مغامرات في اوروبا ( مساعده )

[كايد الوكره]

السلام عليكم ..

الرحله : في ثاني ايام العيد الاضحى
الوصول فرانكفورت
المغادره ميلان ..
المده 8 ايام ( الرحله شباب )

المخطط المبدئي ( بون .. بادن بادن او سترسبورغ .. انترلاكن .. ميلانو )

الهدف :
يورب بارك ( رست ) .. سكيتنق ع الثلج ( تتلس ) .. تجربه البارشوت ( انترلاكن ) .. تجربه القوارب في ( فينيسيا ) ..
الزحليقه الصيفيه والزحليقه الجويه ..

من خلال تجاربكم هل فيه مغامرات تستحق التجربه غير المذكورين ..
بإمكانكم تعديل مخطط الرحله ..

شكراً جزيلاً مقدماً

[ذكي جدااا]

مرحبا. عندي ملاحظة على المسافات بين المدن فرانكفورت وفينيسيا وميلان ماادري هل شفت الخريطة. اتوقع يبقى لكم ترتيب للمخطط

[monatee]

المسافات بعيده وايد

بديتوا وسط المانيا ونازلين على الجنوب ( اوك تمام )
بعدها وسط سويسرا ( ممكن )
فجأه اقصى شرق ايطاليا ( فينيسيا ) والعوده من غربها ( ميلان ).. ( هنا المشكله ) :con2:

و 8 ايام غير كافيه

[monatee]

مخطط آخر ممكن يعجبكم

بما انها 8 ايام

الوصول زيورخ والعوده فرانكفورت

اليوم الاول : زيورخ

اليوم الثاني والثالث : مدينه لوسيرن ( زياره قمة تتلس و وقمة بلاتوس وزياره سريعه لمعالم المدينه والبحيره )

اليوم الرابع والخامس : انترلاكن ( تجربه البارشوت وزياره اي من المزارات السياحيه القريبه )

اليوم السادس و السابع : السكن في فرايبورغ او رست ( يوم لزياره يورب بارك ويوم لزياره بادن بادن او سترسبورغ او كولمار )

اليوم الثامن : فرانكفورت


ممكن تلغي اليوم الاول والثامن واتضيفهم لاي منطقه لتصبح 3 ايام
ولين وصلتوا زيورخ تطلعون دايركت على لوسيرن بالسياره
ونفس الشي بعد ماتنتهون من فرايبورغ او رست تطلعون دايركت على مطار فرانكفورت