاشاره الضوئيه وكانت تقف بجانبي على اليمين إمرأه وعند تحول الاشاره الضوئيه للون الاخضر تحركت بقصد الذهاب باتجاه دوار مسعيد وبنفس الوقت ارادت هذه المرأه ان تلف الدوار وترجع للدوحه فصدمت سيارتي وكانت هي موقنه انها غلطانه ولكن عندما
اتى الشرطي قلب الغلط علي فما كان مني الا ان جادلته حتى علا صوتي وصوته وقلت له اريد رؤية الضابط وفعلا ذهبنا للضابط والشرطي على ثقه من كلامه ولحسن الحظ او بالاحرى لاخلاق الضابط العاليه وعلمه ايضا بالقوانين قال لي سوف ندرس الحادث وتعال بالغد وفعلا توجهت في اليوم التالي وعندما رأني الشرطي صد عني كأنه لا يعرفني وتوجهت للاستقبال لاستفسر والحمدلله كان القرار من صالحي وكان السر في الخطوط الارضيه التي تكون قبل دخول الدوار والتي توضح سير المسارات والتي كان يجهلها هذا الشرطي
ولذلك من كان يعتقد ان لديه الحق ان لايستسلم لقرارات شرطي ممكن ان لا يكون لديه درايه كامله عن القوانين

[معماري قطري]

التحقييق خربطيشن طلع


الحمدلله على السلامه

الله يسلمك اخوي بو محمد

ما ادري تصير تدخلات أو واسطات صراحة ما ادري شلون بس لو لا قدر الله اللي صادم سيارة ولدي تعور وهو حتى ما كان متحزم كانت مشكلة ولدي كبيرة وحتى كانوا يبون ياخذونه للمركز في سيارتهم قلت انا باخذه في سيارتي وما خلونا نرجع الا بعد ما تأكدوا من المستشفى إن حالته جيدة

[معماري قطري]

التحقيق بالحادث أشبهه بتشخيص المرض ، مع إحترامي لقوانين المرور أشوف إنه التحقيق يجب أن يكون بناءاً على تفاصيل الحادث ونوعه ، أنا أول ما أخذت الرخصة كنت بدواعيس بن محمود وراء الصالون الأزرق تقريباً ، كان في شارع منحني وبنصه في لفة عاليمين صعب تظهر للسائق ، تفاجأت بتاكسي أيام البرتقالي واقف ولما صار بيني وبينه متر طلع بسرعة غريبة ضرب مقدمة السيارة وحذفني للجهة الثانية وما وقفني غير خزانات ماي ، ولما جات الشرطة بلسانه قال لي : هئا الشارع فيه خطأ مافي لوحة تنبه بوجود شارع فرعي وتسبب بحوادث كثيرة ..صحيح طلع التاكسي غلطان بس أنا تبهدلت سيارتي وسيارته والتاكسي كان فيه رجال وزوجته كبار بالسن وبالتحقيق ما ذكر انه يوجد خطأ بتصميم الشارع أو نقص لوحه إرشادية !


أنا حالياَ ساكن بفيلا جديدة وبمنطقة جديدة ما تم رصف الشارع قدام الفيلا ، رغم انها تقع على جانب شارع تجاري مهم ، وقت المطر تتجمع بركة كبيييرة قدام البيوت وتتم شهور لما تروح كأنها بحيرة ، وسكن جنب البيت عائلة عندهم ولد طائش كان يسوق بدون رخصة وحالياً عنده رخصة بس يسوق الجي اكس بسرعة جنونية قدام البيت واذا كان فيه مطر يدخل البركة بسرعة لدرجة الماي يدخل حوش بيوت الجانبين غير الطين اللي على السيارات ، وحالياً لما اطلع من الكراج بالريوس كم مرة باخر لحظة انتبه له لانه الشارع فاضي فيكون جاي مسرع وبثواني احصله وراي غير حنة السيارة والتنفخ وطااخ طيخ سيارته مزودة ..مبهدلنا بصوتها .. دايماً أفكر واقول لو دعمني من الغلطان ؟ خاصة الشارع غير مرصوف !

زين المفروض يكتب تقرير بسيط يرسله للقسم الهندسي يشوفون حل سريع .. وهذا الحال في كثير من الشوارع

أما عن سرعة الشباب في الشوارع الداخلية وكثيرين غيرهم هذي يبي لها كاميرات مراقبة تصوير وبث حي لغرفة العمليات والمتهور والمسرع سرعة كبيرة يبين بدون قياس السرعة بالضبط .. وشوف الالتزام بعدين .. اللي أعرفه إن فيه خطة لتغطية جميع المناطق بهذي الكاميرات بس متى الله يعلم

يعني مثل ذيه على منطق المرور يكون معاه الحق وانت غلطان خصوصاً إنك طالع ريوس .. الطلوع ريوس استوى جريمة مرورية

[معماري قطري]

