** ابي ابني غرف **

[ضوى]

السلام عليكم ورحمة الله وبركاته ،،

اتمنى من اصحاب الخبرة والدراية انه يفيدني ، عندي مساحة في الحوش حول عشر امتار في سبعه يمكن اكثر مدري ابي ابني فيها دورين كل دور ثلاث غرف وحمامين وافتحهم عالفيلا عندي شنو الاجراءات اللي لازم اسويها كبداية ، يعني عطوني الخطوات ووين اتجه .

مع خالص الشكر والتقدير مقدماً لكل من يساعني ويدلني ويوجهني

[بن غيث]

مكتب استشاري لعمل الخرائط اللازمة مع ارفاق الخرائط للفيلا
ثم الموافقات الرسمية .. بلدية كهرماء
ثم التنفيذ

[معماري7]

السلام عليكم ورحمة الله وبركاته ،،

اتمنى من اصحاب الخبرة والدراية انه يفيدني ، عندي مساحة في الحوش حول عشر امتار في سبعه يمكن اكثر مدري ابي ابني فيها دورين كل دور ثلاث غرف وحمامين وافتحهم عالفيلا عندي شنو الاجراءات اللي لازم اسويها كبداية ، يعني عطوني الخطوات ووين اتجه .

مع خالص الشكر والتقدير مقدماً لكل من يساعني ويدلني ويوجهني

هذه تسمى بمشاريع الاضافة
ويجب ان تحدد نوع الاضافة بشكل اوضح

مثلا :
المساحة المتوفرة لك هل هي ملاصقة للفيلا لو كانت ملاصقة للفيلا يمكن عمل دورين ولابد لك لالالتزام بالارتدادت القانونية

اما اذا كانت المساحة منفصل عن الفيلا
فتعامل معاملة الملاحق ولا يسمح لك بعمل دورين ولابد لك ايضا من الالتزام بالارتدادت القانونية.

اول خطوة تذهب لمكتب استشاري يقوم بالاجراءات والخرائط واستخراج الرخص

والله الموفق

[ضوى]

شاكرة لكم اخواني ماقصرتوا

استعنت باستشاري حسب ماقلتوا لي وصدمني بموضوع الارتدادات انه يجب يكون الارتداد خمس امتار بهالمنوال راح تكون المساحه وايد صغيرة قالي غرفتين ممكن مع حمام صغير لكن ثلاث بتكون الغرف حدها ثلاثه في ثلاثه وايد المساحه كبيرة للارتداد يعني ممكن الاستفادة منها بس مب عارفه هل ممكن استثناء موضوع الارتداد عالاقل بثلاث امتار مدوي ، المهم الموضوع عنده بيسوي لي تصور واقعي للاضافه وراح اوافيكم بالتفصيل ان شاء الله

[بن غيث]

بيسمنت

[ولد المنصور]

ممكن ممكن تسوين اللي تبينه ,, وعند استخراج إتمام البنا ء بيطلع عندج مخالفات الارتداد ات , ودفعيها ..

[ضوى]

وان جاني ولد حلال وقال ازالة ؟ او غرامة تكسر الظهر ؟

[ولد العرب]

شيكي الخاص خيتو

[معماري قطري]

شيء مهم يمكن نسوه الربع وحتى الاستشاري .. اللي هو الارتداد لو جانبي يرضون بحتى لمسافة متر ومتر ونص شيء مضمون بس بدون نوافذ علوية في الأول والقصد منه عدم الاطلالة على الجار .. ممكن نسوي كسرة داخلية أو منور مفتوح للسماء لنوافذ ما تكون مطلة

بعدين الغرف الصغيرة أوقات تترتب زين وتسد حاجة .. يعني مثل 3 في 5 .. تعطيها شوية طول وتكون مقسومة لمدخل ودورة مياه والباقي جلسة صغيرة ومكان السرير اللي في أكبر مقاس له يكون 2.1 في 2.05 + الطاولات الجانبية ممكن نختارها صغيرة حتى بحدود 40 سم ولا تاخذ مساحة .. ولو الغرفة لشخص السرير متر ونص في مترين كفاية وتبقى عندنا سعة جيدة

[بوجاسم_قطر]

الارتداد ظ¥ متر هذا فقط مطلوب كرتداد امامي، اذا جانبي استاذنا معماري قطر كفى ووفى

[معماري قطري]

الارتداد ظ¥ متر هذا فقط مطلوب كرتداد امامي، اذا جانبي استاذنا معماري قطر كفى ووفى

ألحين الإخت ضوى خلصت فلوس البنيان في سفرة .. صكوا الطريج في ويهها الاستشاريين

[ضوى]

للأسف اخوي معماري ماضبط الموضوع ما اصفى الا على كم متر ماتسوى ، حليت الموضوع بطريقة اخرى ولله الحمد ضبط

[معماري قطري]

للأسف اخوي معماري ماضبط الموضوع ما اصفى الا على كم متر ماتسوى ، حليت الموضوع بطريقة اخرى ولله الحمد ضبط

الله يوفقج في أي اختيار تختارينه