من مده بسيطه كنت واقف بنص دوار الصدفه بالوكره بحكم الاشاره الضوئيه وكانت تقف بجانبي على اليمين إمرأه وعند تحول الاشاره الضوئيه للون الاخضر تحركت بقصد الذهاب باتجاه دوار مسعيد وبنفس الوقت ارادت هذه المرأه ان تلف الدوار وترجع للدوحه فصدمت سيارتي وكانت هي موقنه انها غلطانه ولكن عندما
اتى الشرطي قلب الغلط علي فما كان مني الا ان جادلته حتى علا صوتي وصوته وقلت له اريد رؤية الضابط وفعلا ذهبنا للضابط والشرطي على ثقه من كلامه ولحسن الحظ او بالاحرى لاخلاق الضابط العاليه وعلمه ايضا بالقوانين قال لي سوف ندرس الحادث وتعال بالغد وفعلا توجهت في اليوم التالي وعندما رأني الشرطي صد عني كأنه لا يعرفني وتوجهت للاستقبال لاستفسر والحمدلله كان القرار من صالحي وكان السر في الخطوط الارضيه التي تكون قبل دخول الدوار والتي توضح سير المسارات والتي كان يجهلها هذا الشرطي
ولذلك من كان يعتقد ان لديه الحق ان لايستسلم لقرارات شرطي ممكن ان لا يكون لديه درايه كامله عن القوانين

زين والله أنصفوك بسرعة انا حولني مدير التحقيق لملازم ثاني والمدير فاهم وحقاني لكن الملازم يدافع عن اللي معاه وكأنهم دوم صح .. عارف لو طلبت محكمة ممكن يطلع الحق معاي بس قلت ما تسوى روحات وجيات وكلها مبلغ بسيط

أعرف شخص سوداني قرب على الإشارة وهي بتتحول حمرا وارتبك وغير مساره فجأة مع نية الوقوف .. وراه جاي دسكفري للشرطة بنية المرور في الأصفر .. تفاجأ بهذا اللي لاف عليه ودعمه من الخلف سيتات سيارته الخلفية انعدمت والحمد لله ما فيها حد

الغلط طلع على السوداني وقبل ليركبون كاميرات عند الاشارات طلب محكمة والقاضي قرر إن الغلط على سيارة الشرطة وعوضوه .. كنا نضحك معاه نقول له إنت أول زول يندعم من ورا ويحطون الغلط عليه

[معماري قطري]

شي غريب .. قبل كم سنة شخص اعرفه كان رايح يوم العيد يشتري اضحية وكان الشارع متحول من 3 سيود الى سيدين فقط من كثر السيارات وهو كان واقف غلط مع الناس ..

المهم وهو يحاول يطلع السيارة من بين السيارات .. دخل على الخط وكان متوقف توقف كامل بس بالعرض .. وهنا جاه واحد دعم سيارته .. تخيل رد الشرطي ؟ .. الغلط على الشخص الي دعم السيارة لان ما انتبه للشارع وليس العكس !! .. للحين اتذكر الجملة الي قالها الرجال ان الشرطي قال للشخص لازم تنتبه للطريق ودام ان الشخص واقف وانت ما انتبهت للطريق فالغلط عليك .

وكنت دايما حاط هالقاعدة في بالي .. بس يبدو ان على حسب مزاج الي يسجل الحادث :/ .

ما تخيلت الموقف صح بس اتوقع السيارة المصدومة داخلة مسار ثاني وواقفة في الزحمة مسكرة مسارين تقريباً وواحد صدمها .. طبيعي اللي صدمها لازم ينتبه ويتسامح ويخليها تمر وفي حال الاصطدام يكون الغلط عليه خصوصاً فيه زحمة .. لكن لو الوضع عادي وهو دخل فجأة على مسار ثاني ووراه سيارة قريبة ما قدر سواقها يتفاداه الغلط على السيارة اللي داخلة

[بومحمد المطاوعه]

الله يسلمك اخوي بو محمد

ما ادري تصير تدخلات أو واسطات صراحة ما ادري شلون بس لو لا قدر الله اللي صادم سيارة ولدي تعور وهو حتى ما كان متحزم كانت مشكلة ولدي كبيرة وحتى كانوا يبون ياخذونه للمركز في سيارتهم قلت انا باخذه في سيارتي وما خلونا نرجع الا بعد ما تأكدوا من المستشفى إن حالته جيدة


اي من ناحيه التأكد اذا بخير الريال ولالا هذي لازم

بس الي يضحك ان التحقيق مب عدل
اما باقي الاجراءات تقدر تقول هذي لازم لان تصير مشاكل ترى
في ناس تدعم وتحرك وفي ناس تتعمد للدعم ف اهم مايدرون الا لين تكلم الداعم ويقول عن الوضع بالضبط

بعضهم يطيحون غيبوبه وياكلها المتضرر

ف هذي اجراءات تمشي على الكل
لكن التحقيق والتخطيط هذي خربطه

[بومحمد المطاوعه]

الطلوع ريوس استوى جريمة مرورية

على كيفهم تطلع بالريوس ممنوع .؟

عيل اشلون اصف ف بيتي مثلآ ..؟

خلاص خل يوزعون للناس اراضي كبيره علشان الواحد يعرف يدور بموتره داخل البيت ويطلع عدل

[معماري قطري]

بيتنا بو محمد صغير 1200 الأرض بس كل سياراتنا نقدر نطلعها عادي ودوم اوصيهم ما يطلعون ريوس بس ولدي ما يهتم

المشكلة بين سور البيت والشارع حول 3 أمتار والشارع ضيق .. أوقات سيارات يوقفون بميلان بسيط ويبقى جزء في طرف الشارع الواحد لازم يلف عنها ويدخل المسار المقابل .. الناس يتفاهمون خصوصاً اللي يمشون بعقل وهم مهما يكون داخل فريج وواجب عليهم السواقة تحت ال 50 والانتباه .. لكن يجي واحد طالع من لفة ودايس تعرف السيارات ألحين بسهولة توصل 100 وحتى فوقها والتحقيق يقدر يعرف سرعة هذا الشخص ببساطة من قوة الصدمة ومن مسافة البريك .. بس لازم يصورون

باحط صورة جوية للموقع إن شاء الله

واحد من الشباب عنده بعد رخصة تحت التدريب .. مسكين مار عند مدرسة الا ولد ناط من السور وطايح جدام سيارته .. ما قدر يتفاداه صدمه وتوفى الولد وهو من جنسية عربية .. بهدلوا اللي داعم وكأنه قاصد وعائلة المتوفي طالبت بالقصاص .. شدعوى قتل متعمد ولدكم طاب من فوق جدام سيارته .. بعدين طالبوا بمبلغ كبير والمحكمة حكمت بالدية الشرعية

وحالات دهس المشاة كثيرة والسبب ببساطة المشاة لكن الغلط على السواق .. شلون يقدر يوقف السيارة وهي تمشي 60 وهذا نط في وجهه فجأة وهذا كذلك يحتاج لقوانين حديثة وأماكن المشاة معروفة .. أكيد في فريج سرعة السيارات فيه 50 المفروض الحق للمشاة لأن ممكن حد يقطع الطريق يرمي القمامة وواجب الاثنين الانتباه السائق وقاطع الطريق وهذا مطبق في غالبية دول العالم .. لكن انا امشي في طريقي فجأة واحد ينط جدامي والشارع 60 وفوق ولا فيه معابر واضحة هذي يفترض يكون فيها قانون مفصل يحط الغلط على من

[ناسداك]

بصراحة بعض شرطة المرور لا يفهمون اصلا القوانين اعتقد بسبب تدني مستواهم الدراسي

[فيصل99]

اي شي طبيعي كثير من التهور والمزاجيه تصدر في قرار الشرطي الغلط على من ، وللأسف أغلب الأفراد يفتقدون للخبرة والتحليل المنطقي على المتسبب .
مع أنه فيها سالفه روح وتعال ، بس ليتك ما سكت عن حقكك .

[ناسداك]

اعرف واحد شايب ما وافق على تقرير الشرطي و طلب محكمة و اخذ حقه

[هيليوم]

الحمد لله على سلامة ولدك اخوي معماري

المرور حزات يطيح الواحد مع شرطي ما يبي يعور راسه واذكر صارت معاي قبل فترة واحد دعمني في تقاطع وكان هو غلطان وكان معترف ورحنا المرور ويوم الشرطي سأل من الغلطان قال أنه غلطان من نفسه ويوم دخلنا داخل وعاد الشرطي السؤال مع خريطة قام حاول يلعب في الكلام ويطلع نفسه منها والشرطي ريح راسه وقال تفاهموا !! نتفاهم على شنو ؟ رفع ضغطي خصوصا ان الحادث بعيد عن البيت وعندي مشاوير ومب فاضي أطول سالفة الحادث بس الحمد لله شرطي ثاني شافني وسأل عن الموضوع وقلت له وتصرف وخذت حقي

[الاعرابي]

السلام عليكم
اخواني قبل كم يوم دعمني هندي في الدوار من وراء
والفرد مال الشرطة جاء وحط الخطا علي والهندي المشكلة دش الدوار مسرع طاير ودعمني وانا ف الدوار وابي الف يمين
المشكلة سجلو علي الخطا وكاتبين الدعمة من الجنب وهي من وراء ... وماعرف ايش وانا مش مقتنع الصراحة ان الخطا علي
ممكن حد يوضح لنا كيف اجراءات المحكمة وكم تكاليفها وهل يحق لي ان اشتكي على اسلوب الشرطي معاي؟

[SouthK]

اول شي تستاهل سلامة الولد .. يروح الحديد و لا يصيده شي

عندنا وايد من منتسبي جهاز الشرطة ما عندهم إلمام بالقوانين فأغسل يدك .. المواطن حقه ضايع!